Igandero egitasmoaren baitan, udalak eta Parean Elkarteak Igande Sasoi topaketa antolatu dute igande honetarako, 10:00etatik 13:30era. Helburua da emakumeen kirola sustatzea.
Urteurren berezia behar bezala ospatzeko, noizbait ikasle, irakasle edo langile izan direnek bazkaria erraldoia egingo dute.
Gizon nahiz emakumeen taldeek Europako Kopako sailkapen faseko lehiak izango dituzte asteburu honetan: gizonek Kroazian eta emakumeek Kordoban.
Mahai teniseko Emakumeen Superdibisio ligako Leka Enea taldeak 0-4 galdu zuen igandean, Galiziako Arteal-Santiago taldearen aurka. Olatz Zuaza, Maria Izquierdo eta Paula Bueno Leka Eneako jokalariek ez zuten partidarik irabazi. Porrotaren ondotik, sail...
Leka Enea mahai tenis klubeko taldeek 2012-2013 Ettu Cup Europako Ligako sailkapen partidak jokatu zituzten iragan asteburuan. Superdibisio Ligari hasiera eman ez dioten arren, Europarako txartela lortzen saiatu dira eta lehen aldiz, emakumeen eta gizonen taldeek jokatu dituzte sailkapen lehiak. Gizonen taldeak hurrengo partidarako txartela lortu du; emakumeen taldea, aldiz, kanporatua izan da. Domotekhnika talde ukraniarraren eta Carinthiawinds Villacher talde austriakoaren aurka aritu da Leka Eneako emakumeen taldea, Austrian. Bi kasutan, 3-0 galdu dute irundarreek. Klubaren arabera, “esperientzia oso garrantzitsua da, eta aurtengo taldea oso gaztea da, 17 eta 19 urte artekoa”. Leka Eneako gizonen taldea bestalde, hobeto aritu da kanporaketa partidetan. Hala, Austriako Sportklub Wien eta Hungriako Floratom taldeak hartu ditu etxean, eta 3-0 irabazi du bi kasuetan. Hurrengo lehia Txekiar Errepublikan izango dute, eta Bosniako, Israelgo eta bertako taldeen aurka lehiatuko dira, datorren urriaren 7an eta 8an. Superdibisio Liga Espainiako Superdibisio Liga heldu den asteburuan hasiko da. Hala, Leka Eneako gizonen taldea Zoltan Batorfi jokalari eta entrenatzailearen zuzendaritzapean ariko da. Lehen partidan Caja de Burgos taldearen aurka lehiatuko da, larunbatean, 19:30ean, Hirubiden. Era berean, emakumeen taldeak ere Superdibisio Liga hasiko du, eta Aviles taldearen kontra jokatu du larunbatean, Asturiasen (Espainia). Harrobia indartzen Leka Eneatik nabarmendu dutenez, ahalegin berezia [...]
Europako ETTU Kopako final zortzirenetan aritzeko eskubidea irabazi zuen asteburuan Leka Enea Mahai Tenis Elkarteko gizonen taldeak. Roskilden (Danimarka) zuten jokoan irundarrek hurrengo fasera sailkatzeko lehia, beste hiru talderekin batera: Soko Kra...
Irungo Leka Enea mahai tenis taldeko neskek hasiera bikaina eman zioten denboraldiari, igandean Krafft Atletico San Sebastianen aurka irabazita (4-1). Giro oso ona izan zen Hirubide Institutuko kantxan, eta ez zen gutxiagorako, aurreneko aldia baitzen Gipuzkoako bi talde elkarren aurka aritzen zirela emakumeen maila gorenean. Etxekoen artean Kelly Sibleyk bere maila erakutsi zuen; Britainia Handiko txapeldunak partida guztiak irabazi zituen, banakako biak —Marta Vegaren eta Tin Yuanen aurka (3-0 eta 3-2)— eta binakakoa Tong Tangekin bikotea osatuz —Tian Yuan/Vegaren kontra (3-1)—. Tang txinatarra Susana Geari gailendu zitzaion (3-0) eta Irene Muñozek ezin izan zuen donostiarren Txinako jokalaria menderatu (1-3). Mutilen porrota Gizonen Superdibisioan ere estreinako jardunaldia jokatu zuten asteburuan. Leka Eneak iazko denboraldiko txapeldunaren kantxa bisitatu zuen, DKV Borges taldearena. Erraz nagusitu ziren etxekoak (3-0), irundarrei aukerarik txikiena ere eman gabe. Datorren larunbatean jokatuko dute bigarren jardunaldia: Arteal Santiago taldea mendean hartzen saiatuko dira irundarrak, Hirubiden. Gain Gaineko zentroari argi berdea eman diote Irungo Udalbatzak Gain Gainean eremuan xehetasun azterketa egitea onartu zuen herenegun eginiko ezohiko bilkuran. Erabaki horrekin Prudencia Arbide eta Olaketa kaleetako hirigintza biribildu eta etorkizunean parkearen goialdean eraikiko duten Mahai Tenisaren Teknifikazio Zentroko lanak abiarazi nahi dute. Leka Enearen esku Herenegungo bilkuran ez zuten etorkizuneko zentroaren kudeaketaz [...]
Leka-Enea mahai tenis taldeak garaipen erreza eskuratu zuen larunbatean superdibisioko 11. jardunaldian, Termotur Calellaren aurka (Bartzelona, Herrialde Katalanak) Hirubiden jokatutako lehian (3-0). Horrela, Sonia Etxazarretari prestatutako omenaldia ...
Txilibitua, errebikoitza eta partxea jotzeko ikastaroak Leka Enea ikastetxean izango dira, 11:00etatik 13:00era. Tailer irekiak dira.
Alarde Publikoko konpainiak larunbat honetan antolatu du instrumentuak jotzeko lehen hitzordua. Leka Enea ikastetxean izango da, 11:00etatik 13:00era.
Leka-Eneako mutilek ezin izan dute Europako Kopako hirugarren faserako sailkatu hiru partidatik bakarra irabazita. Neskek hiru partidatik bi irabazi arren, ezin izan dute aurrera egin.
UCAM Cartagena taldearekin Irunen berdindu eta gero (3-3), Gizonen Superdibisioko lidergoan jarraituko du Leka Eneak, baina Arteal Santiagorekin berdinduta. Galiziarrek DKV Borgesen kontra irabazi zuten. Partida nola joan zen ikusita, Cartagenaren kontrako berdinketa ontzat eman dezakete irundarrek, 1-3 galtzen egon zirelako. Banaka, Leka Eneako hiru jokalariek partida bana irabazi zuten. Murtziarren artean Wang Jianan txinatarra izan zen hoberena, bi partzialak irabazita. Lehen lehian Zhang Shiningen kontra irabazi zuen Jiananek, baina Zoltan Batorfik Jose Antonio Montalban hutsean utzi zuen, banakoa ezarriz. Hurrengo bi puntuak kanpokoentzat izan ziren: Andrei Birlanek Endika Diezen kontra irabazi zuen, eta Jianan, Batorfiri nagusitu zitzaion. Markagailuan 1-3ko emaitza zela, presioari ondo eutsi zioten Siningek —Birlanen kontra— eta Diezek —Montalbanekin—, eta lehia orekatzea lortu zuten. Leka Enearen berdinketa eta Artealen garaipenaren ondoren, sailkapena estututa geratu da lehen postuetan. Seigarren jardunaldia jokatuta, Leka Enea eta Arteal bederatzi punturekin daude lehen postuan, CajaSur Priego zortzi punturekin hirugarrena da—partida bat gutxiago jokatuta—, DKV Borges zazpirekin laugarrena, eta sei punturekin hiru talde daude. Nesken porrota Emakumeen Superdibisioko taldeak bi partida jokatu ditu asteburuan, eta biak emaitza berberarekin galdu ditu (0-4). Larunbatean Mataroren aurka jokatu zuten bosgarren jardunaldiko partida, eta herenegun Collosak menderatu zituen irundarrak. Leka Eneako neskak hamargarren jarri dira sailkapenean, garaipen [...]
Irungo Udaleko Gizarte Ongizate arloak, La Caixa fundazioarekin eta Izarbide elkartearekin elkarlanean adineko pertsonei zuzendutako tailerrak antolatu dituzte. Jendea 3.0 programaren baitan kokatzen dira tailerrak eta bertan parte hartu nahi duten lagunek, izena eman dezakete dagoeneko. Tailerrak Luis Marianoko zentroan eta Leka Eneako zainpeko etxebizitzetan garatuko dira. Osasunarekin lotutako tailerrak izango dira Luis Marianon garatuko direnak. Irribarre batekin esnatzea tailerra atsedenarekin lotuta egongo da. Hau da, lo egiterako garaian arazoak dituzten pertsonei zuzenduta dago, eta atseden hartzen ikasteko zenbait estrategia landuko dira bertan. Tailerra abenduaren 3, 4 eta 5ean izango da, 17:00ak eta 19:00ak bitartean. Luis Marianoko zentroak hartuko duen beste ikastaroa Zahartze aktiboaren garrantzia izango da. Bertan, gorputza eta garuna nola funtzionatzen duten aztertzeaz gain, nola zahartzen diren ere ikertuko dute parte hartzaileek. Zahartzearen ondorioak -gaixotasunak barne- ikustea eta bizimodu aktiboaren garrantziaz jabetzea dira xede nagusiak. Abenduaren 10, 11, 12 eta 13an garatuko da tailerra, 17:00etatik 19:00ak bitartean. Leka Eneako etxebizitzak Irakurle handiak tailerra antolatu du Gizarte Ongizate arloak Leka Eneako babespeko etxebizitzetan. Adineko pertsonen topagune izatea, eta komunikazioa eta gizarte harremanak lantzea dira tailer horren helburu nagusiak. Tailerra astelehenetan egingo da: azaroaren 5, 12, 19 eta 26an eta abenduaren 3 eta 10ean, goizeko 10:00etatik 12:00etara bitartean. Horiek horrela, [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
