'Zuena da HITZA' podkasteko hirugarren atalean Irati Erauskin 'La Panto' hondarribiarra izan da protagonista. Sakon hitz egin du hedabidearekin.


Elkarretaratzea egin dute Donibanen euskal presoen eskubideen alde, eta Oarsoaldeko 22 gazte auzipetuei babesa emateko. Hilaren 18an, 19an, 20an, 26an, 27an eta 28an epaituko dituzte gazte horiek Espainiako Auzitegi Nazionalean, Madrilen. “2007tik Jarrai-Haika-Segi erakundeak Espainiako Auzitegi Gorenak terrorista bezala izendatu zituenetik atxiloketak, torturak eta jazarpenak izan dira gazteen kontra. Gazte horiei guztiei atxikimendua adierazi nahi diegu”, esan dute Donibaneko Amnistiaren Aldeko Mugimenduko ordezkariek. Bestalde, ezker abertzalea duela urte eta erditik “bake prozesuan sartuta” dagoela nabarmendu dute, eta Espainiako eta Frantziako estatuei egotzi diete “bakea bultzatu eta errespetatu beharrean, prozesu hori oztopatzeko edozer gauza egiteko prest” daudela, “beraien errepresio politikarekin jarraituz”.

Zonaldeko Udaberri Txapelketa irabazi du Donibane Zangitu (Errenteria, 1990) gazteak. Txapelketa eskuratzea ez da erraza izan, ikasketak eta kirola uztartu behar dituelako. Garaipena momentu onena pasatzen ez dabilen Pedro Mari lagunari eskaini dio, emandako babesarengatik. Zorionak txapelarengatik. Pozik al zaude? Bai bai, pozik. Zer moduz joan zen finala? Emaitzari begiratuta (22-14) erraz irabazi zenuela dirudi, baina hala izan al zen? Hasieran nahiko berdinduta egon ginen, 9-9ra arte. Hortik aurrera aurrea hartu nuen. Finala, bestalde, ez zen partida polita izan, baina, gutxienez, irabazi egin nuen; hori zen garrantzitsuena finalera iritsita. Espero zenuen irabaztea? Ez. Lehiaketa hasi genuenean ez nuen espero irabaztea. Baina finalera iritsi gara, eta irabazi egin dugu. Udaberri Txapelketa orokorrera ez zinen pasatu hasierako fasean hirugarren geratu zinelako. Pena izan zen, ezta? Bai. Tokatu zitzaidan taldea nahiko zaila zen. Bazegoen bat profesionala izandakoa zena, eta ezin nuen ezer egin. Lehenengo partida galdu nuen. Guztira, hiru partida irabazi nituen eta bi galdu, baina ez zen nahikoa izan. Hala ere, nola ikusi duzu zure burua txapelketan zehar? Ni nahiko ongi aurkitu naiz egin ditudan entrenamenduak kontuan hartuta. Gasteizen nabil ikasten, eta noski, ia ezin dut entrenatu. Finalera iristeko, eta irabazteko, oso ongi ibili naiz. Maila hauetan, ordea, zaila izango da tokia [...]

08:00etan: Diana. 08:00etan: Abere lehiaketa, Urdanibia plazan. Irungo Kurpil Kirolakek antolatua. 10:00-12:00: Trikitilariak, bertsolariak eta herri kirolak Urdanibia plazan. 13:00etan: Abere lehiaketako sari banaketa. 18:00etan: Profesionalen pilo...

Festa, festa eta festa. Jai giro itzelean bizitu zuten atzo irundarrek sanmartzialetako egun handia, San Martzial eguna, alardearena. Aurten ere bi desfile egin dira, eta biek ala biek jaso dituzte publikoaren txaloak, Tradizionaleko hogei konpainiek eta Parekideko hamarrek, eta bakoitzeko mandoek, noski. Itxi gabeko zauriek diraute, baina azken asteetan alde guztietatik giro onaren aldeko mezuak bota dira, eta bi desfile egiten direnetik girorik hoberena sortzen lagundu dute. Bi alardeek normaltasun ia erabatekoz egin zuten beren ibilbidea, San Juan plazako obrek eragindako traba txikiak salbu. Ohikoa denez, politikoen artean banaketa egon zen alarde bati edo besteari sostengua ematerako orduan. Hala, PSE-EE (Alkatea tarteko), EAJ eta PPren zinegotziek Alarde Tradizionalari egin zioten txalo, eta Ezker Batukoa eta Bildukoak mistoa babesteko atera ziren balkoira —Lohizune Txarola Batzar Nagusietako presidentea tartean—; hauekin izan ziren Martin Garitano ahaldun nagusia, Maria Silvestre Emakundeko zuzendaria eta Genero Indarkeriaren Biktimen Arretarako Bulegoko zuzendari Mariola Serrano. Agindutako orduan abiatu ziren goizeko zein arratsaldeko desfileak. Goizean, 07:40ean hasi zen tradizionalena, eta 10:10ean Parekidea. Arratsaldez, berriz, 17:30ean abiatu dira parekidekoak, eta ordubete beranduago, tradizionalekoak. Ez zioten elkarri trabarik egin, eta Jaurlaritzako Barne Sailak ezarritako ordutegiak errespetatu zituzten. Gaur, Baserritar Eguna Gaur amaitzen dira sanmartzialak, Baserritar Egunarekin. San Martzial egunaren ondoren gaurkoa [...]

Etxebizitza Bulegoak ere udako ordutegia izango du bihartik aurrera. Goizez egongo da irekita, 08:00etatik 14:30era. Informazio gehiago: Fermiñenen edo 943 49 10 00.

Xanistebanetako haurren danborradako entseguak 18:30ean izango dira, astearteetan eta ostegunetan, ikastolako gela nagusian (gaurkoa 18:00etan). Herriko LHko 1go mailatik gorako haurrek parte har dezakete.

Egun handia iritsi da. Iragan egunetako urduritasunak alde batera utzi, eta San Martzial egunaz disfrutatzen dabiltza Irunen goizeko ordu txikitatik. Goizeko 10:10 ziren Alarde Parekideko arrankadari hasiera eman diotenean, eta behin martxa har...

Aurten ere jarri dute martxan Xanisteban Eguneko Banakako Pala Txapelketa. Dagoeneko zortzigarren aldia da. Giriziak eta Kataxulo Gaztetxiak antolatu dute, eta Oiartzungo Udalak lagundu die. Igandea da izena emateko azken eguna. Miren, Amazkar eta Maku...

Pertsona bat zauritu da gaur goizean GI-636 errepidean izandako istripuan. Barne Sailak adierazi duenez, goizeko 09:00etan hiru autok talka egin dute Don Boscoko tuneleko sarreran, Irungo noranzkoan. Zauritua Donostiako Ospitalera eraman dute. Istripua...

Hilaren 30ean izango da Mendiola Ulia Ibilaldi Neurtua. Trintxer Mendi Taldeak antolatuta, ekitaldiaren XX. aldia da. Parte hartuko duten taldeek egunean bertan eman behar dute izena, Trintxerpeko Azokan, han kokatuko baita irteera eta helmuga. Irteera 08:00etan da eta taldeak bat, bi edota hiru mendizaleez osatuta, minutuz minutu irteten joango dira. Ibilaldia bukatuta, 14:30ean, bazkaria izango da Trintxer elkartean, eta parte hartzaileek izena emateko unean adierazi beharko dute bazkaltzera geratuko diren edo ez. Bazkariak 16 euro balio du eta ibilaldi neurtuaren izen-emateak 3 euro mendi taldeko bazkideentzako, 5 euro bazkide ez direnentzako eta 2,5 euro haurren kasuan.

Gaizki etiketatutako 400 kilo berberetxo atzeman zituzten Arrantza Ikuskaritzako Zerbitzuak eta Ertzaintzak igandean mugan. Ohiko kontrol batean ohartu ziren Irlandatik Vigora (Galizia) zihoan kamioian gaizki etiketatutako berberetxoak zeudela, eta san...

Gipuzkoako Bigarren Mailako herriko taldeak bestelako zortea izan zuen asteburuko jardunaldian. Gol festa izan zen, baina oiartzuarren aurkakoa. Ceramicas Nogalesek bost gol sartu zizkien oiartzuarrei, eta oiartzuarrek ez zuten gol bakar bat ere sartu....

Gomazko Paletan, Batzokiko Otegi eta Santamariak 25-21 irabazi zituzten Aiako pilotariak. Talde bereko Javier Martinez eta Ignazio Martinezek, berriz, galdu egin zuten Lagunak taldekoen aurrean, 25-23. Eskuz binakakoan EPLEko Romero eta Arzadunek 22-2 ...

Asteburuko jardunaldian gol festa egin zuten Oiartzunek eta Azpeitikok. Bost sartu zituen Oiartzunk eta Azpeitikok hiru. Iker Inziartek, Beñat Kortajarenak eta Gorka Etxeberriak (3) sartu zituzten etxekoen bost golak. Lider dira oiartzuarrak, irabazit...

Orain dela bi urte elkartu ziren lehenbizikoz, eta orduan erabaki bezala, aurten bigarrenez bilduko dira 1949. urtean jaiotako antxotar eta molinaotarrak. Azaroaren 12an egingo dute bazkaria, Donibaneko Camara jatetxean. Bazkariaz gain, hainbat ospakiz...

Haurrentzako bi ikastaro, eta bost gazte eta helduentzat. Horixe Trintxerpeko kirolgunean Pasaia Kayak-ek 2011/2012 ikasturterako atondu dute kirol eskaintza. Ikastaroak martxan diren arren oraindik bada izena ematerik. Azokara bertara joz eman daiteke izena, edota 943 39 97 53 telefono zenbakira deituta eta trintxerpekokirolgunea[abildua]pasaiakayak.com helbidera idatzita. Pilates. Astearte eta ostegunetan, 18:00etatik 19:00etara, 19:00etatik 20:00etara eta 20:00etatik 21:00etara. Bazkideek 150 euro eta bazkide ez direnek, 224,90 euro. Aerobic. Astearte eta ostegunetan, 10:00etatk 11:00etara, edota astelehen eta asteazkenetan, 18:30etik 19:30era eta 19:30etik 20:30era.150 euro babazkideek eta 224,90 bazkide ez direnek. Taekwondo. Astelehen eta asteazkenetan, 18:30etik 19:30era. Bazkideentzat 37 euro hilean, eta bazkide ez direnentzat 42,20 euro Karate. Astelehen, asteazken eta ostiraletan, 20:30etik 22:00era. Bazkideentzat 37 euro hilean, eta bazkide ez direnentzat 42,20 euro. Kapoeira. Astearte eta ostegunetan, 20:30etik 22:00etara. Bazkideek 36,80 hilean, eta 42 euro bazkide ez direnek. Wing Tsun Judoa. Astearte eta ostegunetan, 19:00etatik 20:30era, eta larunbatetan, 11:30etik 13:00etara. Bazkideentzat 37 euro hilean, eta bazkide ez direnentzat 42,20 euro. Haurrentzako kapoeira. Astelehen eta asteazkenetan, 17:30etik 18:30era. 31.50 euro hilean. Gimnastika erritmikoa. Astelehen eta asteazkenetan, 17:30tik 18:30era. 31,50 euro.