
Hondarribiko futbol elkarteko nagusien bi taldeek husna egin dute asteburuan, Ohorezko Mailakoak Bergaran eta Lehen Erregionalekoak etxean Mutrikurekin. Bi berdinketek euren postuari eusteko balio izan diete. Neskek, baina, porrot mingarria jaso dute Eibarren. Asteburuko albiste onena La Bacaladerak eman du igoera fasea jokatzeko lehian, bigarren postua berreskuratu baitu Erandiori irabazita.



Euskal mitologia ardatz duen Kimutx proiektu pedagogikoa aurkeztu dute gaur arratsaldean Oiartzungo udal aretoan. Hamarnaka haur eta guraso bildu dira bertan, Martin txiki, basajaun, aker eta gainontzeko lagunak gertutik ezagutu, eta haiei lotutako ipuin, kanta eta bertsoekin gozatzera. http://youtu.be/kibTWXVoDJY

Hondarribiko VIII. Rallysprinta jokatzen ari dira une hauetan. Orotara, 71 auto ari dira bertan parte hartzen. Eguraldia ez da gidarien lagun izaten ari, euria ari duelako eta hainbat tramo arriskutsu daudelako, bihurguneak batik bat. http://youtu.be/hOYni0C5JF0