Artiako ezkien aldeko 4.000 sinadura aurkeztu dizkiote alkateari
Sinadurez gain, Jose Antonio Santano alkateari lau eskaera zehatz egin dizkiote Artiako Lagunak taldeko kideek.
Joan den asteko proiekzioaren irudi bat. Juan Thalamas Labandibar kaleko ezkiek babes handia jaso dute azken asteotan. Bertako ezkien defentsan, dagoeneko 4.000 sinadura inguru bildu dituzte Artiako Lagunek. Gaur bertan bidali dizkiote sinadurak Jose Antonio Santano alkateari. Keinu sinboliko bezala, ezki baten adarra jarri dute udaletxearen atarian. «Alkateak ez du Artiako Lagunak elkarteak eta 40 elkartek Arartekoari eskatutako dokumentazioa eman. Ez die erantzun Artiako ezkiak defendatzeko behin eta berriz egindako eskaerei», diote amorruz.
Sinadurez gain, alkateari ondorengo lau konpromiso hauek hartzeko eskatu diote:
- Arartekoari orain arte eskatutako dokumentazioarekin emandako erantzuna.
- Artia auzoko Juan Thalamas Labandibar kaleak orain eta etorkizunean ezkien lerrokadura osoa zaintzeko eta mantentzeko konpromisoa.
- Doctor Arbol enpresaren txostenaren proposamenen gauzatzea, mantentzea (epe labur eta luzera) eta jarraipena egiteko konpromisoa hartzea, Doctor Arboleko teknikariak gainbegiratuta, udaleko teknikariekin eta udaleko zuhaitzen mantentze lanez arduratzen den enpresarekin batera.
- Juan Thalamas Labandibar ezpondan galdutako zuhaitzen kopurua gutxienez bi metroko altuerako zuhaitzekin ordezkatzea.
Erlazionatutako edukiaArtiako ezkiak zaindu eta kontserbatzeko lanak hasi ditu udalakEzkiak babesteko borrokan jarraitzen dute Artiako LagunekEzkien mozketa gelditzea lortu dute Artiako LagunekArtiako ezkien mozketa gelditzeko eskatu diote Arartekoari
