
Atzo izandako bileraren ondotik, Ingurumen Aholku Kontseiluak herriko hondakinen kudeaketan herritarrek parte hartzeko prozesu bat martxan jarri du. Hala nola, auzoz auzo bilerak egingo dituzte herriko hondakinen egungo egoerari buruzko txostena aurkeztu eta hondakinak biltzeko sistemen inguruan eztabaidatzeko. Hortik ateratako ondorio eta proposamenak bildu eta Ingurumen Aholku Kontseiluak azken dokumentua udalari igorriko dio. Azarorako amaituta edukitzea espero dute. Jose Manuel Ferradas kontseiluko presidenteak azaldu duenez, plan horren bidez “bide bat ireki nahi dute informatzeko, hausnarketa eragiteko eta herritarrei entzuteko”. Ingurumen kontseiluak zein udalak “herritarrak entzun” nahi dituztela nabarmendu du Ferradasek “etorkizunean zein politika martxan jarri behar diren jakiteko”. Ildo beretik, Alazne Korta alkateordeak esan du garrantzitsutzat jotzen dutela herritarrek bilera horietan parte hartu, zalantzak argitu eta gai horren gainean “euren iritzi propioa lantzea, eta herritarrek erabakitzea zer nahi duten herriarentzat”. Egutegi bat zehaztu dute. Hilaren 15ean (larunbata) hitzaldi ireki bat egongo da Reina aretoan, 10.00etan, kudeaketari buruz, eta ondoren, mahai ingurua antolatu dute hainbat aditurekin. Hilaren 29an, berriz, irteera egingo du kontseiluak hondakinak biltzeko beste esperientzia batzuetara, Beasain (bosgarren edukiontzia), Oiartzun (atez atekoa) eta Itsasondora (eredu mistoa). Urriaren 10ean hasiko dituzte auzoz auzoko bilerak. Lehenengoa erdialdea, Pontika, Gaztaino eta Iztietako bizilagunekin; hurrengoa (urriaren 17an) Beraun, Galtzaraborda, Alaberga eta Kaputxinoetako bizilagunekin; [...]

Bihar emango zaie hasiera ofiziala Hondarribiko Jai Nagusiei, baina haurrek ez dute nahi izan biharko egunaren zain egon eta, nagusiei aurrea hartuz, txupina bota eta festan murgildu dira. Goizeko hamaiketan hasi da txikien zoramena, udaletxeko balkoit...

Gaur goizean aurkeztu dute Santakrutzetako jai egitaraua Ainhoa Zabalo alkateak eta Mikel Arruti Kultura zinegotziak. Auzolanean osatutako egitaraua dela nabarmendu dute biek, eta horren harira, jai batzordeak egindako lana eskertu dute, “ezinbestekoa delako, bene-benetan, bertan parte hartzen duten talde eta norbanakoen lana”. Protagonismo hori jai batzordeari eman nahian, jai egitarauan ez da azaltzen aurten alkatearen agurrik ezta udal gobernuaren argazkirik, horren ordez, jai batzordea osatu duten kideak azaltzen dira eta azken horiek luzatu diete mezua lezoarrei. “Errezeta berririk” ez dutela asmatu eta aurtengo Santakrutzak “elkarlanean, guztion laguntza eta ilusioarekin osatu” dituztela nabarmendu du jai batzordeak bere agurrean, eta kalera atera eta jaietaz gozatzera gonbidatu ditu lezoar guztiak “horretarako hamaika aukera izango dituzuelako”. Zabalok, gogora ekarri ditu, bestalde Santakrutz jaiekin gozatzerik izango ez duten Lezoarrak: “Hainbat arrazoiengatik gaixorik, erbestean edo preso daudelako herritik kanpo izango diren guztiak oroitu nahi ditugu”. 48.600 euroko aurrekontua Zabalok emandako datuen arabera, 48.600 euroko aurrekontua izango dute Santa Krutzek, “joan den urteko aurrekontuarekin alderatuta murriztu egin dugu, krisiak halako erabakiak hartzera behartzen gaituelako”. Jai eredu parte hartzaileagoa bultzatzea zutela helburu zehaztu du Arrutik bestalde, “herrikoiagoa, eta horretara animatu nahi izan ditugu herriko elkarteak. Eredu hori aurretik dator, baina indartzen ari da eta horretara jo behar dugula [...]

Igandean giza katea egingo dute errauste plantaren kontra Donostian, 11:30ean Alderdi Ederren. Ekimen horren harira, Errenteria-Orereta Bizirik-ek herritar guztiak deitu ditu hiriburura bertaratzera. Plataformak hondakinen kudeaketak Gipuzkoan duen gat...

Kabia Espazio Kreaktiboaren Hormachic ekimenaren barruan, herriko zenbait horma eta espazio margotzen aritu dira azken asteotan. Agirre Lehendakariaren plazan, gainera, Mikel Laboak txoko berezi bat dauka: Ibai Maritxalarrek mosaiko bidez osatu du irud...

Ertzaintzaren komisaldegiaren ondoan kokatutako aparkalekuak herritarrentzat irekiko dituzte, bi asteren buruan. Legazpi kalean zehazki daude aparkalekuak eta 20 bat dira denera. Irungo Udaletik adierazi dutenez, “terrorismoaren amaiera prozesuan gauzatu diren neurrien barruan, orain arte gune horretan aparkatzea galarazten zuten pibotak kenduko dira”.

Eguzkik Fanderiako auzo elkartea zoriondu du uztailaren 28an auzotik pasatzen den erreka garbitzeagatik. Ekintza hori Oiartzun ibaia erabat leheneratzeko “urratsa” izan dela iritzi dio. Gogorarazi du “ekosistema larriki aldatua”...

Guardian, ibilaldia egin, eta upategi batean bazkalduko dute; hilaren 22a arte eman daiteke izena 1952an jaiotako oiartzuarrek irteera egingo dute urriaren 14an. Guardiara joango dira (Araba), upategi batera. Egun horretan, hara joateko autobusa 08:00e...

Datorren urriaren 21eko hauteskundeak direla eta, Irungo hautesleen errolda jendaurrean jarriko du Irungo Udalak. Hala, datorren astelehenera bitartean errolda kontsultatzeko eta erreklamazioak egiteko aukera izango dute herritarrek. Errolda HAZ bulego...

Itsas Gelak antolatutako Itsas Solasaldiak ekimenaren seigarren saioa egingo dute gaur arratsaldean. Juan Arizaga Aranzadi Zientzia Elkarteko ikerlaria izango da hizlaria. Jaizkibelgo hegaztiei buruz ariko da, 19:30etik aurrera, Mater itsasontzian. Asteburuan, berriz, Jaizkibelgo itsasertzaren ingurumen azterketa eta garbiketa egingo dute Azterkosta egitasmoaren barne, zehazki Azabaratza eta Erentzingo kalak bisitatuz.

Martxa Berdea antolatu du Independentistak Sareak; herritik autobusak antolatu dituzte hara joateko Martxa Berdea antolatu du Independentistak Sareak abenduaren 6rako (datorren ostegunerako) Durangon, Bagoaz. Euskal Herriak #Independentzia! lelopean. 1...

Olentzeroren etorrera prestatzeko lehenengo bilera antolatu dute Olentzeroren laguntzaileek etzirako. 11:00etan izango da, Manuel Lekuona Bibliotekan.

Donne moi un visage (Aurpegi bat emadazu) erakusketa eta arte instalazioaren inaugurazioa egingo dute gaur Mendi Zolan kulturgunean, 17:00etatik, 20:30era. Aurpegi bat emadazu, 2011-2012 ikasturtean Hendaiako eskoletan eta Mendi Zolanen eta Irungo Bitamine arte espazioan antolatutako tailer plastikoen fruitua da. Finean, haur bakoitzak bere burua nola ikusten duen aztertzen du DMUV proiektuak. Gaurtik, abenduaren 8ra arte bisitatu daiteke, Mendi Zolan kulturguneko ohiko ordutegian: asteartetik larunbatera, 10:00etatik 13:00etara eta 15:00etatik 19:00etara. Art & Project elkartearen egitasmoa izan da, Agnes Yobregatek animatuta. Antolatzaileek parte hartu duten lau artisten (Helga Massetani, Francisco Dussourd, Leon Lachamp eta Elke Roloff) eta haurren irakasleen artean izandako elkartrukatzea eskertu dute, eta, era berean, eskerrak eman dizkiote argazkiak egin dituen Z. Estudioko Ludovic Zeller argazkilariari, eta egitasmoan parte hartu duten eskolei eta haurrei. Herriko 3 eta 8 urte bitarteko 250 ikaslek parte hartu dute DM1V egitasmoan. Guztira, 320 erretrato bildu dituzte erakusketarako, euskarri desberdinetan azaltzen direnak: Metro eta erdi bider metro bateko argazki 5 argazki marko, haurren lanekin egindako 2 metro bider metro bateko eskultura bat, Haurren Hitzak deituriko pareta eta Eskola pareta.

Xan Errotabehere ipuin kontalariak urteko Euskarazko Ipuinaldiaren azken saioa zuzenduko du larunbatean, abenduak 1, Herriko Mediatekan, 11:00etan hasita. Gabonak gertu izanik, Olentzero agertuko da Errotabehereren kontaketan: “Negua, iluna, eta haize hotza datoz. Eta gau beltzarekin mamuak: Akilimarro eta Tartaro goseti eta beldurgarriak… Zorionez, neguko elur zuriarekin batera dator ere Olentzero. Jadanik badabil. Mendiko elurrean ikusi ditugu haren aztarnak…. Hau da sutondoan ipuin goxoak kontatzeko garaia…” Ekitaldiaren antolatzaile den Herriko Etxeko Euskara zerbitzuak gonbita luzatu die Hendaiako zein eskualdeko familiei larunbatean euskarazko ipuin kontaketan agertzeko. Xan Errotabehere: “Istorioak beharrezkoak ditugu bizitzen ikasteko” Mundua mundu dena izanen da istorio… Herri honek sortu ditu mila ipuin. Eta beti sortzen ditu. Istorioak beharrezkoak ditugu, ez bakarrik irri egiteko eta gozatzeko, baina ere bizia eta bizitzen ikasteko. Ipuinak ez dira amets hutsezkoak. Fantasiaren azpian egia handia daukate gordea. Gereziak bezala: gerezia dastatu eta hor barruko hezurrean dago biharko ipuinen arbola. Nire kondalaritzan atzoko eta gaurko istorioak josten ditut, Euskal Herrikoak eta kanpokoak, urrezko hariz, hots euskaraz. Ahalaz jantzi politenak eginez, ilunak berdin argiak, noiz farfailak, noiz alaiak. Helduentzat bezala txikientzat. Euskara ere jalgi dadin gure gogo ametsetara, ipuinekin batera gozagarri… Xan Errotabehere

Bihar, azaroko azken ostirala izanik, elkarretaratzea eginen dute Pausuko biribilgunean, “euskal preso eta iheslariek Euskal Herrian bizitzeko eskubidea dutela aldarrikatzeko”. Elkarretaratzea eta gero bilera eginen dute Xaia ostatuan. Herriratik jakinarazi dutenez, presoen sustengurako “taldea berosatzeaz” hitzegingo dute.

Herritarrak elkartearen 30. urteurrena ospatzeko, kantu afaria eginen dute Pausuko Xaia ostatuan larunbat honetan, abenduaren 1ean. 30 urte asko dira eta tarte horretan gertatu direnak gogora ekarriko dituzte afarian. Noski, Xaian izanik, musikarik ez da faltako. Fred, Beñat eta Danielek alaituko dute gaualdia. Antolatzaileek dei egin diete 30 urte hauetan lagun izan dituzten guztiei, haiekin afaldu eta euskal abestiak kantatzeko. Afarirako izena emateko eta informazio gehiagorako deitu honako telefonora: 0559 20 76 10.

Oiartzungo herri bilguneak antolatu du emanaldia; bost euskal presoren egoera kontatzen du filmak Oiartzungo Herrirak antolatuta, Barrura begiratzeko leihoak dokumentala ikusteko aukera izango da gaur, 19:00etan, udaletxeko areto nagusian. Bost zuzendarik —Josu Martinezek, Eneko Olasagastik, Mireia Gabilondok, Enara Goikoetxeak eta Txaber Larreategik—, bost euskal preso politikoren istorioak kontatzen dituzte dokumentalean. Irati Tobar, Jon Ugarte Zinkunegi, Gotzone Lopez de Luzuriaga, Jesus Mari Zalakain eta Mikel Albisu Mikel Antza euskal presoak dira filmeko protagonistak. Egileek eta ekoiztetxeak, hainbat arazo izan dituzte lan hori egin eta zabaldu ahal izateko. Ekainean, Donostiako Udalak erabaki zuen filmaren arduraduna den Zinez ekoiztetxeari diru laguntza ematea. Espainiako Barne Ministerioak esan zuen Bildu legez kanpo uzteko arrazoia izan zitekeela laguntza. Herritarren ekarpenak Hala, diru laguntza horri eta diru laguntza publiko guztiei uko egitea erabaki zuen ekoiztetxeak. Jendeak diru ekarpena egiteko kanpaina abiatu zuten orduan. Oiartzunen ere jaso zituzten ekarpen horiek. Azkenean, Zinezek laguntzak adina diru lortu zuen, eta filma bukatu zuen. Ondorengo arazoak, filma proiektatzerakoan iritsi zitzaizkieen egileei. Zinez ekoiztetxekoek Zinemaldiko hautaketa batzordeari aurkeztu zioten dokumentala, baina antolatzaileek ez zuten sartu hautatutakoen zerrendan. Hala, lehenengo bi emanaldiak Donostiako Viktoria Eugenian egin zituzten, eta pribatuak izan ziren. Zabaltzeko deia Geroztik, arazoak izan dituzte hainbat zinema areto komertzialetan proiektatzeko ere. [...]

Wilson Astudillo. Ardura Paliatiboetarako Euskal Elkarteko presidentea Hilzorian daudenen familiei begira, jardunaldi bat egin zuten atzo Reina aretoan. Ekitaldi hori Ardura Paliatiboetarako Euskal Elkarteak eta Mugarik Gabeko Paliatiboak-ek antolatu zuten, eta bi elkarteetako burua da Wilson Astudillo medikua (Rio Bamba, Ekuador, 1946). Jardunaldiaren xehetasunak kontatu dizkio Oarso Bidasoko Hitza-ri saioa hasi aurretik. Zein helbururekin antolatu dituzue jardunaldiak? Gure helburu nagusia da fase terminalean dauden gaixoen bizi kalitatea hobetzea. Gaixoa hobeto zaintzea familien formakuntzaren bidez lortzea da asmoa. Garrantzitsua da familiak gaixoaren zainketan laguntzea, gaixotasuna eramaten laguntzeaz gain, baita galerarako prestatzeko ere. Gaixotasunak hainbat fase ditu, eta garrantzitsua da bakoitzean babes eta informazio zehatza ematea. Hala da. Diagnostikatzen dizuten momentutik hasita gaixotasuna garatzen den arte, denbora erabilgarri bat du gaixoak hainbat gauza egiteko. Diagnostikoa ematen dizutenean ez du esan nahi ezin denik ezer egin. Hil aurreko etapa horretan gaixoaren bizi kalitatea manten daiteke, eta heriotza prestatzen ere laguntzen zaio. Laguntza paliatiboek sintoma gogaikarriak baretzen dituzte, eta horrekin batera bizi kalitatea hobetzen da, baina familiaren zainketa onarekin osatu behar da hori. Egitarau anitza prestatu duzue. Kontuan izan al duzue fase bakoitza prestatzerako garaian? Hala da. Esaterako, gaixoaren zainketa antolatzea oinarrizko elementua da, ez gaudelako prestatuta gaixo bat etxean edukitzeko. Nagore Vazquez psikologoak [...]

Gure etxeko atea zabalik dute Oreretako sei gazte auzipetuek, euskal gazte iraultzaileek, Gazako palestinarrek, jatorrizko herriek, gose greban dauden preso politiko kurdoek, Saharako emakumeek, langile zapalduek eta hizkuntza gutxituek. Atea zabalik d...