Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Gernikako bonbardaketaren 75. urteurrenaren harira, eta bake prozesuari keinua eginez, zeharkaldia antolatu du Albaolak, Causeway Coast Maritime Heritage elkarte irlandarrarekin. Gernikako Bakearen Museotik Donostiara, Aieteko Bakearen Etxera. Horixe euskaldun eta irlandar arraunlariez osatutako 25 laguneko eskifaiak uztailaren hasieran osatuko duen itsas zeharkaldiaren ibilbidea. «Euskal Herrian bake garai honi bultzadatxo bat emateko asmoz» antolatu du Albaolak bake nabigazioa, Gernikako bonbardaketaren 75. urteurrenarekin bat eginez. Atzo aurkeztu zuten ekimena, Albaolak San Pedroko Ondartxon duen Itsas Interpretazio Zentroan. Albaolako buru Xabier Agotek aditzera eman zuenez, Ipar Irlandako Causeway Coast Maritime Heritage elkartearekin batera antolatu du Albaolak nabigazioa. Izan ere, bi elkarteek 2003az geroztik ezagutzen dute elkar. Orduan, Navigating Peace egitasmoan parte hartu zuten bi elkarteek. Bakea aldarrikatzeko Irlanda nabigatuz inguratu zuten orduan, sei aste iraun zuen itsas zeharkaldian. Albaolak eredugarritzat du esperientzia hura, eta orduz geroztik, elkarteari naturala zaion itsas ondarearen berreskuratze lanari, «bestelako balio erantsia» gehitu nahi izan diote, halako ekimenetan parte hartuz. «Bakea eta adiskidetzea aldarrikatu nahi ditugu, guztiok batera norabide berean arraun eginez», esan zuen Agotek. Bi ontzi erabiliko dituzte nabigaziorako: Arditurri eta Ameriketatik. Bi ontzietan, Euskal Herriko eta Ipar Irlandako arraunlariak ariko dira bogan, nahasturik, eta horien artean bi gonbidatu berezi izango dira: Andoni Egaña eta Amets Arzallus bertsolariak. [...]

Zazpigarren urtez, Hondarribiko liburutegiak literatura tailerrak antolatu ditu. Horrela, hiru tailer antolatu dituzte, literaturazaleek esperientziak trukatzeko. Gaur, osteguna, Liburuarekin Hitzordua izenburuko tailerra egingo dute, 15:30etik aurrera...

Ikasturteari agur esango dio etzidamu Eskolatik Kalera ekimenak, eta hori ospatzeko aurten, jaia beharrean, topaketa egingo dute. Hamar urtez jaia egin ostean, aurten hori baino xumeagoa izango den ekitaldiarekin amaituko dute ikasturtea, “egitasmoa bera indartu eta ekimen berriekin osatze aldera, eta garaiak ere hala eskatzen dutelako”, zehaztu du Lau Haizetara elkarteak, ekimenaren antolatzaileak. Atzo aurkeztu zuen Eskolatik Kalera I. Topaketa, eta prestatu duten egitarauaren berri eman zuten: Altxorraren Bila jolasarekin hasiko dute goiza. Bertan, haur zein gurasoek parte hartu ahal izango dute, eta lau taldetan banatuko dituzte. Hori amaitutakoan altxorraz gozatu ahal izango dute. Ondoren, berriz, tailerrekin hasiko dira: txapak, karetak, gatz koloreztatuarekin botilak, eta txikienek ere margoketa egin ahal izango dute. Ekimen guztiak Lau Haizetara eta Merkatuzarren aurreko plazan egingo dituzte. Elkarteak gaineratu duenez, datorren urtera begira topaketa, guraso, ikastetxe, elkarte eta haur zein gazteen artean diseinatzea da helburua. Hain zuzen, jaia antolatzera bideratzen zen diruarekin Kuadrillategi egitasmoa martxan jarri du Lau Haizetarak, DBH 1. eta 2. mailako haurrei zuzendutakoa. Maiatzean hasi zuten, eta etzi amaituko da. Datorren ikasturtean ere jarraituko dute ekimenarekin, baina DBH 3. eta 4. mailetara zabaldu nahi dute. Egitaraua 09:30. Hasiera 10:00. Altxorraren Bila. 11:00. Altxorra ezagutzea. 11:30. Tailerrak.

Kanpo kaiaren kontra aurkeztutako 3.500 alegazioak erantzun ordez, Portu Agintaritzak guztiak atzera bota eta aurreko gidoi berari eusten diola salatu du Jaizkibel Bizirik-ek. Portuko administrazio kontseiluan gaur goizean bildu da, eta han aurkeztu du...

Sanjoanekin bat eginez, Piedadea Emakume Taldeak olio margoen erakusketa antolatu du. Igandean eta astelehenean bisita daiteke, 17:00etatik 19:30era, Donibane kalean taldeak duen egoitzan.

Etzirako deitu du Pasaia Kirol Elkarteak urteko batzar orokorra. San Fermin parrokiaren behealdean egingo dute, 19:30ean lehen deialdian, eta 20:00etan bigarrenean. Balantze ekonomikoa eta kirolekoa aurkeztuko dituzte.

Portuko Administrazio Kontseilua goizean bilduko da; erabakiak arratsaldean jakinaraziko dituzte Lau gai hartuko dituzte hizpide gaur goizean Portu Agintaritzaren Administrazio Kontseiluan. Batetik, Pasai San Pedroko arrandegi berriaren behin betiko diseinuaren gainekoak erabaki behar dituzte. Jakina denez, udalak eta portuak desadostasunak dituzte gai honen inguruan. Gaur argituko dute horiek gainditu diren ala ez. Bestetik, kanpoko kaiaren ingurumen txostenari aurkeztutako alegazioei erantzuteko txostena aurkeztuko du portuak, eta Administrazio Kontseiluak oniritzia eman beharko dio aurrera aterako bada. Horrez gain, azken hiruhilekoan trafikoak izan duen bilakaera jakinaraziko dute, eta azkenik, Iberdrolaren zentral termikoaren itxierak portuan izango duen eragina baloratuko dute.

23an jokatuko da proba, partaidetza handitzeko asmoz, lehenengoz, arratsaldez; Proisa aldarrikatuko dute Etzidamu Herri Triatloia egingo dute zortzigarrenez San Pedron, Astarloza Taldeak antolatuta. Sanpedroen atarian urtero ospatzen dute kirol proba hau, eta aurten hainbat berritasun ditu. «San Joan bezpera dela baliatuz, proba arratsaldean egitea erabaki dugu, horrela parte hartzea handiagoa izatea espero dugulako», adierazi dute antolatzaileek. 18:00etan hasiko da triatloia. Proisa Kulturgunea aldarri Ibilbidean ere hainbat aldaketa egin dituzte aurten. Bizikletan eta korrika Torrean hasi eta Proisaraino joan beharko dute parte hartzaileek, Arraunlari kaletik. Izan ere, etzirako Proisa Eguna antolatu dute barrutian, eta San Pedroko taldeek eta elkarteek hainbat ekitaldi antolatu dituzte egun osoan zehar, «herriak Proisa Kulturgunea bezalako eraikin bat mantentzeko beharra duela aldarrikatzeko». Proisatik Morales Oliver kalera jo, eta handik Pasamanen Alarguna kalea hartuko dute, alde zaharretik Torreiraino itzultzeko. Bizikletan hiru itzuli osatu beharko dituzte parte hartzaileek, eta korrika bakarra. Igeriketan ez dago aldaketarik: Kalparratik hasi eta Torrerainoko tartea osatu beharko dute parte hartzaileek. Aurreko urteetan bezala, proba banaka edo taldeka egiteko aukera egongo da. Taldeek gehienez hiru pertsonakoak izan behar dute. Aurrenak proba egiten taldeka aterako direnak izango dira. Ondoren, banaka lehiatuko direnak hasiko dira lehian. Sariei begira banakako lehia lehenetsiko dute antolatzaileek, sariak hobeak izanik norbanakoentzat, [...]

Udaberri Txapelketa. Haurrak. Oiarpe-Intxurre: 18-16. Irun. Finalerdiak. Gazteak eta helduak. Ugalde-Imaz (Oiarpe)/Loitegi-Lizaso (Urnieta): 22-0. Sarasti-Ugalde (Oiarpe)/Lizaso-Okiñena: 9-22. Añorgako Txapelketa. Helduak. Lizaso-Ugalde (Oiarpe)/L...

Tarteka, gosari solasaldiak antolatzen dituzte Mikelazulo kultur elkartean, eta igande honetan, Miguel Romerorekin hitz egiteko aukera izango da, 10:00etan. Mikelazulok azaldu duenez, Romero 60ko hamarkadan Francoren diktaduraren kontra mugitu zen, eta...

Hilaren 26rako, asteazkenerako, greba deialdia egin du gehiengo sindikalak. Egun horretan, besteak beste, manifestazio handia egingo dituzte Donostian, eguerdiz, eta Irunen, goizeko hamarretan eta arratsaldeko zazpiretan. Arratsaldekoaren aurretik, Hondarribian egingo dute manifestazioa, Ezker Abertzaleak deituta. Hondarribiko Ezker Abertzalearen ustez aurreko ostiralean Espainiako Gobernuak iragarri zuen hezkuntzaren erreforma abertzaleen aurkako beste eraso bat da. “Arrazoi bat gehiago da grebarako, gure ezadostasuna adierazteko erreformen bideari”, gaineratu dute. Horregatik, asteazkenean greba egiteko deialdiarekin bat egin du Ezker Abertzaleak, eta hainbat mobilizazio egingo dituela iragarri du. Gaur eta bihar kotxe karabanak egingo dituzte, greba deialdiaz informaztzeko xedez; 18:30ean irtengo dira Txiplao industriagunetik. Eta Txiplaotik abiatuko dira greba eguneko pikete informatiboak ere, 06:00etan. Eta esan bezala, arratsaldeko bostetan manifestazioa egingo dute asteazkenean Hondarribian. Gainera, ikasle, langile, langabetu eta herritar denei dei egin diete gainontzeko manifestazioetara joateko: Irunen 10:00etan eta 19:00etan, eta eguerdian Donostian (Hondarribitik hurbildutakoak Sagueseko zutabean joango dira, 11:45ean abiatuta).

Valentziako Terra i Mar judo taldean aritzen den Iokin Sagarzazu hondarribitarra Japoniako Tsukuba hiriko unibertsitatean dago egunotan, denboraldiko lehen entrenamenduak egiten; irakaskuntza zein kirol mailengatik herrialde hartako unibertsitate ospet...

Lurraldeko Ohorezko Mailan jokatzen duen Hondarribia futbol taldeak denboraldiko lehen hiru puntuak lortu zituen larunbat arratsaldean, Hondartza futbol zelaian jokatutako partidan. Lehen jardunaldia Hernanin galdu eta gero, puntuen beharra zuten berde...

Bihar, asteartea, Udalbatzak ohiko osoko bilkura izango du, eta hamabost puntuko gai zerrenda izango dute aurretik. Horien artean, bost mozio eztabaidatuko dituzte. Bilduk gaixorik dauden presoen gainean mozio bat aurkeztu du, eta EAJk herriko kaleen i...

Hondarribia-Irun saskibaloi taldea da Emakumeen Euskal Kopako txapeldun berria. Atzo GDKO Ibaizabal taldearen gainetik pasatu zen, Zallan (Bizkaia) jokatutako finalean (51-90). Hondarribiko taldeari kosta zitzaion partidan sartzea. Lehen laurdenean bizkaitarrek aurrea hartu zuten markagailuan, eta hamargarren minutuan nagusi ziren oraindik. Baina bigarren laurdenetik aurrera berdeak hobeto jokatzen hasi zen, markagailuari buelta eman zioten, eta partidako bigarren zatian aldea handitu zuten. Hala, Euskal Kopa erraz irabazi zuen Hondarribia Irunek. Atzoko lehiak, bi taldeen arteko maila desberdintasuna agerian uzteko balio izan zuen, baita Anne Peñaren aginduetara izango diren jokalari berriak nola moldatzen ari diren ikusteko. Azken iritsitakoen artean Lindsay Harris eskolata nabarmendu zen; hamazazpi puntu lortu zituen eta Ygueraviderekin batera taldea bikain gidatu zuen. Valentziako basea partidako saskiratzaile onena izan zen, hemezortzi punturekin. Partidako fitxa: GDKO Ibaizabal 51 (17+11+14+9): Roundtree (11), Liñeira (12), Freitas (18), Agirregoikoa (0), Ramasco (1) –hasierako bostekoa-, Ladislao (0), Roman (6), Larrazabal (0) eta Robles (3). Hondarribia-Irun 90 (13+29+27+21): Lindsay (17), Mannye (16), Karcic (4), Kehsler (15), Ygueravide (18) –hasierako bostekoa-, Quintero (7), Suarez (3), Arroyo (3) eta Reis (7).

San Pedro Txiki Jaien barruan, herri estropada egiten ari dira barrutian, 16:30etik. Gauean eta bihar ere jarraituko dute jaiek.

Hamargarrenez 500 urtetik gora egin du atzera denboran herriak, Errenkoaldek antolatutako Erdi Aroko Azoka dela eta. Erdialdeko kaleek garai hartako itxura hartu dute. Iazko postu kopuru bera mantendu dute, 70, eta erakusketa ere zabalik da. Hona infor...

Esteban Muruetagoiena herriko medikua izan zenaren alabak, dokumental batean parte hartu du. Bertha Gaztelumendi kazetariak egindako Mariposas en el hierro filma, Muruetagoienaren testigantzarekin hasten da. “Biolentziarekin lotuta” hamabos...

Asteartean egingo dute, 18:00etan, udaletxean. Hauxe da gai zerrenda: Udalbatzak 2012ko maiatzaren 29an eta ekainaren 26an eginiko ohiko bilkurei dagozkion akten irakurketa eta onespena, bidezkoa bada. Ebazpenen berri ematea: Alkatearenak (586 zk.tik 870 zk.ra, biak barne), Zinegotzi-ordezkarienak (1015 zk.tik 1192 zk.ra, biak barne) eta Tokiko Gobernu Batzarrarenak. Hauteskunde-mahaiak osatzeko zozketa. Alkatetzak 2012ko uztailaren 27an emaniko dekretuaren berri ematea, Udalaren Kirol Patronatuko lehendakaritza Unai Unsuain Elvira jaunaren esku ezteko. Errenteriako Ezkerra udal taldeak aurkezturiko idatziaren berri ematea, Udalaren Kirol Patronatuan izango dituen ordezkariak izendatuz. Euskal Erkidegoko Justizia Auzitegi Nagusiak 327/2012 administrazioarekiko auzi-helegitean emaniko epaiaren berri ematea, hain zuzen Errenteriako Udalak telefono mugikorraren zerbitzua ematen duten enpresek udal jabariaren erabilera pribatua eta aprobetxamendu berezia egiteagatik ezarri zitzaien tasei buruzko zerga-ordenantza onartu zuelako 2010-01-29an -2010-02-05eko GAOn, 23 zk.an, argitara emana-. Helegite hau “Telefónica Móviles España S.A.U.”-k tarteratua zen. Proposamena: Auzitegi Gorenaren Administrazioarekiko Auziaren Salan agertzeko, Lezoko Udalak, 1658/2010 Ohiko Errekurtsoaren gain ateratako 428/2012 epaiaren aurka, tarteraturiko Kasazio-errekurtsoa dela eta. Proposamena: 2012. urterako Errenteriako Udalaren lanpostu-zerrenda eta langileen plantilla aldatzea. Udalak Kutxako Batzar Nagusian izango duen ordezkariaren izendapena. Mozioa, Errenteriako Udaleko Sozialistak udal taldeak Espainiako Gobernuak Emakumeek haurdunaldia euren borondatez eteteari buruzko 2/2010 legea aldatzeko Madrileko Gobernuak egindako iragarpena dela-eta aurkezturikoa. Mozioa, Errenteriako Ezkerra [...]

Trintxerpe Atletismo Elkarteak Platako itsasargira igoera antolatu du gaur arratsalderako. Informazio guztia, hemen.