
Oiartzungo Irrien Lagunek haurrekin hiru saioko parte hartze prozesua antolatu dute, Oiartzungo haurrek zer nolako aisia nahi duten jakiteko. Dagoeneko 150 haurrek izena eman dute. Saioak hiru larunbatetan egingo dira, 17:00etan: bihar, 17an eta 24an. ...

Marinel Azoka egingo dute lehenengoz, datorren asteburuan

Bakalau elkarteak antolaturik, tripotx jatea egingo dute gaur Xaia ostatuan. CEL 3 musika taldeak animatuko du gaualdia, irlandar musikarekin. Informazio gehiagorako eta erretserbatzeko, deitu 0559 20 76 10 telefono zenbakira.

Igande honetan Zu ere, On Kixote antzerki parte hartzailea taularatuko dute Zokoburuko Mendi Zolan kulturgunean, 18:00etan. Agerre Teatroa konpainiak eta Imuntzo eta Beloki trikitixa bikoteak sorturiko proiektu parte hartzailea da, herriko kultur elkarteen parte hartzea izan duena. Amicale Laïque elkarteko artista plastikoak, Akelarre taldeko dantzariak, eta Gaztelu Zahar eta Entzun abesbatzetako kantariak ariko dira konpainiako kideekin batera. Emanaldi esklusiboa izango da, Hendaian besterik ez dutena egingo. Agerre Teatroa konpainiatik aurreratu dutenez, Miguel de Cervantesen obra ezagunean oinarrituta dago Zu ere, On Kixote, baina zertzelada esanguratsuen bidez, aurkezten den tokiko historiara egokitu du egileak. Maite Agirre zuzendariak “erronka zoragarria” izan dela aitortu du: “jatorrizko istorioa goitik behera birplanteatu nuen, gaurko irudietatik eta sentsibilitatetik abiatuta”. Agirrek sortutako lanean Sancho Panza eta Teresa Panza dira pertsonaia nagusiak On Kixoterekin batera. Ikus-entzuleek “zaldun ibiltariaren figuran inspiratutako ikuskizuna” izango dute aurrean, “zaldun ameslari, bilatzaile eta erotua tokian tokiko istorioa idazteko aitzakia izan baita”. Txartelak atzo arte izan ziren salgai, baina igandean Mendi Zolanen ere erosteko aukera izango da, ikuskizuna baino lehen. Antolatzaileek garaiz joateko eskatu dute, tokia mugatua delako. Sarrera orokorraren prezioa 8 eurokoa da eta murriztua 5 eurokoa (12 urte arteko haurrak, ikasleak, langabetuak eta minimo sozialak kobratzen dituztenak).

Bost euskal presoen istorioa kontatzen duen Barrura begiratzeko lehioak dokumentala eskainiko dute heldu den larunbatean, hilaren 17an, Zokoburuko Antoine Abbadia aretoan. Sarrerak 5 euroko prezioa izango du. Barrura begiratzeko lehioak bost euskal pre...

Eleak mugimenduak martxan jarritako Gure Etxeko Ateak Zabalik Daude kanpainarekin bat egin du LAB sindikatuak, eta elkartasuna adierazi die espetxerako arriskuan diren Errenteria-Oreretako sei gazteei. Egungo testuinguru politikoan “guztiz zentzugabea” iritzi diote “jarduera politikoa kriminalizatu eta zigortzea”. LABen arabera, “aldaketa soziala eta politika benetako beharra dira langileentzat”, eta zentzu horretan, gazteen inplikazioa ezinbestekotzat jo du, “iraultza orororen motore direlako”. Sindikatuak gaineratu du “gazteria, gazteria konprometitua, gazteria antolatua eredu baten eraikuntzaren ezinbesteko osagarria” dela, eta ildo horretatik, gazte auzipetuek egindako lana goraipatu du. Espainiako nahiz Frantziako estatuei, berriz, “errepresio bideak atzean utzi eta Euskal Herrian agertoki demokratiko bat lortzeko deia” egin die.

Futbola Ohorezko Maila Hondarribia-Aurrera. Larunbata, 15:30ean, Hondartza futbol zelaian. Saskibaloia Emakumeen Liga Hondarribia Irun-Gran Canaria 2014. Larunbata, 19:00etan, Hondartza kiroldegian. Eskubaloia Euskal Liga La Bacaladera Hondarribia...

Igande eguerdian denboraldiko bigarren garaipena lortzeko helburuan kantxaratuko dira La Bacaladera Hondarribia eskubaloi taldeko jokalariak. Gure Auzune taldea izango dute aurrean, oraindik irabazi ez duten bi taldeetako bat —bestea Indupime Basauri...

Eskifaia Abesbatza kalez kale ariko da abenduaren 24ko eguerdian, Kantu Berri On! egitasmoaren bigarren ekitaldian. Horretarako, abesbatzakoak ez direnei astelehenero irekiko die egoitzako ateak (Jostaldi pilotalekuaren ondoan), 20:15etik 21:00etara. “Ekintza honen helburua gabonetan abestu nahi duten guztiei abesbatza irekitzea da”, esan dute Eskifaiatik. 16 urtetik gorakoentzat antolatutako ekimena da. Iaz egin zuten lehen aldiz eta gustura geratu ziren. “Hogei lagun batu zitzaizkigun abenduaren 24rako eta horietako hiruk, gainera, abesbatzan modu iraunkorrean sartzea erabaki zuten”, esan dute elkartetik. Horregatik guztiagatik, Eskifaiatik kantu zaletasuna duten guztiei dei egin diete parte hartzeko, edozein dela beren maila: “Entseguak oso arinak dira eta ez da beharrezkoa musika ikasketak edukitzea Kantu Berri On! ekintzan parte hartzeko” Informazio gehiago nahi dutenek Facebook orriaren bitartez edo 660 47 58 02 telefono zenbakira deituta egin dezakete.

Landare elkartea jo eta su ibili da lanean azkeneko urte eta erdian, eta horien artean baita Igor Elberdin ere (Orereta, 1976). Ordu batzuk baino ez zaie falta orain arte prestatutakoaren fruituak ikusteko, eta azken ukituak ematen ari dira orain. Nondik abiatzen da Irritxoen Eguna ekimena? Hamahiru urte inguru daramate ekimena egiten Pirritx eta Porrotxek. Guk ez dugu ezer sortu; egin duguna da lehen pribatuan egiten zen festa edo ekitaldi soil bat hartu, indartu eta kalera atera. Izugarrizko dimentsioa eman diozue festa horri. Herrian ez da inoiz halakorik egin. Hasieran ez genuen espero horren handia ateratzerik, baina azkenean hala atera da. Honetan daramagu lanean ia urte eta erdi. Egunean zehar boluntarioak izango dira postuetan, zenbat aurreikusi dituzue? 400 inguru boluntario egongo dira larunbat arratsaldetik igande gauera arte. Hasi muntaiatik, eta muntatutakoa kentzearekin bukatzeko. Zeintzuk dira festaren oinarriak? Euskara %100ean bultzatzea, haurrei zuzendutako eguna izatea, eta batik bat irritxoentzat. Merezi baitute horrelako egun bat edukitzea, ez delako inoiz halakorik egin. Horrez gain, irekia eta parte hartzailea izatea ere. Proiektu horren oinarrietako bat dira presoen haurrak. Zein toki izango dute? Hainbat gunetan askotariko ekimenak egingo dira, eta eurei zuzenduta joango da irekiera ekitaldia. Oreretako alkateak Alkate Txiki bat izendatuko du. Horren ondoren, antzerki [...]

Irri ñimiñoz beteko da Errenteria-Orereta etzi, Landare elkarteak antolatu duen Irritxoen Egunaren harira. Ezer ez da faltako, zehaztasun txikiena ere zaindu dutelako antolatzaileek. Horretarako, zortzi gunetan banatuta hamaika ekimenekin gozatzeko aukera izango dute bertaratzen diren haurrek bereziki, baina baita haien gurasoek ere. Puzgarriak, jokoak, txokolate jatea, erraldoi eta buruhandiak, dantzaldia… hamaika ekimen, txikienen irritxorik zabalena marrazteko. Inoiz egindako handiena Irritxoen Eguna ekimena ez da berez berria, aurretik, Hernanin, Andoainen eta Tolosan ere egin izan dute. Aurretik egiten zen hura hartu, eta dimentsio erraldoia eman dio, ordea, Landarek, “inoiz haurrentzat antolatu den egunik handiena” egi bihurtzeko. Izan ere, horixe izan da antolatzaileen helburua, haurrentzako festa erraldoia egitea. Horretarako, ordea, urtebeteko lana egin du Errenteria-Oreretako elkarteak, eta berarekin batera 400dik gora boluntario ariko dira haurrentzako egun handi eta ahaztezina antolatzen. Datozen urteari begira, Irritxoen Eguna antolatzeko ardura beste herri batek hartzea, eta horrela, urtez urte txandakatzen joatea da helburua. Zortzi gune erdialdetik hurbil Antolatzaileek zehaztu dutenez, hiru ardatz nagusi izango ditu jaiak: herrikoia, parte hartzailea eta euskalduna izango da. Horrekin batera antolatu dituzten ekitaldi guztiak, bazkaria eta Pirritx, Porrotx eta Marimototx pailazoen emanaldi “berezia” izan ezik, doan izango direla gaineratu dute. Azken horri dagokionez, gainera, “ohikoa” ez dela izango aurreratu dute antolatzaileek, [...]

Zintzilik irrati libreak 2012-2013 ikasturteko programazio berria aurkeztuko du bihar arratsaldean, 18:00etatik aurrera. Bi orduko irratsaio berezia egingo dute irratiko kideek: saio zahar eta berrien aurkezpena egingo dute, baita aurtengo kolaboratzai...

Kontseiluaren Euskaraz Bizi Nahi Dut kanpainarekin batera, hainbat ekintzaz gain, leloa irudi gisa hartuta kamiseta atera zuten, eta agortu egin zen. Orain, baina, Lezoko Oroitzene, Oreretako Xenpelar eta Oiartzungo Intxixu AEK-ko euskaltegietan salgai...

Bihar, Gran Canaria 2014 taldearen kontra jokatuko du Hondarribia-Irun saskibaloi taldeak etxean, Emakumeen Ligako bosgarren jardunaldian. Ligako lehen partida irabazi eta gero, hurrengo hirurak galdu dituzte hondarribiarrek, eta bihar garaipena behar ...

Ekologistak Martxan, Eguzki eta Haritzalde Naturzaleen Elkarteak “udal erabakiekin arduratsu eta errespetuzkoa den jarrera” hartzeko eskatu diote Gipuzkoako Foru Aldundiari. Ildo horretatik, “presazkoa” dela gaineratu dute ̶...

Ohorezko Mailako bederatzigarren jardunaldia jokatuko da asteburu honetan. Goiz da oraindik ezer gutxi argitzeko, baina emaitzaren batek talde bakoitzaren helburuak zeintzuk izango diren zehazten hasteko balio dezake. Hondarribiak bihar jokatuko du, 15...

Pasaia Kirol Elkarteak bigarren garaipena jarraian, denboraldian estreinakoz, lortu nahi du bihar arratsaldean Don Boscon. Elgoibar jasoko dute, 16:30etik aurrera. Antxotarrak 13. postuan daude, hamabi punturekin. Deba Barrenakoek sailkapenean puntu bat gehiago daukate. Donibane eskubaloia, etxean Joan den asteburuan atsedenaldia izan ondoren, Donibane eskubaloia lehiaketara itzuliko da. Denboraldiko lehen garaipena lortu behar dute, nola edo hala. Eibarko Haritza taldea jasoko dute kiroldegian, bihar, 17:00etatik aurrera.

Gitarra jotzea gustuko dutenek, eta batez ere, ikasteko gogoa dutenek, bihar arratsaldean aukera ona izango dute Trintxerpeko alkateordetzan. Gitarra clinic saioa izango da bertan, Christian Vidalen (Zarate, Buenos Aires probintzia, Argentina; 1972) eskutik. Gitarra jotzeko teknika eta metodoak erakutsiko dizkie Vidalek alkateordetzara hurbiltzen direnei. Saioa 17:30ean hasiko da, eta hamar euroko kostua izango du. Shop Circusek antolatuko du, Pasaiako Udaleko Kultura Sailaren laguntzarekin. Therion metal sinfoniko progresiboko talde suediarreko gitarrista da argentinarra, orain dela bi urtetik. Ibilbide luzea Vidal ibilbide luzeko gitarrista da. 1980an, zortzi urte zituela, hasi zen gitarra akustikoa jotzen, Laura Orozcorekin. Lau urte eman zituen berarekin. 1988tik 1990era arte gitarra elektrikoa ikasten aritu zen. Urte horretan bertan hasi zen gitarra eskolak ematen, hemezortzi urte besterik ez zituela. 1990eko hamarkadaren erdialdean musikaren teoria, armonia eta konposizioa eta orkestazioa ikasi zituen Buenos Airesekoak. Taldeei dagokionez, Cuero taldean parte hartu zuen 2002era arte. Eurekin demo bat eta disko bat argitaratu zuen, eta horrez gain, Metallicari Argentinan egin zioten disko tributoan (Mátenlos a todos) parte hartu zuten. Master of Puppets abesti mitikoarekin egin zioten ekarpena diskoari. 2002an eta 2005ean bakarka egindako disko bana kaleratu zituen Vidalek: lehenengoa instrumentala eta bigarrena El viaje izenekoa. Bigarren disko horretan rock instrumentala Argentinako musika [...]

Kintoen bazkarien denboraldia izanik, 1942an jaiotako errenteriarrek ere hainbat ekintza izango dituzte eurentzat hilaren 24ean. Hasteko, Madalena ermitan elkartuko dira 12:30ean meza entzutera. Ondoren, berriz, 14:00etan Batzoki jatetxean bazkalduko d...