2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Ikastetxeetako haurrak etzi aterako dira kalera; asteburuan plaza inguruko tabernak girotuko dituzte Ihoteak pasatu berritan, inauteriak datoz. Haurtzaro Ikastolan eta Elizalde Herri Eskolan etzi ospatuko dituzte. Plaza inguruko tabernek ere ospatuko dituzte, eta mozorrotu egingo dira asteburuan. Etzi, urteroko Inaute festa ospatuko dute ikastolan. Haurtzaroko ikasle, langile eta gurasoek kolorez, musikaz eta dantzaz jantziko dute ikastolaren ingurua. Goizean, 10:30ean aterako dira ikastolatik, urteroko desfilea egiteko. Ondoren, ikastolako jolasleku nagusian bukatuko dute goizeko saioa: mozorroak, desfileak, dantzak, torradak… Arratsaldez, 14:45ean hasiko dute ekitaldi nagusia, ikastolako anfiteatroan (eguraldi ona eginez gero, bestela kiroldegian egingo dute). Aurkezleen hitzari musika, dantza eta ironia fina erantsiko dizkiote ikasleek, horrela, jaialdia ikusleentzat atseginagoa izan dadin. Hasteko, ikastolan hain ezaguna duten Inauteri! Inauteri! izeneko bertsoak kantatuko dituzte. Jarraian, Haur Hezkuntzako ikasle eta irakasleak izango dira protagonista, eta 3, 4, eta 5 urteko haurrak, beren dantzekin. Horiek zein ondotik saioa egingo duen talde bakoitzak bost minutuko saioak eskainiko du. Ondoren, 2 urteko haur ttiki-ttikiak izango dituzte dantzatokian saltoka, irakasle eta gurasoen laguntzarekin. Euskal inauteriak Lehen Hezkuntzako ikasleek zikloka aurkeztuko dute beren ikuskizuna. Eta bi etapen arteko lotura egiteko, gurasoak izango dira ikastolako plazaren erdian, beren sorpresa aurkezteko prest. Amaitzeko, ikastolako zaharrenak izango dira beren ikuskizuna aurkeztuko dutenak. DBHko lehenengo [...]

Obrengatik aurreko astean itxi behar izan zuten Matxin Artzu kaleko sei komertzioak astelehenetik irekita daude berriro. Ixteko erabakia merkatariek beraiek hartu zuten, obrako arduradunarekin adostuta. Neurri horrekin eremu horretan egin behar zituzte...

Euskadiko Kutxaren erakusketa aretoak Susana Ferreira artistaren ikasleen artelanak ikusgai jarriko ditu hilaren 21etik martxoaren 4ra bitartean. Ordutegia: Astelehenetik larunbatera: 18:00etik 21:00era Igande eta jaiegunetan: 11:30etik 13:30era

Fernando San Martin Irungo Udaleko Euskara eta Heziketa ordezkariak eta Irun Iruten euskara elkarteak gaur jakitera eman dutenez, euskara ikastaro bat prestatu dute elkarlanean. Ikastaroa, ume zein gazteekin lan egiten duten hezitzaleei zuzenduta dago, eta tokiko gobernuak azaldu duenez, “haur eta gazteen hizkuntza ohituretan eragitea eta, finean, euskararen erabilera areagotzea” da xedea. Euskara ordezkariaren hitzetan, “ikastaro honen bitartez hezitzaileei tresna eta estrategia praktikoak emango zaizkio”. Horiek horrela, ikastaroa Ebete elkarteko Iñaki Eizmendi adituak emango du, martxoaren 1ean eta 8an, 19:00etik 20:30era. Haurrekin eta gazteekin lan egiten duten hezitzaileek parte har dezakete La Salle ikastetxean egingo den ikastaroan. Udaletik adierazi dutenez, Eizmendi “euskara sustatzeko zer egin behar den eta zer ez argitzen saiatuko da”. Ekimena, Irungo Euskara Biziberritzeko Plan Nagusian kokatuta dago eta iragan urtean abiatutako Euskararen bidean goaz. Bazatoz? kanpainaren segida da. Matrikulazio epea Irungo Udalak gaur jakinarazi duenez, izen-emate epea hilaren 6an ireki zen eta 17ra bitarte zabalik egongo da. Interesatuak Irun Iruten elkartearekin harremanetan jarriz izena eman dezakete, 943 63 56 02 telefono zenbakian edota kaleanbai@iruniruten.com posta elektronikoan. Ikastaroa doan da, eta hezitzaileei zuzenduta dagoen arren, Kalean Bai hitzarmenaren sinatzaileek lehentasuna izango dute.

Real Union futbol taldea Guijuelo taldearen kontra aritu zen asteburuan, Salamancan. Etxeko taldeak gola sartzen asmatu ez bazuen ere, Irungo taldeak ere ez zuen partida ona egin. Hala, partidaren lehen erdian Union ez zen behin ere beste taldearen ate...

Kaldereroak larunbatean iritsi ziren Irunera inauteriak iragartzera, eta etzi, ostegun gizenarekin, abiatuko dituzte hondarribiarrek eta irundarrek mozorroen festak. Bidasoan tradizio handiko jaiak dira inauteriak, eta Irunen eta Hondarribian egiten dituzten desfileak esaterako oso ezagunak dira. Horietan eskolek, dantza taldeek eta elkarteek parte hartzen dute. Hala, musika, kolore eta dantzak nagusi izango dira, larunbat eta igande arratsaldean Irunen, eta igande goizean Hondarribian. Aurten, desfilearen ibilbidea aldatuko dute Hondarribian, Portua auzoko lanak direla eta. Desfileak ezingo du Matxin Artzu kaletik pasatu, eta Bernat Etxeparetik jarraituko du Zuloaga kalera, egungo trafiko norabidearen kontra. Antolatzaileek hala azalduta, Hondar jatetxe inguruan, San Pedro kalera bidean, bira estua egin beharko dute karrozek. Desfiletako talde onenek sariak jasoko dituzte. Irungo larunbateko eta igandeko desfileek ohiko bidea egingo dute: Letxunborron hasiko dira, eta Nafarroa etorbidean bukatuko dute bidea konpartsek. Mairuak Hondarribian Urteak pasatu dira Hondarribiko Emeki elkarteko kideek Mairuaren ohitura zaharra berreskuratu zutenetik. Hirian sona handia hartu duen ohitura da. Aurten ere, Emekik gonbitea egin die herritarrei Mairuaren jaialdian parte hartzeko. Larunbat goizean Emekikoak baserriz baserri ariko dira, puskak biltzen. Bertan parte hartzeko dagoen baldintza bakarra arropa da. Bakoitzak etxean dauzkan trapuak erabili ahal izango ditu horiekin mozorroa egin eta baserriz baserri ibiltzeko. Baserri bakoitzera iritsi bezain pronto, [...]

Joxe Kruz Sarasolak Pikoketan duen publiometroak metro koadroko 377 euri litro jaso zituen urtarrilean. 2011ko hilabete berean 220 euri litro jaso zituen Sarasolak. Beraz, 2012ko urtarrilean 2011koan baino 157 euri litro gehiago bota zituen.

Ekitaldi bikoitza egin zuen atzo Oreretako Langabeen Asanbladak. Batetik, dekalogo bat aurkeztu zuen langileen eskubideak aldarrikatzeko. Hala, datozen egunetan herriko gizarte eragile guztiei aurkeztuko diela jakinarazi zuen. Hiru asteko epea eman die erantzunak jasotzeko, eta kontuan izango ditu euren iritzi eta ekarpenak. Bestetik, elkarretaratzea egin zuten langabeek Biteri kaleko Kutxako bulegoaren parean, kaleratzeak salatzeko. Dekalogoak 11 puntu ditu. Bertan, lanpostu duina izateko eskubidea aldarrikatu dute langabeek, “bidezkoa den soldata jaso eta segurtasun neurriak bete daitezen”. Langabezia saria mugagabea izatea ere eskatu dute, eta 1.100 eurotik gorakoa izatea. Eusko Jaurlaritzari, berriz, enplegua erregulatzeko espediente gehiago ez onartzeko eskatu diote. Erakunde publikoei, oro har, lan publiko zuzena sustatzeko eskatu diete, eta ildo horretatik, Lanbide hobeto kudeatzea. Kalitatezko eta doako hezkuntza publikoa ere eskatu dute langabeek: “Lan merkatuan sartzea bermatzeko neurriak martxan jartzea, formazio jarraitua, birziklatzea…”. Azken finean, lanik gabeko pertsona kopurua murriztea bultzatu nahi dute langabeek neurri horien bidez. Gizarte laguntza guztiei buruzko informazio “zehatza eta argia” izateko ere galdegin dute. Horrez gain, langabe gazte eta errenta baxua dutenentzako doako garraio publikoaren alde egin dute, eta kultura eta kirolerako eskubidea ere aldarrikatu dute. Pribatizatutako sektore eta enpresa nagusiak berriro nazionalizatzeko eskatu dute, baita diru publikoa jaso duten enpresak eta bankuak ere. Geroa [...]

Goi mailako futbola izango dute hizpide bihar eguerdian, Oiartzun Irratiko Kirolez blai! saioan. Joxe Migel Lopez esatariak ondoan izango ditu bi gonbidatu: Mikel Aranburu Realeko kapitaina eta Iker Sarriegi Realeko jokalari ohia. Horrez gain, telefono...

Torturaren Aurkako Eguna izan zen atzo Euskal Herrian, Joxe Arregiren heriotzaren 31. urteurrenean. Egun hura gogoratzeko eta ordukoa berriro gerta ez dadin aldarrikatzeko, torturaren salaketa Errenteria-Oreretako Herriko plazaraino eraman zuten atzo (...

Oiartzungo Euskara Batzordearen bilera prestatu du udalak hilaren 19rako (osteguna). 17:30ean hasiko da, Manuel Lekuona Bibliotekako ganbaran. Denera, hamasei gai izango dituzte aztertzeko batzordekideek. Hainbat esparrutan euskararen erabilera, ezagut...

Aste Santurako eta Pazko Asterako ekimen bereziak antolatu ditu, Kale Ekintzaren barruan, Ttak-ek. Azken hiru saioak gaur, bihar eta etzi egingo dituzte. Gaur, Nor naiz? izenburuko jarduera egingo dute haurrek, bihar detektibeetara jolastuko dira parte...

La Otracina (AEB, Holy Mountain), Domo (Alacant), Temple Solaire (Frantzia) eta Jubilé (Frantzia) taldeek joko dute hilaren 21ean Trintxerpen, 21:00etatik. Sarrerak dagoeneko salgai jarri dituzte, 10 euroren truke.

Portu Agintaritzako buru Lucio Hernandok San Pedroko lonja berrirako proiektuaren gainean esandakoak hautsak harrotu ditu Pasaian. Udalak gezurtatu ditu Hernandoren adierazpenak, eta manipulazioa egotzi dio Portuari. Hona alkateak gaiaren gainean zabaldutako prentsa oharra, hitzez hitz: “Alkatetzaren prentsa-oharra, San Pedroko lonjaren inguruan portuko agintaritzak aditzera emandako adierazpenei buruzkoa” Diario Vasco egunkarian 2012ko apirilaren 4an agertutako informazioei erantzun eman nahian, Alkatetza honek balorazio hau egiten du. Lehen-lehenik, Pasaiako Portuko Agintaritzaren jokabide manipulatzailea salatu nahi dugu, San Pedroko lonjarekin agertzen dituen desadostasunak direla-eta. Aldi berean, argitu nahi dugu, ez dela unean uneko arazo bat. Izan ere, Pasaiako Portuko Agintaritzak udal honen aurrean eta Pasaiako biztanle guztien aurrean jokabide lotsagabea agertzen du. Halaber, argi adierazten dugu, San Pedroko lonja egiteko, ustez, udalak Pasaiako Portuko Agintaritzari ezarritako baldintzak ez direla udalak, hala nahi izanda, besterik gabe jarriak. Herritarren parte-hartze prozesu bati erantzun eman nahi izan zaio, bizilagun guztiek adierazi baitzuten herrirako zer-nolako lonja nahi zuten: herriarekin bat egiten duen lonja bat; zehazki, herriari eragozpenik sortuko ez dion lonja bat. Izan ere, orain artean, eta baita orain ere, zaratak, trafikoa eta usain txarrak eragin izan ditu, eta eragiten jarraitzen du. Prozesuan hartutako konpromisoarekin zintzoa izan da udala. Hasiera-hasieran partekatutako helburua eskuratzearren, behar-beharrezko adostasunak hartu nahi izan [...]

Blues doinuak izango dira bihar gauean De Cyne Reyna tabernan. Oraingoan, Ñaco Goñi eta Los bluescavidas igoko dira taula gainera. Kontzertua 22:30ean hasiko da. Rythm & blues eta blues doinuak lantzen ditu taldeak. Goñi armonika jotzaileaz gain, beste lau kidek osatzen dute: Armando Marce (bateria), Jorge Flaco Barral (baxua) eta Kapo Albuquerque (gitarra eta ahotsa). Los Bluescavidasek bere tokia egin du Espainiako Estatuko blues mugimenduan, eta erreferentziazko bihurtu da. Nazioarteko blues musikariekin ere ibili dira: Lazy Lester, Louisiana Red, Carey Bell, Bernar Allison, Rich Eureka Jones, Otis Grand, Mick Taylor, Charles Musselwhite, Eddy Clearwater, Smoking Joe Kubek, Phil Guy… Lau disko argitaratu dituzte: Ñaco y los Bluescavidas (1997), Directo en Moby Dick Club (1999), Ñaco Goñi y los Bluescavidas presentan a Edu big hands (1999), eta Nada que perder (2003).

Pasaian hondakinak atez ate biltzeko sistema martxan jarri behar dela eta, Basari elkartean gaiaren gaineko hitzaldia antolatu dute gaurko. 19:00etan da hitzaldia.

Udaletik jakinarazi dute gaur, hilaren 11, Ibilgailuen Udal Zerga ordaintzeko azken eguna dela. Edozein banketxe edo aurrezki kutxetan egion daiteke, udalak etxeetara bidali duen ordainagiria aurkeztuz, edo sarearen bitartez. Bestalde, helbideratutak...

Irungo Kirol Patronatuak adierazi duenez, Azken Portu udal kiroldegiko igerilekua erabiltzaileentzako itxita egongo da datorren igandean, hilaren 15ean, 11:30etik 14:00etara. Urpolo partida bat jokatuko dutelako ezingo dute igerilekua erabilia. Bezeroe...

Pazko astelehenean hasita, Meakako bilerak (festak) egiten ari dira, auzo elkarteak antolatuta. Mendi ibilaldi neurtua egin zuten herenegun, baina ekitaldi gehienak datozen bi asteburuetan izango dira. Heldu den igandean, hilaren 15ean, jubilatuen egun...

Colon ibilbideko hainbat zenbakitan kutxatilak konpontzeko egingo diren lanak direla-eta trafiko aldaketa batzuk egiten ari dira dira. Hilaren 13a arte iraun ditzakete lanek, eta auto ilarak sor daitezkeela iragarri diute udaletik, “egin beharrek...