Makinak itzuli dira Portura
Atzo goizean hasi zen Portu auzoko berriritartze lanen hirugarren fasea, Zuloaga eta Itsasargi kaleei dagokiona. Guztira, 2,9 milioi euroko aurrekontua izango du faseak, eta hiru zatitan egingo da. Lehen zatia, atzo hasi zena, bi kaleen arteko biribilgu berritik Arrantzaleen Hermandadera iritsiko da. Lehen zati hau Gabonetarako bukatuko dutela uste du udalak, eta hirugarren fase osoa 2013ko ekainerako. Joan den asteko ostiralean aurkeztu zituzten lanak, udaletxeko areto nagusian. Bertan, Aitor Kerejeta Alkateak esan zuen obrak bi helburu nagusi dituela: “Helburu bat ikusten ez dena izango da, lurrazpikoa, hau da, saneamenduaren berritzea eta euri urak eta ur beltzak bereiztea, araztegiak garbitu behar duen ura garbitu dezan, eta denbora eta energia galdu ez dezan berez garbia den ura garbitzen. Eta bigarren helburua, ikusiko dena, hiritartzea izango da”. Kerejetak azaldu zuenez, lanen lehen bi faseetan berritu ziren Almirante Alonso eta Matxin Artzu kaleen hiritartzearekin alderatuta, aldaketa nabarmena suposatuko du Zuloagakoak. “Hiri erdigunea oinezkoentzat atseginagoa izateko xedearekin jarraituz, protagonista auzotarra izan dadin, baina ibilgailuaren garrantzia ere kontuan izanik, Zuloaga kalearen berriritartzea altuera berean egingo da; errepidea, espaloiak eta aparkalekuak kota berean egongo dira”, azaldu zuen Kerejetak. Aldaketak trafikoan Lehen lanak seinaletika enpresa batek egin zituen atzo. Izan ere, hasieratik trafikoan hainbat aldaketa eragingo dituzte lanek. [...]
Atzo goizean hasi zen Portu auzoko berriritartze lanen hirugarren fasea, Zuloaga eta Itsasargi kaleei dagokiona. Guztira, 2,9 milioi euroko aurrekontua izango du faseak, eta hiru zatitan egingo da. Lehen zatia, atzo hasi zena, bi kaleen arteko biribilgu berritik Arrantzaleen Hermandadera iritsiko da. Lehen zati hau Gabonetarako bukatuko dutela uste du udalak, eta hirugarren fase osoa 2013ko ekainerako.
Joan den asteko ostiralean aurkeztu zituzten lanak, udaletxeko areto nagusian. Bertan, Aitor Kerejeta Alkateak esan zuen obrak bi helburu nagusi dituela: “Helburu bat ikusten ez dena izango da, lurrazpikoa, hau da, saneamenduaren berritzea eta euri urak eta ur beltzak bereiztea, araztegiak garbitu behar duen ura garbitu dezan, eta denbora eta energia galdu ez dezan berez garbia den ura garbitzen. Eta bigarren helburua, ikusiko dena, hiritartzea izango da”.
Kerejetak azaldu zuenez, lanen lehen bi faseetan berritu ziren Almirante Alonso eta Matxin Artzu kaleen hiritartzearekin alderatuta, aldaketa nabarmena suposatuko du Zuloagakoak. “Hiri erdigunea oinezkoentzat atseginagoa izateko xedearekin jarraituz, protagonista auzotarra izan dadin, baina ibilgailuaren garrantzia ere kontuan izanik, Zuloaga kalearen berriritartzea altuera berean egingo da; errepidea, espaloiak eta aparkalekuak kota berean egongo dira”, azaldu zuen Kerejetak.
Aldaketak trafikoan
Lehen lanak seinaletika enpresa batek egin zituen atzo. Izan ere, hasieratik trafikoan hainbat aldaketa eragingo dituzte lanek. Aldaketa horietatik nagusienak hauek izango dira:
- San Pedro kalea irekita izango da astelehenetik igandera; denentzat libre izango da Miramarreko biribilgunetik Hotel Jauregi eta Erauskin farmazia arteko bidegurutzeraino; hori izango da kalearen irteera. Farmaziatik aurrera bizi direnek eta Arrantzale auzoko biztanleek jarraitu ahal izango dute San Pedro kaletik aurrera, eta kalearen zati hori sartzeko eta ateratzeko erabiliko dute.
- Matxin Artzu kalearen norabidea aldatuko da, Zuloaga kalearen zati bat itxiko dutelako. Hala, Matxin Artzu kalea erabiliko da Portutik ateratzeko.
- Almirante Alonsoko norabidea ere aldatuko da. Sarrera Itsasargi kalean izango dute auzotarrek eta irteera Matxin Artzutik.
Gabonen ondoren bigarren fasea egingo dute, Hermandadetik Mapfre aseguru etxeak dituen bulegoetaraino (elizaren parean), eta Itsasargitik Muelara doan zatiarekin hasiko dira, Hondar tabernatik abiatuta. Bigarren fasea hori aste santuirako bukatzea nahi dute.
Eta hirugarren faseak, pazko astetik ekainera iraungo duenak, Mapfretik Zuloaga kalearen bukaeraraino eta, Itsasargi kalean, Muelaraino izango du eragina.
Obren nondik norakoak azaltzeko, udalak 6.000 eskuorri banatuko ditu etxeetan, eta obren ardura duen enpresa tabernaz taberna eta dendaz denda dabil, lanak noiz eta nola egingo diren azaldu eta tabernari eta dendarien zalantzak argitzeko. Gainera, udal webgunean atal berezia jarri dute informazio osatuarekin.


