Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.



Larunbatean, 16:30ean, Don Boscon. Han dute zita zuri-gorrien zaleek larunbatean. 3. mailara igotzeko play-off-ak jokatu behar ditu Pasaiak. Igoerarako borrokan, lehengo kontrarioa Bilboko San Martin taldea dute. Hurrengo kanporaketa datorren astean jokatuko dute, baina etxetik kanpo. Oraindik zehazteko dago Getxo edo Bermeoren kontra izango den, baina Pasaia Kirol Elkarteak autobusak antolatuko dituela aurreratu du, zaleak hara eraman eta jokalariek haien babesa gertutik igarri dezaten.

1957an jaiotakoentzako bazkaria antolatu dute ekainaren 16rako. Bazkaria Armonia elkartean izango da. 14:30ean hasiko da bazkaria, baina aurretik Azokan bilduko dira, poteorako. Bazkariak 50 euro balio du, eta izena eman nahi dutenek ekainaren 8a baino...

Lagun Artea elkarteak eskulanen erakusketa zabalduko du Kultur Etxean. Gaur eta bihar bisita daiteke, 19:00etatik 21:00etara.

Ekainaren 11tik 16ra Gudarien Enparantzara irtengo dira, ospakizuna herritarrekin partekatzeko Illunbe-Trintxerpe Arraun Elkartea bere sorreraren 25. urteurrena ospatzen ari da aurten. Lehengo ostiralean ekainerako antolatu dituzten jarduerak aurkeztu zituzten alkateordetzan. Toño Vazquez lehendakariak eta Itsaso Anduezak aurkeztu zuten ospakizunen egitaraua. Arraun klubaren 25 urteko historian lan egin duten guztientzat esker oneko hitzak izan zituzten, baita orain arteko lehendakari guztientzat, zein klubaren 25. urteurrena ospatzeko eratu duten batzordean lanean ari direnentzat. Artisautza feria eta sagardoa Ospakizunak ekainaren 11tik 16ra bitartean izango dira. Gudarien Enparantzan karpa bat jarriko dute, eta han, itsasoarekin lotutako tailerrak egingo dituzte, besteak beste, korapiloak, estropuak eta beste egiten erakusteko. Horrez gain, ontziak kalera aterako dituzte, nahi duen orok traineruak bertatik bertara ikusteko aukera izan dezan. Ekainaren 16an artisautza feria izango da, eta egun berean sagardo jaia egingo dute. Urrirako ospakizun gehiago iragarri dituzte. Besteak beste, argazki erakusketa, hitzaldia eta herri afaria.

Gure etxebizitzak osasunerako kaltegarriak izan daitezke. Etxebizitzaren kokapenak, inguruko zein barruko telekomunikabide azpiegiturek, gailu elektrikoek, eta beste hainbat faktorek eragin dezakete gure osasunean. Horretaz jardungo dute ostegunean Pe

Hondarribia Dantzan ekimena egin dute asteburuan, Kemen Dantza Taldearen eskutik. Larrain dantzaren zaleek ikastaroa egin zuten Jostaldin, eta larunbateko erromerian bertan ikasitakoak praktikan jarri zituzten (irudian). Larunbatean egin zituzten ekintza gehienak eta Deba, Oñati, Baztan, Berastegi, Irun eta Hondarribiko dantzarien emanaldiak izan ziren.

Aurten Lehen Mailan aritu den Leka Enea Mahai Teniseko bigarren taldea Ohorezko Mailan jokatuko du datorren denboraldian, joan den asteburuan igoera kanporaketan garaipena lortu eta gero. Hala, Irundarrek ordezkari bana izango dute gizonezkoen bi maila nagusietan, Superdibisioan eta Ohorezko Mailan. Emakumeen taldea ere urrezko kategorian aritzen da. Leka Eneako bigarren taldeak asteburuan Almerian (Andaluzia, Espainia) jokatu zuten igoera kanporaketetan lortu zuen helburua. Larunbatean, irundarrek Termosur Calellaren aurka 1-4 irabazi zuten, eta emaitza horrekin lortu zuten Ohorezko Mailara igotzea. Irundarren mutilen bigarren taldean jokalari beteranoak eta goi mailetan jokatu gabeko gazteak aritzen dira. Taldetik esan dutenez, “gazteek eskarmentua hartzea” da bigarren taldearen helburua, etorkizunean Superdibisioan jokatu ahal izateko. Horretarako, garrantzitsua da Ohorezko Mailan aritzea, Superdibisioko jokalarien maila duten aurkarien kontra aritzeko aukera izango dutelako. Superdibisioko taldea laugarren Mutilen Superdibisioan jokatzen duen taldea laugarren geratu da, azken partidan Collosaren kiroldegian 0-3 irabazi eta gero. Denboraldi bikaina egin dute irundarrek, eta datorren urtean ere Europan jokatzeko aukera izango dute. Caja Sur Priego izan da 2011-2012 denboraldiko txapelduna. Neskak zortzigarren Nesken Superdibisioa ere asteburuan bukatu zen. UCAM Cartagena izan da hoberena ligan, eta Leka Enea zortzigarren geratu da. Azken partidan etxean galdu egin zuten irundarrek, hirugarren geratu den Mataroren Quadisen kontra (1-4). Nesken maila gorenean [...]

Tindufeko errefuxiatuen kanpalekuetan bizi diren 11 haur saharar izango dira aurten Irunen udako oporraldian, udalaren eta Tadamun Txingudiko Sahararen Lagunak elkartearen arteko akordioari esker. Euskadiko Fronte Polisarioaren ordezkaritzak eta Euskal Fondoaren Sahara Koordinatzeko Unitateak sustatzen duten Oporrak Bakean programaren barruan kokatzen da egitasmoa. 7 eta 12 urte bitarteko haurrak dira, eta horietako hirurentzat oraindik ez dago harrera familiarik. Horregatik, Irungo gizartea sentsibilizatzeko eta haurrak jasotzeko behar diren hiru familia horiek lortze aldera, hainbat jarduera antolatu zituzten larunbat arratsaldean Zabaltza plazan, gehienak haurrei begira. Maite Cruzado Gizarte Ongizate eta Lankidetzarako ordezkariak eta Andoni Irastorza Tadamun-eko presidenteak aurkeztu zuten ekimena. “Oporrak bakean programari buruzko informazioa zabaltzeko aukera eman nahi dugu, eta bide batez herritarrak sentsibilizatu nahi ditugu Tindufen bizitzen den egoeraz”, argitu zuen Cruzadok. Helburua Tindufeko umeen gabezia eta beharren gaineko informazioa ematea denez, stand bat jarriko dute Zabaltzan, Oporrak Bakean programa eta Tadamunen jarduerari buruz gehiago jakin nahi dutenek horretarako aukera izan dezaten. Biharko ekitaldira joatea posible ez duten interesdunek telefonoz lor dezakete informazioa, udalaren Lankidetza Sailera (943 50 53 68), edo Txingudiko Sahararen Lagunen Elkartera (666 50 13 50) deituta. Hamabi urteko elkarlana 2000. urtean hasi zen Irungo Udala Oporrak Bakean programan parte hartzen. Tadamunek hartzen du bere gain ekimenaren [...]

Joan den astean Ikust Alaia udal liburutegiaren webgune berritua aurkeztu zuten. Udaleko informatika zerbitzuko langileek eta Lanbide Plangintzaren bitartez kontratatutako bi teknikarik prestatu dute, eta Adimedia Komunikazio Interaktiboa enpresa irundarraren laguntza teknikoa izan dute. Webgune berria zaharraren helbide berean bisita daiteke: irun.org/biblioteca. Pedro Alegre Informazioaren Gizarteko eta Herritarren Parte Hartzeko zinegotziak webgunea berritzeko beharra zegoela azaldu zuen aurkezpenean: “Azken urteetan Internetek izan duen garapenak orrialde berri bat sortzeko beharra ekarri du, garai berriekin egokitzeko eta 2.0 webguneak ematen dituen aukera berriak ustiatzeko”. Alegrek adierazi zuenez, lehengoaren aldean hobekuntza asko ditu webgune berriak. Esaterako, webaren irisgarritasun estandarrekin betetzeko diseinatuta dago, egitura modernoa du eta irun.org udal webgunearekin koherentzia gordetzen du. Gainera, “dinamikoagoa eta erabilgarriagoa” dela esan zuen Informazioaren Gizarteko ordezkariak. Hala, banerren bitartez, jardueren agenda, albisteak eta gai tematikoen menuetako edukiak agertzen dira, “erabiltzaileentzat interesgarria den informazioa eskainiz, hala nola, titulu berriak, gehien mailegatzen direnak, aholkuak…” 2.0rako prestatuta Sareko zerbitzua berritzean, udal liburutegiaren erabiltzaileek hainbat tresna izango dituzte eskura, Ikust Alaiara joan beharrik gabe. 2.0 webguneak dituen tresnak baliatu ditu: bilatzaileak, RSS edukien sindikazioa, Youtube eta gizarte sareekin loturak… Horrez gain, Haur eta Gazte Liburutegia izeneko atala sortu dute teknikariek, Belen Sierra Kultura Saileko zinegotziak azaldu zuenez: “Proiektu berri honekin aurretik [...]

Herrizaingo Sailak jakinarazi du 19 urteko gazte bat atxilotu duela, goizaldeko 04:00ak inguruan, Trintxerpen. Azkuene kaleko taberna batean ustez lapurreta egiten saiatzeagatik atxilotu dute ertzainek gaztea. Herrizaingo Sailaren arabera, Espainiako G...

Oiartzungo herri bilguneak jakinarazi du, xanistebanen barruan (abuztuaren 4an) preso eta iheslarien eskubideen aldeko herri bazkaria izango dela, eta txartelak dagoeneko salgai daudela: 12 euroan, ohiko tokietan.

Hondar Kirolak antolatuta eta Fortuna Elkartearen eta Gipuzkoako Boleibol Federakuntzaren laguntzarekin boleibol txapelketa egingo dute etzi arte hondartzan. Parte hartu nahi duten gazteek egitasmoari buruzko informazioa emateko jarri duten etxolara hu...

Oarsoaldeko Eguzki talde ekologista eta antinuklearrak "oso positiboki" baloratu ditu hondakinak birziklatzeko Sanmarko Mankomunitateak hartu dituen azken neurriak.

Udalak, urtero bezala, uda garaian, Jaizkibelgo pistetan ibilgailuen sarrera debekatu du, eta pisten sarreretan seinalizazioak eta kateak jarri ditu. Hala ere, Eguzki talde ekologistak azaldu duenez, debeku hori ez da betetzen, «eta frogatu ahal izan dugu». Hondarribiko alkateari egoera aztertzeko eskatu dio. Ibilgailuek Jaizkibelgo pistetan barrena sartzen jarraitzen dutela adierazi du talde ekologistak: «Erreketatik hurbil dauden guneak okupatzera heltzen dira, eta beraz, horiek kutsatzeko arriskua dago». Jaizkibel naturgune babestua da, Natura 2000 Sarearen barruan dago, eta Lurralde Antolamendurako Artezpidearen bitartez Natur Interesgune Zonalde bezala izendatua dago. «Jaizkibelek babes horiek ditu natura balio garrantsitsuak dituelako. Pisten barnean zein kanpoan ibilgailuen presentziak eta zirkulazioak etengabeko arriskuan jartzen ditu zonaldeko balio naturalak». Jaizkibel arriskuan «Arau hauste egoera onartezina» iruditzen zaio Eguzkiri hesien neurria kontuan ez hartzea. «Hondarribiko Udalak bukatu behar du Jaizkibelen kontserbazioa arriskuan jarri, eta mendizale gehienei mendiaz gozatzea ezinezkoa egiten dion egoera irregular horrekin», esan du ekologia taldeak. Hala, ondorengoa eskatu dio Eguzkik Aitor Kerejeta alkateari: pisten sarbideen itxiera muturretaraino eramatea eta etengabeko zaintza jartzea; ibilgailuen sarbidearen debekua betearazteko informazioa ematea; ibilgailuak onartuta ez dauden guneetan horiek ikusiz gero nori deitu behar den azaltzea, eta zigorra jartzea noren eskumena izango litzatekeen argitzea.

Bilduren udal taldeak urtebeteko lanaren balantzea egin zuen joan den ostiralean, Hazia elkartean komunikabideekin izandako hartuemanean. Bertan, koalizioak Irungo Udalean dituen bost ordezkariak izan ziren. Oinatz Mitxelena taldearen bozeramaileak “zerotik abiatu” zirela gogorarazi zuen: “Udalaren ezagutza ezatik hasi ginen, eta urtebetean asko ikasi dugu, funtzionamenduaz eta eguneroko jardunaz”. Mitxelenarentzat, Bilduren xedea beti akordioak bilatzea izan da, udal gobernuarekin zein oposizioarekin: “Arduraz jokatu dugu, eta akordioetara iristeko gaitasuna erakutsi dugu. Balorazioa oso positiboa egiten dugu, zerotik abiatu ginela kontuan izanda. Udalari begira aritu gara, baina erabakiak hartzerako orduan, baita herriari begira ere”. Jokin Melidak onartu zuen “batzuetan” udalgintzak irentsi dituela, “batez ere hasieran, berriak ginelako”. Hala ere, maiatzeko osoko bilkuran PPk ez beste alderdi guztiek onartu zuten presoen aldeko mozioa jarri zuen adibidetzat: “Azarotik maiatzera arte bilerak egin genituen, talde guztiekin elkartu ginen behin baino gehiagotan». Melidak ere Bilduren zeregina adostasunak bilatzea dela uste du: “Ados jartzeko gaitasuna erakutsi dugu. Dagoeneko beste alderdiek badakite nola egiten dugun lan: edozein gai mahai gainean jar dezakegu, eta zintzoki jokatuko dugu, akordioetara iristea delako gure asmoa”. Legealdiko lehen urteko akordio handienetako bat autobusena izan zen. Udal gobernuak abenduko plenora eraman zuen autobus linea berrien proposamena, baina oposizioko talde guztiek atzera bota zuten egitasmoa, eta [...]

Edukiz beteta eta lodi-lodi dator Oarso aldizkaria. Inoiz baino orri kopuru gehiago ditu, 341, iaz baino zazpi gehiago, eta horrenbestez, artikuluak ere gehiago dira, 76 guztira. Orri kopurua igo arren, prezioa mantendu egin dute, eta duela bi urteko berbera izaten jarraitzen du, 7 euro. Guztira, 1.400 ale atera dituzte. Aldizkariko erredakzio taldearen arabera, 47. Oarso aldizkaria ateratzeko murrizketak ere egin behar izan dituzte aurrekontuan, eta batik bat kolaborazioak eta argazkiak doitu dituzte. Guztira, 69 egilek parte hartu dute. Artikuluen artean, euskarazkoen kopurua haziz doa urtez urte, eta aurten ia erdia izan dira, %47, Irune Balentziaga Kultura zinegotziak azaldu duenez. Emakumeek idatzitako artikuluetan, berriz, iazko kopuru baxua gainditzea lortu da, baina ez da duela bi urteko %25era ailegatu, %21ean geratu da. Aurtengo berritasunen artean bistakoena azala izan da. Juan Luis Landak egindakoa da, eta beste urteetan argazki bat joan den tokian aurten Xanti eta Maialen erraldoien marrazki bat ageri da, bi umerekin batera. Kontrazalean, berriz, madalenetako kartelak ageri dira. Era berean, euskarri fisikoari dagokionean, aldizkariaren ertzean aurki daiteke aldaketa, gaiak kolorearen arabera banatu baitituzte. Horrez gain, aurkibide bat gaineratu diote 69 egile horietako bakoitza zein orrialdetan ageri den zehaztuz. Edukiei dagokionez, aurten Mariasun Landa sarietako garaileen testuak eta Ereintzak antolatutako ipuin [...]

Niri buruz zenbait komunikabideetan agertu diren oharren harira, esan nahi dut testuingurutik ateratzen ari direla, zorionez, dagoeneko pasatu diren beste garai batzuetan eta egoera zehatz batzuetan izandako gertakari batzuk. Gertakari horiek garai zehatz batean izan ziren: gure gizartea aldatu gabeko tradizioak mantentzeko eta denbora berrietara egokitze aldera, horiek aldatzeko eskaeren arteko borroka bat bizi izan zuen garaian, hain zuzen. Guztien arteko elkarlanari esker, egoerak gainditzen, hobetzen, eta gauzak aldatzen joan gara, eguneroko ekimen, gertaera eta lanetan emakumearen presentzia aitortuz. Gauzak argi uzteko eta horrela sentitu eta egiten dudalako egunero, adierazi nahi dut ez daukadala emakumeenganako ezinikusirik, ezta euren parte hartzearekin inongo arazorik ere, ez danborradetan, ez parte hartu nahi duten edozein ekimenetan. Era berean, urte guzti hauetan parte hartu dudan askotariko ekintzetan nirekin batera lanean aritu diren emakume guztiei eskerrak eman nahi dizkiet, horiek aurrera ateratzea lortu dugulako eta erabateko duintasun, tolerantzia eta errespetuz egin direlako. Horrez gain, gaineratu behar dut azken urteetan beste herritarrekin batera hainbat entitate kultural eta aisiakoak (danborrada, Telleri Aldeko ikasle izandakoen abesbatza, Inauterietako konpartsa, Nexo senidetze elkartea…) sortu ditudala, eta horietan guztietan bertako kideak gizonak eta emakumeak izan direla hasiera-hasieratik, eta emakumeak, zehazki, oinarrizkoak direla entitate horietan. Espero dut eztabaida hori konponduta geratzea, honenbestez, eta [...]

Santanderko Racing futbol taldeak fitxatu du Gaizka Saizar oiartzuarra 2012/2013 denboraldirako. Sinatu dutenez, gainera, beste urte bat ere luzatu ahal izango diote kontratua.

Elkarretaratzea egin dute murrizketak salatzeko