Bihar, Irungo Urantzu pilotalekuan, skate eta scoot topaketa
Irristatzeko kirolak gustuko dituztenek bihar, igandean, horietaz gozatzeko aukera izango dute Irungo Urantzu pilotalekuan. Bertan egingo dute, 16:00etatik 19:00etara, Uranzu Scoot & Skate topaketa, Padel SUP Eskola HS2k antolatua, Irungo Udalaren laguntzarekin. Gazteentzako da ekinbidea.
Bertan skate eta scoot kiroletan pistak jarriko dituzte, eta horiek nola egiten diren azaltzeko tailerrak izango dira. 4 urtetik gorakoentzat dira jarduerak, eta parte hartzaile guztiek kaskoa erabili behar dutela esan du udaleko Kirol arloak. Sarrera ordaindu behar da, hiru eurokoa; hala ere, tailerretan parte hartu nahi ez dutenek doan izango dute sarrera Urantzura.
