Zabalik jarraitzen du ikasmateriala tokiko saltokietan erosteko diru laguntza lerroak
200.000 euro bideratu ditu udalak laguntza lerro horretara eta irailaren 30era arte egin ahalko dira eskaerak.
Ikasmateriala erosteko diru laguntza lerroa zabalik du Irungo Udalak. Erosi eta ikasi Irunen diru laguntza programak zabalik jarraitzen duela gogorarazi du Irungo Udalak. Hezkuntza eta Hiri Bultzada udal arloek sustatutako programaren bidez ikasmateriala erosteak suposatzen duen diru inbertsioari aurre egiten lagundu nahi diete hiriko familiei, eta gainera, Irungo merkataritzari hauspoa eman.
Programaren hamabigarren aldia da aurtengoa.
Eskaerak egiteko aukera irailaren 30era arte izango da zabalik, eta Irunen erroldatuta dauden eta derrigorrezko hezkuntzan —Lehen Hezkuntzan, Bigarren Hezkuntzan edo Oinarrizko Lanbide Heziketan— matrikulatutako haur eta gazteak dituzten familiek egin ahalko dute diru laguntza eskaera hori.
Laguntzen zenbatekoa 160, 125 edo 100 eurokoa izango da, familia unitateko kide guztien errentaren arabera. Baldintza guztiak hemen klik eginda kontsulta daitezke.
Laguntzak online eska daitezke (klik hemen) sinadura elektronikoa dutenen kasuan; bestela, Herritarrentzako arreta Zerbitzuan.
