
Irailaren 14tik 16ra bitartean Expogrow azoka izango da Ficoban. Egitaraua: Irailak 14: 11:00 Azokaren irekiera ekitaldia 11:00 Kannabia Graffiti Show, 20:00ak bitartean 11:00-13:30 Kannabisaren Nazioarteko I. Foroa: Kannabisa, gizartea eta zuzenbidea 12:00 Canna X-treme: Amateur, street eta aldapan. Aldi berean, Khalada Comic: Kinki Bwoyk komikiak sinatuko ditu 13:30 Artx Company Circ: malabaristak… 16:30 Artx Company Circ: monozikloak… 16:00-18:30 Kannabisaren Nazioarteko I. Foroa: Kannabisa eta osasuna 17:30 Khalada comic: Ariel Olivettik komikiak sinatuko ditu 17:30 Herri kirolak 18:30 Artx Company Circ: aireko dantza… 19:00 Kontzerturako ateen irekiera 20:00 Azokaren itxiera 21:00 Kontzertua: Mademoiselle K 22:15 Kontzertua: Los del gas 23:30 Kontzertua: Marea Irailak 15 11:00 Azokaren irekiera 11:00 Kannabia Graffiti Show, 20:00ak bitartean 11:00 – 13:30 Kannabisaren Nazioarteko I. Foroa: Esperientziak eta araupen moduak 12:00 Canna X-treme: Pro, street eta aldapan. Aldi berean, Khalada Comic: Jose Fonollosak komikiak sinatuko ditu 13:30 Artx Company Circ: malabaristak… eta Herri Kirolak 14:30 Kontzertua_ Guadalupe plata 16:00 Canna X-treme: Amateur finala, street eta aldapan. 16:00-18:30 Kannabisaren Nazioarteko I. Foroa: Ondorioak eta proposamenak 16:30 Artx Company Circ: aire dantza… 18:00 Herri kirolak eta Khalada Comic: Ariel Olvettik komikiak sinatuko ditu. Aldi berean, hidroponiari buruzko seminarioa 18:30 Kontzertua: Guadalupe Plata eta aldi berean, Artx Company Circ: malabareak, argia eta sua. 19:00 Kontzertuko ateen irekiera 20:00 Azokaren [...]

Ertzaintzak aste honetan jakinarazi duenez, iragan astean emakume bat bortxatzen saiatu zen 40 urteko gizona Martuteneko espetxean dago astelehenetik, hiru sexu delitu leporatuta. Epaileak larunbatean aske uztea erabaki zuen arren, Ertzaintzak berriz ere atxilotu zuen igandean. Izan ere, beste eraso baten ustezko egile gisa identifikatu zuen Irungo beste emakume batek. Eusko Jaurlaritzaren Herrizaingo Sailaren arabera, ostegun gauean 21:30ak aldera emakumea txakurra paseatzen ari zela hurbildu zitzaion gizona. Elkar ezagutzen zuten arren, gizonak sexu mailako irainak egin zizkion eta emakumea alde egiten saiatu zenean, ukituak egin zizkiola salatu du biktimak. Hiru eraso Irunen Azken salaketa horrekin hiru dira dagoeneko ustezko bortxatzaileari leporatutako sexu delituak. Izan ere, ostiral goizaldean emakume bat bortxatzen saiatzen ari zenean, beste emakume bati esker atxilotu zuen Ertzaintzak. Ustezko bortxatzaileak sexu delituengatik aurrekariak izan arren, hurrengo egunean bertan epaiketaren zain aske uztea erabaki zuen epaileak. Horiek horrela, azken salaketarekin hiru dira gizonak egindako ustezko delituak. Ertzaintzaren arabera, gizona Irungo bizilaguna da eta 40 urte ditu, bere pertsonaren inguruko datu gehiagorik azaldu ez duen arren. Herritarren kontzentrazioa Txingudi Antisexista (TAS) koordinadorak erasoa salatzeko helburuarekin kontzentrazioa deitu zuen astelehen arratsaldean. Hala, ostiral goizeko erasoa gertatu zen leku berean, Juan de la Cruz kalean —HAZ bulegoaren ondoan—50 lagun inguru bildu ziren. [...]

Lau denboraldi egin ditu Touringek Erregional Preferentean, eta maila hori ez dela bere tokia erakusteko ordua iritsi zaio. Maila berria, helburu berriak eta horri aurre egiteko aurpegi berriak izango ditu. Egoitz Mendizabal Touringeko Kirol zuzendariaren arabera, aurten helburua Ohorezko Mailan mantentzea izango da, eta gero hortik aurrera zer egin denboraldiak markatuko duela iritzi dio, helburuaren koska igo ala ez. Xede hori lortzeko jokalariak eta entrenatzailea dira gakoa. Aurten Manu Merino izango da entrenatzailea, Real Union Btik ekarria. Mendizabalek gustuko du bere lan egiteko modua: “Entrenamenduetan intentsitate asko sartzen du, eta taktikoki ere nire ideiak dituen entrenatzailea da. Taldean ondo integratzen bada lan polita egin dezake”. Bestetik, jokalariak daude. Hilabete hasieran aurkeztu zuten talde osoa, eta horien artean 11 dira Touringek fitxatu dituen jokalariak. Jokalari berriak Antiguoko, Reala, Pasaia zein Beti Onatik taldeetatik etorri dira, eta garrantzitsutzat jo du Kirol zuzendariak horiek taldera ondo moldatzea. Oro har, “bloke gaztea” mantendu dutela azaldu du Kirol zuzendariak: “Hiru beterano mantendu ditugu, laugarren bat Pasaiatik fitxatu dugu, eta gainontzeko guztiak 25 urtetik beherakoak dira”. Gaineratu duenez, “zailtasunak gainditu eta jokatzen zentratuz gero, taldea lehiatzeko prest egon daiteke”. Hain zuzen, zailtasun ugari izango dituzte maila berrian. Beste taldeen esperientzia izango da nagusiena: “Kanpora joan eta [...]

Larunbatean Treku jatetxean afaltzen dutenek, umorezko bakarrizketekin gozatzeko aukera izango dute. The Rolling Bufones hirukoteak eskainiko dizkie bakarrizketak bertaratzen direnei. Asun Serra, Freddy Serendipity eta Marcos Felixek osatzen dute hiruk...

Ana Konpañon eta Santi Angulo. Duela hilabete batzuk Oreretako Eroski supermerkatuko apaletan Euskal Herria esnea ikusi genuen eta huraxe probatzea erabaki genuen. Ona iruditu zitzaigunez, hainbat astetan esne hori kontsumitu genuen, bat-batean esne h...

Hainbat ekitaldi egingo dituzte egunean zehar, eta horien artean goizeko bizikleta martxa prestatu dute Oiartzungo Udalak eta Gipuzkoako Parketxe Sareak, Arditurri Bide Berdearen I. Eguna antolatu dute iganderako, hilaren 16rako. Hainbat ekitaldi izango dira egunean zehar, tartean bizikleta martxa. Herriko hainbat elkarteren laguntza izan du udalak jaia antolatzeko, hala nola: Girizia, Lartaun zikloturista taldea eta Ttak. Garai batean Arditurriko meategietatik Pasaiako portura mea garraiatzeko erabiltzen zen trenbidea murgilduko da jai giroan. Eguna hasteko, Arditurriko I. Bizikleta Martxa izango da. 10:00etan hasiko da, Doneztebe plazatik eta sei kilometroko bidearen ondoren, Arditurrin bukatuko da ibilbidea. Bizikleta martxan parte hartu nahi dutenek, hamabost minutu lehenago egon beharko dute plazan. Udalak zehaztu duenez, ibilbide erraza da, adin guztietako txirrindularientzako egokia, baina zenbait ohar eman ditu: «Kaskoa eramatea beharrezkoa da eta argia eramatea ere gomendagarria da». Helmuga Arditurriko meategian egongo da, eta bizikleta gordailu zerbitzua jarriko dute bertan. Plazan elkartzen diren lehen 250 lagunek pintxoa eta edaria doan izango dute gero helmugan. Eta parte hartzaileen artean hainbat opari zozkatuko dituzte 12:00etan. Martxaz gain, beste hainbat ekintza ere izango dira egunean zehar. Goizean, meategiak prezio murriztuan bisitatu ahal izango dira: «Oinarrizko bisita eta sakonekoa ere prezio murriztuan egin ahal izango dira». Gaztetxoek, hainbat jolasetan aritzeko aukera [...]

Pasaiako badiaren bokaleak milaka arrantza ontzi ikusi ditu pasatzen mendeetan zehar. Egia da egun sektore horrek ez duela aintzina zuen indarra, baina oraindik bizirauten du. Eta arrantzaren arlo guztiak nolakoak diren azaltzeko, Egun bat arrantzan erakusketa irekiko dute bihar San Pedroko Ondartxon. Eusko Jaurlaritzaren Ingurumen, Lurralde, Plangintza, Nekazaritza eta Arrantza Sailak antolatu du erakusketa. Bere helburua “arrantza sektorearen errealitatea nolakoa den ezagutaraztea» dela jakinarazi dute antolatzaileek. Horretarako, panel tematikoak zein ikus-entzunezkoak baliatuko dituzte bisitariei azaltzeko. Antolatzaileen arabera, «arrantza sektorea ezezaguna da”. Hamalau panel Bihar zabalduko duten erakusketa hamalau panelek osatzen dute. Arrantza sektorean parte hartzen duten eragile guztien berri ematen dute: arrantza-ontzidia, arrantza motak, arrantza ontziak, arrantza lekuak eta portuak, arrain fabrikak, ikerketa eta arrantza hezkuntza, gastronomia eta akuikultura. Panelez gain, hiru ikus-entzunezkotan arrantza munduan lanean aritu diren langileen elkarrizketak jaso dituzte. Gainera, sektorean egun erabiltzen diren teknologiak azaltzen dituzte bideo horietan. Erakusketa horren bitartez arrantza munduan ari diren eta aritu direnen aitortza egin nahi dutela adierazi dute. Erakusketa hilaren 23ra arte egongo da zabalik, 11:00etatik 14:00etara, eta 16:00etatik 19:00etara.

Santiagoko XIII. Kultur Astea antolatu du egunotan bertako auzo elkarteak Txiki zein helduei zuzendutako egitarau zabala osatu du horretarako Santiagoko Auzo Elkarteak. Asteazkena: 17:00 Argi Beltzeko tailerra 8 urte gorakoentzat elkartearen egoitzan. Osteguna: 17:00 Argi Beltzeko tailerra 8 urte gorakoentzat elkartearen egoitzan. 19:00 Helduentzako biodantza tailerra, elkartearen egoitzan. Ostirala: 17:00 Haurrentzako ipuin kontalaria 5 eta 7 urte arteko haurrentzat, elkartearen egoitzan. 18:15 Helduentzako barreterapia elkartearen egoitzan. Larunbata: 16:30 Truk txapelketa. Izen-emateak Iñaki tabernan. 3 17:30 Ur zezenak. 18:30 Argi Beltzeko tailerraren antzezpena elkartearen egoitzan. 19:00 Barbakoa jaia elkartearen aurrean. 19:15 Igela jokoa. 19:15 Buruhandiak elkartearen aurreko plazan. 22:00 Camp berbena elkartearen aurreko plazan. Igandea: 12:00 III. Paella txapelketa -11:30ean arroza parte-hartzaileen artean banatuko da elkartearen egoitzaren aurrean-. Eguraldi txarra eginez gero Dunboa ikastetxeko jolastokian izango da lehiaketa. 12:30 Herri bazkarirako txartelen banaketa. 14:00 Herri bazkaria elkartaren egoitzaren aurrean. Eguraldi txarra eginez gero, bazkaria Dunboa ikastetxean izango da. 16:30-17:00 Etxeko postre lehiaketan lehiatuko diren postreen jasotzea. 17:00 Haurren makillaje tailerra elkartearen aurrean. 17:00 Haurrentzako eta helduentzako herri jolasak: zaku lasterketa, sokatira, aulkien jokoa, igela jokoa… Jolasen ondoren buruhandiak eta ur zezenak izango dira, elkartearen aurrean. 17:30 Pulsimpatik jolasaren aurkezpena Jose Badinoren eskutik. 19:00 Etxeko postre lehiaketaren sari banaketa eta dastaketa. 19:30 [...]

Errenteriako Udalak omenaldi berezia prestatu du etzirako: Errepublika garaiko azken Udalbatza omenduko du, 19:00etan, udaletxeko areto nagusian. Ekitaldi berezia izango da, eta ez dira faltako orduko karguak betetzen zituztenen senitartekoak. Ekitaldi...

Gastronomia arloko Herrialde Katalanetako kazetari talde batek Irun eta Hondarribia bisitatuko du ostiral eta larunbatean, enogastronomia sustatzeko Basquetourrek antolatutako ekimen baten barruan. Hilaren 6tik 9ra Euskal Herrian izango dira, eta gastronomia eta ardoarekin harremana duten leku turistikoak bisitatuko dituzte, horien artean Hondarribia eta Irun. Gure eskualdera ostiral arratsaldean iritsiko dira eta Hondarribiko Jaizkibel hotelean egingo dute lo. Ostiral arratsaldean Irun bisitatuko dute. Ola sagardotegian izango dira, sagardoaren prozesua ezagutzen. Ondoren hiri erdialdea bisitatuko dute. San Juan plaza inguruan mokadutxo bat jateko aukera izango dute. Afaria Olaberria auzoan egingo dute, Trinkete Borda jatetxean. Hondarribian, ostiralean lo egiteaz gain, larunbat arratsaldean izango dira. Gipuzkoan zehar mugituko dira larunbatean, goizean Donostian eta Getarian, eta arratsaldean Tolosan. Eguerdian, Hondarribiko pintxoak ezagutzeko aukera izango dituzte, Alde Zaharrean hasi eta Portu auzoan bukatuko den bisitaldian. Hiria ezagutzeaz gain, Gran Sol eta Goxodenda tabernetan aterako dizkiete pintxoak jateko. Araban eta Gipuzkoan Eskualdera etorri aurretik Araban izango dira kazetari katalanak, besteak beste, Errioxako ardoak dastatzen eta inguruan sortu duten turismoa ezagutzen. Ostegunean izango da hori, eta ostiralean, Behe Bidasoara etorri baino lehenago, Gasteizen izango dira. Arabako hiriburuko tabernetan zerbitzen dituzten pintxoak eta ardoak dastatuko dituzte. Hala, Alde Zaharreko Aldapa kaleko Toloño ostatu ospetsuan izango dira pintxoez osaturiko hamaiketakoa hartzen. [...]

egitarau zabala prestatu du udalak gabonei begira

Pasaiako kanpoko kaiari buruzko galdeketa publikoa egingo dute “aurki” Ipar Euskal Herrian. Hala jakinarazi dio Lionel Beffrek Pirinio Atlantikoetako prefetak Jean-Baptiste Sallaberry Hendaiako alkateari. Espainiar Estatuko agintariek mugaz...

Inauterietako desfilean parte hartu nahi duten konpartsek izena eman dezakete dagoeneko Hiritarra Atenditzeko Zerbitzuan (HAZ). Udaleko Kultur arlotik jakinarazi duenez, urtarrilaren 11ra arte irekita egongo da epea. Gainera, konpartsa guztien artean 16.500 euroko diru laguntza jasoko dutela ere ezagutzera eman dute. Desfilean parte hartzeko ordena bestalde, zozketa bidez egingo da. Urtarrilaren 30ean izango da zozketa, Kultura eta Hezkuntza arloko bulegoetan (Ospitale Zaharra).

Kontzertu sorta emango du Errenteria Musikalek hilaren 10etik hasi 18ra bitartean. Lehen egunean, soka landuko dute, eta gero etorriko dira, haizea eta perkusioa, pianoa, eta akordeoi eta trikitia. Hilaren 17an, berriz, musika eta mugimendua, eta hurre...

FUTBOLA Akitaniako Ohor. Promozioa ASMUR-Eglantins 3-1 Akitaniako Eskualdeaurrekoa Stade Hendayais-Aspois 31-21 Emakumeen Excellence Liga Buros-Stade Hendayais 28-14 ERRUGBIA Frantziako 2. Maila. DF Stade Hendayais atseden izan du

FUTBOLA Erregional Ohorezko Maila Oiartzun-Hondarribia 0-2 SASKIBALOIA Emakumeen Liga Cadi ICG-Hondarribia Irun 71-77 ESKUBALOIA Euskal Liga Usurbil-La Bacaladera 31-34

Baditu finalistak bertsolari gazteen Xenpelar Sariak, eta Aitor Urbieta eta Gorka Maizekin batera igoko dira taula gainera Unai Gaztelumendi, Peio Ormazabal, Oier Aizpurua eta Jone Uria. Guztien artean, Gaztelumendi nabarmendu da. Bigarren kanporaketa irabazteaz gain, hiru lehietan puntuazio gehien lortu duen bertsolaria izan da: 230,5 puntu. Gaztelumendi larunbatean kantatzekoa zen, baina aldaketak izan ziren programazioan, eta ostiralean abestu zuen, Iker Agirreren tokian. Hurrengo egunean, berriz, bere partez Mikel Artola aritu zen. Bigarren kanporaketan maila altua erakutsi zuten bertsolariek, kontuan hartuta, bigarren geratu zen sailkatuak, Ormazabalek, hirugarren kanporaketaren irabazlearen, Aizpurua, puntu kopuru bera lortu zuela. Finala larunbatean izango da Errenteria Hiria Kulturgunean, eta sarrerak dagoeneko salgai daude, 3 euroan. Kulturguneko leihatilan eros daitezke. Ekitaldi berean omenaldia egingo zaio Xabier Euzkitzeri.

Udal Kirol Patronatuak jakinarazi duenez, Galtzarabordako igerilekuan sistema berria jarri dute martxan, eta horrek aukera ematen du ura berritu arren, igerilekuko uraren berotasuna berreskuratzeko. Osasun araudiari jarraituz, egunero, 32.000 litro ber...

La Bacaladera Hondarribia eskubaloi taldeak meritu handiko garaipena lortu zuen atzo arratsaldean Usurbilen, Euskal Ligako 10. jardunaldiko partidan (31-34). Ordurarte Atez Ate Usurbilek etxean jokatutako lau partidetatik hiru irabazi eta bakarra galdu...