Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Euskaltzale konprometitua, abertzalea, euskal presoen eskubideen aldekoa, inoiz ez zuen kale egiten haien aldeko karteladetan, eta langile fina. Lau Haizetara Euskaldunon Elkarteko Ohorezko Bazkide, horien artean, emakume bakarra izan da, gainera. Halakoxea zen, joan den ostiralean zendu zen Arantxa Erriondo. Bizitza gogorra izanagatik, ezpainetan irribarrea inoiz falta ez zuen emakumea zen, ezta bizitzeko grina eta indarra ere. Maitasunagatik herria utzi, Patxi Galdos senarrarekin ihesi joan zen Ipar Euskal Herrira. Errefuxiatua zuen senarra. Biriatun ezkondu ziren, eta Landetara (Okzitania) bizitzera joan, ondoren. Beste iheslariekin batera, eta paperik gabe zirela, heldu ziren mundura bertan bere seme-alabak, eta haiek txikitatik jaso zuten euskararekiko konpromisoa eta gurasoek halabeharrez utzitako herriarekiko atxikimendua. Kantazaleak ere baziren Arantxa eta Patxi, eta euskal kanturik eta zoriontasunik ez omen zen falta haien etxearen bueltan, gogorrenean ere. Seme-alabek 14 eta 15 urte zituztela itzuli ziren Errenteria-Oreretara Arantxa eta Patxi. Herrira itzultzea zen haien ilusioa. Itzuli zirenetik, bere herriarekiko konpromiso sendoa izan zuen Arantxak, auzo elkarteetan batez ere, gehienbat Erdialdekoan. Herritarren arazoak bideratzeko modua zuen hori, horretan ere konprometitua baitzen. Beraungo institutuko lehenengo D ereduko taldearen atzetik ere Arantxaren itzala suma daiteke. Bere ekinez jarri zuten martxan, eta baita Beraungo auzo elkartean guraso erdaldunentzat antolatutako euskara eskolak ere. Bide oparoa, Arantxarena, [...]

Oiartzungo gazteak hasi dira xanistebanetako Gazte Eguna prestatzen. Hilaren 18an egin zuten lehen bilera Kataxulo Gaztetxian. Hurrengoa ekainaren 1ean izango da (ostiralean) eta Gazte Egunean izena emateko bilera izango da, 18:00etatik 20:00etara. Aur...

Atzo arratsean 500 lagunek salatu zuten Gurru eta Aranbururen atxiloketa

Gaur elkartuko dira irakurketa tailerreko kideak Ikust Alaian, 19:00etatik aurrera, Ikust Alaian. Aste honetarako Donna Leonen Cuestion de fe liburua hautatu dute Mertxe Tranchek gidatzen duen taldeak. Leon estatubatuarra da, baina Benetti komisarioa p...

Lana, duintasuna, eskubideak. Danok Gernikara goiburuarekin mobilizazio handia egin nahi du CCOO sindikatuaren EAEko ordezkaritzak datorren larunbatean, ekainaren 2an, Gernikan (Bizkaia). Gernikara oinez joango dira CCOOeko kideak, hiru zutabetan banatuta: Arabatik, Bizkaitik eta Gipuzkoatik abiatuta. Gaur irten da Gipuzkoako zutabea, Irundik. Arabako martxalariak igandean abiatu ziren Gasteiztik, eta Bizkaiko martxa atzo hasi zen Barakaldon. Goizeko bederatzietan abiatu dira Lope Irigoien kalean CCOOek duen egoitzatik. Laurogei pertsonek egin dute Irun eta Errenteria-Orereta arteko bidea oinez, “Negoziazio kolektiboaren alde. Ekoizpen eta industria ehunaren defentsan” zioen pankartaren atzetik. Izan ere, hori da Irundik abiatu den zutabeak herrialdean barrena zabalduko duen mezua. Arabakoak langabeen babeserako neurriak aldarrikatuko ditu, eta Barakaldotik ateratakoak zerbitzu publikoen babesa eta beste fiskalitate bat eskatuko du. Bidean enpleguaren alde eta Espainiako Gobernua, Raxoi presidentea, patronala eta banketxeen aurkako mezuak oihukatu dituzte, baita Borbondar monarkiaren kontrakoak ere. Mobilizatzeko deia Oreretara bidean Irungo eta Oiartzungo industriaguneetan sartu dira. Gaintzurizketan geratu behar izan dute, beroagatik, atseden hartzeko. Nolanahi ere, espero baino lehenago iritsi dira Errenteriako Zumardira, 12:30erako —ordubietan zuten komunikabieekin hitzordua egina—. Zumardira iritsi direnean zenbait militante zituzten zain. Patxi Cornejo Oarso-Bidasoko arduradunak eskerrak eman dizkie ibiltariei, eta dei egin die eskualdeko langileei eta langabeei “enpleguaren alde egiten diren mobilizazio guztietan parte hartzeko”.

Errenteriako Udalak ostalari guztiak bilera batera deitu ditu, bihar, 09:00etan, Reina aretoan. Urteko ordutegiaz hitz egingo dute, eta madalenetan taberna kanpoan barra jarri nahi duten tabernak zeintzuk diren zehaztuko dute, eta gai horren gainean ja...

Hondarribiko Txirrindulari Elkarteko Triatloi sailak, Gipuzkoako Triatloi Federazioak eta Euskadiko Triatloi Federazioak antolatuta, 400 korrikalari inguruk parte hartu zuten Hondarribiko triatloiaren laugarren edizioan. Bi triatloi izan ziren; promozio triatloia bata, eta sprint triatloia bestea, federatuentzat. Federatuen mailan, emakumezkoetan, Ane Ziaran eibartarra izan zen garaile, 1:17:24ko denborarekin, eta gizonezkoetan aldiz, Nicholas Kastelein australiarra 1:03:16ko denborarekin. Gipuzkoako triatloi sprint txapelketarako puntuagarria izan zen proba nagusia eta 750 metro igerian, 20 kilometro bizikleta gainean eta 5 kilometro lasterka burutu zituzten. Puntuak batuta, Ziaran berak eskuratu zuen emakumezkoetan garaipena, eta Saltoki-Trikideko Mikel Otaegik gizonezkoetan. Promozio triatloian aldiz, emakumezkoetan Pili Esnaola izan zen lehena. Gizonezkoetan, Mikel Saralegi eta Iñigo Cordal hondarribiarra bigarren sailkatu zen minutu bat geroago. Herritarrentzako promozio triatloian, 350 metro igerian, 10 kilometro bizikletan eta 2,5 kilometro lasterka burutu zituzten.

Zarautzen jokatutako Gaztekutxa surf txapelketan lehen postua eskuratu dute bi oiartzuarrek. Ethan Egiguren txapelduna izan da 18 urtez azpiko mailan, eta Julen Egiguren, 16 urtez azpikoan.

Herriko zortzi ikastetxetako 3.609 ikaslek biodibertsitatearen gaia aztertu dute ikasturtean zehar Eskola Agenda 21 egitasmoaren barruan, eta gaur zer ikasi duten, zein ondorio atera dituzten eta horietan oinarritutako hainbat proposamen igorri dizkiote udalari. Beraun Berri LH, Cristobal Gamon LH, Koldo Mitxelena BHI, Langaitz LH, Langaitz BHI, Orereta LH eta San Jose Gurutzearen Alabak ikastetxeetako ordezkariak eseri dira zinegotziak esertzen diren aulkietan, eta entzuten, berriz, Julen Mendoza alkatea eta hainbat zinegotzi izan dira. Aurten, gainera, ikastetxe bat batu zaio ekimenari: Don Bosco. Gaur sinatu dute akordioa, hain zuzen, Mendozak eta Don Boscoko arduradun batek. Lehenik eta behin, ikastetxeko, herriko eta inguruko biodibertsitatea aztertu dute ikasleek, eta horren garrantziaz jabetu dira. Hala, landare eta animalia asko desagertzeko arriskuan daudela ondorioztatu dute, eta zaindu egin behar direla. Horretarako, irteerak egin dituzte: Aiako Harrira, Zumaiako flyshera… Herrian, berriz, Oiartzun ibaia, Txoritokietako basoa eta San Marko gotorlekua ikertu dituzte, besteak beste, eta herritarrei ere pasatu diete galdetegi bat. Hor ikusi dute jendeak uste duela herrian biodibertsitate gutxi dagoela. Maiatzaren 8an, Merkatuzarren, ikastetxe guztien ondorioak bildu zituzten ikasleen arteko foroan. Bertan, hainbat konpromiso hartu zituzten. Hala nola, landare, animaliak eta erreka zaintzea; zaborrik ez botatzea eta birziklatzea eta gutxiago kutsatzea. Eskaerak Udalari kontzientziazio kanpainak egitea, ibaia [...]

Bigarren postuan Aitor Hernandez iritsi zen eta hirugarrena Alexander Ordeñana izan zen. Guztira, 96 txirrindularik parte hartu zuten Mendiolako lasterketan. Elite mailakoek 33 kilometroko zirkuitua osatu zuten, baita 23 urtez azpikoek eta master 30ekoek ere. Kadeteek, berriz, 13 kilometro egin zituzten (ibilbideari bi bira) eta emakumeek eta Gazteek 20km (3 bira). Beteranoek, aldiz, 26 kilometro (4 bira). Zirkuituak zailtasun dezentekoa duen arren, ez zen nabarmentzeko moduko ezbeharrik izan. Elite Mailan, Euskadiko Opean Ekleylson Marquesek irabazi zuen, eta Gipuzkoakoa Iker Arruabarrena. Sariak banatzen Amaia Agirregabiria alkatea izan zen San Pedron, baita lasterketaren arduradun Josetxo Maneiro ere. Liderraren elastikoa Txirrindularitzaren Federazioko arduradun Arkaitz Izak eman zuen. Pasaiako sailkapena: Elite: 1 postua:Ekleson Marques 2 postua:Aitor Hernandez 3 postua: Alexander Ordeñana Sub 23: 1 postua: Luis Grasa 2 postua: Asier Juanbeltz 3 postua: Andres Etxeberria Master 30: 1 postua: Jose Luis Iñorbe 2 postua: Jose Mari Goia 3 postua: Iker Irastorza Master 40: 1 postua: Thomas Estrat. 2 postua: Iñigo Garaioa 3 postua: Juan Alonso Emakumeak: 1 postua: Esti Garcia 2 postua: Ainhoa Eraña Gazteak: 1 postua: Mathias Rekalde 2 postua: Miguel Sanzol 3 postua: Eneko Corrales Kadeteak: 1 postua: Iosu Diaz 2 postua: Martin Erdozain 3 postua: Oier Belaskoain

Igandean, hilak 22, urtero bezala, Madalena Eguna ospatuko dute Madalena auzoan. Hala, bertako jai batzordeak antolatuta eta Udaleko Kultura Sailaren laguntzarekin, hiru eguneko egitaraua prestatu dute. Bihar hasiko dituzte auzoko jaiak, 22:00etan, Pearl Jam eta Neil Young & Crazy Horse taldeen bi kontzerturen emanaldiarekin. Etzi, auzoa apainduko dute, 16:00etatik aurrera, eta Maria Madalena izeneko koadroa jarriko dute. 19:00etan txupinazoa izango da, eta 23:00etan, musika bandaren kontzertua. Egun handia Etzidamu izango da egun handia. Goizean goiz esnatuko dira auzotarrak, izan ere, goizeko 08:30ean diana joko dute Irungo dultzaineroek. Ondoren, 11:00etan meza egingo dute Portuko elizan, azken urtean hil diren auzotar guztien oroimenez. Arratsaldea etxeko txikienentzako egokitu dute. Horrela, 17:00etan, buruhandiak izango dira, eta 17:30etik aurrera, haur jolasak eta txokolatada egingo dituzte auzoan bertan. 19:00etan Txot eta Pintxoren emanaldiaz gozatzeko aukera izango da. 21:00etan, auzoko jubilatuen afaria egingo dute auzoko Kirol Taldea elkartean, eta 22:00etatik aurrera DJ musika izango da, Kanupiren eskutik. Gau erdian zezensuzkoa izango da.

Dolo Marina Zufia bilbotarraren margolanak ikusgai jarri dituzte Modottin. Del monte a la playa erakusketa hilaren 8an inauguratu zuten, eta hilaren 29ra arte izango da zabalik Kale Nagusiko 24. zenbakiko aretoan. Lanegunetan 17:00etik 20:00etara ireki...

Hondakinen kudeaketa jasangarri baten alde lanean jarraitzeko deia du Errenteria-Orereta Bizirikek.

Igualdad Animal elkarteak salatu duenez (testua, gaztelaniaz), Oiartzungo Momotegi etxaldean tratu txarrak ematen dizkiete ahateei, eta saltzen duten foie gras-a inolako kontrolik gabekoa da: “Ez dago inolako neurri higienikorik edota osasun neurririk”. Horrez gain, salatu dute, ez etxaldeak duela ez lizentziarik, ezta markarik ere bere produktuak saltzeko. Igualdad Animalen arabera, Mugaritz da bertako foie gras-a erosten duen jatetxeetako bat: “Eta munduko hirugarren onena da”. Beste jatetxe ezagun batzuetako arduradunek ere bertan erosten dutela jakinarazi dute. Taldeak jakinarazi duenez, publiko egiteaz gain, epaitegietan ere jarri dute gaiaren gaineko salaketa. Hauxe da Momotegi etxaldean grabatu zuten bideoa (gaztelaniaz dago).

Ereintza antzerki taldearen eskutik Hegan antzezlana ikusteko aukera izango da astelehenean, 20:00etatik aurrera, Errenteria Hiria Kulturgunean. Aireportuan kokatuta, bost esketx egingo dituzte: Azafata, Eztei bidaia, Ama beti ama, Duty-free eta Bidaia...

Igandean jokatu zuten Pasaka Eskuz Oiartzungo I. Herri Txapelketaren laugarren jardunaldia. Ligako azkeneko partidak, berriz, igandean jokatuko dituzte Kontzejupean. Finalaurrekoak Iturriotzeko festetan jokatuko dituzte, hango pilotalekuan. Eta finala,...

Xanistebanetako helduen danborradako entseguak herenegun hasi zituzten. Astelehenetan eta ostegunetan egingo dituzte, 20:00etan, Haurtzaro Ikastolako pilotalekuan. Ergoiengo Jai Batzordea arduratzen da danborradaz.

Urte batzuen buruan, bereziak ez bezala, hitzartutakoak salmenta libreko bihurtzen dira Bihar, 17:00etan, Olaldeko etxe tasatuak zozkatuko dituzte. Udaletxeko areto nagusian izango da zozketa, edonork joan ahal izango du publikoa izango delako, eta ber...

Jaurlaritzak Sprilur-en martxan jarri duen programarekin ez dute bat egiten eskualdeko lau udalek Oarsoaldeko lau udalek ez dute onartzen Eusko Jaurlaritzak Sprilur taldearen bidez martxan jarri duen fusioen programa. Horren bidez, Oarsoaldeko Industrialdea SA elkarte publikoa, Irungo Industrialdea SArekin fusionatuko litzateke (bigarrenak lehena «absorbituko» luke). Udalen arabera, «Oarsoaldeko industrialdeen etorkizunean izugarrizko kalteak sor ditzake fusio horrek». Oarsoaldeko udalen hausnarketa plazaratzeko agerraldia egin zuten atzo Oiartzungo udaletxeko areto nagusian. Bertan izan ziren Fernando Nebreda Oarsoaldea Garapen Agentziako kudeatzailea, Aiora Perez de San Roman Oiartzungo alkatea, Amaia Agirregabiria Pasaiakoa eta Ainhoa Zabalo Lezokoa. Julen Mendoza Errenteriako alkateak ezin izan zuen agerraldian izan, baina esan zutenez, bat egin du alkateen iritziarekin. Atzo goizean, Oarsoaldea agentziako Administrazio Kontseilua eta Bazkideen Batzarra egin zituzten Lezon lau udaletako ordezkariek. Ondoren, han hausnartutakoaren berri eman zuten Oiartzunen. Oarsoaldeko lau udalen ustez, PSE-EEk datorren urteko hauteskundeak ditu buruan, eta gainera, indarrez hartu du erabakia. Kutsu elektorala «Usain elektorala» hartzen diote Oarsoaldeko ordezkariek erabakiari: «PSE-EEko ordezkariek ezer gutxi egin dute Eusko Jaurlaritzan gobernuan egon diren bitartean. Orain, egoera ekonomikoak bultzatuta, aurpegia garbitu nahian ari dira iruzur honekin». Hala, uste dute, helburua euren interesen alde egitea dela: «Industrialdeetako kapitalak batu, eta euren interesekoak diren zenbait egitasmotara bideratu nahi dituzte kapitalak. [...]

Turismo, merkataritza, hostalaritza eta beste hainbeste alorretan espezializatuak diren hainbat enpresa bildu dituzte quehacerenhondarribia.com webgunean. Hondarribiko Ostalaritza Elkarteak sortuta eta Higer Merkatarien Elkarteak, herriko turismo eta merkataritza enpresek eta Hondarribiko Udalak lagunduta, enpresetako produktu eta zerbitzuak salduko dituzte. Erosteko erraza Zerbitzuaz gozatzeko, egin behar den gauza bakarra quehacerenhondarribia.com webgunean erregistratzea da. Ondoren afaria, egonaldia, itsas bidaia edo gustuko zernahi aukeratu eta erosi atalean klikatu besterik ez da egin behar. Pasabide seguru batek egingo du erosketa. Helbide elektronikoan jasoko da erosketaren truke aldatzekoa den txartela, eta saltzaileak ezarritako denbora epean aldatu ahal izango da. Gainera, enpresatako eskaintzak eskura izateko, sare sozialetan egin ohi den bezala, jatetxeak, itsas enpresak, dendak… aukera daitezke eta haien eskaintza eguneratu orduko horren berri izango da.