
Amaia eta Aitor Merinok zuzendutako Asier ETA biok dokumentala proiektatuko dute ostiral honetan, hilak 13, Itsas Etxea Auditoriumean. Euskal gatazka laguntasunaren ikuspegitik aztertzen du dokumentalak eta crowfunding bitartez finantzatu zen. Sarrerak 4 euroko prezioa du.

Hilaren 12tik 15era surf eta moto zaletasunak uztartzen dituen Wheels & Waves jaialdia egingo dute Miarritzen (Lapurdi). Ostiralean Hondarribira hurbilduko dira, Jaizkibel mendian martxa egin eta herrian itzuli bat emateko.

Hondarribia Arraun Elkarteak urrezko zazpi domina, zilarrezko 11 eta brontzezko beste hiru lortu zituen larunbatean Orion egin zen Gipuzkoako Aulki Mugikorreko Txapelketan. Lurraldeko ligako azken jardunaldia ere izan zen.

HAPOak jasotzen duen etxegintza ereduaren kontra azaltzen da ezker abertzaleko taldea, "Basakoko inguruan merkatu libreko 300 etxebizitza eta babes ofizialeko 600dik gora egitea" aurreikusten duelako. Dokumentoa herritarren esku jartzeko eskatu dute, helegiteak aurkezteko aukera izan dezaten.

Trintxerpeko Ur-gaiñ elkarteak egoitza berriaren inaugurazioa ospatuko du larunbatean, bazkari batekin. Ostiralean, baina, ateak zabalduko dizkiete bazkideen senide eta lagunei, 18:00etatik 21:00etara, elkarte berria ezagutu dezaten.

Larunbatean eta igandean egingo dute Hondarribiko Erdi Aroko Azoka, goiz eta arratsaldez. Aurten, lehen aldiz, Kasino Zaharreko lorategietara iritsiko da garai bateko merkatua.

Epaiaren arabera, bereizi egin behar dira "erakunde terroristarekiko bat egite ideologikoa edo bere helburu politikoekiko ekarpena" eta "gizartean izua zabaltzeko ekintzak". Horrela saihesten da "indarkeriarekin zer ikusirik ez duten jarrerak delitu terroristatzat jotzea". Boto partikularra eman du Nicolas Poveda epaileak.

Hondarribiko Udalak, Bidasoko Kontsumitzaileen eta Erabiltzaileen Elkarteak (ACUBI) eta Emeki emakume taldeak, Kontsumobideko formazio eta informazio gunearekin elkarlanean, jardunaldi informatiboa antolatu dute hilaren 12rako, ostegunerako, Zuloaga Etxeko beheko solairuan, 18:00etan.

Garapen agentziak iazko balantzea aurkeztu du gaur San Markoko gotorlekuan. Bertan, agentziako arduradunez gain, eskualdeko alkateak zein iaz enpresa abian jarri duten hainbat lagun izan dira.

Hondakinen bilketaren inguruan antolatu duten mahai inguruarengatik zoriondu dituzte Pasaiako PSE-EEk Trintxerpeko atez atekoaren kontrako plataforma "aitortu, babestu eta zoriondu" nahi izan du lehengo asteartean Trintxerpeko alkateordetzan antolatutako mahai-inguruarengatik. Era berean, udal gobernu taldea kritikatu du,

Erdi Aroko Azokari lotuta eta hori ere ohitura zaharra bilakatuz, azokako argazki lehiaketa antolatu du Hondarribiko Udaleko Merkataritza eta Turismo sailak. Sari potoloak egongo dira lehen hiru sarituentzat, 500, 400 eta 300 eurokoak.

Beiraren birziklatze kopurua saritu zuten joan den hilabetean eta Portu auzoan biztanleko 5 kilo jaso zituzten beirarentzako edukiontzietan. Bigarren Irungo Behobia geratu zen, 4,9 kilorekin.

Jaizkibel Amaharri liburu mapa aurkeztuko dute gaur, asteazkena, Hondarribiko Olagarro elkartean, 19:30ean.