2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Zilarrezko domina bat eta bi brontzezko eskuratu zituzten Ama Guadalupekoa taldeko kirolariek Espainiako Borroka Txapelketan. San Javier herrian (Murtzia, Espainia) lehiatu ziren Senior eta Kadete mailetako borrokalariak. Iñaki Lekuonak zilarrezko domina eskuratu zuen , Kadete Mailako 46 kiloko kategorian. Haren taldekide Alberto Mitxelenak brontzezkoa lortu zuen 50 kiloko norgehiagokan, maila berberean. Horrela, martxoaren 10ean, Granadan (Andaluzia, Espainia) jokatuko duten Espainiako Eskola Arteko Txapelketan parte hartzeko sailkatu dira. Senior mailakoak ere ondo Senior Mailan, Amaia Curielek, hondarribiarrentzat hirugarren domina lortu zuen; brontzezkoa izan zen 63 kiloko proban. Ander Palavecino taldekidea, berriz, 55 kiloko kategorian gutxigatik ez zen finalerdietan sartu. Senior Mailako bi kirolari horiek txapelketa ikusgarria egin zuten, eta Granadan jokatuko den Europako Txapelketara sailkatzeko aukera asko dituzte. Bestalde, Ama Guadalupekoako judoka kadeteek maila bikaina eskaini zuten Euskadiko Txapelketan, eta Espainiako Txapelketara joateko txartela lortu dute: Nekane Quiñones, Amets Sarazua, Lidia Yarza, Jon Gainza, Iker Otegi eta Lasarteko Oscar Garrido. Datorren asteburuan hainbat lekuetan jokatuko dute hondarribiarrek. Gazte Mailkako judokak Euskadiko Txapelketan ariko dira, eta seniorrek Iruñan jokatuko den Espainiako Txapelketako zonaldeko sailkapen proban parte hartuko dute. Taldeko borrokalariak, berriz, Gasteizen lehiatuko dira, Euskadiko Borroka eta Sambo Txapelketan.

Errenteriako Gurutze Gorriak Victoria Arrieta, Eugenio Boubeta eta Jose Luis Trapero herriko hiru boluntario omendu zituen pasa den urtarrilaren 21ean “egunez egun, urteak joan eta etorri, egin duten lana aitortzeko”. Jose Antonio Fernandez...

Pasaiako Udaleko PSE-EEren udal taldeak osoko zuzenketa aurkeztu die udal gobernuak proposatutako 2012ko kontuei. Sozialisten ustez Bilduren proposamenak zehaztapen falta du: “Aurrera egiteko tresna direla diote, baina aurrekontuetan ez dute esat...

Euskal Herriko Mus Txapelketako kanporaketak jokatu zituzten larunbatean Trintxerpen, San Pedron eta Antxon. Urtarrilaren 14an sanjuandarren txanda izan zen. Horietan guztietan 47 bikotek parte hartu dutela nabarmendu dute Bai Euskal Herriari ekimeneko...

Etzi, Asteko pertsonaia atalean, bertsolaritza hartuko dute hizpide Oiartzun Irratian. Bertan, Miren Amuriza bertsolari berriztarra izango dute. Bere bertso ibilbideaz, Bertsolari filmaz eta beste hainbat kontuz ariko da solasean. Elkarrizketa, eguerdi...

Marquez familiak etxetik kaleratzeko agindua jaso dutela eta, Errenteriako Ezker Anitzak hori geldiarazteko eskatu du. Hilabete baino lehen utzi beharko dute etxea, eta Ezker Anitzaren arabera, beharrezkoa balitz “indarra” erabiliko dutela ...

Hendaia.com elkarteak euskarazko Maitasun Gutun Lehiaketaren hirugarren ekitaldia abian jarri zuen atzokoan, San Balentin egunarekin batera. Elkarteak aurten hautatutako gaia Zailtasun frangoren gaindi… amodio aitortza! izan da, eta parte hartzaileek martxoaren 14a baino lehen bidali beharko dituzte haien gutunak, Hendaia.com elkartearen egoitzara. Horiek horrela, elkarte antolatzaileak jakinarazi duenez, gutunak argitaratu gabekoak izan beharko dute eta horrez gain, originalak izan behar dira. Izan ere, kopiak eta itzulpenak ez dituztela onartuko adierazi dute. Hendaia Euskaraz-en barruan Bigarren urtea da Maitasun Gutunen Lehiaketa Hendaia Euskaraz ekimenaren barruan antolatzen dela, euskararen hilabetearen karietara. Izan ere, maitasun gutunen lehen ekitaldia Baleak elkarteak antolatu zuen arren, iaz, Hendaia.com elkarteak hartu zuen lekukoa. Hala, iragandako bi ekitaldietan otsailaren 14tik martxoaren 14ra bitartean antolatu dute lehiaketa, eta aurten ere, epe berbera jartzea erabaki dute. Martxoaren bukaeran sari banaketa aurreikusi dute, Abbadia gazteluaren kaperan. Antolatzaileek jakinarazi dutenez, hainbat idazle ospetsuk parte hartuko dute epaimahaian, gutunen irakurketan zein sari banaketan, horien artean, besteak beste, Aurelia Arkotxa Euskaltzaindiaren lehendakariordea izanen da. Lehiaketaren oinarriak: 1. Parte hartzaileak: Hamahiru urtetik gorako edozein idazlek parte har dezake. 2. Lanak: Euskaraz idatzitakoak, argitaratu gabeak eta beste edozein lehiaketatan aurkeztu gabeak izango dira. Ez da itzulpenik onartuko. Bederen orrialde bat eta gehienez hiru. 3. Gaia: Zailtasun frangoren gaindi … [...]

64 Habitat Bulego erakundeak garatutako Ama Lur operazioak, 40 etxebizitza alokairuan jartzeaz gain, beste 31 etxebizitza salmenta sozialerako zuzenduko dituela jakinarazi zuen atzo Herriko Etxeak. Etxebizitzak Dongoxenia eremuan eraiki dituzte, eta pr...

LABek antolatuta, murrizketen kontrako manifestazioa egin dute gaur Erdialdeko kaleetan zehar. Hala nola, Kutxabanken bulegotik pasatakoan kaleratzeak salatu dituzte parte hartzaileek. Han izan dira Oreretako Langabeen Asanbladako kideak ere. Manifest...

Hiru ikastaro eman dituzte otsaila hasi zenetik, eta beste bat martxan dago hilaren 24ra arte Otsailerako hainbat ikastaro antolatuta ditu KZguneak. Dagoeneko batzuk eman dituzte, eta beste bat martxan dago, baina oraindik beste hamar prest dituzte hil...

Udalak jakinarazi duenez, astelehenetik aurrera erabili ahal izango da txartel bakarra hiri barruko autobus zerbitzuan. Tarifak ere zeintzuk diren zehaztu du Lurraldebus txartela daukan bidaiari arruntak 0,58 euro ordainduko du bidaiako; ez duenak, ber...

Jaiak urruti daude oraindik, baina Pasaiako lau barrutietan hasi dira prestaketarako lehen zantzuak. Donibanen, Itsas Mendik, gaurko deitu du Santa Ana egunez Habanerak kantatzeko lehen entsegua. Arrantzaleen kofradian bilduko dira entseatzeko, 19:30etik aurrera. Antolatzaileek puntualitatea eskatu dute, eta baita lehengo urteko partiturak eramateko.

Heldu den larunbat arratsaldean Letxunborroko etorbidea trafikora itxiko dute, bertan egingo duten txirrindularitza lehiaketa batengatik. Puiana eta Ibis hoteleko biribilguneen artean moztuko dute bidea, eta Errotako errepidetik desbideratuko dute trafikoa. Udaletik aurreratu dutenez, aldaketak behar bezala seinalatuko dituzte eta udaltzainak izango dira bertan, trafikoa arautzeko. Irungo Txirrindularitza Elkarteak antolatutako proba da, Kimu eta Haur mailetakoa. 16:00etan hasiko da eta ordu pare bat iraungo duela uste dute.

Eguraldiak lagundu ez duen arren, eskualdeko eskaintzek leku askotako jendea erakarri dute, inguruaz gozatzeko. Martxoaren 30etik hilaren 9ra, Hondarribiko Arma plazako eta kirol portuko, nahiz Irungo Luis Marianoko turismo bulegoek 25.360 kontsulta jaso dituzte: iaz baino 10.000 pertsona gehiago hurbildu dira eskualdera. Eguraldi txarraren ondorioz Aste Santuko ekitaldi nagusia —Ostiral Santuko Hondarribiko prozesioa— bertan behera gelditu bazen ere, oso itxaropentsuak dira datuak. Gainera, turismo bulegoek GPS gailuak erabiltzeko aukera eman diete bisitariei, eta horrela, sakelako telefonoekin ibilaldi gidatuak egin dituzte turistek. Hala, iazko datuekin alderatuta, bisita horien kopurua bikoiztu egin da: 105 egin dituzte guztira. Horrez gain, Irungo Oiasso museoak jaso dituen bisitak boskoiztu egin dira 2011ko Aste Santuarekin alderatuz gero. Museoan gehien ibili diren egunak ostirala, larunbata eta igandea izan dira. Leku askotako bisitariak izan dira Bidasoan: Katalunia, Madril, Valentzia, Galizia eta Frantzia, besteak beste. Hotelek aurreikusitakoa bete dute.

CCOO sindikatuak amiantoari buruzko hitzaldia antolatu du gaur arratsalderako, Irungo egoitzan. Sindikatuko Euskadiko Lan Osasuneko arduradun den Jesus Uzkudun izango da hizlaria. Sarrera librea da.

Tip Tap Clap dantza elkarteak, urtero bezala, masterclass-a antolatu du datorren asteko astebururako. Ikasturte honetan Ruben Sanchez Garcia (Lleida, Herrialde Katalanak; 1978) dantzariak emango ditu eskolak. Hilaren 20tik 22ra izango da ikastaroa. Oro...

Ibai Daboz Bidelan-Kirolgi taldeko txirrindulari lezoarrak afizionatu mailako lehenengo garaipena eskuratu zuen astelehenean Pitillasen (Nafarroa) egindako Pazkoko Zirkuituan. Zazpi txirrindularirekin batera ihes egin zuen lezoarrak. Pitillaseko helmug...

Hendaiako Gazte Informazio Bulegoak (GIB) udako lanetarako prestatze egun berezia antolatuko du hilaren 24an, asteartearekin. Hendaiako Herriko Etxeak eta Donibane-Lohizuneko Enplegu agentziak elkarlanean prestatu dute ekintza. Goizean, curriculum-ak egiteko tailerrak eginen dituzte eta, arratsaldez, lan-elkarrizketak prestatzen ikasiko da. Tokia mugartua denez, ezinbestekoa da aldez aurretik GIBen izena ematea. Hiru moduetara izan daiteke: telefonoz (0559 20 41 41 zenbakira deituta), posta elektronikoz, edo bulegoan bertan (goizez, asteartetik larunbatera 09:30etik 12:30era; eta arratsaldez, asteartetik ostiralera 14:30etik 18:30era). Bestalde, sasoiko lan eskaintzak biltzen dituen Udako Lanak ekintza apirilaren 17an hasiko da Gazte Informazio Bulegoan.

Lezoko Udalak Jaizkibel mendian egin dituen baso lanak txalotu ditu Oarsoaldeko Eguzkik. Talde ekologistak Natura 2000 Sarearen barruan dagoen eremuan egin dituzten lan horiek data zehatz batean egin dituztela nabarmendu du: “Nahita piztutako sutea egin eta bi urtera egin dituzte lan horiek. 500 hektarea erre zituen Jaizkibelgo iparraldeko magalean, abeltzain ezagunen mesedetan”. Pinudietan egindako soiltze lanak txalotu dituzte ekologistek: “Egin duten entresaka berezi horretan pinuak moztu dituzte, eta bertako zuhaitzak mantendu dituzte (haritzak, ametzak, lizarrak, urkiak…). Zuhaitz horiek pinuek zein beste zurgintza landaketek okupatutako eremua eskatzen ari ziren orain dela urte batzuk”. Lanen emaitzarekin pozik daude Oarsoaldeko Eguzkiko kideak, “baso natural indartsu bat egin delako”. Horrez gain, bizirik gabeko egur kopurua ere nabarmendu dute, flora eta faunako hainbat espezieentzako babesleku eta elikagai moduan balio duelako. “Horrez gain”, esan dute, “materia organiko hori ongarria izango da hamarkadatan zehar suteek eta pinuek kaltetu duten lurrarentzat”. Horrela, Lezoko Udalak egin dituen ekintzak eredu moduan hartzeko eskatu diete bai Gipuzkoako Foru Aldundiari bai gainontzeko udalei. “Gure basoen birgaitze integrala egiteko ahal diren baliabide guztiak jartzeko eskatzen diegu, biodibertsitatea zaintzeko egiten diren hainbat ekintza oker ekidinez”. Gaur egun pinudi “gehiegi” daudela uste du Eguzkik. “Insignis pinuak zein beste hainbat zuhaitz exotiko hondamendi ekonomikoa dira erakundeentzako, [...]

Heldu den igandean eginen dute seigarren Arte Erronka Zokoburuko Mendi Zolan kulturgunean. Aurten berrikuntza batekin dator; izan ere, Ipar Euskal Herriko eta Akitaniako gazteekin batera, Alsaziako gazte batzuek ere parte hartuko dute ekimenean. Hala, 80tik gora gazte elkartuko dira aurtengo saiorako. 2012ko ekitaldirako hautatutako gaia “ezberdintasuna” izan da. Igandean izanen da aurtengo Arte Erronka. 16:00etatik aurrera adierazpen artistiko anitzez osaturiko ikusgarria sortuko dute ia bat-batean. Herriko Etxeko Kultura zerbitzutik adierazi dutenez, “gazteek musika, dantza eta antzerkia, besteak beste uztartuko dituzte” igandeko erronkan. Horregatik, Kultura arlotik dei egin diete herritarrei “kopuru handian etor daitezen gazte horien babestera eta txalotzera”.