Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


2012ko aurrekontuei eta udalaren egoera ekonomikoari buruzko herri batzarra gaur egingo dute. 19:00etan izango da, udaletxeko areto nagusian.

Dantza ikastaroa egingo dute Jostaldin hilaren 21etik 24ra, 19:00etatik 20:30era. Izena emateko 686 87 22 07 telefonora zenbakira deitu behar dute interesdunek.

Lau taldek joko dute Mogambon larunbatean: Nine Eleven, Raptures, Sport eta Trigger Travis. Kontzertua 21:00etan hasiko da, eta sarrerak 5 euro balio du. Aurrez eros daiteke Red Ribbon Music-en.

Olatu Talkak Saharako usain, zapore eta testigantzak ekarri zituen asteburuan Pasaiako badiaren bi aldeetara. Ondartxon, zinemaren bidez jaso zuten hangoek bizi duten egoeraren berri; Donibanen, aldiz, munduko sukaldaritza tailerrean aritu ziren lehenik, eta ondoren afaria egin zuten. Olatu Talka, baina, ez da Pasaiara mugatu. Oarso Bidasoko herri gehienetan izan dira Donostia 2016 kultur ekimenaren barruko jarduerak asteburuan.

Urrian jokatuko duten Hawaiiko probarako txartela lortzea da triatleta pasaitarraren helburu nagusia Beñat Sagarzazu sanpedrotarrak hirugarren urtez jarraian parte hartuko du Lanzaroteko (Kanariar Uharteak, Espainia) Ironman proban. Igerian 3.800 metr...

Olaldeko etxebizitzen lanek eragin dute bide mozketa; Zokoloko zubia bota eta berria eraiki behar dute Zokoloko bidea autoentzako itxita dago atzotik. Udalak jakinarazi duenez, bide hori itxita egongo da uztailaren 14ra arte. Olaldeko etxebizitzen lane...

1200 urtean Oiartzun ere Nafarroa zela dio dokumentu batek; udalak eskerrak eman ditu egindako lanagatik Oiartzun Konkistaren Astea ekitaldi bereziarekin bukatu zuten joan den larunbatean. Beloagako gazteluan oroigarri bat inauguratu zuten. 200 bat herritarrek egin zuten bat Oiartzungo Nafarroa Bizirik taldeak egina zuen deialdiarekin. Lehenik, ekitaldia egin zuten Gurutze auzoko pilotalekuan 11:00etan. Bertan, taldeko kide Joxe Mari Iturriotzek hartu zuen hitza. Gogorarazi zuen lan handia egin dutela Beloaga bera eta dokumentazioa ere berreskuratzeko. Baina lanak merezi izan duela aipatu zuen: «Aurkitutako dokumentu zaharrenean, 1200 urtekoan, frogatuta geratzen da Alfontso VII. erregeak Nafarroari kendu ziola Beloaga. Beraz, hau ere Nafarroa zela argi gelditzen da». Udaletik, Asier Legorburu Kultura zinegotziak hartu zuen hitza gero. Eskerrak eman zizkien Oiartzungo Nafarroa Bizirik-i, Aranzadiri eta Nabarralderi, Beloagan egindako lanagatik. Eta Beloagaren garrantzia nabarmendu zuen: «Lau pareta baino askoz gehiago da. Eraikin zaharra da, herriko zaharrenetakoa, eta herriaren kontrako erasoak pairatu dituena. Izan ginenaren eta garenaren erakusle, eta ukatu gaituztenei frogatzen diena herri bat ginela eta garela». Ekitaldiaren ondoren, Beloagako gaztelura joan ziren parte hartzaileak, eta bertan oroigarri bat inauguratu zuten.

Parte hartzaileak ez ezik tokia ere badauka proiektuak. Ostiralean inauguratu zuten Kabia Espazio Kreaktiboa Pontikako aparkalekuan, eta asteburuan bertan estreinatu dute. Egitasmo horretan lanean ari direnez gain, herritar ugari inguratu zen egitura bitxi horretan zer zegoen eta zer egin behar duten argitzera. Kanpoan itxaroten egon ostean, mokadutxoa jateko aukera izan zuten, lehenik, egituraren barrualdean. Ondoren, berriz, hitza hartu zuten egitasmoaren sustatzaileek zein parte hartzaileek. Mikrofonoa hartzen lehenak Arkitektura Kolektiboak taldeko Jon Begiristain eta David Juarez izan ziren. Begiristainek azaldu zuenez, Pontikako egitura hori “abiapuntua” besterik ez da, “hiri osoan hedatuko den mugimendua biltzeko”. Dagoeneko hainbat lantalde eta proiektu martxan daudela gaineratu zuen, baina beste hainbat ere egin daitezkeelako herritarrak parte hartzera animatu zituen. Proiektu horietako batzuk azaldu zituzten, ondoren, lantaldeetako kide batzuek. Teknologia lantaldeak, adibidez, jakinarazi zuen Kabia dagoeneko sarean dagoela. Edonork erabiltzaile bat sortu ahal izango du, eta parte hartu: “Proiektu bakoitzak bere fitxa izango du, eta proiektu horren gainean eztabaidatu ahal izango da”. Agenda bat ere sortzekotan direla adierazi zuten. Teknologiaren alde soziala landuko dutela esan zuten, “gizarte eraldaketarako tresna bezala”. Hala nola, guifi.net sarea, software librearen gaineko hitzaldiak eta tailerrak, eta beste hainbat proiektu egitekotan dira. Kultura lantaldetik, hala nola, musikan lan egiten ari dira, eta kontzertu [...]

Blues zaleek zita daukate etzi, 22:30, De Cyne Reynan. White Towels taldea igoko da oholtzara, eta antolatzaileek jakinarazi dutenez, “bluesa ulertzeko duen moduak ez du inor epel utziko”. Bost kide ditu taldeak: Carlos Malles (bateria), Ja...

Larunbatean Olatu Talka izan zen Errenteria-Oreretan, eta talde ugarik parte hartu zuten arratsaldean zehar. Bakoitzak bere emanaldia bukatu ostean, talde guztiak Herriko Plazan bildu ziren, eta hor bukatu zuten eguna.

Zierbenan abiatuko da gaur arraunaren liga entzutetsuena, San Miguel Liga. Hamabi traineru ariko dira lehian, tartean San Pedro eta San Juan. 18:00etan hasiko da estropada, eta telebistaz ikusterik izango da. San Pedron, bestalde, KAE2 Ligako estropada...

Gaur goizean jokatu da San Pedron arraitxiki txapelketa. Eguerdian izan da sari banaketa, eta antolatzaileek Javier Lukin omentzeko baliatu dute ekitaldia. Lukinek sortu zuen sanpedroetan urtero Torreatzen egiten den arrain txiki txapelketa. Bere semeak jaso du haren omenez landu duten saria. 23 txalupa aritu dira goizean zehar txapelketarako arrantzan. 20 kilo arrain txiki harrapatuta, Amelik txalupa irabazi du gaurko txapelketa. Sanpedroei buruzko informazio gehiago jaien webgunean.

Kaiko Herrera herriarentzat behar duela aldarrikatzeko kalera irten dira gaur, berriro ere, hamarnaka trintxerpetar. Herrera Herrira herritarren plataformak deituta, eguerdian manifestazioa egin dute, Gudarien Enparantzatik abiatuta. Hilabeteetan Portuan lanen hondakinak pilatuta izan dituzten tokira abiatu dira, Urarte deritzan ingurura. Mendiko makilak eskuan, han ekintza sinbolikoa egin dute. Hondakinen ‘mendia’ igo, eta tontorrean pankarta jarri dute. Bitartean, hondeamakinak eta kamioak jo eta su aritu dira lanean. Izan ere, plataformako kideek Portuari eta Eusko Trenbideak-i gaur egin behar zuten ekintzaren berri emanez geroztik, makinak etengabe aritu baitira lanean. “Ikusi duzuenez, orain dela astebete hondakinen mendi bat zena lautada bihurtu dute”, esan du ironikoki plataformako kide batek hondakinen mendira igo aurretik. “Kasualitateetan ez dutela sinisten” esan du, eta lanak herritarrek “kaiko lurzorua berrekuratzeko borrokan egindako presioen ondorioz” hasi dituztela baieztatu du. “Urartemendiko” ekintza sinbolikoa bukatuta, Zirizarako bidea hartu dute manifestazioan bildutakoek. Izan ere, gaurko “kanpamentu base”han kokatu dute, eta bertan herri bazkaria egiten ari dira une hauetan. Bakailao enpresa izandakoa, erabilera anitzeko kultur aretoa izan dadin nahi dute herritarrek, eta hala jaso zuten beraiek landutako ordenazio planteamenduan. Gaurko ekintza baliatu dute, udalari eta aldundiari Ziriza berreskuratzeko lanak has ditzatela eskatzeko baliatu dute.

Amnistiaren Aldeko XX. Futbito Txapelketa jokatzen ari dira Donibaneko kiroldegian. 09:00etan hasi dira partidak, eta gauerdia bitartean ariko dira taldeak nor baino nor. Goizean zehar giroa aparta izan da kiroldegiko harmailetan.

Pasaia Kirol Elkartearen talde nagusiak futboleko Hirugarren Mailan jokatuko du datorren sasoian. Aste honetan jaso dute albistea antxotarrek. Eibar B taldeak uko gin dio lehian jarraitzeari, eta horregatik lortu dute plaza zuri-gorriek. Asteazkenean handiki ospatu zuten jokalariek eta zuzendaritza batzordeko kideek igoera; Antxotik kalejira egin zuten, eta ondoren afaria. Ospakizunekoa da ondoko irudia.

Lezoko Udalak euskara ikasteko laguntzak emango ditu, eta horiek eskatzeko epea uztailaren 16ra arte da. Eskabide orriarekin batera (udaletxean eskatuta edo udalaren webgunean deskargatu daiteke), beste hainbat dokumentu aurkeztu beharko dituzte intere...

XLII. Ibilaldi Neurtua antolatu du Itsas Mendik iganderako. Ohi bezala, ibilaldia bukatuta barrikotea izango da Donibaneko plazan, nahi duen ororentzat zabalik. Derrigorrezkoa bihurtu da zita Donibane inguruko mendizaleentzat. Itsas Mendi elkarteak antolatuta, XLII. Ibilaldi Neurtua egingo dute igandean Jaizkibeletik barrena, eta ohi bezala, bi ibilbide prestatu dituzte, sasoi batean daudenentzako bat, eta denak eman gabe mendi bueltaz gozatzeko gogoz abiatuko direnentzat bigarrena. Bi ibilbideek irteera eta helmuga berbera izango dute, Itsas Mendi elkartea. Ibilbide motza aukeratzen dutenek, lehen dorrera iristerakoan Kantinarako bidea hartu beharko dute, ondoren, bide tradizionalera jaisteko. Ibilbide luzea hautatzen dutenak, 08:00etan hasiko dira irteten Itsas Mendiren egoitzatik. Bikoteka irtengo dira, iristen diren hurrenkeran. Ibilbide motzekoak, berriz, ordubete beranduago abiatuko dira. Historia, zigiluetan Ibilaldi neurtuaren bidea Donibaneko garai bateko baserrietatik igarotzen da. Baserri horiek zeuden tokietan, mendi taldeak plakak jarriak ditu, 1936. urtean Ixidoro Olaziregik idatzitako bertsoekin. Olaziregik baserriak deskribatzen ditu bertso horietan. Antolakuntzak prestatu dituen zigiluetan ere, baserri horien izenak jasotzen dira. Zozketan, afariak Kontrol guneetan jana eta edana egongo da partaideen eskura, eta atsedenaldi bat ere izango da, hamaiketakorako. Parte hartzea doakoa da, eta izen-ematea igandean bertan egin behar da. Donibaneko plazan bukatuko dute partaideek ibilbidea, eta hara iristerako, edariak eta pintxoak prest izango dituzte. Ondoren [...]

Kuadrillategiko 59 gazte eta bost hezitzaile Madrilgo Warner parkean izan ziren igandean (irudian). Gaua Madrilgo aterpetxe batean pasatu, eta astelehenean Burgosko herrixka bateko erreka-laku batean pasatu zuten eguna. Gazteak zein hezitzaileak gustur...

Harrotasunez ekin diote festari San Pedron, krisiari berritasun askorekin erantzunez Festak badiaren alde batetik bestera jauzi egin, eta San Pedron bete-betean dago orain. Atzo hasi ziren sanpedroak, eta gaur egun handia ospatuko dute. Mariñelarenak alkateordetzatik botatako suziriak eman zien hasiera ofiziala jaiei, baina, aurretik festa hasia zen kaleak koloreztatzen. Aurten lehenengoz antolatutako Indarkeriarik Gabeko Egunaren barruan, herriko hainbat margolarik hasitako murala aurkeztu zuten arratsean, eta hari jarraituta herritarrek San Pedro Debekatuaren Mapa osatzeko aukera izan zuten. Asmoa: gune horien eraldaketa irudikatzea. Txupinazoaren ondotik, gay eta lesbianek ikurrina igo zuten Herriko Plazan, jaien hasiera eta Harrotasunaren Nazioarteko Eguna batera ospatuz. Jada gauean bezperako danborradan bildu ziren sanpedrotarrak. Gaur, berriz, patroiaren eguna ospatuko dute, eta horretarako egitarauan klasikoak eta berritasunak uztartu ditu Jai Batzordeak. Berritasunen artean aipatzekoak gaurko hiru ekitaldi: batetik, Pasaiako zenbait herritarren istorioak eta oroitzapenak biltzen dituen ikus-entzunezkoaren proiekzioa udal aretoan, (bihar eta etzi ere izango da ikusterik, 12:00etatik 14:00etara) eta horrez gain, bizilagunek Internet bidez partekatutako argazki, bideo eta bestelako agiriak ikusteko aukera. Bigarrenez, arratsalderako antolatutako I. Trikotoia. Jostorratzak eskuan, pilotalekuan bilduko dira haurrak eta helduak, puntu eta kakorratz lanen lehen herri maratoian parte hartzeko. Ikasi eta erakutsi nahi dutenek, denek izango dute tokia maratoi ezin originalean. Hirugarrenik eta [...]

Atzo egindako Hirigintzako Informazio Batzordean Pasaiako Bilduk aurkeztu zuen irizpena onartu zuten batzordekideek: San Pedroko arrantza lonjari buruzko azterlana onartu zuten, alegia. Beraz, Astigarraga eta Lasarte arkitektoek diseinatu zuten egitasmoari argi berdea eman dio udalak. Baina eraikuntzaren gaineko jarraipena egingo dutela ziurtatu dute: “Gobernu talde honek oso gertutik zainduko du lonjaren eraikuntza prozesua”. Gainera, lonja diseinatzeko herritarren parte hartze prozesuan adostutako konpromisoak bete daitezen lan egingo dutela nabarmendu dute Alkatetzatik. Alkatetzak jakinarazi du hilaren 20ko Pasaiako Portu Agintaritzaren Administrazio Kontseiluan B Plana izenekoa —lonja funtzionalaren egitasmoa zen, pabilioiak soilik zituena, eta lonjaren jarduera kanpoaldean izango lukeena— errefusatu zuela, “horrek kalte handia eragingo lioke udalerriari”; abian jarritako elkarrizketa prozesuan konfiantza zuela ere esan zuen alkateak. Hala ere, Alkatetzaren arabera, Pasaiako Portu Agintaritzak (PPA) epeen gaineko “presa” azaldu zuen: “Hori dela eta, alkateak adierazi zuen hirigintza batzorde bat egiteko asmoa zegoela, eta gaia aztertzeko udalbatzarra uztailaren 10ean-edo egitea espero zela”. Zentzu horretan, Alkatetzak “haserrea” agertu du, datu horien berri eman zuelako portuak prentsaurreko batean.