Ikasmateriala erosteko diru laguntzen deialdia zabaldu dute
Irailaren 30era arte iraungo du eskaera egiteko epeak eta hiriko establezimenduetan egin behar dira erosketak.
Erosi eta Ikasi izena du ikasmateriala hiriko dendetan erosteko laguntzaren deialdiak eta hamabigarren edizioa izango dena ja martxan dago. Diru laguntza hau eskatzeko epea irailaren 30era bitartekoa da.
Familiek ahalegin ekonomiko handia egin behar dutela oroitu du Sandra Caballero Hezkuntza eta Gazteria ordezkariak eta haien beharrei erantzuteko jarraituko dutela programarekin. Ekitate printzipioetan oinarritu dira.
Aurrekontua 200.000 eurokoa da eta eskatzaileek parte hartzeko bete beharreko baldintzak beste urtetako antzekoak dira. Oinarrian betetzeko garrantzitsuena da Irungo saltokietan egitea erosketak:
- Irunen erroldatutako eta DBH, LH edo Oinarrizko Lanbide Heziketan matrikulatuta dauden haurren familiak.
- Ez da beharrezkoa eskabidea aurkezteko epearen barruan faktura originalak aurkeztea: faktura eskaneatuak aurkez daitezke, originala gordetzen bada betiere; izan ere, aurrerago lagin batzuk hautatu eta faktura batzuk eskatuko dira. Faktura horiek aurtengo ekainaren 21etik irailaren 30era bitartekoak izan beharko dira.
- Udalaren egoitza elektronikoaren bidez aurkeztu behar dira fakturak.
Laguntzen zenbatekoa 160, 125 edo 100 euro izango dira, familia unitateko kide guztien errentaren arabera.
- Urtean 30.500 eurotik beherako diru sarrera gordinak dituztenek familiek 160 euro jasoko dituzte gehienez.
- Urtean 30.500,01 eta 44.500 euro arteko diru sarrera gordinen artekoek, 125 euro jasoko dituzte gehienez.
- Urtean 44.500,01 eta 58.500 euro arteko diru sarrera gordinen artekoek, 100 euro jasoko dituzte gehienez.
- Urtean 58.500,01 eurotik gorako errenta gordinak dituztenek ez dute laguntzarik jasoko.
Aurrekontuaren parte izan daitezkeen materialak honako hauek dira:
- Idazteko materialak eta material suntsikorrak (arkatzak, boligrafoak, ezabagailuak, klipak, zorrozkailuak, erregelak, eskuairak, kartaboiak, angelu garraiagailuak, rotringak, koadernoak, folioak, material informatiko suntsikorrak)
- Material ez-suntsikorra (paper zorroak; karpeta sailkatzaileak; artxibagailuak; estutxeak; kalkulagailuak; konpasak; motxilak; testuliburuak, Testuliburuen eta Curriculum Materialen Kudeaketa Solidarioa egiteko Programaren barrukoak eta digitalak barne; bereizgailuak).
- Eskolarako beharrezkoak diren jantziak (uniformeak, batak barne; betaurreko edo lentilla zuzentzaileak; Gorputz Hezkuntzarako beharrezkoak diren kirol jantzi eta oinetakoak).
- Arte Hezkuntzako, Plastikako eta Ikusizko Hezkuntzako, Teknologietako eta Musikako eskulanetarako elementuak (argizariak, olioak, pinturak, pintzelak).
- Ikastetxeak zirkular bidez berariaz eskatzen duen beste edozein material.
