«Interesgarria izan da makina bat barrendik nolakoa den ikustea»
Aitor Alberdi, Julen Etxebeste, Haizea Prieto eta Lide Ibarguren, Haurtzaro Ikastolako ikasleak. Teknologian freskagarri makina eraiki eta Teknoskopioa lehiaren finalean izan dira. Aitor Alberdi, Julen Etxebeste, Haizea Prieto eta Lide Ibarguren (Oiartzun, 1997) DBH 3. Mailako ikasleak dira, Haurtzaro Ikastolan. Teknologian lanean hasita, freskagarri makina sortu zuten, eta Teknoskopioa lehiaketara aurkeztu. Finalera iritsi dira. Noiz hasi zineten proiektu honekin? Aitor Alberdi: Ikasturte hasieran, gutxi gorabehera. Zenbat kostatu zaizue makina osatzea? Haizea Prieto: Egia esan, eskola orduetatik kanpo bukatu behar izan dugu, Teknologia eskoletako orduetan bakarrik ez zigulako denborarik ematen. Lide Ibarguren: Erreminta batzuk hemen ez ditugu, eta kanpoan gurasoen laguntza izan dugu. Nola otu zitzaizuen freskagarri makina bat egitea? Ibarguren: Hasieran, eskolan bertan ariketa bat eman ziguten: Elorsoro kiroldegian freskagarri makina bat behar zutela imaginatzea. Eta guk arazo hori konpondu behar genuen. Julen Etxebeste: Hasieran plano batzuk egin genituen bakoitzak gure aldetik, bateratu genituen, eta denen artean osatu genuen ideia. Nola funtzionatzen du? Alberdi: Txanpona sartzean, etengailua zapaldu eta kontaktua egiten du, eta makinak duen beste zulora iristean, gelditu egiten da makina. Freskagarria ateratzen da, eta dirua itzuli egiten digu. Zaila izan zen egitea? Prieto: Planoetatik, teoriatik, eremu fisikora pasatzea zaila izan zen hasieran, eta eduki ditugu zailtasun batzuk, baina [...]
Aitor Alberdi, Julen Etxebeste, Haizea Prieto eta Lide Ibarguren, Haurtzaro Ikastolako ikasleak. Teknologian freskagarri makina eraiki eta Teknoskopioa lehiaren finalean izan dira.

Aitor Alberdi, Julen Etxebeste, Haizea Prieto eta Lide Ibarguren, beraiek sortutako freskagarri makinarekin.
Aitor Alberdi, Julen Etxebeste, Haizea Prieto eta Lide Ibarguren (Oiartzun, 1997) DBH 3. Mailako ikasleak dira, Haurtzaro Ikastolan. Teknologian lanean hasita, freskagarri makina sortu zuten, eta Teknoskopioa lehiaketara aurkeztu. Finalera iritsi dira.
Noiz hasi zineten proiektu honekin?
Aitor Alberdi: Ikasturte hasieran, gutxi gorabehera.
Zenbat kostatu zaizue makina osatzea?
Haizea Prieto: Egia esan, eskola orduetatik kanpo bukatu behar izan dugu, Teknologia eskoletako orduetan bakarrik ez zigulako denborarik ematen.
Lide Ibarguren: Erreminta batzuk hemen ez ditugu, eta kanpoan gurasoen laguntza izan dugu.
Nola otu zitzaizuen freskagarri makina bat egitea?
Ibarguren: Hasieran, eskolan bertan ariketa bat eman ziguten: Elorsoro kiroldegian freskagarri makina bat behar zutela imaginatzea. Eta guk arazo hori konpondu behar genuen.
Julen Etxebeste: Hasieran plano batzuk egin genituen bakoitzak gure aldetik, bateratu genituen, eta denen artean osatu genuen ideia.
Nola funtzionatzen du?
Alberdi: Txanpona sartzean, etengailua zapaldu eta kontaktua egiten du, eta makinak duen beste zulora iristean, gelditu egiten da makina. Freskagarria ateratzen da, eta dirua itzuli egiten digu.
Zaila izan zen egitea?
Prieto: Planoetatik, teoriatik, eremu fisikora pasatzea zaila izan zen hasieran, eta eduki ditugu zailtasun batzuk, baina konpondu ditugu.
Alberdi: Hori da, hasieran gezurrezko zerbait ematen zuen, imaginarioa, baina pixkanaka forma hartzen hasi zen eta benetakoa zela ikusi genuen. Interesgarria izan da horrelako makina bat barrutik nolakoa den ikustea, eta antzeko bat egiten saiatzea.
Pozik finalera iritsita?
Denek batera: Bai!
Espero zenuten?
Denek: Ez!
21 talde izan ziren azokan, euren lanak erakusten, eta 11 iritsi zineten finalera.
Alberdi: Jendeak esperientzia zuen, baina guretzat lehen aldia zen, eta gainera gazteenak ginen. Oso pozik gaude.
Ibarguren: Inoiz ez ginen halako batean egon, eta gure lana aurkeztu behar genuen besteen aurrean. Gainera, lehenengoak izan ginen aurkezpena egiten.
Etxebeste: Horrez gain, erakusketa ere jarri genuen, bakoitzak bere erakusmahaia zuen, eta etortzen zenari azaldu egiten genion egin duguna.
Zer esan dizuete gainontzeko ikasleek, irakasleek…?
Alberdi: Denek zoriondu gaituzte bertara iristeagatik. Oso esperientzia ona izan da.
Hurrengo lana pentsatuta duzue?
Ibarguren: Egia esan, ez. Proiektuak egiten hasteko ideiak ikastolak ematen dizkigu, eta ea hurrena zein den.

