
Expogrow azokak bihar irekiko ditu ateak, Ficoban. Kannabisaren munduko 200 nazioarteko erakusketari bilduko dira bertan, eta produktuez gain, skate eta zirku erakustaldiak, herri kirolak, street art, kontzertuak, Kannabisaren Nazioarteko I. Foroa… izango dira bertan. Sergio Martinez (Bartzelona, 1972) Expogroweko zuzendariak azokaren nondik norakoak azaldu ditu. Expogrow azoka antolatu duzue bihartik aurrera. Nola iritsi da azoka hau Iruneraino? Kannabisari buruzko beste lau azoka egin ditugu estatu mailan, baina Expogrow azokaren lehen ekitaldia izango da. Erretzaileen kluben gaineko eztabaida Eusko Legebiltzarrera iritsi behar zenez uda honetan, eta azokan parte hartzen duen Iruñeko antolatzaileetako batek Ficoba ezagutzen zuenez, Euskal Herrian azoka bat egiteko proposamena egin zuen. Gure enpresarekin harremanetan jarri zen, eta nik Ficoba ere ezagutzen nuenez, baiezkoa eman genuen. Euskal Herrian egiteko arrazoi nagusia erretzaileen kluben inguruan dagoen mugimendua izan zen; horrez gain, growshop denden kopuru altua, Frantziako Estatuarekin dagoen hurbiltasuna, eta azokaren dimentsioak ere bultzada eman ziguten. Guk Expogrow bidez egin nahi duguna da kannabis azoken garapenari jarraipena eman. Pentsa, kannabis azokak 2004ean egiten hasi ziren Bartzelonan, Madrilen, Malagan, Valentzian, eta orain, Irunen. Ezin genuen gainontzekoetan bezalako azoka bat egin, beraz, balio erantsia eman nahi izan genion eta horregatik Kannabisaren I. Nazioarteko Foroa antolatu genuen. Nazioarteko azoka bat da: Amerikako Estatu [...]

Hiru egunez jaietan murgilduko da Agustinak auzoa. Hauxe egitaraua: Ostirala 19:00: Txupinazoa, duela 32 urte Agustinetako haur danborradaren sortzailea izan zen Segundo Ruizen eskutik. 19:30: Poteo herrikoia auzoko tabernetan trikitilariek alaiturik. Bertan, pintxo txapelketa izango da. Ondara, Moran, Agustinas eta auzo elkarteko tabernetan (lau pintxo eta lau pote 6 euro). 22:30: Mus txapelketa, Agustinas tabernan (tabernan bertan izena eman behar da). 23:30-01:30: Auzoko tabernetan musika. Larunbata Egun guztian zehar: puzgarriak Markolako futbol zelaian. 09:00: Diana txistulariekin, auzoko kaleetan. 11:00: Txakur erakustaldia, Mikel Pino eta Ada bere txakurrarekin, Arramendi parkean. 11:30: 9-13 urte bitarteko neska mutilentzako futbito txapelketa Markola atzealdean (auzo elkarteko tabernetan eman behar da izena). 12:00: Toka txapelketa auzo elkarteko plazan. 15:30: Ondara tabernan tute txapelketa (taberna bertan eman behar da izena). 17:30: Haurrentzako Hipo eta Tomax pailazoak auzo elkarteko plazan. Ondoren, txokolate jatea (euria eginez gero, auzo elkarteko gimnasioan). 18:00: Nagusientzako dantzaldia, Moran taberna dagoen plazan. 21:00: Auzo afaria (entsalada, saiheskia eta postrea). Tiketak auzoko tabernetan erosi behar dira 7 euroren truke. Haurrak doan pizza eta postrea. 23:30-23:00: Dantzaldia Modestoren eskutik, auzo elkarteko plazan. Igandea 11:00: Pala txapelketa R. M Azkue kaleko frontoian (auzo elkarteko tabernan eman behar da izena). 12:00: Istripu simulazioa Babes Zibilaren eskutik, eta apar [...]

Aurten eta datorren urtean laguntzak mantentzeko eta gehitzeko esfortzua egin duela jakinarazi du Oiartzungo Udalak, euskara ikasten ari direnentzako laguntzak mantentzeko eta gehitzeko «esfortzu berezia» egin du aurten. Eta helburua bera da datorren urterako: «Eskolen %85 jasotzen duten ikasleei matrikularen zati bat ordainduko zaie». Diru laguntzak urrian eta ekainean eskatu behar direla ohartarazi du, ekainean neguko ikastaroentzako eta urrian udako ikastaroentzako. Laguntzen zenbatekoak ere zehaztu ditu: «Oiartzuar guztiek jasoko dute matrikularen %50 arte. Lehentasunezkoak diren sektoreetako ikasleek (famila, elkarteak, merkatariak…) eta langabe, ikasle eta erretiratuek matrikularen %70 arte jaso ahal izango dute. Horrez gain, barnetegietako egoitza gastuak ordaintzeko laguntza ere emango dugu». 2010ean eta 2011n, «murrizketen ondorioz», euskara ikasleek ezin izan zuten beka osoa jaso, eta hori berriro gertatzea ez du nahi udalak. Euskara ikasteko erraztasunak ematea da udalaren helburua, eta horregatik ahalegina: «Esfortzu berezia egin da ikasle guztiek diru laguntza osorik jasotzeko. Euskara ikastea dohainik izateak lehentasuna izango du, eta bide horretan aurrerapausoak eman nahi dira». Gipuzkoako Foru Aldundiko Euskara Normalizatzeko Zuzendaritzak ere helburu berbera du, eta hasi da urratsak egiten, udalekin elkarlanean. Oraindik ausartu ez diren herritarrak euskara ikastera animatu ditu udalak, eta AEK-k abian jarri duen kanpainarekin bat egin du. Hala, gogorarazi du, herriko euskaltegian izena eman [...]

21 hilabeteko alaba dut. Aita izatearen ezaugarrietako bat, zure bizitzan pertsona berri batekin harreman berezia sortu eta eraikitzea da. Inoiz sentitu gabeko lotura eta emozioak sortzen dira bat-batean eta beste pertsona baten etorkizunari, heziketari eta erantzun beharreko galderei buruz (parrandak, sexua, politika…) pentsatzea dakar. Gurasoek erraz ulertuko duzue zertaz ari naizen, besteei gehixeago kostako zaie. Beste gai batzuekin egin izan dudan bezala, azkenaldiko gertakari baten bueltan, nire alabarekin izango nukeen elkarrizketa imajinatu izan dut egunotan: - Aita, zergatik dago jendea amarekin haserre? - Jendea ez dago amarekin haserre. Kontua da, berak herriko gaietan erabaki batzuk hartu behar dituela, eta jendea ez dago ados erabaki horietako batzuekin. -Zerekin ez daude ados, ba? -Ba zure amak jendearen hondakinak jasotzeko modua aldatzea proposatu du eta batzuk ez daude ados proposatu duenarekin. - Eta zergatik aldatu nahi du? Esan amari jendeari nahi duena egiten uzteko! - Bai, baina, aldatu behar da. Horrekin denak daude ados, baina, nola aldatu da arazoa. - Eta zer proposatu du amak? - Amak jendeari hondakinak etxean bereiztera behartzen dion sistema ezartzea proposatu du. Hala, zabor gehiena berriz ere erabiltzeko aukera dago. - Jendeak orain ez du bereizten, edo? - Askok ez. Gainera, amak egindako proposamenarekin gaur egun guk ere [...]

Pontikako Arramendipe erretiratuen elkarteak ikasturte hasierako jaia prestatu du hilaren 20rako. 17:00etan izango da elkartean bertan. Jaialdi horretan emango dute ikasturte berrira begira antolatu dituzten ekintzen berri. Era berean, bingoan jokatzek...

Ingurumen Aholku Kontseiluak antolatuta, etzi (larunbata) hondakinak biltzeari buruzko jardunaldia egingo dute etzi, 10:00etatik 14:00etara Reina aretoan. Jardunaldi horretan hainbat adituk parte hartuko dute, eta kontseiluak herritar guztiak animatu d...

2012-13 ikasturterako ekintza ugari prestatu dituzte herrik emakume taldeek, eta horiek guztiak Emakumeak: topaketak eta gizartean parte hartzea helburu programaren barruan sartu dituzte. Programa horren barruko ekintzak antolatzeko diru laguntzak jasotzen dituzte, eta horren gain, emakume talde guztien artean hainbat jarduera antolatzeko: ikastaroak, Martxoak 8, erakusketak… Programa horretan urtero mila inguru emakumek parte hartzen dute. Hala ere, ahalik eta emakume gehien animatzea nahi dute, eta horregatik, ekintzetan izena emateko deia luzatu diete. Izena hilaren 18an, 19an eta 20an eman behar da arratsaldez, 17:00etatik 19:00etara. Jarduerak: Agustinak (Alai): areto dantzak, pilates, joga, gimnasia eta tai-chi. Alaberga (Ekinez egin): beira lanak, joste tailerrak, oleo pintura, memoria tailerrak, mahai jokoak, eskulanak, informatika eta areto dantzak. Beraun (Erlontzi): pintura, joga, mahai jokoak, pilates, sevillanak, areto dantzak eta eskulanak. Erdialdea (Patxiku Zelaia): pilates, gimnasia, euskal dantzak, joga eta areto dantzak. Gabierrota (Laguntasuna): joga, pilates, joste lanak, oleo pintura, areto dantzak, muxikoak, sukaldaritza, sabel dantza eta memoria saioak. Galtzaraborda (Gure Leku): ehoziri lanak, informatika, gimnasia, tai chi, astronomia, joste lanak, mahai jokoak, irakurketa eta idazketa. Iztieta (Gurekin): gimnasia, joste lanak, dioterapia, joga, tai chi, reiki, bordatze lanak, areto dantzak, memoria eta aerobic. Kaputxinoak (Gure Goizalde): aerobik, pintura, gimnasia, hip hop, areto dantzak, mahai jokoak, pilates, jazz, [...]

Donostiako Zinemaldiak bost Donostia Sari banatuko ditu aurten eta horietatik ezagutarazi duten bosgarrena Dustin Hoffman aktoreari emango diote. Horren harira, Hoffmanek Gipuzkoan lan egin izan zuela gogora ekarri du Berria egunkariko Xabier Martin ka...

2009an hasi ziren Gipuzkoako DYAko bolondresak lurradeko zenbait herrietan osasunarekin eta prebentzioarekin zerikusia duten doako jarduerak antolatzen. Hala, datorren astean Osasuna eta Istripuen Prebentzioaren Astea egingo dute Hondarribiko egoitzan (Soroetagain kalea, 6-7), astelehenetik ostiralera. Egunero, hitzaldiak eta tailerrak antolatuko dituzte, 19:00etatik 21:00etara. Hondarribiko DYAko arduradunek azaldu dutenez, “35 urte larrialdiez arduratzeak zerbait erakutsi badigu zera da, prebentzioa dela gako nagusiena istripuak gutxitzeko eta gaixotasunen agertzea saihesteko”. Jarduerak parte hartzaileak izango direla esan dute: “eduki teorikoez gain, mahai ingurua egingo da, non bertaratutakoen testigantzek eta parte hartzaile guztien iritziek lekua izango duten. Astea amaitzeko, hilaren 22an, larunbatarekin, moto istripu baten simulazioa egingo dute DYAren ordezkaritza inguruan, 12:00etatik 13:00etara. Horrelako istripuetan lesioak txikiagotzeko eta ondorio itzuliezinak ekiditeko zer egin behar den erakusteaz gain, motoan kasko egoki bat eramatearen beharraz kontzientziatzeko xedea izango du istripu simulazioak. Heldu den asteko hitzaldi edo ikastaroetan parte hartu nahi dutenek 943 46 46 22 telefono zenbakira deitu (edozein ordutan, egunero) edo e-postaz idatzi behar dute. Programa Hilak 17, astelehena: Ohiko larrialdiak eta egoera hauetan izan beharreko jokabideari buruzko hitzaldia. Besteak beste miokardioko bihotzekoa, konbultsioak, zorabioak, traumatismoak, erredurak eta Garun-Baskular istripuari helduko zaie. Hilak 18, asteartea: Hesgailuen oinarrizko tailerra eskua, besoa, sorbalda, oina, belauna eta hanka barne hartuz. [...]

Larunbateko jaieguna dela eta, Moskuko azoka ostiralean, abenduaren 7an, egingo dela jakitera eman du udalak. Urdanibia plaza inguruko trafikoak eta 3L autobus zerbitzuak ohiko aldaketak jasango dituzte azoka iraun bitartean.

Itxaropena sortzea egungo krisi eta probezia testuinguruan hitzaldia antolatu du Argoiak kultur elkarteak biharko. Hizlaria, Joxerra Trebiño izango da eta hitzordua, elkartearen egoitzan bertan finkatu dute, 17:00etatik aurrera.

Errenteria-Oreretako langabeek aukera bikaina daukate euskara ikasteko. Errenteriako Udalak ikastaro bat martxan jarriko du urtarrilean, eta doakoa izango da herriko langabeentzat. Ikastaroak urtarriletik martxora arte iraungo du, eta dagoeneko izena eman daiteke hilaren 14ra bitartean (ostirala) udal euskaltegi zein Xenpelar AEK euskaltegian. Bi toki horietan emango dituzte eskolak. Ikastaroetan parte hartzeko hainbat baldintza bete beharko dituztela azaldu du Irune Balentziaga Kultura zinegotziak. Hala nola, herrian erroldatuta egon beharko dute, langabezian daudela frogatzen duen Lanbideren egiaztagiria aurkeztu, eta gutxienez, eskolen %85era joan. Zentzu horretan, ez dutela arrazoitu gabeko bajarik onartuko zehaztu du. Baldintza horietakoren bat urratuz gero, doan jasotzeko aukera galduko dute. Horrez gain, ikastaroa aurrera ateratzeko, hamar laguneko taldea osatu beharko da, eta ikasle guztiek euskara maila beretsua eduki beharko dute. Langabeen proposamena Langabeen batzarraren proposamenetik abiatuta, udalak udazkenerako ere martxan jarri zuen langabeentzako euskara ikastaroa, baina Irune Balentziaga Kultura zinegotziak azaldu duenez, ezin izan diete dohainik eskaini, ordenantza fiskalak direla eta. Hala ere, hainbat aldaketa egitea lortu dute, eta ikastaro horietan parte hartu duten gehienei ordaindutakoaren %100 bueltatu zaiela gaineratu du. Urtarrileko ikastarorako ez dira ordenantza fiskalak oztopo izango, eta baldintzak betez gero, ikastaroak doakoak izango dira. Udazkeneko saioek urriaren 1tik abenduaren 20ra arte iraungo dute. Udal euskaltegian hamahiru [...]

Lehen aldiz klimaren arabera, geotermia edo aerotermia egokiena den frogatzeko ikerketa bat egingo dute, eta bertan parte hartuko du Don Bosco lanbide heziketako institutuak. Beste bi zentro ere badaude: IES Inca Garcilaso de Montilla (Kordoba, Espaini...

Korrika egitea proposatu du Oiartzungo Herrirak preso eta iheslarien egoera salatu eta eurei elkartasuna adierazteko modu bezala. Zentzu horretan, lehenengoz, herri lasterketa antolatu du Oiartzunen, eta hilaren 30ean izango da, goizez. Ibilbidea 6,5 kilometrokoa izango da, eta 200 korrikalari biltzea da helburua. Partaide guztien artean, presoengandik bereizten dituzten 1.200 kilometroak osatzea nahi dute antolatzaileek: “Herriko presoak bisitatzera joateko hainbat kilometro egin behar dira astero. Denera, Oiartzungo presoak 1.200 kilometrora daude, eta 200 lasterkari lortu nahi ditugu, pausoz pauso espetxeetara elkartasuna bidaltzeko”. Elkartasun hori ez dute aurtengo urtera mugatu nahi, eta aurrera begira ere antolatzen jarraitzeko asmoa agertu du Herrirak, “hutsik dauden aulkiak bete arte”. Haur, gazte eta helduentzat Dagoeneko izena emateko aukera dago lasterketa horretan, eta haur, gazte zein helduak animatu dituzte elkartasun keinu hori egitera, oiartzuar zein inguruko herritarrak izan. Izena herriko tabernetan eman daiteke. Izena emateko 6 euro ordaindu behar dira, eta trukean, kamiseta bat jasoko dute opari partaideek. Era berean, elastikoaren neurria zehaztu beharko da. Hori dela eta, izena ahalik eta lasterren ematea gomendatu dute, azken momentuan eginez gero, “neurria hautatzeko aukerarik ez baita izango”. Elastikorik nahi ez duenak, berriz, 2 euroren truke eman ahal izango du izena. Hilaren 30ean, beraz, 11:30ean irtengo da haurren lasterketa, eta [...]

Kadete Mailako Areto Softboleko Euskadiko Txapelketa jokatuko dute larunbatean, 10:00etatik aurrera, Galtzarabordako kiroldegian. Lau taldek parte hartuko dute, horien artean, Errenteria-Oreretako Rentoksek, txapelketaren antolatzaileak. Gainonontzeko ...

Hondarribiko Udalan ordezkaritza duten alderdi guztiek bat egin zuten atzo Euskararen Nazioarteko Egunaren harira adierazpen instituzional bat sinatzeko. EAJ, Bildu, PSOE, Hamaikabat eta PP ados jarri ziren iazko udazkenean erakundeak berritu zuen Euskara Biziberritzeko Plan Nagusiko lerro nagusiak berresteko: “Udal zerbitzuetan herritarren arretarako hizkuntza eta laneko hizkuntza izan dadin sustatzeko neurriak hartuko ditu, udalerrian gizarte erabilera areagotzeko erabakiak hartuko ditu eta euskalduntzea nahiz alfabetatzea lantzeko programarekin jarraituko du”. Onartutako adierazpen instituzionalean, Euskararen Nazioarteko Eguna (atzo) “gure hizkuntzarekiko dugun konpromisoa berresteko eguna” zela zioten herriko ordezkariek ahobatez: “Herritarrei eta herri erakundeei dagokie legeok dituzten ahalmenak garatzea, euskarak erabilera eskasa duen esparruetan handituz, erabiltzen den esparruetan sendotuz, eta hiztun berrien beharretara egokituz. Azken finean, euskararen erabilera bultzatu behar da bizitzako esparru guztietan. Hala nahi duen orok euskaraz bizitzeko parada izan dezan”. Mintzodromo arrakastatsua Euskararen Eguna zela eta, Mintzodromoa egin zuten atzo goizean Kasino Zaharra adinekoen egoitzako goiko solairuan. Udaleko Euskara departamendutik eta udal euskaltegitik egindako deia jarraituz, hamarnaka pertsona elkartu ziren bi orduz, euskaraz praktikatzeko. Gehienak, euskara ikasleak ziren, baina ekimenarekin bat egin nahi izan zuten herritarra eta alderdi desberdinetako zinegotziak ere elkartu ziren lehen Mintzodromoan.

Gabonetako sukaldaritza tailerra egingo dute gaur arratsaldean Emeki emakume elkartearen egoitzan, 18:30ean hasita. Aurreratu dutenez, baiekin eta loreekin sukaldatzen ikasiko dute. Tailerra irekia da, elkartekoak ez diren pertsonentzat ere.

Antxoko kantu jirakoek entsegua egingo dute bihar arratsaldean, hilaren 15eko saioa prestatzeko. Kultur Etxean egingo dute berriro, eta saioa 19:30ean hasiko da.