Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


18:30ean, Gudarien Enparantzan musika eskolako ikasleek emango dute kontzertuarekin abiatuko da gaur Musikaz Blai jaialdia. Bihar, berriz, Illunbe Akordeoi Orkestra eta Gipuzkoako Big-Bandaren kontzertua izango da 20:00etatik aurrera, plaza berean. Aurretik, buruhandiak eta haurrentzako tailerrak antolatuko dituzte. 17:30ean hasiko dira txikienentzako jarduerak.

Aitor Alberdi, Julen Etxebeste, Haizea Prieto eta Lide Ibarguren, Haurtzaro Ikastolako ikasleak. Teknologian freskagarri makina eraiki eta Teknoskopioa lehiaren finalean izan dira. Aitor Alberdi, Julen Etxebeste, Haizea Prieto eta Lide Ibarguren (Oiartzun, 1997) DBH 3. Mailako ikasleak dira, Haurtzaro Ikastolan. Teknologian lanean hasita, freskagarri makina sortu zuten, eta Teknoskopioa lehiaketara aurkeztu. Finalera iritsi dira. Noiz hasi zineten proiektu honekin? Aitor Alberdi: Ikasturte hasieran, gutxi gorabehera. Zenbat kostatu zaizue makina osatzea? Haizea Prieto: Egia esan, eskola orduetatik kanpo bukatu behar izan dugu, Teknologia eskoletako orduetan bakarrik ez zigulako denborarik ematen. Lide Ibarguren: Erreminta batzuk hemen ez ditugu, eta kanpoan gurasoen laguntza izan dugu. Nola otu zitzaizuen freskagarri makina bat egitea? Ibarguren: Hasieran, eskolan bertan ariketa bat eman ziguten: Elorsoro kiroldegian freskagarri makina bat behar zutela imaginatzea. Eta guk arazo hori konpondu behar genuen. Julen Etxebeste: Hasieran plano batzuk egin genituen bakoitzak gure aldetik, bateratu genituen, eta denen artean osatu genuen ideia. Nola funtzionatzen du? Alberdi: Txanpona sartzean, etengailua zapaldu eta kontaktua egiten du, eta makinak duen beste zulora iristean, gelditu egiten da makina. Freskagarria ateratzen da, eta dirua itzuli egiten digu. Zaila izan zen egitea? Prieto: Planoetatik, teoriatik, eremu fisikora pasatzea zaila izan zen hasieran, eta eduki ditugu zailtasun batzuk, baina [...]

Ez dute erakunde armatuko agintari bezala epaitzeko eskatuko; etakide izatea leporatuko diote. Gurrutxaga eta Xabier Aranburu igandean atxilotu zituzten Parisko Fiskaltza antiterroristak adierazi du ikertzaileen datuen arabera ezin dela esan Oroitz Gur...

Pasaitar askok parte hartu zuen igandean Tolosan izan ziren hamalau orduko mendi ibilaldian. Arrakasta handia izaten du lau urtetik behin antolatzen duten probak. Argazkikoak Donibaneko parte hartzaile batzuk dira. Handik hamabost bat lagun joan ziren zeharkaldira.

Antzerki Astea antolatu dute eskolan diharduten antzerki taldeek, ekainaren 5etik 9ra bitartean Zazpi antzezlan eta bukaerako festa. Horixe Pasaiako Antzerki Eskolaren barruan biltzen diren antzerki taldeek datorren asterako osatu duten eskaintza. Antzerki Astea antolatu dute lehen aldiz, ekainaren 5ean hasi eta 9ra bitartean. Iazko irailaren 6an aurkeztu zuten publikoki Pasaiako Antzerki Eskola. Udala, Euskal Antzerkizaleen Elkartea eta herriko antzerkizaleak batu dira proiektuan. 100 haur eta gazte inguru Lehen ikasturtean 100 bat haur eta gazte inguru aritu dira eskolan, lau barrutietan sortu diren bederatzi taldeetan. Eskolako arduradunek esan dutenez, astero, ordubetez «sormenerako gune askea» eskaini diete haurrei, «jolasteko eta ondo pasatzeko gune erakargarri bat». Egitaraua San Pedro Ekainak 5, asteartea. 18:00etatik aurrera, Udal Aretoan, Lilikoko taldea, eta Trintxerpeko Karmengo Ama Herri Ikastetxeko taldea. Ekainak 6, asteazkena. 18:00etan, Udal Aretoan, Donibaneko Hanka Hutsik Eroak taldea, eta Sudurpunti taldea, Pasaia-Lezo Lizeokoa. Antxo Ekainak 7, osteguna. 18:00etan, Antxoko Ipotxak eta Ipurtarin taldeak, eta 19:00etatik aurrera, berriz, Pasaia-Lezo Lizeoko Gipuzkerrak taldea eta Zortzi eta Bat taldea, Pasai Antxokoa. Ekainak 9, larunbata. 17:00etan, bukaerako festa egingo dute antzerki talde guztiek, batera, Donibaneko Santiago plazan.

Bihar, hilak 31, itsas solasaldia egingo dute San Pedroko Mater itsasontzian. Luberriko Jose Angel Torresek Pasaiako badiaren formazio geologikoaren gainean hitz egingo du jendeari zabalik egongo den hitzaldian. Bokalearen jatorria, badiaren zabalkunde...

Ikerlarien antzera ibili dira herriko zortzi ikastetxetako 3.609 ikasle ikasturte honetan zehar. Profesionalak izan ez arren, Eskola Agenda 21en barruan aztertu duten gaia ez da nolanahikoa izan: biodibertsitatea. Ikastetxetik hasi eta herri inguruko biodibertsitatea ikertzen aritu dira (baita herrikoa ere), eta arlo horrek duen garrantziaz jabetu dira, ikusi baitute animalia eta landare asko desagertzeko arriskuan daudela. Kalera atera dira ikerketa egitera, eta gertuen duten espaziotik hasi dira, ikastetxetik. Inguruko zuhaitzak identifikatu dituzte, animalia zein landareak zaindu, eta baratzea jartzeko aukera ere aztertu dute. Herrian, berriz, galdetegi bat pasatu diete herritarrei eta ikusi dute gehienek pentsatzen dutela biodibertsitate gutxi dagoela bertan. Horrez gain, Oiartzun ibaiaren egoera aztertu dute, Txoritokietako basoa ikertu dute, eta askotariko espezieak daudela ikusi dute. San Marko gotorlekuan dauden inpaktuez ere jabetu dira: antena, negutegiak, zaborra… Herritik harago joanda, Aiako Harria, Aitzbitarte, Zumaiako flyscha, Pagoeta, eta beste zenbait tokitako biodibertsitatea ezagutzeko irteerak egin dituzte. Udalari proposamena Herriko biodibertsitatea zaintzeko 36 proposamen egin dizkiote ikasleek udalari. Hala nola, kontzientziazio kanpainak egiteko eskatu diote, herritarrek biodibertsitatea ezagutu dezaten irteeren bidez eta bestelako ekimenen bidez. Ildo horretatik, informazio panelak ere jartzeko eskatu diote, berdeguneetan dauden espezieen informazioa emanez. Horrez gain, ibaia eta berdeguneak zaintzeko neurriak hartzea, espezie inbaditzaileak ordezkatzea, eta eskola [...]

96 txirrindularik parte hartu dute Trintxerpe Atletiko Klubak San Pedrotik zehar antolatutako lasterketan Euskadiko Openaren sailkapenaren buruan da, eta Pasaian bere nagusitasuna berretsi du. Ekleylson Marques brasildarrak irabazi zuen lehengo larunba...

Ekainaren 30era arte Oaia Peruarenaren margolanak ikusteko aukera izango dute Mikelazulotik pasatzen direnek. 2006an hasi zen lehen erakusketekin, eta Euskal Herriko hainbat tokitan jarri ditu bere lanak denbora honetan: Baionan, Ordizian, Hondarribian...

KAE2 Ligako hirugarren bandera —bigarrena jarraian— irabazi du gaur eguerdian Trintxerpe-Illunbek Pasaiako badian, Hibaikaren VI. Ikurrinan. Lehen posturako borrokan sasoi guztian zehar bidelagun Orio B ia 11 segundo atzean utzi dute urdinek, hortaz, azken estropadetako alderik nabarmenena lortu dute David Iglesiasek entrenatutakoek. Bi ondorio utzi ditu gaurko garaipenak: lehena, sailkapen nagusian nabarmenago dela lider Trintxerpe, eta bigarrena, moralari dagokionez are indartsuago daudela pasaitarrak. Lehen ziabogatik nagusitasun osoa erakutsi dute Azkuene ontzikoek. Aurreko asteburuan Donostian irabazi zuten urdinek. Hirugarrena Donostiarra B izan da, eta laugarrena, San Pedro B. Estropada oso ona egin dute moreek. Hamahirugarren eta azken denbora egin du Hibaikak, estropadaren antolatzaileak. Ondoko zerrendan, sailkapen osoa. 1. Trintxerpe-Illunbe 20:13 2. Orio B 20:24 3. Donostiarra B 20:46 4. San Pedro B 20:56 5. Getxo 20:57 6. Arkote 20:58 7. Castro B 21:04 8. Raspas 21:10 9. Mundaka 21:23 10. Colindres 21:38 11. Luanco 21:59 12. Santander 22:12 13. Hibaika 22:31

Udalbatzarra egin zuten atzo goizean Pasaiako udaleko zinegotziek. Gai bakarra zuten aztertzeko: hondakinen gaikako bilketa sustatzeko estrategia bultzatzeko San Marko Mankomunitatearen eta Pasaiako Udalaren arteko lankidetza hitzarmena sinatzeko adost...

KAE2 Ligako estropada jokatuko dute gaur, 12:00etatik aurrera, KAE2 Ligako 13 traineruek. Hibaika Arraun Elkarteak antolatu du Hibaikaren VI. Ikurrina, Pasaiako badian. Bertan, etxeko taldeaz gain, Oarsoaldeko Trintxerpe-Illunbe eta San Pedro B izango ...

Bihar, igandea, 12:00etatik aurrera, Kalean Kantuz ekimenaren saio berri bat egingo dute Hondarribian. Azeri elkartearen parean bilduko dira euskal kantuez gozatu nahi dutenak. Udaleko Euskara Zerbitzuak deia egin die herritarrei bertan parte hartzeko,...

Agerraldia egin zuen herenegun arratsaldean Errenteria-Orereta Bizirik plataformak Herriko Enparantzan, duela zortzi urte sortu zen leku berean, herriko eragile eta norbanakoek lagunduta. Zortzi urte hauetan egindako lanaren “aitorpena” egin eta jasotako laguntza eskertzea zen agerraldiaren helburuetako bat, Aitziber Garzia plataformako kideak azaldu zuen moduan. “Bestea, Orereta-Errenteriako bizilagun guztioi hiri hondakinen kudeaketa jasangarri baten alde lanean jarraitu edo lanean hastera deitzea da”, gaineratu zuen. Plataformak dituen zortzi urteetan “hamaika gorabehera” izan direla ere aipatu zuen, eta horien artetik bi ekarri zituen gogora Garziak, “txanponaren bi aldeak islatzen dituztelako”. Alde ezkorrean, erraustea defendatzen duten alderdien “jarrera zeken, demagogikoa eta manipulatzailea” kokatu zuen, “alderdi horien estrategia ez baita errausteak beraien ustez izan ditzaken abantailak azaltzera mugatzen, bestelako sistema alternatiboak iraindu, desinformatu eta zentzugabeko alarma piztera baizik”. Baikorrak izateko arrazoiak Alde positiboan, berriz, gizarteak gaiaren gainean azaldu duen “sentsibilizazio gero eta handiagoa, sortu diren gizarte eragile berriak eta eremu instituzionalean izan den agertoki aldaketa handia”, nabarmendu zituen Garziak. Errenteria-Orereta Bizirik plataformako kideak, orain zortzi urte baino “hobeto” daudela eta baikorrak izateko “arrazoi gehiago” daudela onartuta, oraindik ere egiteko lan handia dagoela zehaztu zuen: “Ez dugu balorazio positibo horretan gelditu nahi. Gaur egun dugun egoera berria baliatuta, lanerako dinamika berriak sortzea dugula uste dugu, gure [...]

Etzi amaituko du denboraldia Zintzilik Irratiak, eta jaiekin bat eginez, madalenei buruzko saio berezia egingo dute. 17:00etatik aurrera, beraz, berri garrantzitsuenen errepasoa, jaietako egitaraua, elkarte eta herritarrekin elkarrizketak egingo ditu...

Lezo Garbia plataformak jakinarazi duenez, 1.900 sinadura bildu ditu lezoarren artean hondakinak biltzeko atez ateko bilketa sistemaren kontra. Taldeak esan duenez, ekainaren erdialdean hasi ziren lanean, eta orduan birziklatzearen aldeko eta atez atek...

Herri Bizia webguneak madalenen jarraipena egingo du, eta elkarrizketak, bideoak… zintzilikatuko dituzte. Txupinazoa ere zuzenean ikusteko aukera izango da etzi, eta 18:00etatik aurrera, saio berezia emango dute. Konexioa egingo du errenteria.hit...