
Lokal berria eskuratu dute Arraztaloko kideek. Orain arte, lokala Arraguako eskolan zuten, Larrezabaletan kalean. Bertan, Arraztaloko langileek berdura kaxa prestatzen dituzte, eta baratzetako lanetan erabiltzen dituzten erremintak gordetzen dituzte. O...

Errenta aitorpena egiteko garaia da eta herritarrak hori euskaraz egitera animatu nahi dituzte. Garazi Portugal Ttur-Ttur Euskaltzaleon Bilguneko kideak eta Anton Mendizabal herritarrak errenta aitorpena euskaraz egiteko arrazoiak eta argibideak azaldu dituzte. Zenbat urte daramatzazu errenta aitorpena euskaraz egiten? Anton Mendizabal: Ez naiz ondo gogoratzen, baina uste dut aukera zabaldu zenean hasi nintzela. Zergatik egiten duzu euskaraz? Mendizabal: Logikaren barruan sartzen delako. Oztopo izugarriak izan ditugu euskararen naturaltasuna aurrera eraman ahal izateko, baina zorionez, gauzak pixkanaka normalizatzen doaz. Horregatik, naturaltasun osoz, aukera dagoen guztietan euskaraz egitea tokatzen zait eta gainera, hala egin nahi dut. Garazi Portugal: Euskararen erabilera normalizatzeko beharrezkoa da. Bizitza euskaraz egiteko arlo guztietan eman behar dira aurrerapausoak, diru-kontuetan eta antzerako tramiteetan ere bai. Zaila al da? Mendizabal: Niretzako ez, beti aholkulari bat izan dut. Honek terminologia menperatzen du eta inolako zailtasunik gabe egin izan dut. Badaude laguntzaileak eta zerbitzuak, non dauden jakin behar da eta laguntza eskatu. Portugal: Herritar gehienentzako finantza terminologia da arrotza eta ez euskarazkoa. Hala ere, aurten hiztegi bat atera dugu errenta aitorpeneko terminoekin eta finantza erakunde eta aholkularitzetan jarri ditugu herritarren eskura. Udaletxeko sarreran eta Fermiñenen, Ttur-Tturren bulegoan, ere eskura daiteke. Modu guztietan egin daiteke? Portugal: Bai. Zubillaga Aholkularitzak eta Lurgintzak errenta aitorpena [...]

Gaurko programazioa FM107an: 10:00etan, Arguyuan: 10:30ean: Quark. 11:30ean: Elkarrizketa. 12:10ean: Informatika atala. 13:15ean: Bertso atala. 15:00etan: Albisteak. 17:00etan: Finean nafarrak. 18:00etan: Arguyuan (errepikapena). 20:00etan: Albistea...

Etzi, osteguna, Zine Txiroaren txanda izango da hilean behin gertatzen den bezala. Hala, Mikelazulo Kultur Elkarteak antolatuta, Elige siempre cara dokumentala ikusteko aukera izango da. Alfonso Cortes Cavanillasek zuzendutako lan horretan GIBarekin bi...

Gipuzkoako Fitness Txapelketan bigarren izan ondoren, Gernikan (Bizkaia) jokatutako Euskadiko Fitness Txapelketan hirugarren postua lortu du Leonardo Vigliato oreretarrak. Mari Jose Karrere koreografo eta Alfredo Goikoetxea prestatzailearekin batera la...

Larunbatean, 16:30etik 19:30era, Euskadiko Trialsin Txapelketaren laugarren proba jokatuko dute Arditurrin. Euskaltrial Txirrindulari Klubak antolatu du proba, Oiartzungo Udalaren babesarekin eta laguntzarekin. Aiako Harria mendiaren inguruan, errekaren ondoan dauden bazterrak baliatuz, Euskal Herriko txirrindulariak izango dira parte hartzaileak, batetik. Horien artean eskualdeko hainbat gazte izango dira, eta baita ospetsua den munduko txapeldun Benito Ros (Abartzuzakoa, Nafarroakoa alegia). Euskaltrial Txirrindulari Klubetik gogorarazi dutenez, kanpotik etorritako txirrindulariek ere parte hartuko dute “ospetsua bihurtu zaigun proba horretan”. Bost bihurgune eta bi maila Bizikleta gainean, oinak lurrean jarri gabe, oreka ondo mantenduz, bost bihurgune pasatu beharko dituzte txirrindulariek. Euskaltrialetik zehaztu dutenez, maila bakoitzeko bihurguneak desberdinak dira: “Gazteek bihurgune errazagoak izango dituzte, eta eliteko txirrindulariek, bihurgune zailxeagoak”. Zailagoak eta harrigarriagoak, Euskaltrialen arabera: “Egia esan, bihurgune harrigarriak izaten dira Elite Mailakoak. Ezinezkoa dirudi bizikleta baten gainean horiek pasatu ahal izatea. Baina txirrindulariak pasatzen dira bertatik, eta nola gainera! Besteetan, akats bat dela medio, uretara erortzen dira. Oso interesgarria izaten da proba, ikusgarria”. Iaz bezala, aurten ere igandetik larunbatera pasatu dute proba, “partaide eta ikusle gehiago erakartzeko asmoarekin”. Ikusleen zain Arditurrin autoak aparkatzeko nahiko tokia badagoela nabarmendu dute antolatzaileek: “Arditurriko meategiak bisitatzeko antolatu zen autoak aparkatzeko lekua, eta han aparkatzea gomendatzen dugu». Ikusleak animatu dituzte: «Paraje harrigarria, [...]