
Korrikaren antzeko ekimena izango da, familia giroan euskaraz parte hartzekoa, ez lehiakorra Dena prest dute biharko Euskaraz Bizi Nahi Dut lasterketarako. Euskal Herriko hainbat herritan egingo dute Euskararen Gizarte Erakundeen Kontseiluak proposatutako ekimenarekin bat. Oarsoaldean, Oiartzunen egingo dute. Parte hartzeko deia egin diete Oarsoaldeko bizilagun guztiei. Ttur-tturrek eta herriko hainbat kirolarik hartu dute lasterketa antolatzeko ardura, eta indar erakustaldi bat izan behar duela uste dute. Hala dio Ttur-tturreko Bakartxo Arabolazak: «Zenbat eta jende gehiago bildu, orduan eta indar gehiago erakutsiko dugu, eta euskaraz bizitzeko nahia eta eskubidea dugula ikusi behar dute». Edonork parte har dezake, Igor Ibarguren antolatzaileetako batek azaldu duenez: «Korrikaren antzeko zerbait dela pentsatu behar dute, ez da lehiakorra izango, parte hartzailea baizik». Euskararen aldeko jaia izango da, euskaraz bizitzeko baldintzak sortu ahal izateko beste urrats bat. Dena den, korrika parte hartu ezin dutenek, izango dute ekimena eta helburua laguntzeko beste modurik: Euskaraz bizi nahi dut leloa duten kamisetak erosi ahal izango dituzte. Bestalde, kantina ere izango da, eta hor ere jendeak egin ahal izango du bere ekarpena. Aldarrikapen jai batean kamisetak edo dena delakoak ordaintzea arraroa iruditu ahal zaio bati baino gehiagori, baina ekimena antolatzeak behar ekonomiko batzuk sortu ditu, eta horiek ere ase behar direla zehaztu [...]

Oiartzungo EAJ Eusko Alderdi Jeltzaleak antolatuta, Jon Azua ekonomialariak hitzaldia emango du astelehenean: “Krisi ekonomikoaren aurrean, erantzunak. Esperientziatik, kimerak bilatzen”. Euskal Herriko egoera ekonomikoari buruzko hitzaldia izango da, eta Markel Olanok egingo du aurkezpena. 19:30ean izango da, Manuel Lekuona Bibliotekan.

Herritarrekin egitasmoaren barruan Martin Garitano Gipuzkoako ahaldun nagusia Errenteria-Oreretan izango da astelehenean, foru erakundearen ordezkaritza batekin batera. Bilera horretan eskualdeen egoeraz eta aldundiaren asmoez hitz egingo du. 19:00etan...

Lurpeko edukiontziak erabili dituzten bizilagunek aportazio guneak erabiliko dituzte aurrerantzean Oiartzungo Udalak jakinarazi duenez, aste honetatik aurrera ez da lurpeko edukiontzirik izango Oiartzungo udalerrian. Behemendi Landa Garapenerako Agentziak eta udalak sei edukiontzi kenduko dituzte, «horien erabilera desegokiarengatik eta atez ateko hondakinen bilketa hobetzeko». Udalak gogorarazi duenez, lurpeko edukiontziak herrigunetik urrutien bizi diren landa inguruneko bizilagunei zerbitzua emateko prestatuta zeuden. Baina horien erabilera desegokiak kentzeko erabakia hartzera behartu du: «Lurpeko edukiontzi batzuetan errefusa kantitatea igo egin da, langile autonomo askok hondakinak hauetan bota dituztelako». Gainera, lurpeko edukiontziek ez zuten hondakinak gaika bereizteko aukerarik eskaintzen. Orain arte lurpeko edukiontziak erabili dituzten herritarrek, aurrerantzean, landa inguruko gainerako bizilagunek bezala, aportazio guneak erabiliko dituzte: «Izan ere, landa ingurunean urrutien bizi ziren bizilagunek orain arte ez dute aukerarik izan hondakinak bereizteko eta birziklatzeko. Zero zabor politikaren bidean, ezinbestekoa da herritar guztiei hondakinak zuzen banatzeko aukerak eta erraztasunak ematea». Hori dela eta, Atez Ateko Informazio Bulegotik pasatzeko eskatu dei udalak bizilagun horiei. Mendiburu kaleko 5 zenbakian dago, eta astelehenetik ostiralera, 08:00etatik 15:00etara dago irekita. Bertan jaso ahal izango dute dagokien aportazio guneko giltza, dohainik, eta aportazio guneen funtzionamenduaren berri.

EAJren Oiartzungo taldeak urriaren 21an egingo diren Eusko Legebiltzarrerako hauteskundeetarako posta bidezko botoa bideratzeko laguntza eskainiko du. Behar dutenek, Oiartzungo Batzokira jo dezakete. Zuzeneko harrera eskainiko diete ostegunetan, 20:00e...

Enrike Abril Errebote Txapelketako partida jokatu zuten Kapito Harri IIk (Ustaritze) eta Txostek (Oiartzun) pasa den igandean. Kapito Harri taldea, oiartzuarrak baino gehiago izan zen, eta hiru tanto aurretik bukatu zuen partida: 13-10. Etxeleku, Zabal...

Oiartzungo herri bilguneak bilera deitu du gaurko. 19:30ean izango da, Manuel Lekuona Bibliotekan. Herritarrei agertzeko deia egin diete: «Oraindik preso eta iheslari politikoen eskubideak bermatzeko herrian lana egiten jarraitu behar dugu. Oiartzuar ...

Uda agurtzeko pintxo pote berezia egingo dute gaur Makutxo tabernan: pintxo pote musikatua. 19:30etik aurrera, Jose Sitar-en emanaldia izango da, Indiako sitar instrumentuarekin. Ondoren, Goiko-Funk-Jam-Eskolaren Jam Session saioa izango da.

Akitaniako Informazio eta Komunikazio Teknologia Berrien agentziak eta Irungo Udalak elkarlanean, IKTak —Informazioaren eta Komunikazioaren Teknologiak— eta Gobernu Ona jardunaldia antolatu dute hilaren 27rako Ficoba erakustazokan. Hainbat hitzaldi...

XXI. Lazkao Txiki bertsopaper sarietan, bigarren saria jaso du oiartzuarrak. Informazio gehiago, Errenteriako Hitzan.

Datorren astelehenean, hilaren 17an, Kasino Zaharreko antzerki taldeak Belengo estaldeari erasoa goiburuko obra antzeztuko du Amute-Kosta Auzo Elkartearen lokalean. Emanaldia doan izango da eta 18:00etan hasiko da. Udaletik herritarrak animatu dituzte Kasino Zaharreko taldeak prestatu duen ikuskizunaz gozatzera. Esther Esparzak zuzendu du honakoek osatutako aktore taldea: Josefina Indakotxea, Kontxi Saizar, Loli Pineda, Agustina Arzubia, Josepa Setien, Maria Jose Zapirain, Conchita Amador, Serafin Santamaria, Milagros Etxeberria, Luis Iriazabal eta Edurne Zuzuarregi.

Urtero bezala, aurten ere egin dute Prosa eta Poesia Lehiaketa. Herriko bi ikastetxeetako ikasleek parte hartu dute, bi alorretan, eta adinaren araberako mailetan banatuta. Idazle onenen egileei igandean emango dizkiete sariak. 11:00etan izango da sari...

PSE-EEk eta Errenkoaldek kanpaina bat martxan jarri dute Gabonetako opariak biltzeko. Opari horiek Gurutze Gorriari emango dizkiote, gero berak behar gehien duten herriko familien artean bana ditzan. Era berean, kanpainarekin bat egin dute Galtzaraborda eta Beraungo auzo elkarteek, eta horiek kanpaina auzoan zehar zabaltzeaz arduratuko dira. Gaur goizean eman dituzte kanpainaren gaineko xehetasunak Jose Angel Rodriguez PSE-EEko bozeramaleak eta Imanol Iparragirre Errenkoaldeko presidenteak. Rodriguezen arabera, PSE-EEren ekimenez hasi dute kanpaina, eta hasieratik izan dute Errenkoalderen lankidetza. Hala, ekarpen bat egiten duen orori txartel bat emango diote zozketa baterako. Ehun euroko bi erosketa txartel zozkatuko dituzte Errenkoaldeko dendetan gastatzeko. Ekimena enpresa eta erakundetara zabaldu nahi dutela azaldu du Rodriguezek, eurek ere kolaboratu dezaten. Horrez gain, Errenkoaldeko dendek ere parte hartuko dute, eta merkatari elkartearen kide ez direnengana ere zabaldu dute mezua. Ekarpena mota askotakoa izan daiteke, bakarrik eskatu dute estreinatu gabe egotea: jantziak, osagarriak, jostailuak… Gabonetako opari izan daitekeen edozer gauza. Objektu horiek Errenkoalderen lokalean utzi ahal izango dira, baita Beraun eta Fanderiako elkarteetan ere. Horrez gain, PSE-EEren Herriko Etxean ere egin ahal izango da ekarpena. Astelehenetik larunbatera entregatu ahal izango dira, 10:00etatik 13:00etara eta 17:00etatik 19:00etara.

Bi hilabete pasatu dira Herrerako topo geltoki berria ireki zutenetik, eta zerbitzua ematen duen eremuko bizilagun asko ez daude pozik bertara iristeko dauden sarbideekin. “Bi hilabete daramagu Pasaiako herritarrek obren arduradunen zein instituzioen zentzugabekeria pairatzen”, esan dute Herrera Herrira batzordekoek zein Altza eta Herrerako Harripe auzo elkartekoek. Eurentzat, “sinestezina” da erakundeek “XXI. mendean bertan, eta herritarrak sortu ez dugun krisi garaian, horrelako egitura batean dirutza gastatzea, eta gainera, 10.000 lagun baino gehiago topo geltokirako sarbide duinik gabe geratzea”. Gaineratu dutenez, hori gertatuta ere, “inor ere ez lotsatzea” salagarria da. Hala ere, jokabide horrek harritzen ez dituela argi utzi nahi izan dute. “Ez gaitu harritzen, zeren eremu hori giltzarria da herriarentzako lurrak berreskuratzeko borrokan. Bertan herritarrek zein udalak berak proposatutako egitasmoak garatzea nahi dugu. Eurek dituzten asmoak —lurrak saldu eta dirua lortu— aurrera eramaterik izan ez dutenez, oztopo berri batekin zigortu gaituzte, gure eremuaren antolaketa deseginez”, azaldu dute batzordeak zein auzo elkarteak. Horregatik, topoaren sarbidea “duintasunik gabekoa, logikarik gabekoa eta burugabea” dela uste dute. Trintxerpetik martxa Arrazoi horiengatik guztiengatik, inguruko herritarrak (Herreran, Gaiztarron, Bidebietan, Trintxerpen eta San Pedron bizi direnak) mobilizatzera deitu dituzte. Egindako “burugabekeria” salatzeaz gain, Kaiko Herreraren Antolamendu Egitasmoarekin bat egiteko eskatu diete. Martxa bat egingo dute Trintxerpeko [...]

Aupa La Basca gazte taldeak, Ero-erokeia 2 izeneko jaia antolatua zuen etzirako, egun guztirako. Eguraldiaren iragarpena ikusita, ekitaldi gehienak bertan behera uztea erabaki dute antolatzaileek. Ekitaldi bakarra mantenduko dute, eta Landetxen egin be...

Laguntza eskatu dute Olentzeroren etorrera prestatzeko eta txondorra itzaliko duten ekitaldirako Olentzeroren Laguntzaileek, Olentzeroren etorrera prestatzeko, bigarren bilera egingo dute etzi. 16:30ean izango da, udaletxean. Herritarrei parte hartzeko...

Irungo Kirolaren Gala egin zuten herenegun arratsean Amaia Kultur Zentroan. 2012ko hiriko kirolari onenen saria Teresa Errandonea atletak eta Ander Elosegi piraguistak jaso zituzten, eta talde onenaren oroigarria Leka Eneari eman zioten. Horrez gain, Londreseko Olinpiar Jokoetan izandako Julen Aginagalde eskubaloi jokalaria eta Kako Aranburu tiratzailea ere gogoan izan zituzten galan, baita Irungo harrobiko futbol taldeak ere

Gabonei begira jarri dira Irungo dendak. Herritarrek hirian erosketak egiteko eta aisia tarteak baliatzeko hainbat ekimen antolatu dituzte udalarekin elkarlanean, Zatoz Irunera, zinema Gabonak ospatzera leloarekin. Hala, 300 saltokik bat egin dute ekimenarekin, eta dekorazio komuna jartzeaz gain, sariak emango dizkiete bezeroei. Horri guztiari Gabonetako egitarau berezia erantsi behar zaio, udalak jarritako kaleko argiak tartean: “Hiria girotuko dute, era jasangarrian”. Atzo abiatu zuten Gabonetako kanpaina 300 denda horiek. Komertzioen atarian alfonbra gorriak jarri dituzte, Gabonetako pinua, eta binilozko gaiak. Herenegun egin zuten ekimenen aurkezpena, eta Jose Antonio Santano alkateak azaldu zuen tokiko ekonomiarentzat data esanguratsuak direla, “horregatik, komertzioa dinamizatu behar da, herritarrek bertan erosketak egin ditzaten”. Mugan elkarteko Jose Antonio Bermudezek esan zuen kalean giroa egotea garrantzitsua dela, eta horrek ekarriko duela hiritarrek bertan erosketak egitea. Hartara, Mugan elkarteko bazkideez gain, MercaIruneko, Uranzuko azokako, eta Mendibil merkataritza guneko dendek ere bat egin dute kanpainarekin. Dibulitoon-en azken lana Kanpainaren barruan zinemarekin eta aisiarekin harremana duten zozketak egingo dituzte dendetan. Batetik, Ficoban jarriko duten Gabonetako Haur Parkerako 500 sarrera banatuko dituzte: hilaren 22tik urtarrilaren 4ra zabalduko dute, 15:00etatik 20:00etara. Bestetik, Dibulitoon Studios ekoiztetxe irundarraren azken lana ikusteko 1.000 sarrera emango dituzte. El corazón del roble (Haritzaren bihotza) izena du marrazki bizidun lan [...]

Sur de China –Txina hegoaldea– ikus-entzunezko lanaren emanaldia antolatu du udalak biharko, Zure Abenturaren Bila programaren baitan. Iñaki Capeotxiki argazkilari eta egileak aurkeztuko du dokumentala Amaia KZn, 19:30ean. Egileak Yunnan, Gizhou eta Guangxi probintzietan barrena egindako bidaia aurkeztuko du, Hong Kong hirian bukatzeko. Txina hegoaldeko Kunmming hiritik hasita, pixkanaka iparralderantz abiatzen da, Xi Shan, Weishan, Dali, Lijiang eta Tigrearen Arroilak bisitatuz. Hala, Zhongdianera (garai bateko Shangri ospetsua) iritsiko da, Tibet inguruko mendietan. Guizhou probintzian, berriz, paisaia karstiko ugari bisitatuko ditu, miao eta dong etnietako landatarren artean murgilduz. Guillinen, Li ibaian barrena nabigatuko du, ibaitik bertatik sortu eta azaleratzen diren landarediz estalitako pinakuluen erditik zeharkatuz. Bukatzeko, Canton eta Hong Kong hiriak bisitatuko ditu.

Larunbatean urteko azken partida jokatuko du etxean Bidasoa-Irun eskubaloi taldeak. Multzoko talde indartsuena izango du bisitari, Bartzelona B, eta katalanen aurka iaz bete ziren bezala, Artalekuko harmailetako eserleku bat bera ere hutsik ez geratzea nahi dute klubetik. Kirol arlotik duen erakargarritasunaz gain, larunbateko lehiak beste osagarri batzuk izango ditu, haien artean Borja Burguete jokalariari egingo dioten omenaldia. Hori eta beste berrikuntzak aurreratu zituzten atzo goizean Artalekun. Iaz bezala, urtea bukatzeko Irungo eskubaloi taldeak elkartasun keinu bat egingo du, eta Caritasekin batera, Kilo operazioa abiatuko dute, Jose Angel Sodupe presidenteak azaldu zuen bezala. “Gauden bezala egonda denek ezin dute modu berean Gabonetaz gozatu, eta horregatik, Bartzelonaren aurkako partidako ikusleei eskatzen diegu galkorrak ez diren elikagaiak ekartzeko, behar dutenen artean banatzeko”. Zerbait eramaten duen bakoitzari zozketa baterako zenbaki bat emango diote eta atsedenaldian Bidasoa taldeko produktuen sorta bat zozkatuko dute. Hori ez da egingo duten zozketa bakarra. Izan ere, Bidasoaren babesle den Oiarzabal Perfumeria dendaren produktuak zozkatuko dituztela gaineratu zuen Sodupek: “Aspaldi esan ziguten asmo hori zutela eta larunbateko partida egokiena da, urteko azkena delako, Gabonak datozelako eta jende asko espero dugulako”. 2012ko azken partidarako antolatuko dituzten ekintzez gain, Bartzelonaren aurkako garaipena eskaini nahi diete zaleei, baina Salva Pombar kirol arloko zuzendaritzako [...]