
Hilaren 26an Azken Portuko igerilekua ezingo da erabili arratsaldeko zazpiak eta erdietatik gaueko hamarretara, waterpolo partida bat jokatu behar dutelako. Bitarte horretan, bazkideek Artalekuko igerilekua erabili dezakete.

Euskal Herriko Unibertsitateak (EHU) bere eskaintzaren berri emateko jardunaldia antolatu du gaurko (osteguna) Reina aretoan. 18:30ean hasiko dira ematen unibertsitateari buruzko informazio orokorra. Jardunaldiaren helburua da EHUren eta etorkizuneko i...

Antxotarrok Historia Mintegiak erakusketa berria zabalduko du bihar Antxoko Kultur Etxean: Antxoko Musikariak. Abenduaren 4ra arte ikus daitezke Mintegiko kideek prestatu dituzten ehundik gora irudiak: Gelasio Aranbururen Scola Cantorum, Coral Pasaitarra, Antxoko txarangak eta fanfareak, sanferminetako peñak, edo Oskarbi taldea dira erakusketaren protagonistak. Irudi zaharrez gain, 1911 urte inguruko plano bat jarriko dute ikusteko, baita Antxoko zenbait eraikin historikoen maketak ere. 2012ko egutegia erosteko aukera ere izango da.

Nayade ahots zurien abesbatzak Santa Zezilia ospatuko du etzi, Juankaleko Amaren elizan emango duen kontzertu batekin. Fernando Botok zuzenduko du emanaldia, eta Josu Elberdin errenteriarra eseriko da organoaren aurrean. Honako abestiak kantatuko dituz...

Borobil Borobaldun… Afrikara bidaldu izenburupean Oihana Etxegibelek ipuinak kontatuko ditu gaur Antxoko liburutegian. Bihar, berriz, San Pedroko liburutegian izango da. Bi emanaldiak 18:00etan hasiko dira, eta biak dira 3 eta 8 urte bitarteko ha...

Gipuzkoako Foru Aldundiko arduradunek etxean egindako konpost lehiaketako sariak banatu zituzten herenegun arratsaldean aldundiko egoitza nagusian, Hondakinak Prebenitzeko Asteko egitarauaren barruan. Lehiaketan 53 lagunek parte hartu dute, eta epaimahaikideek konpostaren kalitatea hartu dute aintzat, saridunak nor diren erabakitzeko. Joseba Mitxelena Uitzi oiartzuarrak eskuratu du lehen saria (1.000 euro); Hernaniko Jose Mari Arandia Irazustak bigarrena (750 euro); eta Jesus Mari Ruiz Ilundain oiartzuarrak hirugarrena (500 euro). Epaimahaiaren erabakiz konpost onena hiru lagun horiek egin dute. Gipuzkoa osoko herritarrek parte hartu dute lehiaketan. Sari-banatze ekitaldian, konpostari buruzko liburu bana jaso zuten lehiaketako hamar finalistek. Kalitate oneko konposta Aldundiko teknikariek eta Domingo Merino Fraisoroko laborategiko zuzendariak osatu dute epaimahaia. Ekitaldian saritutako konposten kalitatearen inguruko azalpenak eman zituzten. Epaimahaikideen arabera, aurtengo lehiaketan maila handia erakutsi dute herritarrek eta zaila izan zaie konpostarik onena aukeratzea. Hondakin organikoak, bota ohi direnak, konpostatzea oso erraza dela erakutsi nahi dute lehiaketa horrekin, eta horrek agerian uzten du hondakin organikoak lehengai garrantzitsuak direla. Izan ere, Aldundiak gogorarazi duenez, konposta etxean eginez gero, lau kidez osatutako familia tipoak 320 kilo hondakin gutxiago sor ditzake urtean eta 80 kilo konpost lor ditzake. Azken batean, eguneroko ekintza errazen bidez hondakin kopurua nabarmen murritz daitekeela jakinarazi nahi du Aldundiak Hondakinak Prebenitzeko Aste horren [...]

Atzo hasi zen VIII. Enpleguaren Astea, Bidasoa Bizirik-ek El Espazio bulegoaren bitartez antolatzen duen urteroko ekimena. Atzotik eta hilaren 30era arte, lan eskariek eta eskaintzek elkar ikusiko dute Irunen, eta adostasun batera iristen saiatuko dira...

Olentzeroren etorrera prestatzeko lehenengo bilera larunbatean egingo dute, 17:00etan, Manuel Lekuona Bibliotekan. Olentzeroren etorreraren antolakuntzan parte hartu nahi duen, egunean bertan hurbilduko den edo proposamenak egin nahi dituen edozeintzat...

2012ko aurrekontuen gaineko lehenengo herri batzarra gaur egingo dute. Udaletxeko areto nagusian izango da, 19:30ean. Herritarrei batzarretan parte hartzeko deia egin diete udaleko kideek. Eguerdian, berriz, 2012ko aurrekontuak eta parte-hartze prozesu...

Elizalde Herri Eskolako eta Institutuko gurasoek batzarra egingo dute gaur, 17:00etan, jantokian. Guraso elkarteak pasa den ikasturteko jardueren laburpena egingo du, eta aurtengoen berri eman. Zuzendaritzek urteko planak aurkeztuko dizkiete familiei. ...

Portu Agintaritzako Mendi Taldeak irteera antolatu du iganderako. Oraingoan Brinkolatik Zumarragara arteko bidea egingo dute. Interesatuek 943 35 18 44 telefono zenbakira deitu behar dute.

Etxean ondo egitasmoan 40 adindu eta ezindu oiartzuarrek parte hartuko dute. Euren senideei egitasmoaren aurkezpena egin zieten pasa den astean Udaleko Gizarte zerbitzuetako arduradunek eta Matia Fundazioako kideek.

Gazte Asanbladak futbolin txapelketa antolatu du etzirako, 19:00etatik aurrera. Bikote bakoitzak hiru euro ordaindu beharko ditu izena ematerakoan. Aurrerantzean ostiralero eta larunbatero 18:00etatik 23:00etara gaztetxea zabalik izango da

Maria Rubio irundarrak grabatutako Run the world, fix the world (Korri egin mundua, konpondu mundua) izenburuko bideoak aukera asko ditu Bahco lanabes enpresak antolatutako Bahcotheoriginal nazioarteko lehiaketa irabazteko. Internet bidezko lehiaket...

Gero eta gehiago, genero indarkeriaren aurka. Gero eta elkarte gehiago, ekintza gehiago, parte hartzaile gehiago. Bihar Emakumeenganako Indarkeriaren Kontrako Nazioarteko Eguna da, eta gero eta gehiago dira egun horrekin bat egin eta emakumeen aurkako biolentziarik gabeko gizarte baten alde egiten dutenak. Urtero bezala, Irunen hamaika ekimen antolatu dituzte Azaroaren 25aren harira; aurten, iaz baino gehiago. Asteartean aurkeztu zituzten ekitaldi gehienak, udaletxeko bilkura aretoan. Bertan izan ziren Maite Cruzado Gizarte Ongizate Saileko ordezkaria, Alicia Mitxelena teknikaria, eta Gaurko Andreak, Argoiak, Uxoa, I-Romi eta On:Giz berdintasunaren aldeko eta emakume elkarteetako ordezkariak. Pausoka dantza estudioko kideak ere izan ziren bertan. Bilgune Feministak atzo eman zuen antolatutako ekintzen berri. Eguneroko lana da Gizarte Ongizate Saileko zinegotziak gogoratu zuen 1981. urtetik biharko eguna emakumeenganako indarkeriaren aurkako eguna dela. “Ordutik, data horretan, emakumeek jasaten dituzten indarkeria mota guztiak salatzeko eta arazo horri buruzko sentsibilizazio jarduerak” egiteko eguna dela nabarmendu zuen. Cruzadok, gainera, hiritarrei dei egin zien bihar arratsaldeko zazpietan Zabaltza plazan egingo den elkarretaratzera hurbiltzeko. Gizarte Ongizate Saileko ordezkariarentzat, “ezinbestekoa da urteko 365 egunetan genero indarkeriaren aurkako aktibistak izatea”, eta gazteek arreta berezia merezi dutela gaineratu zuen: “Biktima gehienak 25 eta 40 urte arteko emakumeak dira, eta erasotzaileen %30, 30 urtetik beherako mutilak dira”. Alicia Mitxelena [...]

Maddi Oihenart kantari zuberotarrak kontzertua eskainiko du datorren ostegunean Gezala Auditoriumean. Kontzertua 19:30ean hasiko da eta hamar euro balio ditu (lehiatilan bertan eros daitezke). Jakinarazi dutenez, pintxoak eta edariak izango dira bertan.

Larunbatean Kontsumo Arduratsuaren Azoka egingo dute Lezon. Herritarrentzako erakusmahaiak jarriko dituzte, eta gaur arte eska dezakete bere txokoa. Herritarrek zein elkarteek eskuko edozein material saldu dezakete: arropak, liburuak, jostailuak, etxeko tresnak… Horrela, herritarrek (edota elkarteek) erabiltzen ez dituzten objektuei irtenbidea eman nahi diete. Izan ere, azokaren helburua hondakinak murriztea eta berrerabiltzea da. Izena eman nahi duenak 943 49 22 15 telefono zenbakira deitu behar du, edo info@izadi21.net helbide elektronikora bidal dezake mezua. Konfirmatutako postuak Karlos Saldise plazan jarriko dituzte erakusmahaiak, 11:00etatik 14:30era, eta hainbat arlo jorratuko dituzte bertan. Bigarren eskuko objektuak salduko dituztenen artean euren presentzia ziurtatu dute Paleike elkarteak (paleak berrerabiltzen dituzte), Emausek eta Itsas Gelak. Hala ere, ez dira bakarrak izango. Herriko ikastetxeek ere postua jarriko dute, Eskola 21 Agendaren barrukoa. Bestalde, Lezoko Udalak ere bere txokoa izango du. Bertan, udala ingurumenaren arloan egiten ari den lana jakinaraziko diete herritarrei. Horrela, autokonpostajeari buruzko informazioa emango dute, baita legegintzaldi honetan martxan jarri nahi dituzten herri-lurretako baratzeen gainekoa ere. Horrez gain, bigarren eskuko liburuak salduko dizkiete herritarrei. Eguneroko erosketak egiterakoan berrerabilpena sustatzeko asmoz, udalak plastikozko 2.000 poltsa berrerabilgarri banatuko ditu, Zaborrik gabe, bizi baietz! leloarekin. Soberan baleude, herriko komertzioei emango dizkiete. Ez da banatuko duten bakarra izango. Izan ere, azoka [...]

Gaur eguerdian 2012rako aurrekontuaren aurrerapena egin du Aiora Perez de San Roman alkateak. Horrez gain, Gobernu Taldeko hainbat kidek aurrekontu hori gizarteratzeko prozesuaren berri eman dute. Izan ere, udalak aurreratu duenez, “herritarreng...

Bidasoko emakumeen lehenengo jardunaldia antolatu du Hondarribiko Emeki elkarteak hilaren 29rako. Ideiak partekatzen lelopean, esperientziak, iritziak eta kezkak partekatu nahi dituzte. Ekimena astearte goizean Zuloaga Etxean egingo dute. Jardunaldian ...