Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Aurrera egiteko gaitasunak azaldu behar direla entzuten dugu maiz; bizitzaren arlo guztietarako balio omen du horrek, baina ekonomiaz jarduten dutenek krisi garaian behin eta berriz errepikatzen duten mezua da. Atzo esaera hori praktikan jarri zuten Irungo Araso industriagunean, Gureak Taldearen lantegi berriaren inaugurazioan. Iñaki Alkorta Gureak Taldeko presidentea, Txelo Perez Gipuzkoako Foru Aldundiko Ezinduen Laguntzako zuzendaria, eta Jose Antonio Santano Irungo alkatea izan ziren zinta mozten; ekimen pribatua eta kolore ezberdinetako mandatariak eskutik, eta gaitasun handiko 135 langile pozez beterik, garai hauetan lan egiteko aukera dutelako. Atzoko ekitaldian ilusioa agerikoa zen, eta ilusioaz hitz egin zuen alkateak, Gureak-eko langileen ilusioez, eta “erakundeetako arduradunok proiektuak gauzatzeko dugun ilusioaz”. Arasoko egitasmoaz hitz egiten hasi zirenean Araso oraindik ez zela existitzen gogoratu zuen Santanok, “eta Iñaki [Alkorta] ez zen oraindik Gureak-en presidente”. Gureak Taldearen Irungo lantegi berriak 2.850 metro koadro ditu, eta 135 langilerentzako lekua du; ehunetik gora Irungoak bertakoak, eta gainontzekoak Hondarribikoak. Batez ere, autoen industria eta energia berriztagarrien esparrurako osagaiak egingo dituzte, hala nola, Volkswagenen autoen kableatzeak, Euskotren eta Metromadriden bagoien muntaiak, edota kaxa elektrikoak Gamesarentzat. Asier Vitoria Gureak-eko industria ataleko zuzendariak Arasoko lantoki berriaren aukerak nabarmendu zituen: “Inbertsio honi esker gure gaitasuna indartuko dugu eta gure bezeroei ahalik eta kalitate gehien [...]

Gure bide galduak antzezlana taularatuko du igandean bigarrenez Errenteria-Oreretan Dejabuk, bertan estreinatu zuela ia urtebete beteko denean. Donostia Saria jaso berri dute Dejabukoek lan horrekin. Urko Redondo sariaz eta dituzten proiektu berrietaz mintzatu da Oarso Bidasoko Hitza-rekin. Donostia Saria jaso berri duzue ‘Gure bide galduak’ lanarekin. Zer suposatu du zuentzat? Oso pozik jaso dugu, ez genuelako espero gu aintzat hartzea Donostia Sarirako, eta poza handiarekin hartu dugu. Hutsetik hasi genuen lana izan da, elkarlanean, talde lanean egin duguna eta azkenean, denentzako opari moduko bat dela uste dut. Orain arte Dejabuk taularatu dituen lanetan ez dira lantalde handiak izan oholtza gainean. Honakoan ez da hala izan. Talde handian egin izan ditugu beste lan batzuk, baina egia da Dejabuk egin izan dituen lanak batez ere Ainara Gurrutxagak eta biok bideratu eta antzeztu izan ditugula. Dejabu Panpin Laborategia Ainarak eta biok kudeatzen dugu eta egia da Gure bide galduak lanean taldea handitu egin genuela. Proposamena luzatu genien eta azkenean, lan aktorial batetik abiatu den lana izan da. Sormena bost aktore eta musikari batek osatutako talde handian eman da, eta aktore lantalde hain handiarekin aritzea nahiko berria izan da. Esperientziaren gaineko balorazioa nolakoa da? Balorazioa oso positiboa da, jakina, eta prozesua bera ere ezberdina [...]

Gernikako bonbardaketaren 75. urteurrena laster beteko da (hilaren 26an), eta horren harira, egur tailen erakusketa jarriko dute Xenpelar Etxean. Gaur bertan inauguratuko dute, 19:00etan. Guztira, 30 lan inguru jarriko dituzte, Picassoren Gernika margo...

Gaur izango da Anjel Lertxundiren Ihes betea liburuaren gaineko literatur solasaldia. Liburua irakurri duen orok parte har dezake, eta 19:00etan elkartuko dira Xenpelar Etxean (lehen solairuan).

Jaien atarian Antxon urtero koadrilek jokatzen duten futbito txapelketa prest da. Antolatzaileek iragarri dutenez, izena emateko epea maiatzaren 2ra arte izango da zabalik, eta egun berean egingo dute lehen bilera, 19:30ean, Azokan. Bilerara talde bako...

Udaleko alderdi guztiek salatu dute lehengo ostegunean Mikel Hontoria taxilariak jasandako erasoa Lanean zela taxian bezero bat hartu, eta honek erasotu egin zuen lehengo ostegunean Mikel Hontoria taxilari pasaitarra. Labankada batez belarrian zauritu,...

Mutxikoen laugarren saioa igandean egingo dute, 12:00etan, Doneztebe plazan. Helduen Tailerretako dantza taldeek antolatu dute ekimena beste behin ere. Antolatzaileen asmoa hilabetean behin mutxiko saioa egitea da.

Sindikatuaren iritziz, trafikoaren datuak «ezin kezkagarriagoak» dira, eta gainbehera, «etengabea» 3,2 milioi tona mugitu zituen iaz Pasaiako portuak, eta 2010eko datuekin aldaratuz gero, trafikoak %18an egin zuen behera. LABen iritziz, datuak «ezin kezkagarriagoak dira». Sindikatuaren arabera, 2003an sei milioi tona mugitu zituen portuak, eta ordutik, trafikoaren gainbehera «etengabea» izan dela dio. Haatik, Portu Agintaritzak «portua txiki» geratu dela defendatu eta kanpoko kaiaren eskean dabilela salatu du sindikatu abertzaleak, eta horren aitzakiapean egungo portuaren jarduera «itotzen dihardutela» iritzi dio LABek. «Tamainaren aitzakiarik ez du balio», salatu du sindikatuak, «gurea baino txikiagoak diren portuetan, Marin eta Villagarcia de Arousa kasu, edukiontzietan, milaka tona mugitzen dira; hemen, aldiz, deus ere» kexu dira. LABen ustez, Santurtzin sartzen diren baporeen %75 sar daitezke Pasaian. Murrizketak Bien bitartean, portuko langileen lan baldintzek okerrera egin dutela salatu du LABek, eta soldatetan eta eskubideetan «gero eta murrizketa gehiago pairatzen» ari direla gaineratu. «Portua hondamendira eramaten ari den zuzendaritza bera, Madrileko dekretuen itzalpean, langileon soldatak murrizten ari da, behin-behineko kontratuak eteten, eta enpresa akordioak desegin ditu». Norabide aldaketa Gauzak horrela, azpiegituraren gidaritzan «erabateko norabide aldaketa» izan behar dela uste du LABek. «Gezur eta manipulazioen erantzuleak agintetik baztertu», eta portua «instituzio, industria sare, langile eta inguruko biztanleen esku» uzteko eskatu [...]

Fermiñene etxean apuntatu behar da; 180.000 eurotik gora balio dute bi eta hiru logelako etxebizitzek Udalak jarri du martxan etxebitza tasatuen esleitze prozedura. Altzibarko Olalde eremuan 42 etxebizitza tasatu eraikiko dituzte, eta zozketa bidez esleituko dituzte. Maiatzaren 10era arte eman daiteke zozketarako izena. Lau baldintza bete behar dituzte izena eman nahi dutenek: adinez nagusiak edo emantzipatuak izatea; etxebizitzarik ez izatea; Oiartzunen erroldatuta egotea 2012ko urtarrilaren 1az gerotzik, edo azken 15 urteetan gutxienezko 5 urtez egon izana, edota Oiartzunen etenik gabe lanean aritu izana azken 10 urteetan; eta 2010. urtean titular izango diren guztien artean 12.000 euro eta 50.700 euro bitarteko diru sarrera haztatuak izatea. Hirugarren baldintzaren kasuan, errolda baldintza betetzen dutenek lehentasuna edukiko dute, azken 10 urteetan herrian lanean aritu direnen aurretik (entregatu beharreko dokumentuak, hemen). Izena eman nahi dutenek, Etxebizitza Bulegora jo behar dute: Fermiñene etxera, 943 49 10 00 telefono zenbakira, edota etxebizitza@oiartzun.org helbide elektronikora. Informazio gehiago badago udalaren webgunean ere: www.oiartzun.org. Zozketaren bidez 42 etxebizitza esleituko dituzte. Horietatik hamasei bi logelakoak dira, eta 24 hirukoak. Beste bi, mugikortasun urri iraunkorreko gaixotasuna duten pertsonentzat izango dira. Etxebizitzek garajea eta trastelekua izango dute. Bi logelakoek, batez beste, 180.000 euroko prezioa izango dute (BEZa gehitu behar zaie). Hiru logelakoek, berriz, [...]

Bihartik ostiralera, Altzibarko Donepetri eta Martintxo kaleen arteko bidegurutzea itxita egongo da, 08:00etatik 18:00etara, Olalde eremuko urbanizazio lanek eraginda.

PILOTA Udaberri Txapelketa. Haurrak. Oiarpe-Bergara: 18-11. Herrerako Txapelketa. Finalerdia. Salaberria-Azpiroz (Oiarpe)/Telletxea-Aldabe: 7-22. Herri Arteko Txapelketa. Kadeteak, gazteak eta helduak. Oiartzun-Berrobi: 12-22. Oiartzun-Berrobi: 22-10....

Oarsoaldeko udalek ez dute dirurik bideratuko errauste plantarako, tartean, Oiartzungoak. Hala jakinarazi zuten atzo egindako agerraldian.

Martxoan hasi zen lanean baino orain aukeztu dute Stop Deshaucios herri mugimenduaren Bidasoko taldea. “Etxebizitza duin bat izateko eskubidearen alde” hiru hilabete daramate lanean eta astero etxerik gabe geratu den pertsona bat iritsi zai...

Gu Ere Bertsolari ekimaren barruko jaialdia egingo dute gaur, 17:15etik aurrera, Hondartza kiroldegian. Gipuzkoako Bertsozale Elkartearen eskutik, eta Hondarribiko Udaleko Euskara Zerbitzuaren laguntzari esker, ikasturte bukaerarekin batera bertsolaritzaz gozatzen ari diren haur eta gazteek elkar topatzeko aukera izango dute. Gurutzeko Alabak, Talaia eta Ama Guadalupekoa ikastetxeetako Lehen Hezkuntzako laugarren eta bosgarren mailako ikasleak izango dira bertsotan kiroldegiko saskibaloi kantxan. Ikasle talde bakoitzak bost minutu inguruko emanaldia prestatu du, Gipuzkoako Bertsozale Elkarteko adituaren eta ikastetxe bakoitzeko irakasleen laguntzarekin. Ekitaldia dibertigarriagoa izan dadin, ikasleek hainbat gai jorratuko dituzte bertsotan, eta gainera, mozorrotuta joango dira. Lehen saioan laugarren mailako ikasleak ariko dira 17:15etik aurrera, eta horiek bukatutakoan, bosgarren mailakoen saioa hasiko da, 18:30ean. Gaurko saioaren bukaeran liburu bana emango diete ikasleei, Gu ere bertsotan. Ikastetxeetako taldeen argazkiez gain, eurek egindako bertsoak biltzen ditu liburuak. Ahozko komunikazioa Proiektu horren bidez eskualdeko gazteek aukera dute ahozko komunikazioa lantzeko. Bertsolaritzaren hainbat baliabide erabiliz, ahozko adierazpena hobetzea, estrategia eraginkorrak bultzatzea, hizkuntza aldetik sormena bultzatzea, eta jendeaurrean egoteko eta hitz egiteko oztopoak gainditzea lortzen saiatuko dira. Horrela, bertsolaritza ikastetxeetako hezkuntza proiektuetan jasotako helburuak bermatzeko tresna gisa erabiltzen dute. Proiektu honetan, hiriko ikastetxeez gain, Euskal Herriko 300 ikastetxe inguruk hartu dute parte ikasturte honetan. Gipuzkoako Bertsozale Elkartea duela hamaika [...]

Garcia-Alliez II eta Olharan-Duke puntistak nagusitu ziren larunbatean, Jostaldi pilotalekuan jokatu zituzten denboraldiaurreko lehenengo partidetan. Negu lasaiaren ondoren, zesta punta partidak bueltatu dira Jostaldira, eta denboraldia girotzeko bi partida jokatu zituzten Jai Aliveko jokalariek: Garcia-Alliez II, Treku-Aliez I puntisten kontra, eta Olharan-Duke, Egiguren II-Konparen aurka. Uztailean eta abuztuan Lehenengo saioaren ondoren, denboraldirako prest dago Hondarribia. Zesta punta partidak jokatuko dituzte uztaileko eta abuztuko ostiral eta larunbatetan. Partidetan gastronomiaz gozatzeko aukera izango dute ikusleek, Hiruzta txakolindegiaren eta Fish & Rice jatetxearen eskutik.

Erdi Aroko Azokaren argazki erakusketa ireki dute Zuloaga Etxean. Hilaren 30era arte egongo da irekita. Erakusketa ondorengo ordutegian zabalduko dute: astelehenetik ostiralera 10:00etatik 13:30era eta 16:00etatik 20:00etara eta, larunbatetan, 10:00eta...

Shellac eta Helen Money taldeen kontzertuak izango dira gaur Psilocybenea aretoan, 22:00etatik aurrera. Sarrerak gaur bertan eros daitezke, zazpi euroan, Psilocybenean. Shellac izango da lehena taularen gainean.

Udal Kirol Patronatuak jakinarazi duenez, hilaren 18an zabalduko dituzte Kaputxinoetako udal igerilekuak. Patronatuko abonatuek sarrera doan izango dute. Gainontzekoentzat, berriz, ondoko koadroan azaltzen diren tarifak zehaztu ditu. Oraindik, ordea, e...

Atzo ospatu zuten Haurtzaron Ikastola Eguna. Goiz-goizetik hasi zen festa, 08:30ean bota baitzuten lehen txupina. Goizeko euriak ez zuen gehiegi lagundu, eta ekitaldi ofiziala kiroldegian egin zuten. Bazkaria ikastolako pilotalekuan egin zuten, eta arr...