Albisteak

Maitane Azpeitiak urrezko domina eskuratu du 23 urtez azpiko lehian, Espainian

Urrezko domina janzteko faborito nagusia zen, eta ez du hutsik egin. Maitane Azpeitia atleta oiartzuarrak urrea irabazi zuen asteburuan, Espainiako 23 urtez azpiko Atletismo Txapelketan, Andujarren (Jaen). Luzera-jauzian eta salto hirukoitzean lehiatzekoa zen oiartzuarra, baina azkenean, luzera jauzian bakarrik lehiatu zen, hanka batean arazoak dituelako. Luzera-jauzi proba horretan eskuratu zuen urrea Azpeitiak, 6,14 metroko saltoa egin ondoren. Erakutsitako maila ikusita, Kraff-At. San Sebastian taldeko kideekin beste urre bat eskuratzeko gai izango zen errelebuetan, baina hankako arazoak medio, ez zuen proba horretan parte hartzerik izan. Hurrengo probak Txekiar Errepublikan jokatuko ditu Azpeitiak, hilaren 14tik 17ra. Espainiako Atletismo Federazioak aukeratu du, Europako 23 urtez azpiko Txapelketan parte hartzeko.

admin

Fiskalak zortzi urtera jaitsi du Jacintorentzako zigor eskaera

Bateragune auzia bihar amaituko da, eta gaur, bitartean, Auzitegi Nazionaleko fiskalak hartu du hitza. Zigor eskaerak mantendu egin ditu Arnaldo Otegi eta Rafa Diezentzat (hamarna urteko espetxe zigorra eskatzen du) Bateragunen “funtzio erabakiga...

admin

Pilar Cuencaren lanak, Petra Lekuonan

Hilabete honetan ere Pilar Cuencaren lanak ikus daitezke Petra Lekuonan: 09:30-13:00 eta 16:00-20:00.

admin

Ukrainako eta Euskal Herriko dantzak, Ereintza elkartearen eskutik

Asteburuan dantza izango da nagusi Errenteria-Oreretako kaleetan. Izan ere, Ereintza Dantza Taldeak antolatuta, XXI. Errenteria Dantzan jaialdia egingo dute larunbat eta igandean. Folklore jaialdiarekin hasiko da Errenteria Dantzan larunbat arratsaldean. Zumardian izango da jaialdia eta 20:00etatik aurrera Euskal Herriko eta Ukrainako dantzak uztartuko dituzte dantzariek: “Ereintzako dantzariok eta Ukrainako Chernova Kalyna taldeko dantzariek saioak tartekatuko ditugu folklore erakusketa egiteko”, azaldu du Maider Ubarretxena Ereintza Dantza Taldeko kideak. Chernova Kalyna Ukraina mendebaldeko taldea da, eta bira egiten ari dira une honetan Europatik zehar. Poloniatik helduko dira herrira, ondoren Portugalera joateko. Euskal kultura zabaldu Igandean berriz, Xabier Olaskoaga plazara eramango dute Errenteria Dantzan jaialdia. Musika eta dantza emanaldia egingo dituzte bertan Udal Txistu Taldeak eta Chervona Kalyna taldeak zein Ereintza Dantza Taldeak, 13:00etatik aurrera. Bi egunetako ekitaldiak doan  izango dira eta Maider Ubarretxenak herritar guztiei egin die parte hartzeko deia. Garrantzitsua Jaialdiaren aurkezpenean Ereintza Dantza Taldeko Maider Ubarretxena, Mikel Koka eta Juantxo Maiarekin batera izan ziren Julen Mendoza alkatea, eta Garazi Lopez Etxezarreta Kultura zinegotzia. Mendozak, 1990. urtetik Ereintza Dantza Taldeak antolatzen duen Errenteria Dantzan ekimenaren “garrantzia” nabarmendu zuen: “Aurten Ukrainako dantza taldea datorren bezala, aurreko ekitaldietan beste herrialdetakoak izan dira, eta guztiek egiten duten kultura ekarpena kontuan hartzekoa da. Beste herrietatik [...]

admin

Ander Elosegik sendo segitzen du Olinpiar Jokoetan egoteko bidean

Santiagotarrak taldeko Ander Elosegi bigarren geratu zen asteburuan Alpeetako L’Argentiereko kanalean (Frantzia) jokatu zuten Munduko Kopan. Elosegik zilarra lortu zuen C1ean, Joan Crespok bosgarren postua K1eko finalean, eta Jone Otaño 36.a izan zen K1ean. Elosegirekin batera Samuel Hernanz donostiarra igo zen podiumera K1ean; lehen aldia da Munduko Kopan, Espainiako taldeko kirolariren batek Seu Urgelleko kanala ez den beste batean domina lortzen duela. Ostegunean hasi zuen Elosegik C1eko txapelketa eta lehiaren hiru egunetan oso erregularra izan zen, bi aste lehenago Europako Txapelketan erakutsitako mailari eutsiz. Erraz sailkatu zen finalaurrekoetara, hirugarren denbora onenarekin. Ostiraleko jardunean zertxobait okerrago jaitsi zen kanaletik, baina finalerako txartela eskuratu zuen, zortzigarren denbora onena egin eta gero. Larunbateko finalean Elosegirena izan zen denborarik onena, baina hamabigarren atean bi segundoko zigorra ezarri zioten, eta Matej Benus eslobakiarrak aurrea hartu zion. Zilarrarekin konformatu behar izan zuen, beraz, irundarrak. Joan Crespok ere ostegunean ekin zion kaiakeko txapelketari, eta egunetik egunera emaitzak hobetuz joan zen. Ostegunean hamazazpigarren sailkatu zen, eta ostiraleko finalerdietan bederatzigarren. Finalean bosgarren denbora onean egin zuen Crespok, bi segundoko zigorra ezarri zioten arren. Jone Otañok ezin izan zuen bere taldekideen lana berdindu. Emakumeen K1eko sailkapen jaitsieran parte hartu zuen. 36. bukatu zuen, eta ezin izan zuen finalerdietara sailkatu. Londreseko [...]

admin

El Espaziok sare sozialen gaineko tailerra antolatu du

Bidasoa Bizirik-ek, Etorkizuneko Lanbideen El Espazio bulegoaren bitartez, sare sozialen gaineko ikastaroa antolatu du biharko Web 2.0aren enplegurako tresnak. Sare sozialak erabili goiburuarekin. Ikastaroa berrikuntzarako tailerraren barruan antolatu ...

admin

Igandean jokatuko dute Euskadiko sega finala

Pasa den asteburuan jokatu zituzten Aizarnan Euskadiko Sega Txapelketako finalerdiak. Lau kirolarik lortu zuten finalerako txartela: Arkaitz Arteagak, Jon Kanflankak, Juanjoxe Lizasok eta Mikel Alkortak. Zortzi segalari aritu ziren lehian larunbat arra...

admin

Done Jakue bidea bizikletaz egingo dute, udaleku ibiltarian

Udaleku berezia antolatu du aurten Trintxerpeko Atletiko Klubak. Done Jakue Bidea egitera irtengo dira ostegunean (hilak 7), mendi bizikletaz, eta hilaren 15era bitartean ariko dira bidearen etapak osatuz. 13 eta 17 urte bitarteko gazteentzako antolatu dute udaleku ibiltaria, eta 40 gaztek parte hartuko dute. Lizarran hasi eta Sahaguneraino joango dira, bederatzi etapatan, egunero 40 kilometro inguru osatuz. Furgoneta batean garraiatuko dituzte gazteek bidean aurrera egin ahal izateko beharrezko guztiak. Antolatzaileek jakinarazi dutenez, ibilbidea gazteen gaitasunera egokitu dute, eta etapak ez dira zailtasun handikoak. Trintxerpe Atletiko Klubak mota honetako udalekua antolatzen duen lehen aldia da.

admin

Fnac-en aurkeztuko du bere azken liburua Pilar Caberok

Asedio al corazon izenburua du Donibanen bizi den Pilar Cabero idazleak idatzitako azken liburuak. Lehengo maiatzaz geroztik da kalean, eta bihar, eleberria aurkeztuko du Donostiako Fnac-en, 19:00etatik aurrera. Donostian girotutako eleberri historikoa...

admin

Jon Martin, Xamoa eta Ander Lizarralde, ‘Puntu motzean’

Puntu motzean izeneko erreportajeak egiten ari dira, Gpuntua Gipuzkoako Bertsolari Txapelketako antolatzaileak bertsolariekin. Nola bizi dute txapelketa? Nola prestatzen dira? Noiz? Non? Eta norekin? Galdera horiei guztiei erantzuten saiatzen ari dira...

admin

Euskalduna-Beti Ona eta Touring-Allerru

Pasa den asteburuan huts egin zuen Beti Onak etxean Martuteneren kontra (2-2 berdindu zuen), baina oraingoan garaipenaren bila aterako da Euskaldunaren kontra. 18:00etan izango da lehia bihar, Andoainen. Touring, berriz, Mariñori irabazita, lasaiago i...

admin

Hiru puntuen bila Hondarribia Elgoibarren

Futboleko Erregional Ohorezko mailako zazpigarren jardunaldia jokatuko dute larunbatean Hondarribiko mutilek. Iragan jardunaldiko porrota atzean utzita, Elgoibarrera abiatuko dira futbolariak garaipen berri baten bila. Hiru puntuak beharrezko dituzte h...

admin

Gernikako Akordioaren martxarekin bat egin du Irungo Bilduk

Irungo Bilduk bat egin du bihar Bilbon Gernikako Akordioak egingo duen manifestazioarekin, eta bertara joateko eskatu die irundarrei eta herritarrei oro har. “Gure herri honetan bizi dugun aukeraz beteriko une honetan, herritarrok aktore nagusi e...

admin

Bi mila urte baino gehiago dituzten aztarnak aurkitu dituzte Munttarren

Jaizkibel mendian, Munttarreko zelaian, indusketa arkeologikoak egiten hasi dira, aintzinako herrixkarik bazegoen jakiteko. Xabier Alberdi indusketen arduradunak azaldu duenez, oraingoz aztarnak aurkitu dituzte, hiru arotakoak: Erromatarren garaikoa, Burdin Arokoa eta, agian, Paleolitokoak (10.000 urte baino gehiago lituzketenak). Hiru geruza “argi” daudela ziurtatu du. Orain dela bi urte lehenengo hartu zituzten Munttar zelaian lehenengo laginak. Alberdik azaldu duenez, hainbat faktorek bultzatzen dituzte arkeologoak lagin horiek hartzera: “Datu historikoak daude, alde batetik. Meatzerik edo iturririk baldin badago, normala zen ondoan populazioa egotea, urteetan zenbat eta atzerago egin, naturari lotuago zegoen gizakia. Toponimiak ere pisu handia du, eta geografiak ere”. Munttarren kasuan, gailurrean dagoen ordeka izanagatik, eta babes naturalak edukitzeagatik, aukera handiak zituen aurkikuntza bat egiteko. Hala ere, batzuetan susmo horiek ez dira egi bihurtzen, baina ez da Jaizkibelen kasua izan. Horrela, iaz, Foru Aldundiari baimena eskatu zioten indusketak egiten hasteko, laginean hiru geruza aurkitu zituztelako. Indusketa proiektu hori Lezoko Udalean ere aurkeztu zuten, eta elkarlanerako hitzarmena sinatu zute. “Ea hitzarmen horrek emaitza onak ematen dituen”, espero du Alberdik. Orain arte emandako fruituak, behintzat, onak izan dira. Harrizko perimetro bat aurkitu dute Munttarren, eta etxola baten zola izan litekeena ere. Horrez gain, aro ezberdinetako hainbat lanabes eta ontzi  aurkitu dituzte bertan. Batez ere [...]

admin

AEK-k eta udalak San Tomas Batzordean parte hartzeko deia egin diete herritarrei

Aurtengo San Tomas Eguna antolatzeko batzordea osatuko dute datozen egunetan. Hori dela eta, herritar, eragile eta txistorra postuak jartzeko asmoa duten taldeetako kideak datorren ostegunean egingo duten bileran parte hartzera deitu dituzte udalak, Xenpelar AEK-k eta auzoetako San Tomas azoken antolatzaileek. Borja Arbelaitz Xenpelar AEK-ko arduraduna mintzatu da agerraldian eta “ezinbestekoa” iritzi dio batzordean  parte hartze zabala  izatea “gure San Tomas Eguna ahalik eta aberatsen izan dadin”. Halaber, San Tomas Batzordean herritar guztiek “lekua” dutela zehaztu du Arbelaitzek, eta horrenbestez,  eragileak, elkarteak, tabernariak, txistorra postuak jartzeko asmoa duten taldeak eta herritar xumeak gonbidatu dituzte “jai handi” horren antolaketaren parte izatera, “denok dugulako zeresana”. Postuak jartzeko baldintzak Hilaren 27an arratsaldeko zazpietan egingo dute San Tomas batzordea osatzeko bilera Merkatuzarren. Besteak beste, joan den urteko San Tomas Egunaren balantzea egingo dute, “oraindik egin gabe dugulako”, zehaztu du Arbelaitzek. Horrekin batera, batzordearen funtzionamendua zehaztuko dute: “Joan den urtean azpi batzordeak osatu genituen, azoka bera, kantina, egitaraua eta animaliez arduratu ziren sortutako batzorde horiek”. Aurten ildo beretik jarraitzeko asmoa azaldu du Arbelaitzek. Txistorra postuak jarri nahi dituzten taldeek bete beharreko baldintzak ere bilera horretan zehaztuko dituzte batzordea osatuko duten guztien artean, eta halaber, eskaerak egiteko epeak zehaztuko dituzte. Bi urte dira Xenpelar AEK-ko kideek, [...]

admin

Bilbora joateko autobusa antolatu dute Oiartzunen

Gernikako Akordioak manifestazioa antolatu du larunbaterako Bilbon Herritarrok ere konponbidea nahi dugu lelopean, eta hara joateko autobusa antolatu dute herrian. Zerrendak hiru tokitan daude: Amazkar eta Makutxo tabernetan, eta Garmendi txokolategian...

admin

Biodibertsitatea nola hobetzen ari den ikusiko dute ikasleek

Pasa den astean, Lezoko Udalak komunikabideei eman zien biodibertsitatea hobetzeko aurrera eramaten ari diren lanen berri. Bihar eta astelehenean, berriz, herriko bi ikastetxeetako ikasleen txanda izango da. Gaur arratsaldean, 15:00etan, Herri Eskolako...

admin

Lurrinak lapurtzeagatik gizon bat atxilotu dute

34 urteko gizon bat atxilotu zuen Ertzaintzak astelehenean, Pausuko denda batean lurrinak lapurtzeagatik. Bi gizon saiatu ziren lapurreta egiten, baina alarmen hotsa entzun eta ihesari ekin zioten: dendako arduradunek lapurretako bat atxiki zuten, bain...

admin

Burgosen ariko da bihar Hondarribia-Irun

Emakumezkoen Saskibaloi ligari hasiera kaskarra eman zioten Hondarribia-Iruneko neskek, iragan larunbatean Gran Canariaren aurka ligako lehen partida galduta. Horrela puntu bakarrarekin hamargarren dira etxeko neskak eta Burgosen jokatuko dute bihar li...

admin
Gehiago