Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Ikasturte bukaerara iristear da Hondarribiko Musika Eskola. Horregatik, ekimen asko antolatu dituzte ekainera arte, eta azkeneko hilabeteetan eskolako 300 ikasle inguruk ikasitakoa erakutsiko dute. Txomin Sagarzazu Kultur arloko zinegotziak azaldu duenez, «edozein hezkuntza zentrok, ikasleak hezteaz gain, gizarterari ekarpena ere egin behar dio. Zentzu honetan, musika, herritarrengana iristeko biderik onenetakoa da». Datozen astetako emanaldiak hiriko hainbat lekutan egingo dituzte. Gainera, beste musika eskola batzuekin egindako trukeei esker, Gipuzkoako beste herrietan ere izango dira hondarribiarrak. «Instrumentuen kontzertuak izango dira gehienak, eta talde bakoitzak bere lana kalera aterako du», esan du Arantxa Lasak, ekimenen arduradunak. Txistulariak, Italiara Txistuko ikasleak Italiara joango dira datorren astean, eta Europako Gazte Musikarien Jaialdian parte hartuko dute. Europako Musika Eskolen Elkarteak antolatuta, jaialdia hiru urtero ospatzen dute, eta aurtengo ekitaldian, hiriko gazteak barne, 15 eta 25 urte arteko 6.000 gazte inguruk parte hartuko dute. Musika Eskolaren egitarauaren barruan Gibeletan, San Gabriel egoitzan eta berritasun bezala bezala, Kasino Zaharrean egingo dituzte musika emanaldiak ikasle gazteek. Gainera, emanaldi pedagogikoak egingo dituzte datozen asteetan, herriko gainontzeko hezkuntza eskoletako ikasleei zuzenduta. Arantxa Arzakek, Musika Eskolako zuzendariak, jendearen aurrean aritzea ere irakaskuntza prozesuan sartzen dela gogorarazi du. «Ikasitakoa taula gainean erakustea pausu bat da. Gainera, familiek egindako lana ikusten dute eta ikasleek, [...]

Gaur hasiko da Bidasoko Txirrindularitza Itzulia, eta, urtero bezala, ia egunero eragina izango du Irungo trafikoan. Gaur, Urdanibia plazatik abiatuko dira txirrindulariak, eta honako ibilbidea egingo dute hirian barrena: San Juan plaza, Colon pasealek...

Ane Martinez Santamaria da Irungo Alarde Parekideak aurtengo desfilerako aukeratu duen lehen kantinera; Zalditeriako eskolta konpainia ordezkatuko du aurtengo jaietan Martinezek. Aurreko asteko ostegunean aukeratu zuten.

Irun Iruten euskara elkarteak, Ikust Alaia udal liburutegiak eta Elkar eta Oskarbi liburudendek euskarazko irakurzaletasuna sustatzeko Irakurri, gozatu eta oparitu goiburuko egitasmoa abiatu dute. Joan den ostiralean aurkeztu zuten Ikust Alaiako lehen solairuko areto batean. Bertan izan ziren Arantxa Iriarte Irun Iruteneko kudeatzailea eta Belen Sierra Irungo Udaleko Kultura arloko ordezkaria. Irunez gain, irakurzaetasuna bultzatzeko kanpainia Euskal Herriko beste hamalau herritan martxan jarri dute, tokian tokiko euskara elkarteek sustatuta. Iriartek zuen kanpainiaren xedea zein den azaldu zuen: “Kanpainaren izenak berak adierazten duenez hiru pausu eman behar dira bertan parte hartzeko: udal liburutegira joan eta euskarazko edozein liburu maileguan eskatu; liburua bueltatzerakoan fitxa erraz bat bete eta trukean erosketa-txartela jaso; eta Elkar edo Oskarbira joan eta liburu bat erosi, merkeago”. Ikust Alaian hartutako txartelarekin %25eko deskontua izango dute parte hartzaile arruntek, eta Irun Iruteneko bazkideek %50ekoa. Irakurri, gozatu eta oparitu programak ekaina bukaera bitarteko iraupena izango du. Amaitzerakoan, parte hartu duten irakurleen artean 30 euroko bi erosketa txartel zozkatuko dituzte. Irun Iruteneko kudeatzaileak eskerrak eman zien udalari, Elkar eta Oskarbi saltokiei “eta bereziki Ikust Alaiari, liburutegirik gabe egitasmo hau ezinezkoa izango litzatekeelako”. Belen Sierrak ere esker hitzak izan zituen Irun Iruten elkartekoentzat, “kanpainia honi atxikitzeko jarri duen borondateagatik”, eta herritarrei egitasmoan [...]

Oiartzungo Athleticeko jarraitzaileek dei berezia egin dute biharko: lehoiak animatuko dituzte, herrian bertan. Horretarako, pantaila handi bat jarriko dute udaletxeko arkupeetan. Partida 20:45ean hasiko da, baina zaleak zertxobait lehenago elkartuko d...

Berria Taldearen barruko, Zure ziztada behar dugu ekimeneko bilera egingo dute, gaur, 19:30ean, Reina aretoan. Herritar guztiak animatu dituzte bilera horretan parte hartzera.

Larunbat arratsaldean, Sara Carracelas Kirol Egokituko Igeriketa Txapelketa jokatu zuten, Galtzarabordako kiroldegiko igerilekuan. 60 kirolaritik gora bildu ziren bertan, eta hogei maila ezberdinetan lehiatu ziren.

1.900 metro koadroko eremua du, eta eskualdeko bizilagunei ere emango die zerbitzua, doan Talaiako behin betiko garbigunea martxan dago joan den ostiraletik. Eguerdian inauguratu zuten Oiartzungo alkate Aiora Perez de San Romanek, San Markoseko Mankomunitateko Ainhoa Intxaurrandietak eta Gipuzkoako Foru Aldundiko Ingurumen zuzendari Ainhoa Iraolak. Arraztalo Elkarteak kudeatuko du zerbitzua. Gaixo psikikoen lan-munduratzeaz eta gizarteratzeaz arduratzen den herriko taldea da Arraztalo. Bertako kideak, honako ordutegian egongo dira lanean garbigunean: astelehenetik larunbatera 10:00etatik 13:00etara, eta astelehen, asteazken eta ostiraletan baita arratsaldez ere, 17:00etatik 20:00etara. Pozik aukeragatik Politikariek, garbigunearen garrantzia nabarmendu zuten, batetik. Ainhoa Intxaurrandieta, San Markoseko Mankomunitateko presidenteak adierazi zuenez, «gure indarrak prebentzioan, berrerabilpenean eta birziklapenean jartzen jarraituko dugu, hori baitugu etorkizuna». Intxaurrandietak berak, zerbitzua Arraztalok kudeatzea ere garrantzitsua dela gogorarazi zuen. Pedro del Olmo Arraztaloko kideak jakinarazi zuen, oso pozik daudela ardura hori euren esku utzi izanaz: «Egia esan, ez genuen espero, baina oso pozik gaude. Lanean ari direnentzat oso ondo dago ardura hori izatea, aukera ona da, eta gainera, oso ondo ari dira lanean». Berrerabiltzeko gunea Garbigune berria San Markoseko Mankomunitateak eraiki du, Oiartzungo Udalak eskatuta. Lur eremua udalak utzi dio Mankomunitateari, zerbitzua eman dezan, eta Gipuzkoako Foru Aldundiak ere diruz lagundu du egitasmoa. Garbiguneak 1.900 metro koadroko eremua [...]

Gaizki jokatu arren bere partida irabazi zuen Real Unionek, Torrelavegako Gimnasticaren aurka (1-0). Angulok sartu zuen etxekoen gola, bigarren zatian. Hiru puntuak behar zituzten irundarrek, eta eskuratu zituzten. Baina ez zen izan nahikoa, Palenciak ...

Janari eta edana, musika eta kirol. Hiru osagai horiek oinarrizkoak dira festa batean, eta hirurak bilduko dituzte Galtzarabordako jaiek. Bihar arratsaldean hasiko dira, 19:00etan txupinazoarekin, eta hiru egunez iraungo dute. Egun handiak, baina, etzi eta igandekoa izango dira. Gauean danborrada egingo dute herriko kaleetatik, eta igandean, berriz, xake erakustaldia, patata tortilla lehiaketa, eta dantza erakustaldia egingo dute. Arraltsaldean, berriz, haurren danborrada izango da. Ekitaldi guztiak parkean izango dira. Egitaraua Bihar, ostirala 19:00: Txupinazoa eta erraldoi eta buruhandiak, txarangarekin batera. Ondoren: Sardina jatea, parekean. 19:30: Toka eta Pote txapelketa mistoa. 21:00: Iazko jaietako argazkien emanaldia. Ondoren: Txokolatada. Segidan: Film emanaldia, Powers. Bukatutakoan: Eurekarekin dantzaldia. Etzi, larunbata 09:00: Udal Txistularien diana auzoan barrena. 10:00: Areto futboleko txapelketa (13-17 urte). 11:00-13:00: Haurrentzako tailerrak eta jolasak. 16:00: Mus txapelketa. 17:00: Zezenko eta poneyak. 18:30: Kirol zirkuitua neska-mutilentzat. Ondoren: Merienda Telepizzaren eskutik. 19:30: Dantza emanaldia. 21:00: Herri afaria. 23:30: Dantzaldia, Ai Ene taldearen eskutik. 23:30: Helduen danborrada auzoan barrena. 00:00: Zezen suzkoa. Segidan: Film emanaldia, Powers. Bukatutakoan: Eurekarekin dantzaldia. Etzidamu, igandea 10:00: Areto futboleko txapelketa (6-12 urte). 11:00: Haur eta helduentzat xake eta xake erraldoi erakustaldia, Kultur Sustapena elkartearen eskutik. 11:00-13:00 eta 16:00-19:00: Gaztelu puzgarriak. 12:30: VII. Patata Tortilla Lehiaketa (etxean egin behar da). Bitartean, [...]

Euskal kantu herrikoiak gustuko dituztenentzat kantu poteoa egingo dute etzi. Eguerdiko hamabietan bilduko dira San Pedro kaleko Azeri elkartearen parean. Han kantatzen hasiko dira eta gero kalez kale ibiliko dira. Martin Iturberen Arraunlariak kantua ...

42 lan aurkeztu dituzte; hamalau izan dira haurrenak eta onenak Margosoroko matrikula irabazi du Eneko Salaberriarena da aurtengo xanistebanak iragarriko dituen kartela, epaimahaiak hala erabakita. 42 kartel aurkeztu zituzten lehiaketara, inoizko kopuru altuena (horietatik 14, haurrek). Eta horien artean onena Salaberriarena dela iritzi dute Jai Batzordeko, udaleko eta artearen munduko ordezkariek. Haurren arteko onenak, berriz, Margosoro eskolan 2012/2013 ikasturterako matrikula dohainik irabazi du. Epaimahaian parte hartu duten Jai Batzordeko kideak honakoak dira: Ardi Latxa Elkarteko Esti Iragorri, Arraztaloko Kontxi Larrañaga eta Gurutzeta Sorondo, eta HELTAko —Helduen Tailerretako— Maite Paisal. Udaletik, honakoak: Asier Legorburu, Miren Irigoien eta Mailu Iragorri zinegotziak. Eta artearen munduko aditu hauek: Pepa Makazaga, Joxe Mari Isasa, Ixiar Urkia eta Sergio Santamarta. Sariak Irabazlea. Eneko Salaberria. Oiartzuar onena. Onintza Etxebeste. 1. akzesita. Angel Blanco. 2. akzesita. Allende Arnaiz. Margosororen beka. Mattin Etxebeste eta Garazi Oiarbide.

HONDAE-k, Hondarribiko Ondarearen Aldeko Elkarteak, irteera bat kotxez antolatu du Jaizkibeleko tontorrera. Erromatar garaiko geografia erakutsiko dute eta Saltus Vasconum eremuko xehetasunak azalduko dituzte batez ere. Bisita Mertxe Urteaga arkeologoa...

Udako denboraldiarekin heldu ohi da Puntal auzora jaien hasiera, eta urtero bezala, egitaraua prest dute bihar arratsaldean auzoko jaiei hasiera emateko. Aurtengoa beste urtetakoa baino motzagoa den arren, gogotsu dira auzokideak euren jaiekin. Egitar...

Ariel Roth musikariaren eta Maribel Verdu aktorearen bisitaren ondoren, Hondarribiko gastronomiaz eta herriaz gozatzera etorri den beste aktore bat badago: Miguel Angel Silvestre. Sin tetas no hay paraíso telesailarekin egin zen ezagun aktorea, El Duque-ren paperean. Hala, aste honetan Batzoki jatetxean izan da aktorea, eta esan duenez, “etxean bezala” sentitu da herrian: “Oso ondo jan dut, eta jendearen harrerarekin oso gustura nago”.

Suaren inguruan dantzan hasiko dituzte ospakizunak, eta traineru berriaren aurkezpenarekin bukatu Sanjoanekin batera heldu ohi da Pasaiara jaien egutegiaren hasiera, eta, Donibanen, beti bezala, guztiak prest dituzte jaietan murgiltzeko. Bezperan hasiko dira ospakizunak, larunbatarekin. Jose Ramon Sistiaga Kaxero-ri herritarrek antolatu dioten omenaldiarekin hasiko da giroa berotzen, goizean goizetik, baina jaien hasiera ofiziala etzi arratsaldean izango da. Aurten, Nerea Intxaustiri eta Ander Iñarrari egokitu zaie jaien hasiera iragarriko duen suziria botatzea. Derrigorrezko salbea, sua eta aurreskuaren ondotik, dantzaldia izango da plazan, aurten, Luis eta Itsasoren eskutik. Igandean, berriz, haurren danborradak esnatuko ditu Donibaneko kaleak. Maddi Lertxundiren eta Oier Mujikaren zuzendaritzapean, danborrak eta kupelak astinduko dituzte barrutiko txikienek goizean zehar. Arratsaldean, berriz, herriko traineru berria aurkeztuko dute, eta bide batez, duela 50 urte Kontxako Bandera irabazi zuten arraunlariak omenduko dituzte. sanjoanak 2012, egitaraua

Gaztañoko jai batzordeak jakinarazi duenez, sakelekoa aurkitu dute auzoan jaietan. Galdu duenak auzo elkartetik pasa behar du hura jasotzera.

Danza-Rin dantza eskolak dantza erakusketa egingo du etzidamu Errenteria Hiria Kulturgunean 17:00etatik 19:00etara . Besteak beste, dantza latinoak, tangoa, sabel dantza, funky, eta musikalen dantza erakustaldiak egingo dituzte bertako ikasleek. Sarrer...

Urteko egunik luzeena izango da etzikoa, eta San Joan bezpera ospatzeko ekitaldi bereziak egingo dituzte Hondarribiko hainbat txokotan. Udako solstizioko gaurik motzenean ospatuko dute San Joan bezpera eta uda garaiari ongi etorria emango diote. Astea eguraldi kaxkar antzean pasa badute ere, aurreikuspenen arabera eguraldiak nabarmen hobera egingo du etzirako Hondarribian, eta udako denboraldiari ongi etorria merezi bezala emateko aukera izango dutela dirudi. Herrian egingo duten ekitaldi nagusia Kai Zaharrean izango da, arratsaldeko zortzietatik aurrera. Ekitaldiari hasiera emateko Meakako Adixkideek aurreskua dantzatuko dute, geroago San Joan sua piztuko duten gunearen alboan. Gainera, Bentako aparkalekuan jarriko duten txosnan, Lumagorri oilaskoa eta Gernikako piperrak dastatu ahal izango dira. Jarraian, San Joan sua piztuko dute, eta Meakako Adixkideak Dantza Taldeak dantza giroa jarriko du. Hala, bertaratzen direnak animatuko dituzte elkarrekin dantzatzera. Kai Zaharrean suaren inguruan dantzan dabiltzan bitartean, Hondarribiko Musika Banda herriko hainbat tokitan San Joaneko zortzikoa jotzen ibiliko da. Gainera, beste hainbeste su piztuko dituzte han hemenka egun argitan, festa iluntasunean bukatu arte. Besteak beste, hondartza inguruan, auzoetan eta inguruko baserrietan. Arraunlarien aurkezpena Hondarribia Arraun Elkarteak denboraldi honetan izango duen arraun taldea aurkeztuko du etzi, Kai Zaharrean, San Joan sua piztu aurretik. Hala, udan hondarribiarrek animatuko dituzten arraunlariak Kai Zaharrean jarriko duten taula [...]