
Hondarribiko ikastetxe publikoaren arduraduna da, baina horrek ez du esan nahi irakasle bezala aritu behar izaten ez duenik. Euskaraz hezitzea da beretzako eguneroko erronka, baina geroz eta zailagoa egiten zaiela onartu du. Satarka, Biteri eta Bordari zentroek osatzen dute Hondarribiko Talaia Eskola. Gainontzeko herrietan baino astebete geroago hasten dituzte eskolak bertan, herriko festak amaituta. Aurten 1.019 ikasle dituzte —Satarkan 198, 2-3 urtekoak; Biterin 437, 4 urtetik 2. mailaraino; eta Bordarin 384, 6. maila arte—. Talaian, 72 irakasle eta erdik egiten dute lan, eta Loli Gartzia (Hondarribia, 1954) zuzendariak dioenez, lanez gainezka daude, baina gogotsu. Zer moduz hasi da ikasturtea? Eromena izan da. Ikasle gehiago ditugu, eta irakasle gutxiago. Abuztuan hasi ginen dena antolatu nahian baina hilaren 12a iritsi zen, eta hankaz gora dago dena. Hondarribian irailaren 12a izaten da ikasturteko lehen eguna. Zer suposatzen du horrek? Irakasle guztiak hilaren 1ean hasten dira lanean, baina klaseak 12an, gainontzeko herrietako ikastetxeak hasten direnean herriko jaiak direlako. Traba izaten da, bai. Egutegiak guztira 175 eskola-egun ditu, eta horiek kokatzeko irailaren 6tik ekainaren 22ra arteko tartea dugu. Irailaren 6an hasiko bagina, malgutasun gehiago izango genuke jaiegunak, zubiak eta horrelakoak banatzeko. Baina irailaren 12an hasita, jaiak antolatzeko orduan, nahiko gatazka izaten dugu. Gero eta etorkin [...]

Etzi, auto klasikoen irteera egingo dute herrian. Mamutetik abiatuko dira 10:00etan eta Arditurriko meategietara joango dira. Han, auto klasikoak ikusgai egongo dira, eta gidariek Arditurriko meategiak bisitatuko dituzte.

Emakumeen Ligan jokatzen duen Hondarribia Irun saskibaloi taldeak 2012-2013 denboraldiko lehen partida ofiziala jokatuko du igandean, Zallako (Bizkaia) udal kiroldegian. Euskal Koparen finala izango da, eta hondarribitarren aurkaria larunbatean Ibaizabal eta Gernika taldeek jokatuko duten finalerdiko irabazlea izango da. Hondarribia Irun taldea jokalari guztiekin bidaiatuko du Bizkaira, azken hiru fitxaketak barne: Sonia Borges pibot portugaldarra, eta Mandisa Stevenson eta Lindsay Harris estatubatuarrak. Stevenson eta Harris aste honetan bertan fitxatu ditu taldeak. Saskiratzaile petoak Stevenson 1,91 altuerako hegal pibota da; 30 urte ditu eta iaz Cadi Seu Urgell taldean jokatu zuen; partidako bataz beste 10 puntu eta 5 errebote egin zituen. Harris eskolta da, 22 urte besterik ez ditu eta azken lau urteetan AEBetako Unibertsitateen arteko Ligan jokatu du, Arkansas Razorbacks taldean. Puntu asko sartzen dituen jokalaria da eta hiruko marratik portzentzai onak dituena.

FUTBOLA Erregional Ohorezko Maila Hondarribia – Tolosa. Bihar, larunbata, 16:30ean. Hondartza futbol zelaian. PILOTA Gaur, ostirala, 19:30ean hasita. Hiru partida: Eskuz binaka. Nagusien. 3. Maila Hondarribia – Real Sociedad Zesta punta...

Gaur, Madalensoron, Gipuzkoako Txapelketako lau pilota partida izango dira, 19:15etik aurrera. Hasteko, Oiarpe 2 eta Intza ariko dira elkarren aurka, Gazteen Lehenengo Mailan, binaka. Gero, Gazte Mailan, banaka, Oiarpe eta Goierri ariko dira. Hirugarre...

Pasaiako Udalbatzak plenoa egingo du datorren asteartean, 19:00etan, Arizabalo jauregian. Hiru mozio aurkeztuko dituzte. Bilduk Euskal Plataformaren mozio bat aurkeztuko du, frankismoaren krimenak epaitegietara eramateko proposamena biltzen duena. EAJk...

Bihar eta etzi Erlaitzaren Besta ospatuko dute. Hendaiako Abadia eremuan hasi eta Ziburun bukatzen den zazpi kilometroko eremua hartzen du bestak. Dantza ikuskizuna, musika, erakusketak… denetarik prestatu dute. Ikus egitaraua (frantsesez)

Ohorezko Erregional Mailako mutilek bigarren partida dute asteburukoa. Bihar, 16:30etik aurrera, Beti Gazteren kontra ariko dira nor baino nor, Karla Lekuona zelaian. Espainiako Estatuko Bigarren Mailako neskek ere, etxean jokatuko dute hirugarren jard...

Boulevard de la Mer berrituan noa, oinez. Udatiarrek —paristar, donostiar zein iruindar— lekutu dira engoitik. Etorbidea —hutsagoa irailean— ibiltoki zabalagoa kausitu dut gaur. Xoldoko Gainak, Aiako Harriak eta Jaizkibelek —antigoaleko errom...

Oiarso Saskibaloiak bigarren entrenamendu saioa antolatu du Alebin Mailako haurrei zuzenduta (2001-2002an jaiotakoak). Don Boscoko kiroldegian izango da (Basanoagako eskolatik sartu beharko da); 10:00etan neskentzat eta 11:30ean mutilentzat. Senior Mai...

2013ko aurrekontuak astelehenean aurkeztuko ditu udalak, 18:30etik aurrera, Merkatuzarren. Errenteriako Udalak adierazi duenez, udal ordezkari zein teknikariak herritarrekin batera aritu dira aurrekontu horiek egiten, “zenbakiak egiten, lehentasu...

Etzi kale ekintza Arditurrin izango da, 16:00etatik aurrera. Txondorra piztuko dute ordu horretan, eta musika eta gaztain jatea izango dira. Animatzeko deia egin diete 6-12 urteko haur eta gaztetxoei, baita horien gurasoei ere. Ikazkin talde batek egun...

Errenteria-Oreretako Lorena bizilaguna etxetik kaleratzeko prozesuan sartuta dabil, eta atzo hori salatzeko elkarretaratzea egin zuten Donostian. Bertan parte hartu zuten udaleko zenbait ordezkarik, kaltetutakoari euren elkartasuna adierazi eta egoera ...

Arraztaloko gaixo psikikoek, barazki ekologikoak ekoizten dituzte. Ondoren, herriko kontsumo talde bati banatzen dizkiote. Orain, lan hori egonkortzea dute helburu. Traktore bat erosi ahal izateko finantzazio kanpaina kolektiboa jarri dute martxan elkarteko kideek. Traktoreak iritsi behar du herrira. Izan ere, lanabes hori behar du Arraztalo elkarteak, barazki ekologikoak ekoizten jarraitu, eta ahalik eta jende gehienari eskaini ahal izateko. Hori lortzeko bidean, Badatorrela traktorea! izeneko finantzazio kanpaina kolektiboa jarri du martxan Arraztalok. Helburua, jendearen ekarpenekin traktorea erosi ahal izatea da. 2010ean hasi zen Arraztalo elkartea lanean. Gaixotasun psikikoak dituzten herriko pertsonekin egiten dute lan bertako kideek. Arraztaloren helburua, gaixoen lan eta gizarte integrazioa lortzea da: «Beraiengana hurbildu behar dugu, eta estigmak baztertu». Arraztaloko kideen arabera, Oiartzunek ere gaixotasun psikikoari aurre egin behar dio. Izan ere, elkarteak kaleratutako datuek jasotzen dutenez, biztanleen %1 dira gaixo horiek. Arraztaloko langileek denbora daramate barazki ekologikoak ekoizten. Garaian garaiko produktuez gain, beste batzuk ere ekoizten dituzte, sagardo ekologikoa adibidez. Ekoitzi ondoren, Oiartzungo kontsumo talde bati banatzen dizkiote barazki horiek. Hala, Arraztaloren proiektu nagusienetako bat errealitate bihurtzea lortu dute. Momentuz 30 familiak jasotzen dute astelehenero Oiartzungo plazan bere saskia, baina 30 pertsona gehiago daude zain itxaron-zerrendan. Autokudeaketa Horregatik, orain, lana egonkortzeko unea iritsi dela diote Arraztalo elkarteko [...]

Futbola Erregional Ohorezko Maila Oiartzun-Ostadar. Etzi, 15:30ean, Karla Lekuona zelaian. Emakumeen Bigarren Maila Abanto-Oiartzun. Igandean, 16:30ean, Abantoko Mortuero zelaian. Areto futbola Gipuzkoako Lehen Maila Isu Leihoak-Oiartzun. Etzi, 15:...

Abaraxka ludotekan, datorren asteko arratsaldeetan, Gabonetako apaingarriak egingo dituzte. 21ean, berriz, San Tomas ospatuko dute.

Teresa Vieira eta Itziar Sistiaga irundarrek liburu berriak egin dituzte, eta horien berri emateko aurkezpenak egingo dituzte Ikust Alaia Udal Liburutegian. Sistiagak gaur aurkeztuko du El veto lana, 19:30ean; Vieiraren txanda, berriz, hilaren 18an izango da, 19:30ean aurkeztuko duelako Gracias por existir sorkuntza. Aurkezpen horien aurrerapena herenegun egin zuten bi idazleek Irungo Udaleko Kultura ordezkari Belen Sierrarekin batera. Udaleko ordezkariak esan zuen eguneroko bizitzaren egoerak jaso dituztela bi idazleek egin berri dituzten liburuetan, “baina ikuspuntu ezberdinekin”. Horrez gain, Sierrak aipatu zuen Sistiagak eta Vieirak “idazteko pasioa” dutela, eta horren erakusle dela hil honetan aurkeztuko dituzten lanen aurretik egin duten bidea.

Ereintza Eskubaloiak lehenengo itzuliko azken partida dauka etzi, Torrelavegaren kontra Galtzarabordako kiroldegian. Partidarekin lotuta, ekimen bat martxan jarri du Gipuzkoako Elikagaien Bankuarekin batera, eta horrenbestez, partida ikusteko sarrerak diruarekin beharrean elikagaiekin ordaindu beharko dira. Ohiko sarrerak 5 euro balio du, eta horren truke galtzen ez den hiru kilo elikagai entregatu beharko dira. Biltzen dituzten elikagai guztiak Elikagaien Bankuari emango dizkiote, gero berak Gipuzkoan zehar banatu ditzan behar gehiena daukatenen artean, “are gehiago Gabonak hain gertu dauden honetan”, azaldu du Francisco Barros Ereintzako kideak. Jose Manuel Pineda Gipuzkoako Elikagaien Bankuko presidenteordearen arabera, galkorrak ez diren elikagaiak komeni da entregatzea: arroza, pasta, lekaleak… Era berean, Ereintzako abonatuak zein errenteriar guztiak animatu dituzte elkartasun keinu hori egitera, baita partidara ez doazenak ere. 18:45etik aurrera egongo dira elikagaiak biltzen kiroldegian. Partida 19:30ean hasiko da.