
Lanean aritzeko gogoz jarraitzen du, eta ia goizero ibiltzen da Jose Luis Ansorena (Donostia, 1928) Eresbilen, eskatzen dizkioten enkarguak egiten. Azkena, Azkueren doinuak digitalizatzea izan da, Eusko Ikaskuntzak eskatuta.Arratsaldetan, berriz, Donostiako Okendo kaleko Kaputxinoen elizan izaten da meza ematen. Bi horiek dira bere bizitzaren zati nagusiak: erlijioa eta musika. 84 urte dituzu, baina ez zaude geldirik egoteko, ia egunero ibiltzen zara Eresbilen. Zertan? Orain arte Azkueren mila doinutatik gora digitalizatzen ibili naiz, eta guztiak hemen ditut [altxatu egin da ondoko armairuan dituen karpetak erakusteko]. Akoak dira hauek: Zuberoa, Harribia… Zenbat denboran egin duzu lan hori? Azken bizpahiru urteak eman ditut horretan. Finale programarekin aritu naiz. Orain aurretik egindako lanak errepasatzen ari naiz. Apirilean Lorenzo Ondarra hil zen, eta berari buruzko lan bat eskatu zidaten Txistulari aldizkarirako. Manuel Lekuonari buruzko lan bat ere idatzi dut saria lortu ondoren. Lan hori Oarso aldizkarian aterako da, madalenetan. Oraindik lan bat edo beste eskatzen jarraitzen didate. Ordenagailu aurrean ikusten zaitut, zer moduz moldatzen zara teknologia berriekin? Ordenagailuarekin ongi moldatzen naiz, eta baita Finale programarekin ere, beste gauza batzuekin, berriz, ez. Eta ez naiz kezkatu ere egiten, nahikoa ikasi dut. Bizitza lasai bizi dut, eta kitto. Beraz, ez duzu lana uzteko asmorik? Teorian, ez daukat [...]

Igandean egun guztian zehar izango da meategiak prezio murriztuan bisitatzeko aukera, besteak beste Bigarren urtez, Arditurri Eguna ospatuko dute. Igandean izango da, hilaren 15ean. Goizez zein arratsaldez, meategiak merkeago bisitatzeko aukera izango ...

Bihar 21:30. Huckleberry Finn, Bentako eszenatokian. 22:30. J. W. Jones, Bentako eszenatokian. 00:00. Eric Sardinas, Bentako eszenatokian. Etzi 20:00. Claps for Clapton, Carlsberg eszenatokian (Apezpiku plaza). Euria egingo balu, Banako aretoan. 21:30....

Aurten proba aurrera ateratzeko konpromisoa hartu du taldeak, baina laguntza behar duela gogorarazi du Krisiak eragina izan du ere Xanisteban Txirrindulari Sarian azken urteotan. Hori dela eta, Lartaun Zikloturista Taldea kezkatuta dago probaren etorkizunarekin. Aurten, aurrera ateratzea lortu dute, baina datozen urteei begira, ez dakite antolatzen jarraitu ahal izango duten. Xanisteban Txirrindulari Saria antolatzen 25 urte daramatza Lartaunek —berez, probak 65. aldia du aurtengoa—. Herriko jaien egitarauaren barruan antolatzen dute beti, «udalaren babesarekin eta herriko eta inguruetako hainbat enpresa, komertzio, jatetxe eta abarren laguntzarekin». Aurten, abuztuaren 5ean izango da (igandea). Azken urteetan, baina, krisia nabaritu dute antolatzaileek, udalaren laguntzen aldetik, batez ere: «Udalak diru murrizketa garrantzitsuak egin ditu herriko jaietako ekitaldi guztietan, baita txirrindulari probari dagokionez ere. 2009an %10 gutxiago jaso genuen, 2010ean %20 gutxiago eta aurten berriz ere %10 gutxiago. Guztira, 2012an udalaren babesa %35 txikiagoa izango da 2008arekin alderatuz». Hori dela eta, udalaren aurtengo laguntzarekin, probaren aurrekontuaren %61 osatuko dute Lartaungo kideek. Horrez gain, diru laguntzak beste arlo batzuetatik lortzea geroz eta zailagoa dela gogorarazi dute. Gainera, Lartaungo kideek nabarmendu dutenez, proba antolatzeko, murriztu ezin dituzten hainbat gastu daude, ez daudenak antolatzaileen eskuetan: «Adibidez, txirrindularien sariak eta dietak, epaimahaiko partaideen gastuak eta federazio eskubideak, horiek Euskal Federazioak finkatzen [...]

Urtero legez, Antxoko amonak hilaren 26an bilduko dira bazkaltzeko, Santa Ana egunez. Bazkarira Antxoko Zaharren Tokian izango da. Interesdunek Ros liburu dendatik pasatu behar dute ahalik eta lehen bazkarirako txartelak jasotzeko.

Kontrako boto bakarrarekin, eta aldeko 15ekin, San Pedroko arrandegia berriaren proiektua bere egin du udalbatzarrak. Atzo izan zen plenoa, Donibanen. Pasaiako Ezkerrako zinegotzi Xabier Pombok baino ez zuen kontra bozkatu. Gainontzeko talde guztiek alde bozkatu zuten. Honenbestez, Portu Agintaritzak Lasarte eta Astigarraga arkitektoek aurkeztutako proiekturen eraikuntzari ekingo diote. Hautsak harrotu ditu azken hilabeteetan lonjaren gaiak, batez ere, udala eta Portu Agintaritzaren arteko desadostasunengatik. Azkenean, baina, akordioa iritsi da. Hori bai, Pasaiako alkate Amaia Agirregabiriak esan zuenez, udalak ez du bere garaian herritarrekin adostutako parte hartze prozesuan erabakitakoari uko egiteko asmorik, eta orduan adostutakoa egin dadin lanak gertutik jarraitu eta adostasunak lortzen saiatuko direla ohartarazi zuen. Pasaiako Ezkerrako zinegotzi Xabier Pombok, ordea, ezbaian jarri zuen proiektua bere horretan gauzatuko denik, eta sortutako espektatibetatik oso urruti geratuko dela esan zuen. Aitzitik, EAJk, “poza” agertu du, “azkenean udala eta portuaren artean akordio batetara iritsi direlako”. Jeltzaleen bozeramaile Nahikari Oterminen arabera, “Pasaiaren birsorkuntzarako gertaera garrantzitsua da hau. Lonja honek gure herriko fisionomia eta zerbitzuaren kalitatea osoki hobetuko ditu, eta hori guztiz onuragarria da bai Pasaitarrentzat, eta bai, bereziki, San Pedrotarrentzat”. Edonola ere akordioa lortu bitartean “denbora galdu izana” salatu du Oterminek, “Bilduren udal gobernuak Pasaiaren garapena aurrera eramango duten proiektuei heltzeko duen gaitasun eza [...]

Atzo, Alkatetzaren dekretu bidez, Olaldeko etxebizitza tasatuen zozketan parte hartzeko onartutako eta baztertutako behin betiko zerrendak onartu zituzten. Onartutakoen zerrendako eskatzaileei, bihar esleituko dizkiete zenbakiak, 10:00etan, udaletxeko ...

Prebentzio Komunitarioko Udal Zerbitzuak Hondar Kirolak proiektua martxan jarri du aurten ere. «Aisia osasuntsuan» oinarrituta, gazteei topaketa eta parte hartze esparrua erraztu diete horrela. Hondar Kirolak programan herriko gazte boluntarioek lagunduko dute, zerbitzuaren teknikariekin batera, eta esparrua kudeatu eta dinamizatzeko aukera izango dute. «Hondar Kirolak hondartzako udal instalazioetan kirol animazioak egiteko ekimena da», esan du Txomin Sagarzazuk, Gazteria Saileko zinegotziak. Futbol eta boleibol partidak antolatuko dituzte batez ere, eta era berean, hala eskatzen duten gazteek, kirol materiala maileguan hartzeko aukera izango dute. Atzo jarri zuten martxan zerbitzua, eta hilaren 27ra arte izango da zabalik. Hondar Kirolak-en gunea asteartetik ostiralera irekitzen dute, 16:00etatik 20:00etara. Egitasmoari buruzko informazioa emateko etxola bat jarri dute hondartzan bertan. Herriko eskubaloi taldekoak izango dira bertan etzira arte. Futbola eta boleibola Prestatu dituzten ekimenen artean, Hondartza Boleibol Txapelketa egingo dute, hilaren 18tik 20ra, Fortuna Kirol Klubaren eta Gipuzkoako Boleibol Federazioaren laguntzarekin. Horretan parte hartu nahi dutenentzako izena emateko epea irekita dago, etxolan bertan. Hilaren 24tik 27ra, berriz, Hondarribia Beach Soccer Cup Txapelketaren hirugarren ekitaldia jokatuko dute. Bertako eta inguruko gazteei zuzenduta dago, eta izena, boleibolean bezala, hondartzako etxolan eman behar da. «Aurten ekimen berri bat martxan jarriko dugu, Udan Hondartzan Blagan izenekoa. Prebentzioko Zerbitzuko hezitzaileek eramango dute [...]

Urtero bezala, Santio Egunean kutxaren entregaren usadioa egingo dute arrantzaleek, arrantza oparoa izan dezaten. Aurten Naiara Zubillaga izango da Santio Eguneko jaiaren protagonista nagusia, hark eramango du kutxa buru gainean. Hiriko tradiziorik zah...

Aurrekontuen parte hartze prozesua hasiko dute gaur Auzo guztietan egingo ditu batzarrak udalak, eta Iturriotzen hasiko dira gaur; abenduaren 12an, azken batzarra 2013ko aurrekontuak prestatzen hasi da udala eta, iaz bezala, herritarrekin batzarrak egingo ditu. «Udalaren egoera aurkeztu eta herritarren iritziak, proposamenak eta beharrak jasotzeko» parte hartze prozesua gaur hasiko dute, Iturriotzen. Auzo guztietatik pasatzea da udalaren asmoa. Eta auzo batzar horietan hiru gai landuko dituzte: «2013ko tasen eta zergen inguruko aurkezpen laburra; udalaren egoera ekonomiko orokorraren berri ematea eta udalaren aurrekontu proposamena aurkeztea; eta auzolanaren balorazioa eta auzoetako premiak biltzea». Auzotarrekin ez ezik, eragileekin ere bilduko da udala, «kulturgintzaren, kirol elkarteen, euskalgintzaren, gazteen, gizarte kontseiluaren eta baserritarren ahotsa jasotzeko» (Hemen ikus daiteke egutegi osoa, eta behean auzoetako bileren egutegia). Auzoetako erronda azaroaren 13tik abenduaren 4ra egingo dute, «baina aurrekontuen prozesua ez da hor bukatuko». Ondoren, auzo eta eragileekin egindako bileretan jasotakoa eta oposizioak egindako ekarpenak aztertuko ditu Ogasun Batzordeak, «aurrekontu proposamen berria egiteko». Abenduaren 12an, herri batzarrean, aurkeztuko dute proposamen hori «eta ondoren, Udalbatzak onartuko du». Auzoetako bilerak Iturriotz. Gaur, hilaren 13a. Iturri Berri elkartean, 19:30ean. Ugaldetxo. Bihar, hilaren 14a. Atamitxen, 19:30ean. Ergoien. Hilak 21, asteazkena. Auzokalte elkartean, 20:00etan. Arragua. Hilak 22, osteguna. Aldeguna elkartean, 19:30ean. Karrika. Hilak 28, [...]

Hezkuntzan egindako murrizketen harira, elkarretaratzea egin zuten joan den ostegunean Elizalde Herri Eskolako hainbat irakasle eta gurasok. Aurtengo lehena izan zen eta euriak ez zuen lagundu, baina hemendik aurrera hilaren azken ostegunetan elkartzek...

Hondarribiko Udaleko Gizarte Zerbitzuetako arloak 10.000 euro banatu ditu esparru horretan lan egiten duten elkarteen artean. Aurten hemezortzi elkartek jaso dute 400 eta 800 euro arteko diru laguntza. Horiez gain, beste bost elkartek 7.600 euro jaso dituzte, diru laguntza izendunen bidez. Maite Pelaez arloko zinegotziak azaldu duenez, urteetan luzatzen diren proiektuak laguntzen saiatzen dira: “Udaletik ezinbestekoa jotzen dugu laguntza hauek ematea. Asoziazio hauek lan bikaina egiten dute, eta gure beharra da laguntzea, oso kontutan hartzekoa da bolondresek egiten duten lana. Behin elkarte bati laguntza eman ondoren, hurrengo urteetan ematen jarraitu behar da, proiektuek urte batzuetarako garapena behar dute eta”. Beheko zerrendan ikus daitezkeenez gain, beste bost elkartek laguntza izenduna jaso dute, urtero bezala: EMEKI Emakume elkarteak 3.000 euro, Caritasek 1.500 euro, Odol Emaileen Elkarteak 1.500 euro, Nagusilan Elkarteak 1.000 euro eta Itsasgizonen Elkarteak 600 euro. Guztira 7.600 euro banatzen ditu udalak diru laguntza izendunen bidez. Gizarte Zerbitzuetako arloak lagundutako proiektuak Ortzadar. Aldizkako laguntza behar duten adimen limitedun pertsonentzat, integrala eta diziplina anitzekoa den arreta eta eskuhartzea. 400 euro. ATECE. Hartutako kalte zerebrala duten pertsonen eta beraien familiakoen erabateko arreta proiektuaren Administrazio programa. 400 euro. Guztion Artean. Etorkinen eta Hondarribiko udalerriko bizilagunen arteko parte hartze eta kultur elkartrukerako proiektua. 600 euro. ADEMGI. Esklerosi [...]

Jose Igancio –Josin– Galzacorta Arana Aizkolarien eskuadrakoa kaboa izaten segitzeko berriz hautatu du Alarde Tradizionaleko Buruzagien Batzordeak, Amaia KZn egindako hauteskundeetan. Galzacorta 2009. urtetik da Aizkolarien konpainiako kaboa, baina bertan parte hartzen du 1968tik. Horrez gain, Uranzu, Real Union, Lagun Onak eta Behobiako konpainietan ere parte hartu du. Kantineren ordezkaria Alarde Tradizionalak jakinarazi duenez, kantineren ordezkaria aukeratuko du Buruzagien Batzordeak, abenduaren 1ean, San Pedro kaleko 16. zenbakian. Leire Ibargoyen da Alarde Tradizionaleko egungo kantineren ordezkaria.

Irungo Udalak jakinarazi duenez, Hiri Debekatuaren Mapak aurreikusitako 42 puntu beltzak direla eta, Irungo hainbat lekuetan neurriak hartuko dira. Emakumeei segurtasun falta eragiten dieten lekuak dira mapak bildutakoak. Oraingoan argizteria hobetzeko neurriak hartuko dira ondoko puntuetan: Renfe geltokiko eskaileretan, Portu plaza eta Cesar Figerido kaleak lotzen dituen eskaileretan, eta Zelaiburuko eta Artaleku kiroldegiko eskaileretan. Irungo Udaleko ordezkariek Hiri Debekatuaren Maparen baitan orain arte hartutako neurriak ere gogora ekarri zituzten agerraldian; hala nola, Oxinbiribileko lurrazpiko pasabidea, Olaberriako errepidea, Ramon Iribarren kaleko N1 errepidea azpitik zeharkatzen dituzten pasabideak, Aranibar tunela eta Stadium Galeko Arabolaza kalea.

Bazkari herrikoia eta bertso saioa deitu dute larunbat honetan, Irunen. Bazkaria, Hazia Kultur Elkartean izango da eta Xabier Silveira, Fredi Paia, Ekaitz Larrazabal Katxo… ariko dira bertan. Sarrerak 10 euroan salgai daude. Iluntzean bestalde, kontzertuak antolatu ditu Lakaxita gaztetxeak. Hala, Petti, Joseba Irazoki eta AZ/DZ taldeak ariko dira gaztetxean, 21:00etik aurrera. Horien ondotik, Hellmuga dj-a musikaz arduratuko da berandura arte. Bazkariko txartela aurkezten duten lagunek hiru euro ordaindu beharko dute sartzeko; bestela, bost euroko prezioa edukiko dute kontzertuek.

Santiagoko Auzo Elkarteak Gaztaina Eguna antolatu du azaroaren 18an, igandearekin. Goizeko 09:00etan irteera deitu dute auzokideek eta arratsaldeko 17:00etan, txikientzako jokoak antolatzeaz gain, buruhandiak auzoko kaleetan zehar ibiliko dira. Bukatze...

Ostiralean bukatu ziren On Manuel Lekuona omentzeko ekitaldiak. Bertso saioa izan zen udaletxeko areto nagusian. Lau bertsolari taula gainean (Jon Maia, Jon Martin, Jokin Uranga eta Igor Elortza) eta Ander Lizarralde gai jartzailea. Lepo bete zen udal...

Inoiz haurrentzat antolatutako egunik handiena izatea zuen helburu, eta eguraldiak lagundu ez bazuen ere, antolatzaileek bete dute asmoa. Ehunka lagun hurbildu ziren Errenteria-Oreretara atzokoan Irritxoen Egunaren harira antolatutako hamaika ekimeneta...