'Zuena da HITZA' podkasteko hirugarren atalean Irati Erauskin 'La Panto' hondarribiarra izan da protagonista. Sakon hitz egin du hedabidearekin.


«Udako etenaren ondotik, eta ikasturte hasierarekin batera jendeak erosketak egin behar izaten dituela eta», Laurak Bat-ek bere bezero fidelenak saritzeko kanpaina abiatuko du astelehenean. Kanpaina berria da, baina bezeroak ezagun dutena, aurretik ere erabili izan duelako Laurak Bat-ek, bere presidente Maite Fernandezek gogoratu duenez «udazkeneko kanpainaren barruan». Atzo eguerdian aurkeztu zuten kanpaina berria elkarteko Ramon Ilarregik eta Maite Fernandezek, Trintxerpeko alkateordetzan. Azaldu zutenez, kanpaina hilaren 24ra arte egongo da martxan, eta saritutako bezeroek urriaren 15era arteko epea izango dute saria gastatzeko. Txartela duten dendatan Sarituak izan nahi dutenek Laurak Bat-en txartelarekin ordaindu beharko dute. Ordainketa egiteko unean bertan jakingo du erosleak 10 euroko saria egokitu zaion edo ez. Ondoren, denda horretan bertan edota kanpaina honetan parte hartzen duen beste edozein establezimenduetan erosteko baliatu dezake txartela. Sariak metatu daitezkeela argitu dute merkatarien ordezkariek

Udaleko Euskara Sailaren eta Osakidetzaren arteko elkarlanari esker, emaginak antolatzen dituen erditze aurreko saioetan euskararen motibazio saioak egiten ari dira herrian. Hilabete gutxiren buruan guraso izango diren oiartzuarrei euren seme-alaben hizkuntz ohituretan izango duten garrantziaz ohartzeko motibazio saioak direla azaldu dute Udaletik. Bide batez, haurrari jaio aurretik ere euskaraz hitz egiteak duen garrantzia nabarmendu nahi diete gurasoei eskolekin, “hizkuntzak ikasten amaren sabelean bertan hasten baitira haurrak; jaio aurretik sortzen da komunikazioa haurren eta gurasoen artean”. Aitziber Arnaiz Udaleko Euskara teknikariak gidatzen ditu saio horiek. Saioak bukatutakoan, materiala oparitzen diete guraso izango direnei: UEMA Udalerri Euskaldunen Mankomunitatearen autorako pegatina, Zorionak, ama izango zara liburua eta DVDa, eta Oarsoaldeako Euskara Batzordeak argitaratutako Ikusi eta entzun (para que tus hijos y tú habléis el mismo idioma) DVDa. Urtebeteko esperientzia Duela urtebete hasi zen Udala motibazio saio horiek egiten anbulatorioan, haurdunaldiko azken hilabeteetan dauden oiartzuarrekin. Euskal Herrian, eta Oiartzunen, haurrak eleanitzak izango dira aurrerantzean. Udaletik nabarmendu dutenez, “egoera horrek abantailak baino ez ditu, hizkuntzak ikasteko erraztasuna eta beste kulturekiko errespetua nabarmenak baitira haur eleanitzengan, esate baterako”. Baina inguruan euskara indartzea beharrezkoa izango dela ere gogorarazi dute Udaletik, “gizartean ahulagoa baita”, gaineratu dute. Horregatik, gurasoak sentsibilizatu nahi dituzte, “euren esku baitago euren seme-alabak zein hiztun [...]

Lehia garrantzitsua izango du bihar arratsaldean Ereintza eskubaloiak, Euskadiko Kopako finalerako txartela izango baitu jokoan. Aurrean, talde handia izango du: Irungo Bidasoa. Partida 19:30ean hasiko da Galtzarabordako kiroldegian. Lehia horretako garaileak, Barakaldoren kontra jokatu beharko du finala hurrengo igandean, hilaren 25ean. Antolatzaileek gogorarazi dutenez, 2011-2012 denboraldiko lehen lehia izango da, eta gaineratu dute sarrera doakoa izango dela. Beraz, herritar guztiak eta batik bat, eskubaloizale guztiak animatu dituzte Galtzarabordara joatera. Lehenengo fasean, akatsik ez Pasa den asteburuan jokatu zuten Ereintza eskubaloi taldekoek lehen fasea. Ez zuten hutsik egik, eta horrenbestez, finalaurrekoetara estuasun handirik gabe sailkatu ziren. Lehen fase horretako lehiak Zumaian jokatu zituzten, eta Espainiako Lehen Mailako taldeak izan ziren bertan: Zarautz Amenabar, Pulpo Bigara, Egia eta Ereintza eskubaloia. Larunbatean, lehen lehian, Zarautz nagusitu zen Pulporen kontra 24-21. Bigarren lehian, berriz, Ereintzak 29-26 irabazi zuen Egiaren kontra. Lehia estua izan zen, eta errenteriarrak markagailuan atzetik joan ziren ia denbora guztian. Hala ere, partida amaieran bi eta hiru goleko errenta ateratzea lortu zuten. Igandean, berriz, aurreko bi partidetako garaileak izan ziren aurrez aurre: Zarautz eta Ereintza. 24-19ko emaitzarekin nagusitu zen Ereintza. Hasieratik bukaerara nagusi izan ziren errenteriarrak. Duela hiru aste inguru hasi zen entrenatzen eskubaloi taldea. Baloiarekin ez dute lan handirik egin, [...]

Iritsi da hondarribiar askorentzat urteko egunik bereziena. Egunak oraindik argitu ez zuen arren, goizeko 5:00etan alboradarekin esnatu da hiria, ordubete beranduago Danborradaren eta Musika Bandaren diana entzun ahal izan da jendez gainezka zego...

Pasa den larunbatean, Aurresku eta Soinu Zahar Txapelketa jokatu zuten Zarautzen. Bertan, Oarsoaldeko hainbat ordezkari izan ziren, eta lehen sariak etxera ekarri zituzten. Nesketan —soinu zaharretan—, Oiartzungo Izar Aizpuru izan zen garailea, 307,65 punturekin. Bigarrena, berriz, Idoia Besada pasaitarra izan zen, 305 punturekin. Hirugarren saria Elgoibarrera joan zen. Arantxa Ferreirok eskuratu zuen, 303,95 punturekin. Ereintzaren nagusitasuna Eskualdeko ordezkarien artean, Ereintza dantza taldekoek nagusitasuna erakutsi zuten mutiletan (aurreskuan). Lehen saria Ereintzako kide Alain Maia oreretarrak eskuratu zuen bigarrenez (2008an ere irabazi zuen). Bigarren eta hirugarren sariak ere Erenteria-Oreretara ekarri zituzten, Ereintzako Aitor Arrietak eta Jon Iriberrik. Hirurek 270,55 puntu, 268,15 eta 216,65 jaso zituzten, hurrenez hurren. Sailkapena Soinu zahar Izar Aizpuru. Oiartzun. Idoia Besada. Pasaia. Arantxa Ferreiro. Elgoibar. Maddi Nazabal. Oiartzun. Ane Espilla. Elgoibar. Nagore Bilbao. Donostia. Udane Eskudero. Oiartzun. Iraitz Gonzalez. Elgoibar. Itziar Aldalur. Elgoibar. Aurresku Alain Maia. Errenteria-Orereta. Aitor Arrieta. Errenteria-Orereta. Jon Iriberri. Errenteria-Orereta. Aitor Asenjo. Elgoibar. Iker Sanz. Lezo. Beñat Asensio. Lezo.

Udal Euskaltegiak zabaldu du 2011 / 2012 ikasturterako matrikulazio epea. Irailaren azken astean hasiko dira ikastaroak. Horien gaineko informazioa nahi duenak, euskaltegiko idazkaritzara jo dezake, 08:00etatik 19:00etara, edota 943 00 43 40 telefono z...

Bi taldek joko dute ostiralean Mogambon: Mossuraya talde suitzarrak eta Valentziako Tempesta. 21:00etan hasiko da kontzertua. Asteartean ere (hilak 13) bada kontzertua, 20:30ean. Astearteko kontzertuan, Brasilgo Besthöven taldeak, Italiako Kontatto et...

Lasako ontziola izandakoaren orubean atondu duten aparkalekua zabalik da lehengo ostiralaz geroztik. Aparkalekuak 100dik gora plaza ditu eta doan da. Inguruko bizilagunez gain, bisitari orok aparka dezake bertan. Irudia gaur goizeko 11:30ak inguruan ateratakoa da. Ordu horretan nahikoa plaza zeuden libre. Trintxerpeko kaian, bestalde, beste hainbat aparkaleku egokitu ditu Portu Agintaritzak. Kaian atondutako plaza horiek, berriz, beteta zeuden ordu berean.

Hilabeteko oporren ondoren, abesteko gogoz ekingo diote hurrengo txanpari kantu jirakoek. Lau Haizetara elkarteak antolatuta, etzidamu berriro hasiko dira erdialdeko kaleak girotzen euskarazko abestiak kantatuz. Hala, ohi bezala, eguerdiko hamabietan j...

Gaur eguerdian aurkeztu dute Oiasso Erromatar Museoan FICAB 11, Bidasoko XI. Nazioarteko Zinemaldi Arkeologikoa. Azaroaren 15etik 19ra burutuko da, Amaia Kultur Zentroan, eta Oiasson bertan. Aurtengo berrikuntzetako bat Euskal Herriari buruzko filmen oparotasuna izango da; lehiaketara aurkeztuko diren 31 lanetatik, sei filmek euskal gaiak landuko dituzte: 778: Errolanen kantua; Apaizac Obeto, azken balea txaluparen kondaira; Ekainberri, aterpe berri bat haitzuloetako artearentzat; Euskaldunen kobrea; La Hoya herrixkari erasoa; eta Bidaia bat momifikatzioaren sekretuetara. Mertxe Urteaga pozik agertu da hamaika urte direlako “Europan egiten ari dena ezagutzeko eta proiektatzeko aukera” dutenetik. “Euskaraz hamaikak hori esan nahi du, pila bat, eta hori guretzako garrantzitsua da. Honeraino iristeak, hamaikagarren ekitaldia antolatzeak, pila bat egin dugula esan nahi du”. Urteagak FICABen proiektatzen dena zinea dela nabarmendu du. “Mezu subliminala kultura eta zibilizazio ezberdinak denboran kokatzea eta hori ezagutaraztea da, baina zinema formatoan egiten dugu, eta zinemaldian ikusiko dena zinemaren magia izango da”, esan du. Oiassoko zuzendariak hainbeste euskal filma proiektatu ahal izatea berri pozgarria dela uste du, eta hasierako ekitaldietan Euskal Herriko lanak aurkitzea oso zaila zela gogoratu du. “Guri ez zagu lokalismoa gustatzen, hori baztertzen dugu, baina lokala dena testuinguru orokor batean kokatzea, baldintza beretan lehiatu ahal izatea oso ona da, eta besteen aldean nolakoak garen jakiteko balio [...]

Neguko Jardunaldien arira, Kalean Kantuz ekitaldi berezia egingo dute etzi Gipuzkoa plazan eguerdiko hamabietan. Ondoren, Klink Elkartearen laguntzarekin, partaideentzako bazkaria egingo dute.

Gaur hasiko da Trintxerpen Ikuska, film laburren erakustaldiko XIII. ekitaldia. Trintxer Kultural elkarteak 58 film labur hautatu ditu jaso dituzten 518 film laburren artetik. Istorioen esentzia harrapatzeko ariketa, horixe edozein film laburren atzean dagoen ezkutuko ahalegina. Bada, saiakera horien maitaleek, luxuzko eskaintza dute gaurtik hasi eta hilaren 19ra arte Trintxerpeko alkateordetzan. Trintxer Kultural elkarteak antolatuta, Ikuskaren XIII. ekitaldia abiatuko da gaur Trintxerpen. Hilaren 19ra arte 58 film labur emango dituzte alkateordetzan, antolakuntzak jaso dituen 518 lanen artetik hautatuak. Gaur, 19:00etatik aurrera, Cinemagis eskolako ikasleek sortutako filmak emango dituzte. Biharko berriz, bi emanaldi antolatu dituzte. 19:00etatik aurrera Emea eta anitza zikloaren barruko filmak emango dituzte, guztiak emakumea ardatz dutela, eta 22:00etatik aurrera, berriz, Gau guasa, barre egin nahi duen edonori zabalik. Etzi, gaurkotasun handiko gaiari egingo diote tarte Ikuskako antolatzaileek. Krisi ekonomikoa hizpide duen Inside Job dokumentala emango dute ordu berean, 19:00etan. Lehia, astelehenetik ostiralera Sail ofizialaren barruko lanak, berriz, astelehenetik ostiralera emango dituzte. Emanaldi guztiak 20:00etan hasiko dira egunero, alkateordetzan, eta sarrera doan izango da. Epaimahaiak emango dituen sariez gain, ikusleek beren gustukoena bozkatzeko aukera izango dute, Ikusleen Sarirako. Horrez gain, herri epaimahai batek Xabier Portugal Saria erabakiko du, Gipuzkoako film labur onenarentzat. Ikasleak [...]

Xatz Eskifaiako zuzendaria da Maite Oca (Irun, 1961), Hondarribiko Eskifaia elkarteko emakumeen abesbatzakoa. Bigarrenez da zuzendari, 1991tik 1998ra izan zen, Javi Bustok utzi zuenean, eta 2008an hartu zuen berriz ere zuzendaritza. Ahots mistoen Eskifaia taldeko zuzendari eta Eskifaia Txikikoa ere izan zen. Denei galdetuta, berak egin du lan gehien Xatz Abesbatzaren 25. urteurreneko kontzertua prestatzen, baina berak talde lana izan dela dio. Oso pozik dago orain arteko lanarekin, zoragarria izaten ari dela aitortu du. Biharko kontzertua emozioz beteta egongo dela uste du, denen gozamenerako izango dela. Emanaldia 20:30ean hasiko da, Parrokian. Urteurreneko kontzertua prestatzeko lan handia egin duzue. Denek diote zure ekarpena ikaragarria izan dela? Nik ez dut lan berezirik egin. Xatzeko partaideek eta beste pare batek osatu zuten batzordea, eta hor ibili gara, bost edo sei kide, nik brigadilla deitzen diodan hori ibili da dena prestatzen. Egia da hasieratik lan izugarria izan dela. Lehenengo helburua izan zen zerrendetan genituen neska gutziekin harremanetan jartzea, baina noski, gaur egun ez da erraza hori lortzea: garai hartako telefono zenbakiek kasu gehienetan ez dute balio, lehen urteotako asko Hondarribitik kanpora joan dira bizitzera… Zerrendetan 147 partaide zenbatu genituen, eta horietatik ez genuen modurik izan hogeirekin kontaktatzeko; beste guztiekin bai, gutunez, telefonoz, mailez… Hori [...]

Udalak iragarri zuen eta hala izan da. Azaroaren hasiera aldera hasi behar zuten Olalde ingurua urbanizatzeko lanak, eta hasi dira. Amenabar SL enpresak izango du lan horiek egiteko ardura, udalak hala esleituta. Guztira, 2.690.732 euro kostako dute, e...

Mikelazulo kultur elkarteak antolatutako Herrien Astea hamaseigarrenez egingo dute datorren astean, astelehenetik igandera. Aurten, herrialde arabiarretan izandako iraultzak izan dituzte abiapuntu, eta horrekin batera beste zenbait kultura ezagutzeko aukera ere izango da. Hilaren 15ean, asteartean, hain zuzen, Tunisia eta mundu arabiarren irekitako prozesu iraultzaileak izeneko hitzaldia izango dute Mikelazulon, 19:30ean. Hurrengo egunean, berriz, Kurdistaneko bi emakumeren bisita jasoko dute, CENI Kurdistango Emakumeak Bakearen Alde elkartekoak. Mikelazulotik jakinarazi dutenez, egun Alemanian bizi dira emakume horiek, baina euren herrialdearen gaineko informazioa mundu osora zabaldu nahi dute. Hitzaldia 19:30ean izango da Mikelazulon. Bi emakume horien eskutik ere Kurdistango menua emango dute Txintxarri elkartean egingo duten afarian. Hori, ordea, azken egunean izango da, igandean, 21:30etik aurrera. Antolatzaileen arabera, afari berezia izango da, hango jakiak probatzeaz gain, asmoa esperientziak elkartrukatzea baita, eta musika ere ez dela faltako aurreratu dute. Palestina Aurten bi ekitaldi izango dituzte beste herrialde batzuen egoera kontatzeko, baina Euskal Herriko jendearen eskutik. Herrialde horietako bat Palestina izango da: “Oreretako bi emakumek bidaia egin zuten Palestinara, eta hemen azaldu nahi dute zer ikusi zuten, zein sentsazio izan zituzten, zein sentimendu bizi izan zituzten”. 18an izango da hitzaldi hori, 19:30ean, Mikelazulon. Hurrengo egunean Biutz lan amaitugabea aurkeztuko dute Errenteria Hiria Kulturgunean, 19:30ean: “Lan horren [...]

AMA Andra Mari Abesbatzaren Santa Zezilia musika zikloak 29. urtea izango du aurtengoa, eta ekitaldi honetan lehen aldiz, herri kantuei egingo diete tartea. Horrenbestez, kantu jira edo mutxikoak ikusi eta entzuteko aukera izango da, etzitik hilaren 20ra. Horixe izango da beste berritasunetako bat: data. Aurten, astebete aurreratu dute zikloa. Mari Carmen Garmendia AMAko presidentearen arabera, aurtengo Santa Zezilia asteak “sekula izan duen parte hartze handiena edukiko du”. Partaideak mota askotakoak izango dira, “umeetatik hasi eta helduetara arte”. Eta musika ere askotarikoa izango da, «erakargarria, alaia, eta guztientzako egokia», Garmendiaren esanetan. Aurtengo egitarauetik ere Landarbaso Abesbatzaren parte hartzea nabarmendu dute antolatzaileek. Aurten hogei urte bete dituela eta, kontzertua emango du Fatimako elizan, hilaren 19an (larunbata). Garmendiak antolakuntzaren atzean egon direnei ere egin die keinua, eta “lan handia” egin dutela eta boluntario moduan aritu direla jakinarazi du. Irune Balentziaga Kultura zinegotziak, bestalde, herritar guztiei egin die deia datorren astean zehar izango diren ekitaldietan parte hartzeko. Egitaraua Hilak 12, larunbata. Kantu jira, Errenteriako Udal Txistu Taldearekin, 12:00etan, udaletxeko arkupeetatik. Hilak 13, igandea. Mutxikoak, 12:00etan, Herriko plazan. Hilak 15, asteartea. Andra Mari Abesbatzaren harrobia: Musika Tailerra, Orereta Txiki eta Oinarri abesbatzak, 20:00etan, Fatimako elizan. Hilak 16, asteazkena. Errenteria Musikaleko Orkestra eta ikasleen bandak kontzertua [...]

Lezon pasa den irailaren 25ean jokatu zuten BTT probaren argazkiak eta bideoak ikus daitezke udalaren webgunean. Pasa den irailaren 25ean jokatu zuten Lezoko BTT probaren XIX. ekitaldia. Agerremedia enpresako argazkilariek ez zuten probaren xehetasunik...