Herrien Astean, herrialde arabiarrak abiapuntu
Mikelazulo kultur elkarteak antolatutako Herrien Astea hamaseigarrenez egingo dute datorren astean, astelehenetik igandera. Aurten, herrialde arabiarretan izandako iraultzak izan dituzte abiapuntu, eta horrekin batera beste zenbait kultura ezagutzeko aukera ere izango da. Hilaren 15ean, asteartean, hain zuzen, Tunisia eta mundu arabiarren irekitako prozesu iraultzaileak izeneko hitzaldia izango dute Mikelazulon, 19:30ean. Hurrengo egunean, berriz, Kurdistaneko bi emakumeren bisita jasoko dute, CENI Kurdistango Emakumeak Bakearen Alde elkartekoak. Mikelazulotik jakinarazi dutenez, egun Alemanian bizi dira emakume horiek, baina euren herrialdearen gaineko informazioa mundu osora zabaldu nahi dute. Hitzaldia 19:30ean izango da Mikelazulon. Bi emakume horien eskutik ere Kurdistango menua emango dute Txintxarri elkartean egingo duten afarian. Hori, ordea, azken egunean izango da, igandean, 21:30etik aurrera. Antolatzaileen arabera, afari berezia izango da, hango jakiak probatzeaz gain, asmoa esperientziak elkartrukatzea baita, eta musika ere ez dela faltako aurreratu dute. Palestina Aurten bi ekitaldi izango dituzte beste herrialde batzuen egoera kontatzeko, baina Euskal Herriko jendearen eskutik. Herrialde horietako bat Palestina izango da: “Oreretako bi emakumek bidaia egin zuten Palestinara, eta hemen azaldu nahi dute zer ikusi zuten, zein sentsazio izan zituzten, zein sentimendu bizi izan zituzten”. 18an izango da hitzaldi hori, 19:30ean, Mikelazulon. Hurrengo egunean Biutz lan amaitugabea aurkeztuko dute Errenteria Hiria Kulturgunean, 19:30ean: “Lan horren [...]
Mikelazulo kultur elkarteak antolatutako Herrien Astea hamaseigarrenez egingo dute datorren astean, astelehenetik igandera. Aurten, herrialde arabiarretan izandako iraultzak izan dituzte abiapuntu, eta horrekin batera beste zenbait kultura ezagutzeko aukera ere izango da.
Hilaren 15ean, asteartean, hain zuzen, Tunisia eta mundu arabiarren irekitako prozesu iraultzaileak izeneko hitzaldia izango dute Mikelazulon, 19:30ean.
Hurrengo egunean, berriz, Kurdistaneko bi emakumeren bisita jasoko dute, CENI Kurdistango Emakumeak Bakearen Alde elkartekoak. Mikelazulotik jakinarazi dutenez, egun Alemanian bizi dira emakume horiek, baina euren herrialdearen gaineko informazioa mundu osora zabaldu nahi dute. Hitzaldia 19:30ean izango da Mikelazulon.
Bi emakume horien eskutik ere Kurdistango menua emango dute Txintxarri elkartean egingo duten afarian. Hori, ordea, azken egunean izango da, igandean, 21:30etik aurrera. Antolatzaileen arabera, afari berezia izango da, hango jakiak probatzeaz gain, asmoa esperientziak elkartrukatzea baita, eta musika ere ez dela faltako aurreratu dute.
Palestina
Aurten bi ekitaldi izango dituzte beste herrialde batzuen egoera kontatzeko, baina Euskal Herriko jendearen eskutik. Herrialde horietako bat Palestina izango da: “Oreretako bi emakumek bidaia egin zuten Palestinara, eta hemen azaldu nahi dute zer ikusi zuten, zein sentsazio izan zituzten, zein sentimendu bizi izan zituzten”. 18an izango da hitzaldi hori, 19:30ean, Mikelazulon.
Hurrengo egunean Biutz lan amaitugabea aurkeztuko dute Errenteria Hiria Kulturgunean, 19:30ean: “Lan horren ardatza mugak dira, baina ez bakarrik fisikoak, modu guztietakoak baizik”. Saiakera egin dute antzerkia, ikus-entzunekoa eta oihalekin egindako akrobaziak uztartuz, eta ordubeteko lana da. “Herrien Astearen helburu berarekin egindako egitasmoa da”, azaldu dute Mikelazulotik.
Azken egunean, berriz, graffiti erakustaldia izango da. Iztietan, ibaiaren pareko bidegorriko paretetan, eta Leku Ona eraikin zaharreko paretetan hainbat marrazki egiten ariko dira, 15:00etatik aurrera. Hamabost graffitilarik kultur aniztasunari buruzko zuzeneko lana egingo dute.
Ekitaldiekin amaitzeko, bi erakusketa aurkeztu dituzte. Dagoeneko Mikelazulon Ertamerikarrak, horrela gara, horrela borrokatzen dugu argazki erakusketa ikusteko aukera dago. Mundu Bat elkarteko Raquel Duran eta Amaia Vicente daude argazki horien atzean. Xenpelar etxean, berriz, astelehenean irekiko dute Enrique Mulierren Mujeres campesinas erakusketa. Hilaren 27ra arte egongo da zabalik.
