Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Andra Mari Abesbatzak kontzertu bat emango du bihar Miramonen Euskadiko Orkestra Sinfonikoko tronpa jotzaileekin batera. Tropa eta ahotserako Johannes Brahms, Robert Schumann eta Franz Schubert-ek egindako piezak kantatuko dituzte Miramongo Matinee programaren barruan.

Bihar asanblada eta bertso-pintxo-potea egingo dituzte; erakusketa jarrita dago gaztetxean Hilaren 14tik motorrak berotzen ari dira Kataxuloko kideak. Gaztetxearen seigarren urteurrena ospatzeko, hainbat ekitaldi antolatu dituzte. Etzi, egun osoko egitarauarekin, seigarren urteurrenaren ospakizunak biribilduko dituzte. Aurretik, baina, asanblada eta bertso-pintxo-poteoa antolatu dituzte biharko. Asanblada irekia izango dela jakinarazi dute Kataxuloko kideek. 18:30ean jarri dute hitzordua, gaztetxean. Ondoren, bertso-pintxo-poteoa egingo dute. Aste osoan zehar, gainera, azken urteetako argazkiak ikusteko aukera izango dute Kataxulora gerturatzen direnek. Egun osoko festa Etzi, larunbata, izango da ospakizunetako egunik indartsuena. Egun osoko festa antolatu dute gaztetxeko kideek (behean). Eta igandean, zinema izango da, 18:30ean. Kataxuloko kideek ekimen horietara guztietara agertzeko deia egin diete Oiartzungo gazteei. Eta gogorarazi dute, gertaerak gertaera, lapurretak lapurreta, «oztopo guztien gainetik» aurrera jarraituko duela Kataxulok. Etziko egitaraua 13:00etan. Ekitaldia, Kataxulo Gaztetxian. 14:00etan. Bazkaria. Txartelak 10 eurotan daude salgai, Makutxo, Amazkar eta Sorgin tabernetan. Ondoren. Jolasak. 19:00etan. Elektrotxaranga eta poteoa. 22:30ean. Kontzertuak (sorpresa).

Lau domina irabazi dituzte Honbuko kirolariek Espainiako Txapelketan; Europan ere maila ona eman dute Espainiako Kenpo Txapelketa jokatu zuten pasa den asteburuan Madrilen. 200 kirolarik baino gehiagok parte hartu zuten lehian, eta Oiartzungo Honbu Japoniar Zentro Kulturaleko lau kirolarik domina bana eskuratu zuten. Marina Amorinek urrea irabazi zuen, Jon Ander Rodriguezek eta Ioritz Irazustak zilarra, eta Alain Basasorok brontzea. Marina Amorin eta Alain Basasasoro, bestalde, Europako Nippon Kenpo (kenpo japoniarra) Txapelketan izan ziren pasa den martxoaren 31n Estrasburgon, eta laugarren postua eskuratu zuten biek, bakoitzak bere mailan. Alain Isasa, Beñat Etxarte eta Pedro Rekalde ere lehiatu ziren, eta maila altua erakutsi arren, ez zuten lehen postuetan sartzea lortu. Gipuzkoan eta Euskadin ere Martxoaren 24-25eko asteburuan, Gipuzkoako eta Euskadiko txapelketak jokatu zituzten Eskoriatzan (Gipuzkoa). Guztira, 120 euskal kirolari lehiatu ziren, eta txapelketa horietan ere, maila altua dutela erakutsi zuten Honbuko kirolariek. Hainbat domina eskuratu zituzten bai Gipuzkoakoan, baita Euskadikoan ere (behean). Honbuko arduradunak oso pozik daude bertako kirolariek lortutako emaitzekin, eta lanean jarraituko dutela adierazi dute. Azkeneko txapelketetan lortutako postuak Espainiako Txapelketa Marina Amorin. Emakumeak, Helduen Maila. Lehen postua, puntukako borrokan. Bigarren postua, borroka jarraian. Jon Ander Rodriguez. Gerriko beltzak, 70 kilotik behera. Bigarren postua, puntukako borrokan. Bigarren postua, borroka jarraian. [...]

Kirol txapelketak bi asteburutan geldirik egon ondoren, bihar hasiko dira berriro. Horrela, Allerru saskibaloi taldeak Bekoerrota kiroldegian Astigarraga jasoko du, 20:00etatik aurrera. Allerru hamargarren postuan dago, hamar garaipenekin. Astigarragat...

Etzi goizean presoei buruzko informazioa emateko batzarra egingo dute Tomas Garbizu Musika Eskolan. Bilera hori 09:30ean hasiko da. Antolatzaileek adierazi dutenez, presoen egoera “aldatu” egin da, eta egoera horri buruz informazioa ematea ...

Hondarribiko Bilduk San Marko lorategiaren egoeraren gaineko erantzuna ematea eskatu zion gobernu taldeari iragan astean. Koalizioko kideen ustez, gainera, lorategia «degradatuta» dago, eta hori eraberritzeko proposamena egin zuen. Gobernu taldeak erantzun egin dio Bilduri: «Krisi ekonomikoa dela-eta ezin dugu une honetan San Marko parkeko proiektua egin». Proiektua 2008 urtetik idatzita dagoela zehaztu dute gobernu taldetik, «baina krisi ekonomikoaren ondorioz, eta gastu eta inbertsioei dagokienez dugun lehentasunak direla eta, proiektu hau bigarren mailan geratu zaigu». Krisiak aurten ere jarraitzen duenez, San Marko lorategiaren birgaitzea, egoera ekonomikoak hobetu arte ez dute egingo. Zuhaizti, paseo, urmael eta harriz egindako harresiekin diseinatu zuten parkea, eta ekosistema txikiak sortu dira bertan. «2007ko hauteskundeetan EAJren programan San Markoko lorategiaren birgaitze proiektua aurreikusi zen, baina krisiak eta zuhurtzia irizpideak jarraituta, ezin izan dugu burutu». Gobernu taldearen ustez, «premia handiagoa» dute Soroeta, Matxin Artzu eta Bernat Etxepare, nahiz Zuloaga eta Itsasargi kaleak biziberritzea; Kultur Etxea, Amuteko kirol gunea, Itsas Etxea, Udal Liburutegia handitzea; edo Gabarrariko lanak egitea, «eta era berean gizarte zerbitzuei beharrezko partidak ematea, orain arte egin dugun bezala».

Hondarribia Board Club elkarteak, irristatze kirolak sustatzen ditun elkartea —surfa eta skatea besteak beste— eta Koalak izeneko lorezaintza enpresak, ingurumen jardunaldi bat antolatu dute Hondarribiko hondartza garbitzeko, igandean. Elkartearen helburua udako sasoia hasi aurretik hondartza garbitzea da, eta aldi berean herritarrei «ingurumena errespetatu» behar dela adieraztea. Deialdia irekia da, beraz, norbanakoek, taldeek, elkarteek, eskolek eta bestelako eragileek parte har dezakete. Garbiketa ekitaldia igandean egingo dute, 10:30etik 13:00etara, eta hondartzako aparkalekuan, lehenbiziko biribilguneko erlojuaren parean, bilduko dira. Bazkide egiteko aukera Hondarribia Board Clubek eta Koalak lorezaintza enpresak, hondakinak jaso eta garbigunera eramateko beharrezko materiala emango diete partaideei. Hara joan besterik ez da egin behar, eta han beharrezko gauzak banatuko dituzte. Bestalde, klubeko kide izan nahi dutenentzako bazkide izateko informazioa emateko karpa bat jarriko dute. Informazio gehiago nahi izanez gero triki82@hotmail.com helbidera idatz daiteke edo 615 76 99 44 telefono zenbakira deitu.

Mendekosteak pretatzen hasi dira jadanik lezoarrak. Horien artean dago Zabarre Taldea. Soldadu eta marinel bila dabiltza, eta deialdia egin dute datorren asteazkenean, hilaren 24an, biltzeko. Donibane kaleko Kultura Aretoan elkartuko dira, 19:00etatik ...

Altzibarko Jai Batzordeak jakinarazi duenez, Altzibarko jaietako joan den urteko argazkiak biltzen ari dira, aurtengo programa osatzeko. Dagoeneko batzuk jaso eta Anixetaren ondoan jarri dituzte, jendeak ikusteko. Norbaitek argazkirik balu, honako helb...

Gaur hasiko da Antzerki Astea San Pedron. 18:00etatik aurrera bi antzezlan ikusteko aukera izango da udal aretoan. Lilikoko taldearen eta Karmengo Ama Herri Ikastetxeko taldearen emanaldiak izango dira gaurkoak. Bihar beste bi antzezlan izango dira ord...

2-0 irabazi dio San Miguel talde arabarrari Hirugarren Mailan jokatzeko Igoera Fasean Ederki sufrituta baino lortu dute. 2-0 irabazi du Pasaiak Hirugarren Mailara iristeko Igoera Faseko lehen lehia. Gasteizko San Martin taldea gainditu dute antxotarrek Don Boscon jokatutako partidan, eta horrenbestez igoerarako bidean urrats garrantzitsua egina dute zuri-gorriek. San Martin taldearen kontrako partida ez zen erraza izan. Partidaren lehen hogei minutuetan gasteiztarrak nagusitu ziren berdegunean, baina lehen zatiaren 30. minutuan Igor Merak gola sartu zuen zuri-gorrientzat, buruz. Partidaren bigarren zatian San Martin taldeak berdintzeko aukera asko izan zituen, baina, kontraeraso batean Igarki Arrondok 2- 0koa sartu zuen. Bestalde, balizko berdinketarako egin zuten penaltien txandan, Pasaiak bigarrenez irabazi zuen, 5-4 aurreratu baitzen markagailuan. Hurrengo partida Bermeoren kontra du, asteburuan. Taldeko zuzendaritzatik zaleei deia luzatu diete, Bermeora joan daitezen taldea animatzera.

Errenteriak ezin izan du aurrera egin herri arteko esku pilota zein pala txapelketan, eta partida bakarra irabazi du larruzko paletan. Horrenbestez, asteburu honetako zein aurreko emaitzak kontuan hartuta, pala txapelketan 3-1 geratu da Olaberriaren ko...

Herriraren deialdiari erantzunez, 150 lagunek martxa egin zuten Basauriko (Bizkaia) espetxera herenegun, Aitzol Gogortza gaixo dagoen presoa askatzeko eskatzeko. Errenteria-Oreretatik eta Oiartzundik atera ziren autobusak. Espetxearen atarian elkartu z...

Xanistebanetako Arkume Egunerako izena emateko epea atzo ireki zuten, eta hilaren 18ra arte egongo da zabalik, hainbat tokitan: Gurutzen, Bizardian; Altzibarren, Irundarrenen; Elizalden, txokolategian, Amazkarren, Mirenen, Makutxon eta Sorginen; Karrik...

2012ko Madalen Jaietako kartel lehiaketa Iñaki Fernandez Iturmendi nafarrak irabazi du, Atabal lanarekin. Hain zuzen, musika tresna hori da kartelaren protagonista, eta barruan Errenteriako armarria du. Atzean, berriz, Jasokundeko Amaren eliza ikus da...

Egun historikoa izan zen igandea Oiartzungo Kontzejupean. Ehun urte baino gehiago ziren bertan pasakan aritzeari utzi ziotela, eta igandean berriro txapelketa bati ekin zioten, Pasaka Eskuz Oiartzungo I. Herri Txapelketari. Hiru partida jokatu zituzten...

Asteburuan ospatuko dute Donibanen Euskal Jaia, Bixi-Bixi Kultur Elkarteak antolatuta. Ostiralean hasi eta igandera bitartean, euskal giroa nagusituko da kaleetan, hamaika ekitaldi antolatu baitituzte hiru egunetarako. Nafarroaren konkistaren 500. urteurrenaren harira maiatzerako antolatu zituztenak, bertan behera utzi behar izan zituzten euriarengatik, eta jarduera horiek guztiak batu dizkiete aurrez antolatua zuten Euskal Jaiaren egitarauari, are eta eskaintza oparoagoa osatuz. Euskal Jaiarako aurtengo gonbidatu berezia, Galiziako herria izango da. Hiru ekitaldi dira nabarmentzeko modukoak; ostiralean, Allur dantza taldearen ikuskizuna, Izanak Dirau 1512, larunbatean arratsaldeko Sagardo Feria, eta igandean bertso bazkaria. Bazkarirako txartelak 20 euroan eros daitezke, Pari Berri eta Itziar tabernetan. Haurren txartelak 7 euro balio du. Horiez gain, bada askoz gehiago. Honatx egitaraua: Hilak 8, ostirala: 21:30: Aurkezpen ekitaldia. 22:00: Allur dantza taldearen Izanak dirau ikuskizuna, plazan. Hilak 9, larunbata: 17:00: Sagardo Feria, Rezola, Bereziartua, Petritegi, Egi-Luze, Lizeaga, eta Gartziategi sagardotegien eskutik. 17:30: Sagardoaren prozesua bertsoen eta musikaren bidez. 18:00: Nafarroako itsasoan nabigatzeko aukera. 18:00: Antzinako lanbideen erakusketa. 18:00: Elkarteen arteko sukaldaritza txapelketa: Ixkiro, Usoa, Itsas Mendi, Bixi-Bixi, Yola, eta San Juan arraun elkartea. 18:30: Dangiliske plaza dantza eta Muxikoak. 20:30: Afaltzeko, pintxoak debalde 22:00: Gartxot filmaren emanaldia. Hilak 10, igandea: 10:00: Diana txistulariekin 11:00: Kalejira trikitilariekin. 11:30: Dultzaineroak. 12:00: Dantzari Txikien [...]

Hurrengo astean, hilaren 13tik 17ra, hainbat artisau produktu eta arlo horri lotutako beste zenbait lan ikusteko aukera izango da Niessen merkataritza zentroan. 30 postu izango dira guztira, eta haurrentzako tailerrak eta sabel dantza ikusteko aukera i...