
Prebentzio Komunitarioko Udal Zerbitzuak Hondar Kirolak proiektua martxan jarri du aurten ere. «Aisia osasuntsuan» oinarrituta, gazteei topaketa eta parte hartze esparrua erraztu diete horrela. Hondar Kirolak programan herriko gazte boluntarioek lagunduko dute, zerbitzuaren teknikariekin batera, eta esparrua kudeatu eta dinamizatzeko aukera izango dute. «Hondar Kirolak hondartzako udal instalazioetan kirol animazioak egiteko ekimena da», esan du Txomin Sagarzazuk, Gazteria Saileko zinegotziak. Futbol eta boleibol partidak antolatuko dituzte batez ere, eta era berean, hala eskatzen duten gazteek, kirol materiala maileguan hartzeko aukera izango dute. Atzo jarri zuten martxan zerbitzua, eta hilaren 27ra arte izango da zabalik. Hondar Kirolak-en gunea asteartetik ostiralera irekitzen dute, 16:00etatik 20:00etara. Egitasmoari buruzko informazioa emateko etxola bat jarri dute hondartzan bertan. Herriko eskubaloi taldekoak izango dira bertan etzira arte. Futbola eta boleibola Prestatu dituzten ekimenen artean, Hondartza Boleibol Txapelketa egingo dute, hilaren 18tik 20ra, Fortuna Kirol Klubaren eta Gipuzkoako Boleibol Federazioaren laguntzarekin. Horretan parte hartu nahi dutenentzako izena emateko epea irekita dago, etxolan bertan. Hilaren 24tik 27ra, berriz, Hondarribia Beach Soccer Cup Txapelketaren hirugarren ekitaldia jokatuko dute. Bertako eta inguruko gazteei zuzenduta dago, eta izena, boleibolean bezala, hondartzako etxolan eman behar da. «Aurten ekimen berri bat martxan jarriko dugu, Udan Hondartzan Blagan izenekoa. Prebentzioko Zerbitzuko hezitzaileek eramango dute [...]

Urtero bezala, Santio Egunean kutxaren entregaren usadioa egingo dute arrantzaleek, arrantza oparoa izan dezaten. Aurten Naiara Zubillaga izango da Santio Eguneko jaiaren protagonista nagusia, hark eramango du kutxa buru gainean. Hiriko tradiziorik zah...

Karmengo Eguna ospatuko dute igandeko arratsaldeko bostetatik aurrera hirian. Ordu horretan egingo dute Portuko elizan errespontsuaren otoitza. 17:30ean Karmengo amabirjinaren irudia hartuko dute, eta prozesioan aterako dute Bentaraino, bertan ontzia h...

Jose Ramon Rudy margolari nafarraren lanak biltzen dituen erakusketa ireki dute Hondarribiko Kale Nagusiko Zuloaga Etxean. Rudyk paisaiak lantzen ditu, eta beraz, naturari eskainitako margolanak ikus daitezke. Erakusketa igandera arte bisitatzeko auker...

Ikuska, Pasaiako Film Laburren 14. Erakustaldia azaroaren 17tik 24ra izango da aurten. Antolatzaileek lanak jasotzeko epea zabaldu dute. Interesdunek irailaren 7ra arteko epea dute lanak bidaltzeko. Aurkezten diren filmak 2010ko urtarrilaren 1etik hona egindakoak izan behar dute, eta lehenago egindakoak ez dituztela onartuko ohartarazi dute. Filmak, gutxienez, 25 minutu iraun behar dute. Gaia eta generoa libreak dira eta filmak mutuak nahiz soinudunak izan daitezke. Hizkuntza aldetik, soilik aukeratuko dira elkarrizketak eta/edo azpitituluak -halakorik izanez gero- euskaraz edo gazteleraz dituztenak. Film laburrak bidaltzeko bi aukera daude. On line bidali daitezke, Ikuskaren web orriaren bitartez, Movibeta esteketan klikatuz, edo Nortasun Agiria eskaneatuta edo beste edozein informazio e-mail honetara bidalita: info@ikuska.net. Ohiko postaz ere bidali daitezke lanak, DVDko kopiarekin batera, ondorengoak atxikita: zuzendariaren edo ekoizlearen nortasun agiriaren zenbakia; Izen emateko orria beteta, (web orrian dago)edo bestela, izen-emate fitxan eskatzen diren datuekin betetako fitxa. Bi helbide hauetako batera bidali behar dira lanak: Trintxer Kulturala, Ulia etorbidea, 13 bis, behea, 20110 Pasaia, Gipuzkoa edota Trintxer Kulturala, 35. posta kutxa, 20110 Pasaia, Gipuzkoa. Sariak: IKUSKA 2010ko film labur onenari: 1200 euro. Epaimahaiaren sari berezia: 500 euro. Zuzendari onenari: 600 euro. Epaimahaiaren saria: 500 euro. Emakumezko aktore onenari: 500 euro. Xabier Portugal saria: 500 euro. Gizonezko aktore [...]

Lanbidea ikasi, DBHko titulua eskuratzeko prestakuntzarekin jarraitu, eta lanean hasi nahi duten gazteentzako da Pasaiako Udalak kudeatzen duen Hasierako Lanbide Prestakuntzako zentroa. Trintxerpen dago eta sukaldaritza eta iturgintza tailerrak eskain...

Ostiralerako eta larunbaterako antolatu dituzte kontzertuak, barrutian Karmengo Amaren jaiak antolatzen dituztela baliatuta. Ostiralerako, Thrash jaialdia antolatu dute, War-Head (Kroazia), FPV (Santurtzi), eta Hilotz (Lasarte) taldeekin. 21:00etan has...

Ergoiengo jaietan, ohi bezala, errifak saldu zituzten. Agertu da irabazlea: Andoitz Perez izan da, 7197 zenbakiarekin. Saria edo dirua zeukan aukeratzeko, eta irudian ikusten denez, Jai Batzordeko kideek txekea entregatu zioten irabazleari.

Joan den ostiraletik ikus daiteke madalenetako egitaraua herribizia.errenteria.net webgunean, eta Madalen bezperatik Santiago Egunera arte bost egunez izango diren ekintza guztiak zehaztuta daude bertan. Jaien aurreko ekintzak ere biltzen ditu egitarau...

Paco Bueno gimnasioko boxeolariek erakustaldia egingo dute Beraungo balioanitzeko pistan, larunbatean, 22:30etik aurrera. Paco Buenoko boxeolariak izango dira gehiengoak ringean, baina eurekin batera, Zumaia, Anoeta, Gasteiz eta Zaragozatik etorritako ...

Amalatz, Bilgune Feministak eta Garaipen emakume taldeek “iraintzat” hartu dute aurtengo madalenetan Josetxo Ule omentzea. Ule aurtengo txupinazoa jaurtiko duen Alabergako Tanborradaren zuzendari ohi gisa omentzea onartu du udalak Mit...

Kasino Zaharra Adinekoen Etxeak txango bat antolatu du hilaren 17rako Quelera (Errioxa, Espainia). 07:45ean aterako dira Alamedatik. Parte hartzaileek Almazara eta destilategi bat bisitatuko dituzte, eta ondoren bazkaria egingo dute hotel batean. Izena...

Imanol Carballo (San Pedro, 1981) kantautore gisa da ezaguna. Elkarrizketa, baina, San Pedron Proisaren alde eratu berri duten plataformako kide gisa erantzun du. Gizarte eta kultur eragile askok bat egin dute eraikinaren defentsan, udalak eraitsi dezakeelakoan. Udalak , publikoki behintzat, ez du Proisa eraisteko asmorik azaldu. Zuei hala jakinarazi al zaizue? Bai. Udalaren asmoa eraikina botatzea zela entzuten hasi ginenean, herriko jende batzuk gure artean hitz egiten hasi ginen asmo horren aurrean zerbait egiteko. Lehen deialdi bat egin genuen bilera bat egiteko, eta jende piloa agertu zen, batez ere, herriko elkarteak eta taldeak. Hurrengo bilerara jende gehiago etorri zen, eta udalarekin bilera egin genuenean 100 lagun azaldu ziren. Nola joan zen udalarekin bilera ? Hiru orduko bilera izan zen, oso bilera adeitsua. Guk beti positiboan planteatzen dugu hau guztia. Gu ez goaz inondik inora udalaren kontra, baizik eta Proisaren alde. Beti errepikatzen dugu ideia bera. Hiru ordutan mundu guztiak eman zuen bere iritzia, eta udalaren erantzuna une oro izan zen berdina. Proisa normatibatik kanpo dagoela diote, eraikinak arauak ez dituela betetzen, eta hori, noski, egia da, baina guk eskatzen duguna zera da: udalak Proisarekiko erabakia berriz planteatzea, beste jarrera batekin. Hau da, zer egin dezakete udalak edo herriak Proisari eusteko?. [...]

Pasaiako ezker abertzalearentzat, «maniobra politikoa» izan da Alduntzinen kontrakoa «Damak Alfil bat kendu digu. Partidak hasi baino ez du egin». Hala dio Pasaiako ezker abertzaleak Jaun Carlos Alduntzin Lurralde Antolaketa eta Ingurumen diputatu ohi kargutik kendu dutela-eta zabaldutako prentsa oharrak. Izan ere, ezker abertzalearen arabera, Alduntzinen kontrakoa «maniobra politikoa» izan baita: «Juan Karlos ez dute paretik kendu zabor poltsa batzuk direla medio», diote prentsa oharrean. «Gure buruaren jabe izan nahi badugu zer nolako prezioa ordaindu beharko dugun adierazi digute PPk, PSOEk eta PNVk», gaineratu dute. Edonola ere, Alduntzin kargutik kendu izana «Gipuzkoarentzat kolpe latza» izan dela aitortu dute, «are gehiago Pasaiarentzat», ezker abertzalearen iritziz «lurralde antolamendua udalerriaren biziraupenerako ezinbestekoa» delako. Alduntzinekin «harro» Ezker abertzalearen arabera, «aldundia berreskuratzea» da oposizioaren benetako helburua. «Hauentzat guztientzat aldundia bere jabetza da eta berreskuratu behar dute», diote. Hori aitortzeko ausardia, ordea, soilik PPko batzarkideari aitortu diote. Aitzitik, EAJri «adorea falta» zaiola salatu dute. «Jakin badaki Bildu aldunditik kentzea larrutik ordainduko lukeela hurrengo hauteskundeetan», ohartarazi dute. «Horregatik alfil-a hartu dute, gure gobernua zigortzeko, nekatzeko eta gure ustezko ez gaitasuna azaldu nahian». Ezker abertzalearen arabera, honek guztiak zaborra jasotzeko modu eraginkorrarekin baino, «ohiko politikoen jukutriarekin eta politika-zaborrarekin» du zerikusia. Pasaiako ezker abertzalea «harro» agertu da Juan Carlos [...]

Ana Konpañon Valdibieso. Prentsan irakurri dudanez, aurten Errenteriako Udalak Alabergako danborrada omendu nahi du, eta horien artean, Ule jauna. Hemendik nire erabateko ezadostasuna adierazi nahi dut. Guztiok dakigu Ule jaunak urte askotan zuzendu z...

Hankak dianaren perpendikularrean jarri, arkua esku batean, gezia jarri, soka kokotsaren azpialderaino tenkatu, objektibotik dianaren erdialdea bilatu, eta bota. Horiek dira arkua lehen aldiz botatzerakoan egin beharreko urratsak. Baina, Ostadar taldeak arku tiraketa hori baino gehiago dela erakutsi nahi du. Horretarako prestatzen dituzte urtero arku tiraketa jardunaldiak. Kirol hori zer den erakutsi, inoiz probatu ez duenari aukera eman, eta era berean, maila bat dutenak nola lehiatzen diren erakutsi nahi izaten dute Errenteria-Oreretako Fanderia futbol zelaian izandako jardunaldi horien bidez. Larunbat goizean, hain zuzen, hasiberrien txanda izan zen, eta ume zein heldu ibili ziren diana bete-betean emateko teknika barneratzen. Arratsaldean, berriz, goi mailako tiratzaileen txanda izan zen, eta Gipuzkoako Txapelketan aritu ziren, lehenengoz, herrian: Miren Ferrer izan zen onena arku errekurbatu eran emakumeetan, eta Sergio Fernandez, berriz, gizonetan. Gazteetan, Alaia Sanchezek lortu zituen puntu gehien. Hirurak Ostadar elkartekoak dira. 2006an hasi zen Txema Etxeberria Ostadarreko kidea, talde batekin elkarlanean, kirol horren formazioaren beharraz hausnartzen, eta orain urtebete hasi zen elkartea Langaitz Ikastolan egunero biltzen. Horren bidez, batik bat 8 urtetik gorako haurrak trebatzea da xedea, lehiatzeko adinako teknika har dezaten. Egun hamalau kide dira. Hala ere, Gipuzkoako Foru Aldundiak 14 urte bete arte haurren parte hartzea debekatzen du, eta pixkanaka hori [...]

Ezohiko udalbatzarra deituta dago gaurko, 19:30etik aurrera, Arizabalon. Aztertuko dituztenen artean dago, nahiko hautsa harrotu duen San Pedroko arrandegi berriaren ingurukoa. Horrez gain, Trintxerpeko jubilatuen etxeko taberna ustiatzeko hitzarmena, ...

Ekainaren 21ean jaso zuen Manuel Lekuona Saria Jose Luis Ansorena musikari eta apaizak (Donostia, 1928). Bere ibilbideari eginiko aitortza izan da, eta bere aurretik, Jorge Oteiza edo Menchu Galek jaso dute sari bera. Ibilbideak, ordea, aurrera jarrait...

Herri txapelketa egitea zuen helburu gazte asanbladako eskalada taldeak, joan den larunbatean Kabia Espazio Kreaktiboan antolatu zuen Oreretako I. Bloke Txapelketa Herrikoiarekin. Helburu hori lortu duten zalantzarik ez du eskalada taldeko kide eta txapelketaren antolaketa lanetan aritu den Arkaitz Anzak: “Oreretar askok hartu dutelako parte txapelketan. Datorren urtean antolatuko dugun zalantzarik ez dugu”. Guztira, 79 lagunek eman zuten izena, eta asko izan ziren ikusle gisa hurbildu zirenak. Horren harira, balorazio “oso positiboa” egin du Anzak. “Txapelketan parte hartzeko izena eman duten lagunen kopurua garrantzitsua da zalantzarik gabe, eta oso pozik gaude. Baina horrekin batera, txapelketan parte hartu duten askok mezuak helarazi dizkigute antolakuntzagatik zorionak emanez, eta hori are pozgarriagoa da”, nabarmendu du Gazte Asanbladako eskalada taldeko kideak. Bulderra egi bihurtzen Lagun gutxi batzuk hasitako lanari, beste batzuk gehitu, eta azkenean hamarreko taldea osatu zuten larunbateko txapelketa antolatzeko. Hilabete inguru eman dute txapelketa bera diseinatzen, eta muntaketan, Kabian bertan, astebete aritu direla azaldu du Anzak. Blokeak desmuntatzeko, berriz, bi egun behar izan dituzte; atzo bukatu zuten lan horrekin, eta orain bertako egur zatiak Zabalenea gaztetxera eramango dituzte. Bertan, gelatako batean, bulderra prestatzen ari dira eskalada taldekoak: “Burdinak jarriak ditugu jada, eta orain bloke txapelketarako margotu eta prestatu genituen egurrak bertarako baliatuko [...]

Erretiratuen egoitzako emakumeek ikasturtean egindako eskulanekin erakusketa zabalduko dute asteartean (hilak 17), kofradian. Ostirala bitartean izango da erakuskera bisitatzerik, 19:00etatik 21:00etara.