
Gaurko programazioa FM107an: 10:30ean: Hiru kortxea. 20:00etan: Zuzenean Bartzelonako (Herrialde Katalanak) Camp Nou futbol zelaitik, Bartzelona-Reala partidaren kontakizuna, Urtzi Argibayren eta Alioxia Rodriguezen eskutik.

Gaur hasi da San Pedroko Ondartxo aldeak nolakoa izan behar duen hausnartzeko parte-hartze prozesua. Pasaiako Udalak bultzatu du gogoeta fasea, eta gaur, San Pedroko ikastolan bildu direnak, zonaldearen gaineko informazioa jasotzeaz gain, taldetan banatu dira sakonago gaiaz hitz egiteko. Datorren larunbatean egingo dute parte-hartze prozesuaren baitako bigarren bilkura.

Astearte goizaldean ezezagunek San Pedroko Muguruza Ardoak tabernan lapurtu zuten. Bertan zuten dirua hartu zuten lapurrek: diru hori loteriena, rifena eta kinielena zen. Bertan zuten Gabonetako otarra ere eraman zuten lapurrek. Tabernako arduradunek j...

Barricada musika talde iruindarrak kontzertua emango du gaur 21:00etatik aurrera Donibaneko kiroldegian. Blaka talde donostiarra izango dute telonero gisa. Gaur arte zegoen aldez aurretik sarrerak erosteko aukera (20 euroan), beraz, Donibaneko kiroldegian erosi beharko dituzte sarrerak kontzertura joan nahi dutenek, 22 euroan. Bixi-Bix i elkarteko antolatzaileek jakinarazi dute kiroldegian bertan afaltzeko aukera izango dela, otartekoak-eta salduko dituztelako. Horrez gain, gau osoan zehar Donostiatik edo Errenteriatik kiroldegiraino joateko autobusak prestatu dituztela jakinarazi dute (bueltatzeko ere izango dira autobusak). Hiru bat orduko emanaldia izango da gaur gauekoa: lehenik, bere azken diskoa aurkeztuko du Barricadak, eta ondoren, kanta klasikoak joko dituzte.

Gipuzkoako Bigarren Mailako areto futboleko herriko taldeak Donosala taldearen kontra jokatuko du asteburuko jardunaldia. Gaur da partida, 20:30ean, herriko Elorsoro kiroldegian. Azken asteetan postuan gora egiten ari da Oiartzungo taldea pixkanaka. Eg...

Biharko, kontzertu gaua antolatu dute Kataxulo Gaztetxeko kideek, Saharan gertatzen ari dena gogorarazteko eta Marokororen errepresioa salatzeko. 22:00etan hasiko dira musika emanaldiak eta honako taldeak ariko dira taula gainean: Lady Kotxinas, Ex-pa

Oarsoaldea eskualdeko derbia jokatuko dute bihar Ohorezko Erregional Mailan. Trintxerpe eta Oiartzun ariko dira nor baino nor arratsaldean, 16:30etik aurrera, Errenteria-Oreretako Don Bosco zelaian. Oiartzuarrek partida irabazi beharko dute sailkapenea...

Euskadiko Herri Kirol Federaziokotik jakinarazi dutenez, azken orduko baja bat izan dela eta, Girizia taldea ez da ariko emakumezkoen 250 kilokoan, Lauko Euskal Herriko Sokatira Txapelketan.

Bihar (hilak 11) abiatuko da San Pedron Udalak antolatutako Ondartxori buruzko parte-hartze prozesua eta Pasaiako Portu Agintaritzak bertan egon ahal izatea eskatu du. Hedabideetara igarritako prentsa oharrean Portuko Agintaritzak dio ez duela aipatu parte-hartze prozesuaren kontra inongo argudiorik, baina gogora ekarri nahi izan du aipatu lurrak portuaren erabilera eremuan barne daudela. “Lurrak Gipuzkoako Foru Aldundiari eman zaizkion arren Ontziola bertan koka dezan, portuko erabilera eremuan daude”, dio PPAk. Horrez gain, Ondartxon zaharberritzen ari diren Jaizkibel dragaren konponketa lanen finantzazioaren hiru laurdenak beregain daudela gogoratu du Portu Agintaritzak. Torreatzetik Ondartxora bitarteko lurrak ere portuaren baitakoak direla gogoratu du PPAk, “baita epe motzean bertan kokatuko dituzten ontziralekuetara iritsi ahal izateko lurrak ere”, nabarmendu dute. Lonja berria eraikitzeko lanek Ondartxoko eremuan izan dezaketen eragina ere kontua hartu behar dela iritzi dio Portu Agintaritzak. “Horiek guztiak kontuan hartuta oso garrantzitsua deritzogu herritarren parte-hartze prozesu horretan Portu Agintaritza txertatzeari”, esan dute. Bihar egingo da parte-hartze prozesu horren baitako lehen saioa, 11:00etan, San Pedroko ikastolan. Bigarrena eta azkena, hilaren 18an egingo dute, ordu eta toki berean. Pasaiako Udalak Ondartxoko eremua aisialdirako berreskuratzeko hitzarmena du Foru Aldundiarekin. Proiektua eskatu aurretik herritarren iritzia ezagutu nahi du Gobernu Taldeak, eta helburu horrekin antolatu du Ondartxo nola eraiki nahi dugu [...]

Galtzarabordako udal kiroldegian Euskadiko Senior Mailako Judo Txapelketa jokatuko da igandean. Emakumeek eta gizonek parte hartuko dute. Euskadiko Judo Federazioak eta Errenteriako Udal Kirol Patronatuak antolatu dute. 10:00etatik 13:00etara izango di...