
Gazte Informazio Bulegoan 821 kontsulta egin ziren aurreko ikasturtean. Hauen erdiak, kontsulta informatiboak izan ziren eta gainerakoak, izen-emateak (Abaraxka ludotekan, udaleku irekietan, Gipuzkoako Foru Aldundiaren udalekuetan, Gazte Foruak eta kal...

Ugaldetxoko jaietako goitibehera jaitsierara animatzeko azken eguna gaur da. Apuntatzeko: ugaldetxokulturtaldea@gmail.com.

Atzo goizean hasi zen Portu auzoko berriritartze lanen hirugarren fasea, Zuloaga eta Itsasargi kaleei dagokiona. Guztira, 2,9 milioi euroko aurrekontua izango du faseak, eta hiru zatitan egingo da. Lehen zatia, atzo hasi zena, bi kaleen arteko biribilgu berritik Arrantzaleen Hermandadera iritsiko da. Lehen zati hau Gabonetarako bukatuko dutela uste du udalak, eta hirugarren fase osoa 2013ko ekainerako. Joan den asteko ostiralean aurkeztu zituzten lanak, udaletxeko areto nagusian. Bertan, Aitor Kerejeta Alkateak esan zuen obrak bi helburu nagusi dituela: “Helburu bat ikusten ez dena izango da, lurrazpikoa, hau da, saneamenduaren berritzea eta euri urak eta ur beltzak bereiztea, araztegiak garbitu behar duen ura garbitu dezan, eta denbora eta energia galdu ez dezan berez garbia den ura garbitzen. Eta bigarren helburua, ikusiko dena, hiritartzea izango da”. Kerejetak azaldu zuenez, lanen lehen bi faseetan berritu ziren Almirante Alonso eta Matxin Artzu kaleen hiritartzearekin alderatuta, aldaketa nabarmena suposatuko du Zuloagakoak. “Hiri erdigunea oinezkoentzat atseginagoa izateko xedearekin jarraituz, protagonista auzotarra izan dadin, baina ibilgailuaren garrantzia ere kontuan izanik, Zuloaga kalearen berriritartzea altuera berean egingo da; errepidea, espaloiak eta aparkalekuak kota berean egongo dira”, azaldu zuen Kerejetak. Aldaketak trafikoan Lehen lanak seinaletika enpresa batek egin zituen atzo. Izan ere, hasieratik trafikoan hainbat aldaketa eragingo dituzte lanek. [...]

Eskola Pilota egitasmoa aurten ere martxan jarriko dute Haurtzaro Ikastolan eta Elizalde Herri Eskolan. 2001 eta 2002 urteetan jaiotako neskekin lanketa berezia egin nahi dute aurten, “pilotaren eta palaren mundua ezagutu dezaten”. Hori del...

Gaur egun bizi dugun krisi ekonomikoak gogorki astindu du mundu osoko ekonomia. Merkatu pribatu zein inbertsore pribatu batzuen diru ase-ezintasunak sekulako zuloak eragin ditu eta zulo hori diru publikoz estali nahi dituzte. Gainera, banketxeek sorturiko diru zulo hori estaltzeko dirua emateaz gain erabat zentzugabeak diren azpiegitura erraldoietan (AHT, Supersur…) milaka milioi euro gastatzen dabiltza. Baina administrazio publikoaren kaudimentasuna ez da mugagabea, behiari esnea amaitzen zaion moduan, administrazioa ez da gai zulo hori ordaintzeaz gain bere beste betebeharrei aurre egiteko. Beraz, hemen kokatu behar dugu merkatuek erabaki eta estatu espainola aplikatzen ari diren hainbat neurri eta murrizketa. Haiek sortutako zuloa langileok eta gizarteko biztanle txiroenek ordaintzea nahi dute. Aspalditik esaten gabiltza haien helburua estatu ongizatearekin amaitzea dela, eta antza denez bide horretan lehen pausuak ematen hasiak dira. Urte askotako borroken ondorioz lortutako eskubide zibilak ezabatu nahi dituzte! Oiartzuarrak ere tamalez gurpil honen barnean gaude. Azken urteetan eman den enplegu suntsitzea izugarria izan da. Datuei begiratu ezkero Oiartzunen 2007ko abuztuan 291 langabe zeuden, 5 urte ondoren, 2012ko abuztuan hain zuzen ere, 532 langabe daude, ia bikoitza. Enpresei dagokionez daukagun argazkia oso kezkagarria da. Hainbat enpresek itxi egin behar izan dute (Iberemec, Dimp, Molpo, Oiarplas, Aramar, Sogefi…), hauen artean garrantzitsuena Ramon Vizcaino izan [...]

Irungo Udaleko Kultura eta Hezkuntza departamentuak zeramika udal tailerrean izena emateko epea abiatu du dagoeneko. Eskolak bi kategoeria ezberdinetan eskaintzen dira: hastapenaren modalitatean (I. maila) eta hobekuntza eta ikerketa modalitatean (II. ...

Pasaiako Kuadrillategi egitasmoan aritzeko lan poltsa ari da egiten Errenteria-Oreretako Lau Haizetara elkartea. Asteburuetan sei ordu lan egiteko da deialdia, ekainera arte. Ostirala baino lehen deitu behar dute interesdunek 688 68 00 53 telefono zenb...

Herriko lau ikastetxetako langileek, Koldo Mitxelena, Langaitz Ikastola, Beraun Berri eta Gamon, idatzi bat sinatu dute Espainiako Gobernuak hezkuntzan egindako erreformak direla eta. Bertan mobilizazioak egingo dituztela iragarri dute. Gaur, 17:00etan...

Sonia Diaz Poloniok Adur-Bidasoa XXI. pintura lehiaketaren sari nagusia irabazi du, Estereotipos-land lanarekin. Irungo Udalak jakinarazi duenez, 70 koadro lehiatu dira txapelketan; horietako 11 irundarrak. Horiek horrela, Sonia Diaz Poloniok 2.500 euroko saria jaso du. Ohorezko aipamenari dagokionez, Jeannie Matthews artistaren Nitescence obrak jaso du. Judas Arrietaren Los héroes no tienen patria –Heroiek ez dute aberririk– , Sebastian Ponteren L’Hiver tue-El invierno mata- Neguak hiltzen du eta Ion Andoni Urisabeleren Titulurik gabe obrek finalista diploma jaso dute. Aipatzekoa da gazte kategorian ez dela 400 euroko saria banatu. Epaimahaia, Javier Sagarzazuk, Helena Elbustok, Iñaki Moreno Ruiz de Eginok, Eugenio Ortizek eta Javier Arizabalok osatu dute. Sari banaketa eta erakusketa Irungo Udalak jakinarazi duenez, datorren urriaren 6an sari banaketa egingo da Amaia KZn eta ondoren, hautatutako 25 artelanekin erakusketa inauguratuko da, Amaia antzokian bertan. Erakusketaren ordutegia, astelehenetik larunbatera 18:00etatik 21:00etara izango da, eta jaiegunetan eta igandeetan aldiz, 11:30etatik 13:30era.

Pasaiako Portu Agintaritzako Mendi Kirol Elkarteak irteera egingo du larnbat honetan. Lapurdiko Urtsuia mendira (678 metro) joango dira. Izena eman nahi dutenek 943 35 18 44/333 (luzapena) telefono zenbakira deitu beharko dute, eta Anarengatik galdetu.