
Gipuzkoako Fiskaltzak, urte eta erdiko kartzela zigorra eta 4.000 euroko isuna eskatu ditu gizon batentzat, ustezko marihuana trafikoagatik. Gizona, 2011ko urriaren 2an atxilotu zuen Guardia Zibilak herrian, eta bost kilo marihuana adar atzeman zizkiot...

Madalen Jaiei buruzko informazio guztia, argazkiak eta bideoak honako webgunean ikus daitezke: oarsobidasokojaiak.hitza.info.

Etzi arratsaldeko zazpietatik aurrera, Dantza Suelto XLII. Txapelketa ospatuko dute. Egoipar-Meaka Euskal Dantza Taldeak antolatuta, Gipuzkoa plazan egingo dute ekitaldia. Bederatzi bikote gaztek eta zazpi bikote helduk parte hartuko dute ekitaldian. H...

Hamarnaka lagun bildu ziren herenegun arratsaldean Herriko Enparantzan, ELA eta LAB sindikatuek eta Oarsoaldeko Langabeen Batzarrak deitutako elkarretaratze zaratsuan. Txilibituak eta lapikoak hartuta, ordu erdiz burrunba baliatuta salatu zuten Mariano...

Datorren denboraldirako abonatuak lortzeko asmoz, Ereintza eskubaloi taldea lanean ari da. Azken egunak izango dira hauek abonuak lortzeko uztailean, baina irailean ere hiru astez izango dira bertan. Abonu orokorrak 40 euro balio du, Ereintzako bazkide...

Lezoko Udalbatzak plenoa egingo du datorren astean, eta EAJk mozio bat aurkeztuko duela iragarri du. Alderdi jeltzaleak harrobi zaharrak zabor fardoen biltegi bezala ez erabiltzeko proposamena egingo du bertan. Ekainaren 5ean Juan Carlos Alduntzian ord...

Oiasso Erromatar Museoak bigarren seihilabeteko jardueren egitaraua Interneten jarri du, irakurri edo deskargatzeko. Interesa dutenek issuu.com/museoromanooiasso webgunea bisita dezakete.

Hilabete pasatu da hondartza denboraldia estreinatu zutenetik. Irailaren 15era arte luzatuko dute. Aldagelak eta Gurutze Gorriaren zaintza postuak nahiz udan antolatzen dituzten ekitaldiak martxan daude, eta aurten, iaz bezala, hondartzak kalitatearen bi bandera jaso ditu (ezkerreko irudian daude), ondorengo zerbitzuak daudelako bertan: Hondar Kirolak egitasmoa, Mugarik Gabeko Bainua ekimena, Bidasoa XXI Arraun Elkartearen piraguak, eta HS2 eskolaren ikastaroak, haurrentzako jokoak (eskuinekoan) eta ikastaroak… Aldagelak ere badaude, eta horiek erabiltzeko hiru euro ordaindu behar dira, horietatik bi fidantza moduan; irteterakoan bueltatzen dituzte. Ezinduek ere aldagela berezia dute. Instalazio horiez gain, seina dutxa eta iturri, eta hankak garbitzeko beste bost iturri daude.

Dimp enpresako langileek salatu dute enpresa itxi eta kalean geldituko direla. Langileek jakinarazi duenez, enpresak sei hilabeteko soldatak zor dizkie, eta urte guztiko ordu extrak ere ez dizkie ordaindu. Enpresa uztailaren 4an sartu zen Konkurtso Leg...

Ramon Jauregi PSOEko Presidentzia ministro ohia Errenteria-Oreretan izango da bihar, hitzaldi bat emateko: Sozialdemokrazia eta Europa. Hitzaldia Reina aretoan izango da, 19:30ean, eta sarrera doakoa da.

Giriziak antolatutako ekitaldiak gaur hasiko dira; bihar eta etzi ere izango dira, eta igandean, irteera Aurten, 26. aldiz antolatu du Giriziak mendi astea. Gaur hasiko dira Mendi Jardunaldietako ekitaldiak, eta igandera arte iraungo dute. Astean zehar (gaur, bihar eta etzi), diapositiba eta bideo emanaldiak izango dira udaletxeko areto nagusian. Gaurko eta biharko saioak 20:00etan hasiko dira, eta etzikoa, berriz, 20:30ean. Igandean, ordea, irteera egingo dute mendizaleek, astea mendian bukatzeko. 06:30ean aterako dira Haurtzaro Ikastolako aparkalekutik eta Nafarroara abiatuko dira. Codeseko monasterioan hasiko dute ibilaldia, Torralba del Rion. Gero, Ioaretik (1.414 metro) pasatu eta Aguilar de Codesera iritsiko dira mendizaleak. Ondoren, Lantziegoko (Araba) Luis R upeltegian bazkalduko dute. Ohiko tokietan eta sarean ere eman daiteke irteera horretarako izena: www.girizia.org webgunean. Egitaraua Gaur, hilak 21 20:00etan. Arroketatik igoeren bila ikus-entzunezkoa Mikel Ajuria Pison herriko mendizalearen eskutik, udaletxeko areto nagusian. Bihar, hilak 22 20:00etan. Iran, topikoen aurkako bidaia, Asier Aranzabal eta Mila Gallastegi mendizaleen eskutik, udaletxeko areto nagusian. Etzi, hilak 23 20:30ean. Nextime Inhala, Alex Txikonen eskutik, udaletxeko areto nagusian. Igandea, hilak 25 Kodeseko Monasterioa, Ioar (1.414 metro) eta Agilar de Kodes. Lau orduko bidea, gosaria barne. Ondoren, bazkaria. Izen-ematea: Amazkar tabernan, Garmendi txokolategian edo sarean (prezioa: 55 euro).

En la lona konpainiaren eskutik dator Hendaiara Sialuk hartz txikiaren bidaia, Txotxongilo Egunen aurtengo ekitaldiko obra aipagarriena. Ostiralean taularatuko dute, 20:30ean, eta 6 urtetik gorako publikoari zuzenduta dago. En la lona antzerki taldea 1997. urtean sortu zuten Paula Alfierik eta Andres Fesnok Buenos Airesen, Argentinan. Hiru urte geroago Euskal Herrira etorri ziren eta Gernikan ezarri ziren. Ikuskizunetan zirku-teknikak, antzerkia, txotxongiloak, pailazoak eta maskarak uztartzen dituzte dira. Teknika horiek beraien prestakuntzen zehar gehitzen joan dira. Horretaz gain, 1995. urteaz geroztik, zirku-teknikak ere irakasten dituzte En la lonakoek. Sialuk hartz txikiaren bidaia, hartz arre baten istorioa da: Ipar Poloan bizi da bere amarekin. Sialuk marroia da, goitik beheraino, eta bere ama txuri-txuria, ipar hartza delako. Sialuk zoriontsua da ipar poloan, baina badu zerbait, halako egonezin bat, eta erantzunen bila abiatuko da. Mendi Zolanera hurbiltzen direnek sinbolismoz beteriko bidaia zirraragarri bat biziko dute. Bere historia ezagutzeko bidaiari ekingo dio Sialuk hartzak, eta lortuko du, baina aurretik fantasiei aurre egin beharko die, ama faltan botako du eta, tarte horretan, hazi egingo da. Adopzioez, laguntasunaz eta emozioez jardungo du En la lona taldeak, 6 urtetik gorako haurrentzat egokitutako kontakizunean.

UCAM Cartagena taldearekin Irunen berdindu eta gero (3-3), Gizonen Superdibisioko lidergoan jarraituko du Leka Eneak, baina Arteal Santiagorekin berdinduta. Galiziarrek DKV Borgesen kontra irabazi zuten. Partida nola joan zen ikusita, Cartagenaren kontrako berdinketa ontzat eman dezakete irundarrek, 1-3 galtzen egon zirelako. Banaka, Leka Eneako hiru jokalariek partida bana irabazi zuten. Murtziarren artean Wang Jianan txinatarra izan zen hoberena, bi partzialak irabazita. Lehen lehian Zhang Shiningen kontra irabazi zuen Jiananek, baina Zoltan Batorfik Jose Antonio Montalban hutsean utzi zuen, banakoa ezarriz. Hurrengo bi puntuak kanpokoentzat izan ziren: Andrei Birlanek Endika Diezen kontra irabazi zuen, eta Jianan, Batorfiri nagusitu zitzaion. Markagailuan 1-3ko emaitza zela, presioari ondo eutsi zioten Siningek —Birlanen kontra— eta Diezek —Montalbanekin—, eta lehia orekatzea lortu zuten. Leka Enearen berdinketa eta Artealen garaipenaren ondoren, sailkapena estututa geratu da lehen postuetan. Seigarren jardunaldia jokatuta, Leka Enea eta Arteal bederatzi punturekin daude lehen postuan, CajaSur Priego zortzi punturekin hirugarrena da—partida bat gutxiago jokatuta—, DKV Borges zazpirekin laugarrena, eta sei punturekin hiru talde daude. Nesken porrota Emakumeen Superdibisioko taldeak bi partida jokatu ditu asteburuan, eta biak emaitza berberarekin galdu ditu (0-4). Larunbatean Mataroren aurka jokatu zuten bosgarren jardunaldiko partida, eta herenegun Collosak menderatu zituen irundarrak. Leka Eneako neskak hamargarren jarri dira sailkapenean, garaipen [...]

SD Amorebieta taldearen aurka lehiatu zen Real Union larunbatean, Stadium Galen. Txuri-beltzak 2-0 gailendu ziren ezusteko handirik gabeko lehian, eta lortutako hiru puntuei esker, sailkapen nagusiaren seigarren postuan aurkitzen da orain Real Union, 1...

Eskifaia eta Xatz Eskifaia abesbatzek kontzertua emango dute larunbat arratsaldean Portuko elizan, 20:30etik aurrera. Maite Ocak zuzenduko du Xatz eta Gorka Aierbek, Eskifaia. Bi taldeek Esther Barandiaranen laguntza izango dute, pianoarekin. Xatzek, g...

Irrigintza Jaia egingo dute Oarsoaldeko Irrien Lagunek abenduaren 2an Oiartzunen, eta hori prestatze aldera, egun horretarako dantzaren entsegua egingo dute ostiral arratsaldean San Pedron. Entsegua 18:00etan hasiko da, pilotalekuan (eguraldi txarra eg...

Mus Txapelketaren lehenengo ekitaldia du Donibaneko Itsas Mendi elkarteak. Igandera arte eman daiteke izena Patxiku tabernan, bikote bakoitzak hamabina euro ordainduta. Partidak astelehen eta asteazkenetan jokatuko dituzte, 20:00etatik aurrera, Itsas M...

Gipuzkoako Aurresku eta Doinu Zahar txapelketetan lehiatuko dira larunbatean Donibanen honako oiartzuarrak: Aurreskuan, Xanti Leonet, eta Doinu Zaharrean, Izar Aizpuru, Izar Etxeberria, Udane Eskudero eta Maddi Nazabal. Informazio gehiago PASAIAKO HIT...

Oarsoaldeko hainbat eragilek agerraldia egin dute; hizkuntza politika ausartak eskatu dizkiote erakundeei Oarsoaldeko euskalgintzako kideek agerraldia egin zuten ostiral arratsaldean, euskarari lehentasuna emateko Gipuzkoako Foru Aldundiak hartutako erabakiaren harira. Euskalgintzako kide horien ustez, «argi izpia, haize freskoa eta arnasaldia» ekarri ditu erabaki horrek. Horren aldeko agiria sinatu zuten. Aldundiak honako erabakiak hartu ditu, besteak beste: prentsa agerraldietan euskara izango da lehenetsiko duen hizkuntza; barne mailan euskara izango da lan egiteko hizkuntza; aldundiari dagozkion lanen esleipenetan, enpresako gutxienez bi teknikarik EGA edo baliokidea den euskara maila egiaztatu beharko dute… Horiek guztiak, «euskarak merezi eta behar duen tokia hartzeko ezinbesteko pausoak dira», euskaltzaleen iritziz. Euskaraz bizitzeko beharra Euskaldunek, euskaraz bizitzeko beharra dutela ere gogorarazi zuten ostiralean: «Erakundeetara jotzen dugun aldiro, euskaraz kasu egitea nahi dugu». Horregatik, aldundiaren urratsa, «euskal herri euskalduna eraikitzeko lehen harri koxkorra» dela uste dute, «euskaraz bizi nahi dugunok zoriondu eta eskertzen duguna». Zentzu horretan, Oarsoaldeko euskalgintzatik, Gipuzkoako Foru Aldundiari eta eskualdeko gainontzeko erakundeei, «hizkuntza politika ausartak» martxan jar ditzatela eskatu diete: «Euskalduntze prozesuan eredu izango diren erakundeak behar ditugu, prozesu hori bultzatu eta akuilu lana egingo duten erakundeak». Sinatzaileak Lezoko Oroitzene euskaltegia. Oiartzun Irratia. Oiartzungo AEK euskaltegia. Oiartzungo EHE Euskal Herrian Euskaraz. Oiartzungo Euskeran Itotiyak. Oiartzungo Ttur-ttur Euskaltzaleon [...]