Albisteak

Peio Cazorla ongi judoko Gazte Mailako Gipuzkoako lehian

Hilaren 15ean Gazte Mailako Gipuzkoako judo txapelketa jokatu zuten Tolosan, eta Peio Cazorla Sayoa judo taldeko kideak maila ona erakutsi zuen. Borrokak ippon bidez irabazi zituen, denboraldi hasiera ona berretsiz. Gazte Mailako eskolarteko jardunaldi...

admin

Auto bat erre da Santa Klara kalean

Gaur eguerdian, 14:20 aldera, auto batek su hartu du Santa Klara kalean. Autoaren jabeak azaldu duenez, haizagailutik kea sartzen hasi zaio auto barrura, eta Santa Klara kalean sartu da aparkatzeko asmoz. Bide erdian, baina, motorretik ke asko ateratze...

admin

PSOEk Paul Abasolori indultoa eman zion, azken Ministro Kontseiluan

PSOE agintean zela eginiko azken ministro kontseiluan Espainiako Gobernuak Paul Abasolo Real Unioneko jokalari ohiari indultu partziala eman zion, eta bi urtera jaitsi hiru sexu erasorengatik zeukan zigorra. Hiru urte eta hiru hilabeteko espetxea zeukan betetzeko Abasolok, baina kartzelara joateko zegoen oraindik. Espainiako Gobernuaren erabakiak zuzeneko ondorioa izango du: bi urtean utzi diote zigorra, eta, aurrekaririk ez daukanez, ez du espetxera joan beharrik izango. Francisco Caamaño Justizia ministro ohiak sinatuta dago agindua. Bi baldintza jarri dizkiote indultuan: sexu heziketako ikastaroetan parte hartzea eta deliturik ez egitea lau urtean. Gernikan (Bizkaia) eraso zien emakumeei Abasolok, kale erdian, 2006an eta 2007an. Bost andrek jarritako salaketen harira atzeman zuen Ertzaintzak. Kartzelan sartu zuten behin-behinean eta bost hilabete egin zituen preso. Atxiloketak zeresan handia eman zuen, Real Union futbol taldeko jokalaria baitzen garai hartan Abasolo. Aurrez beste hainbat taldetan ere aritua zen; besteren artean, Bilboko Athleticen, gazte mailan.

Bi urte baino gehiagoko zigorra izanagatik ere, kartzelara joateko zegoen, helegitea jarrita zeukalako. Bitartean futbolean jokatzen jarraitu du —Oviedo taldean aritzen da—, eta jarraitu ahalko du, Espainiako Gobernuaren erabakiz ez baitu joan beharko espetxera. Salbuespeneko neurria Indultua, berez, salbuespeneko neurria da, eta emakumeen aurkako erasoetan eta horrelakoetan ez dute eman izan. Delitu bakarra egin duten kasuan eman ohi [...]

admin

Itsas etorbideko lanengatik aldaketak, oinezkoentzako

Itsas etorbideko lanak direla eta, urtarrilaren 23tik goiti, oinezkoek talasoterapiaren aitzineko espaloia erabili beharko dute, Mimosa eta Gurbitz karriken artean. Izan ere, hondartzarako sartzea eta oinezkoentzako pasealekua obretan izanen dira gune...

admin

Aurrekontuen aurkezpen publikoa eta osoko bilkura atzeratu dituzte

Irungo udalak aldundiari foru funtsatik itzuli behar dion diru kopuruaren berriskupenak joan den astean udal gobernuak aurkeztutako aurrekontuen aurrerapena berraztertzera behartuko du eta, ondorioz, udal kontuen osoko bilkura atzeratu behar izan dute. Irailean udaleko eta aldundiako arduradunek eginiko bileran itzuli beharreko kopurua 3 milioi izango zela aurreikusi zuten, baina likidazioaren ondoren aldundiak jaso duena uste baino gutxiago izan zenez, udalek foru funtsatik jasotako kopurutik espero baino gehiago itzuli beharko dute, 4.300.000 euro Irungoak: “Irailean egin genuen lehen bilera batean esan ziguten aurreikuspenen arabera 3 bat milioi izango zirela itzuli beharko genituenak.  Eta orain itzuli beharreko diru-kopurua igo egin da, ia %50″ azaldu du Miguel Angel Paez udal kontuen arduradunak. Hori horrela, udal gobernuak uste du 2012rako aurrekontu aurrerapenean iragarritako diru sarrerak ez direla beteko; Jose Antonio Santano alkateak dokumentua berraztertzea ezinbestekoa izango dela uste du: “2011ko likidazioaren ondoren Foru Aldundiak Iruni ematen diona 30 milioi badira, esan liteke guztiz ezinezkoa izango dela urte honetarako egina ziguten aurreikuspena lortzea, aurreikuspenaren arabera iragartzen bait ziguten 33 milioi eta erdi esleituko zigutela; horregatik uste dugu zentzuzkoa dela aurrekontuen zirriborroa berriz aztertzea eta zuhurrago jokatzea”. Egoera kezkagarria Udalean ordezkaritza duten alderdietako bozeramaileekin bildu zen herenegun alkatea, sortu den egoerarengatik kezka agertu, eta kontuen osoko [...]

admin

Hiru frontoi hartuta egongo dira bihar

Eskola Pilota ekimenerako erreserbatuta daude bihar arratsaldean Kontzejupeko, Elizaldeko eta Haurtzaroko pilotalekuak, 16:00etatik 18:00etara. Errotazioa amaituta, benjaminek larunbat arratsaldean topaketa bat egiten dute. Pilotaleku horiek ezin izang...

admin

Hainbat partida ikusteko aukera, Madalensoron

Esku pilotako hiru partida izango dira bihar Madalensoron, 17:00etan: bi Euskal Herriko Txapelketakoak, eta bat Udaberri Txapelketakoa. Etzi, 11:00etan, Berria Txapelketako hiru partida jokatuko dituzte Oiarpeko pilotariek. Bestalde, Joko Garbiko Ezker...

admin

Kaleratze bat salatzeko protesta egingo dute etzi Kutxako bulegoaren aurrean

Mari Carmen Marquez errenteriarrak eta bere gurasoek ez dituzte momentu onak bizi. Kutxa Marquezen gurasoek Beraunen duten etxearen jabe egin da enkante batean, eta gurasoak kalean geratzekoak dira. Egoera hori salatzeko Gipuzkoako Stop Desahuciosek, Beraungo Erlontzi emakume elkarteak, Oarso laguntzarako taldeak eta Beraungo bizilagunen elkarteak protestara deitu dituzte etzi herritarrak. Duela hilabete joan ziren Kutxak Donostian duen egoitza nagusira Marquezen familiari irtenbide bat emateko proposamen bat aurkeztera. Gaur-gaurkoz, ordea, ez dute erantzunik jaso. Xabier Garcia Stop Desahucioseko kideak gogorarazi duenez, Kutxa gurasoen etxearen jabe egin da tasazioaren %60aren truke. Kutxaren erantzunarekin, ordea, harrituta geratu ziren, Marquezek aurkitu zuelako etxebizitza erosteko interesatu bat: «Gainera, pertsona horrek Kutxak baino diru kopuru handiagoa ematen zion, eta bermatzen zion gurasoak etxean egotea alokairu baten truke. Kutxak ez du hori nahi izan». Orain, noiz kaleratuko zain daude. Oraindik ez daukate datarik. Garciaren esanetan, behin etxebizitzaren jabe egitetik kaleratzeko agindua eman arte, hilabete pasatu daiteke edo gehiago, «bankuaren asmoaren arabera».  Bitartean, Marquez eta bere familia «geroz eta okerrago» daude. «Gauza asko agintzen dizkizute, baina gero ezerezean geratzen dira», adierazi du kaltetuak. Testuinguru horretan, «pauso bat gehiago» ematea erabaki dute, eta «herritarrek kaleratzeen kontra egingo duten lehen mobilizazioa» deitzea erabaki dute. Etzi, 12:00etan bilduko dira Beraungo Pablo [...]

admin

Euskaltzale bat zigortuta

“Joan den astelehenean, Espainiako Auzitegi Nazionalak Oarsoaldeko hamasei gazte auzipetuen gainean hartutako erabakia ezagutu genuen. Errenteria-Oreretako sei gazteri, sei eta sei urte eta erdi arteko zigorra ezarri die epaiketa izan eta sei hilabetera heldu den epaiak. Zigortutako gazte horietako bat, Iosu Arruabarrena da. Iosu, Lau Haizetara Euskaldunon Elkarteko langilea da eta Mintzalaguna egitasmoaren arduraduna. Euskaltzalea, langile eta lankide fina, agerian utzi du Iosuk euskararekiko atxikimendua eta konpromisoa. Lau Haizetara elkartea bete-betean jo du epaiak, Iosu bertako langile den neurrian, elkartearen jarduera trabatu eta kaltetzen baitu. Lau Haizetara elkarteko kideok, lekuz kanpoko irizten diogu epaiari; izan ere, esperientziak herri honi erakutsi dionez, Auzitegi Nazionala ez da giza eskubideen berme, ezta hain gertu dauden hizkuntza eskubideena ere, epaiketa honetan bertan ikusi ahal izan den bezala. Ondorioz, aipatu aurrekariekin kezkagarria iruditzen zaigu epaia. Gure herrian normalizazio politikoa lortzeko euskal jendartearen gehiengoak beste bide bat jorratzeari ekin dion honetan, elkartasun eta babes osoa eskaini nahi diogu Iosuri eta bere senide eta lagunei, eta baita zigortu dituzten Errenteria-Oreretako beste bost gazteei ere. Horren harira, gaurtik hasita eta igandera arteko deialdietan, nahiz bestela ere, elkartasuna adieraztera deitu nahi ditugu gure herriko euskaltzale guztiak”. Josu Berra, Xixilio Maritxalar, Imanol Miner, Irati Escudero eta Ikerne Zarate, Lau Haizetara [...]

admin

Biolontxelo audizioa gaur egingo dute udaletxean

Iragan astean hasi zuten Musika Eskolako ikasleek martxoko audizioen zikloa. Hamasei kontzertu emango dituzte hilaren 29ra arte, eta 270 ikaslek parte hartuko dute horietan guztietan. Kontzertuak udaletxean, Zuloagan eta Amuten izango dira. Gaur, biolo...

admin

‘Oiartzun’ urtekariko lanak jasotzeko epea, irekita

Xanistebanen harira udalak argitaratzen duen Oiartzun urtekarirako lanak jasotzeko epea ireki du Kultura Sailak. Maiatzaren 1a izango da lanak aurkezteko azkeneko eguna.

admin

Mutürbeltzek lehen diskoa aurkeztuko du Dokan, larunbatean

Eskarmentu handiko lau musikari bildu dira Mutürbeltz taldean, tartean Aitor Castillo Txiki antxotarra. Plan B eta Boogie Van taldeetako baxu jotzailearekin batera daude Iñigo Agirrebalzategi gitarra jotzaileak (The Hot Dogs taldea), Mikel Larratxe abeslaria (Sexty Sexers), eta Eñaut Balentziaga (Kabul, Zura) bateria. Amildegia maite  lehen diskoa aurkeztuko dute Dokan, larunbatean, 20:30etik aurrera. Norman taldeak joko du baita ere. Sarrerak 5 euro balio du.

admin

Trintxerpek 2-0 galdu du Behobiaren kontra

Trintxerpek 2-0 galdu zuen Behobiaren etxean Oarso Bidasoko derbian. Puntu premiarekin zeuden irundarrak, jaitsiera postuak hurbil dituztelako, eta grina hori baliatuta gainditu zituzten pasaitarrak.

admin

Pasaiak 3-2 irabazi du Aretxabaletaren kontra

Aretxabaleta zailaren kontra meritu handiko garaipena lortu zuen Pasaiak larunbatean, 3-2. Lehen zatian 0-2 irabazten jarri ziren Aretxabaletakoak, baina bigarrenean,  bi minututan partida berdintzea lortu zuten, Ander Famoso eta Asier Agirreren golei...

admin

Batzar informatiboa deitu du alkateordeak gaurko

Asteazkenero egin ohi duen legez Azokan herritarrak hartu ordez, gaurko batzar informatibo berezia deitu du Antxoko alkateorde Izaskun Biurrunek. Luzuriagari eta barrutiko mugikortasunari eragingo dioten hainbat aldaketen berri emango du alkateordeak. ...

admin

‘Cosi Fan Tutte’-ri buruzko emanaldia, Itsas Etxean

Cosi FanTutte operaren atariko lirikoa Itsas Etxean izango da igandean. Sarrerek hiru euroko prezioa dute, eta Itsas Etxean bertan eskuratu ahal izango dira, ekitaldia hasi baino ordubete lehenagotik.

admin

Accordes.com taldeak eta Varieteseko langileek musika eta zinema elkartuko dituzte bihar

Baiona Euskal Kostaldea Eskualdeko Orkestrako (BEKEO) Accordes.com taldeak zinemaren unibertsotik ibilbide musikala eginen du bihar arratsaldean Hendaiako Varietes aretoan. Besteak beste, Charles Chaplin, Nino Rota edota Michel Legranden zinemagintza hautatu ditu Accordes.com-ek emanaldirako. Varieteseko lan taldeak lagundu du ikuskizuna prestatzen eta Gerard Suzarte programazio buruak muntaturiko artxibo irudiak proiektatuko dituzte musikarien jardunarekin batera. Maurice Ravel Kontserbatorioko sei irakaslek osatzen dute Accordes.com taldea, denak BEKEOko bakarlariak. Ohiko kontzertuetatik urrundu eta emanaldi berezietarako sortu zuten seikotea, eta lagunarteko giroa sortzen dute zuzenekoetan. Edozein estilo lantzen dute eta, beraiek diotenez, “adierazpen askatasun osoz eta publikoarekiko egiazko topaketa lehenetsiz” aritzen dira. Joan zen ostiral eta larunbatean sarreren aurre-salmenta egin zuten Kontserbatorioan, baina bihar bertan txartelak erosteko aukera izanen da, Varieteseko lehiatilan, emanaldiaren aurretik. Sarreren prezioa 15 euroan jarri dute (12 murriztua, 6 gazteentzat, eta 5 euro Kontserbatorioko ikasleentzat). Accordes.com taldeko musikariak Jean-Michel Denis (biolina) Sandrine Guedras (alto) Yves Bouillier (biolontxeloa) Vincent Planes (pianoa) Marin Bea (kontrabaxua) Antoine Gastinel (perkusioak)

admin

Karmele Mitxelena eta Maite Ruiz de Azua dira Mariasun Landa Sarietako irabazleak

Emakumeen Eguneko ekitaldien haritik, larunbatean jakinarazi zituzten Mariasun Landa Sariaren irabazleen izenak. Karmele Mitxelena eta Maite Ruiz de Azua dira. Lehenengoak Sorkun musikariari buruzko lana idatzi du, eta bigarrenak, berriz, senide bat izan du protagonista: Julia Irazu amona. Xenpelar Etxean banatu zituzten sariak, eta bertan izan zen Mariasun Landa idazlea ere. Bere eskutik jaso zuten garaikurra irabazleek. Bi sari banatu zituzten. Emakumeei Begiradarik Onena saria Ruiz de Azuari eman zioten, Julia Irazu, una de aquellas maestras pioneras idazlanagatik. Lan horretan, XX. mendeko emakume baten bizitza erakusten du idazleak, bere amona izandakoarena, hain zuzen; irakaslea izan zen. Ildo horri jarraituz, beste emakume maistren bizitza eta bizimodua kontatzen ditu. Epaimahaiak nabarmendu du kazetaritza lana baino biografikoa dela, eta beste modu batera, kontatu gabe gera zitekeen istorio bat ezagutarazi duela. Mitxelenak, berriz, Emakumeen Begiradarik Onena saria irabazi du Dena duna lanagatik. Sorkun abeslariaren sorrera eta bilakaera kontatu ditu egileak. Epaimahaiak “ondo idatzita” dagoela eta “kazetaritza jantziari eskaintzen zaion zorroztasuna” nabarmendu ditu, eta “ikuspegi pertsonala” duela adierazi du, “bere iritzia eta gustua azalduz”. Azuak adierazi zuen “poz handia” dela herrian bertan saritzea, eta Elixabete Perez Gaztelu irakasleak sari banaketan esandako hitz batzuk izan zituen gogoan: “Inork ezagutzen ez bazaitu ez zara inor”. Horrez gain, [...]

admin

Auto batek 29 urteko emakume bat harrapatu du Errenterian

Herrizaingo Sailak jakinarazi duenez, auto batek 29 urteko emakume bat harrapatu du gaur arratsaldean, Errenterian, zehazki, GI 636 errepidean, Don Boscoko bidegurutzean. Gaineratu duenez, hanka batean hartu du min emakumeak, eta Donostiako Ospitalera ...

admin
Gehiago