Lupe Calvo Elizasu kazetariak bere bigarren liburua kaleratu du, 'Por todas'. Asun Casasolak egindako ibilbidea goraipatu, eta indarkeria matxistaren biktima guztiak omentzeko lana da.


Donibane Majestik eskubaloi taldeak 29-35 galdu zuen atzo Ordizia Rotula Studio taldearen kontra. Horrela, sailkapen orokorrean bigarren postutik laugarrenera jaitsi da; ez du punturik irabazi, 20 punturekin jarraitzen du. Bigarren Mailako Donibane Esk...

Saskilagunak taldeak 66-62 irabazi dio Krafft Atletico San Sebastian taldeari. Irabazi arren, bigarren postuan jarraitzen dute oiartzuarrek. Hala ere, lehenengoarekin, Alde Zaharrarekin puntutan berdinduta daude: 27 dituzte.

Estudio bateko lau hormen artean geratu beharrean, Xabier Obesoren ikasleen lanek argia ikusteko aukera izan dute, herritarrek euren margolanak ezagutzearekin batera. Hala, ostiralera arte Xenpelar Etxean daude eskegita azken bi urteetan egindako artelanak. Interesa daukan orok 17:30etik 20:30era arte dauka lanak ezagutzeko aukera. Guztira, Xabier Obeso artistaren 30 dizipuluren margolanak daude Xenpelar Etxean. Margolanak dira guztiak, baina teknika ezberdinetan landutakoak: olioa, akrilikoa, akuarela, luma-muturra… Mota askotakoak dira ere gaiak, bakoitzak bere estiloaren arabera landu dituenak. Horixe nabarmendu du irakasleak, Xabier Obesok: “Nik teknika irakasten diet, ez artea”. Maisuaren iritziz, eskoletan teknika irakatsi behar da, gainontzekoa bakoitzaren esperientziak jantzi behar duelako: “Artea da begietatik edo belarrietatik sartzen den ideia, gorputzetik pasatzen dena urteetan edukitako esperientziez jantziz, eta behatz puntetatik ateratzen dena”. Ildo horretatik, orduan eta jantziago egon barrutik, lana orduan eta aberatsagoa izango dela azaldu du. Teknika ikasten ari diren ikasle horiek bi taldetan banatuta daude: haurrak (10-14 urte) eta helduak. Haurren eskolak garrantzitsutzat jo ditu Obesok. Gogorarazi du adierazteko modurik garbiena arte plastikoak direla, eta hori landu egin behar dela. “12-13 urteerekin haurrak konturatzen dira teknika falta zailela, eta orduan utzi egiten dute”. Hori gertatu baino lehenago eskolak ematea komeni dela iritzi dio Obesok: “Kontuan izan behar da akatsak zuzentzeko [...]

Puzzle erraldoia egingo dute gaur Abaraxkako kideek, 16:30etik aurrera.

Asteazkenean, urtarrilak 26, Ipuin Kontalari saioa egongo da Hondarribiko Zuloaga Etxean arratsaldeko 18:00etatik aurrera. Lupe Lekuona ariko da 7 eta 9 urte bitarteko haurrentzat.

Pasaiako Udalak 2011ko udal aurrekontuaren gaineko prozesu parte-hartzailea gaur hasiko da. Lehenengo saioa Trintxerpeko alkateordetzan izango da, 20:00etan. Deialdia lau barrutietako pasaitarrei zuzendua dago. Gaurko saioan aurrekontuaren proiektua au...

Ezagutzen dira jada datorren larunbatean Muliateko babes ofizialeko etxebizitzen zozketa publikora aurkeztuko diren eskatzaileen zerrenda. “Alegazioak egiteko epea irekia egon den bitartean, 60 alegazio egin dira, horietatik 11 onartu direlarik eta 49 ez. Denetara zozketara aurkeztuko direnak 624 izango dira, eta hauen artean zozketatuko dira 158 etxebizitzak”, azaldu du Ion Elizalde alkateordeak eta Hondarribia Lantzeneko gerenteak. Zozketa larunbatean izango da goizeko 9:00etan Jostaldi pilotalekuan. Iragan ostiralean, mugikortasun urriko eta ezintasunak dituzten eskaeren artean eta aurreko Komentuaurreko promozioan zeuden hitzartutako etxebizitzen zozketa egin zuten. Denetara 12 etxebizitza zozketatu dituzte, hor barnean daudelarik ezindutako pertsonentzat dauden 7 etxebizitza egokituak. Datorren larunbatean, Jostaldi pilotalekuan izango da geratzen diran azalera eskubideko 158 etxebizitzen zozketa. 624 izango dira aurkeztuko diren eskarerak eta honela banatuko dira: 4 eskaera 6 kidekoak, 10 eskaera 5 kidekoak, 55 eskaera 4 kidekoak, 43 eskaera 3 kidekoak 127 eskaera 2 kidekoak eta 385 eskaera kide batekoak. “4 etxebizitza daude lau gelakoak, 59 hirukoak, 79 bikoak eta 15 batekoak. Prezioei dagokienez, gela bat, garajeko marra bat eta trastelekua, 101.336 euro + 4% BEZ izango da, bi gela, marra bat eta trastelekua, 128.000 + 4% BEZ, hiru gelakoa, marra eta trastelekua 151.715 euro + 4% BEZ eta lau gela, marra eta trastelekua, 160.000 + 4% [...]

Girizia Mendi Elkarteak XXV. Mendi Jardunaldiak antolatu ditu aste honetarako. Mendi esperientzien bideo eta diapositiba kontakizunak eta sagardotegira irteera egingo dituzte, bihartik igandera bitartean. Bideo eta diapositiba emanaldiak udaletxean eta...

Apirilaren 7an Trebiñutik abiatuko den eta hil horren 17an Donostiara iritsiko den Korrika antolatzeko laguntza behar du AEK-k eta horretarako, bi urtero ohi duen bezala, herri edo eskualde batzordeak antolatzen hasi dira. Asteazkenean, hilaren 26a...

Aste Santu aurretik Musika Sakratuaren Zikloa izaten da Donostian. Musika mota horrekin lotutako emanaldiak ematen dituzten elizetan, eta doakoak izaten dira. Hain zuzen, Errenteria-Oreretako Landarbaso abesbatzak parte hartuko du. Igande honetan emang...

Hilero moduan odola emateko aukera izango dute errenteriarrek bi egunez: bihar eta etzi. Biharko saioa Reina aretoan izango da, eta etzikoa, berriz, Beraungo anbulatorioan. Bi egunetan ordutegi berbera edukiko dute 18:30etik 20:30era. Gipuzkoako Odol E...

Maria Jose Noain Oiasso Museoko jarduera arduradunak Irungo erromatar garaiko aztarnategiei buruzko hitzaldia emango du apirilaren 6an Argoiak elkartearen egoitzan.

“Benetako aurkikuntza bidaia, ez da paisai berriak ikustea, dena begi berriekin ikustea baizik”. Marcel Proust idazlearen esaldia da eta Urtxintxako dinamizatzaileak erabili zuen atzo, Bidaide egitasmoan parte hartzen ari diren gazteei diplomak banatzeko ekitaldian. Bidaide programak Pasaian bizi diren jatorri ezberdineko gazteak biltzen ditu, bertakoak nahiz bertara kanpotik etorriak, haien arteko harremanak sendotu eta elkartasuna sustatzeko. Gazteek herriko errealitatea begi berriekin ikustea da asmoa, herrian dagoen errealitatea ezagutu dezaten, eta horrez gain, beste pausu bat eman eta herriko dinamikan aktiboki parte hartzea nahi dute. Metodologia berritzailea du ardatz aipatu egitasmoak, gazteak eduki soilen hartzaile baino, egitasmoaren protagonista bihurtzen dituelako. Gazteak dira zer antolatu eta nola antolatu erabakitzen dutenak. Zentzu horretan, antolatzen ari diren bi jardueraren berri eman zuten gazteek atzoko ekitaldian: hilaren 15erako Kuadrillategi festa antolatzen ari dira Antxon, 1 eta 2. DBHko ikasleentzat, eta maiatzean herritarrentzako zerbitzu bat prestatzen dihardutela iragarri zuten. Sarean lan eginez Bidaide proiektua bigarren urtez ari dira jorratzen, “Pasaian bizi diren jatorri ezberdineko gazteen ateko bizikidetza ahalbidetu eta gazteen parte-hartze aktiboa eta erantzukizun soziala sutatzeko asmoz”. Haur eta nerabeen prebentzioan Udalak sarean lan egitea erabaki du eta horregatik Bidaide programa Harrera On izeneko lan ildo estrategikoan txertatzen da. Haur eta gazteen eskubideak babestu nahi ditu [...]

Korrika Kulturalaren barruan, Mus Txapelketa jokatuko dute bihar. Oiartzungo kanporaketa Girizia elkartean jokatuko dute, 17:00etan. Irabazleek itsaski-jana eta Gipuzkoako finalerako txartela eskuratuko dituzte.

Antxoko Jaizkibel Mendi Taldeak Mugarrien Ibilbidearen barruko hamabigarren etapa antolatu du hilaren 10erako. Organbidetik abiatuko dira eta 213. mugarritik igarota Arpeako kobazulora iritsiko dira. Errozate mendiari bira emango diote gero, Okabe mendira iristeko. Handik Iratira jaitsiko dira, beste mugarri bat, 229, zeharkatuta. Izena emateko, asteazkenean edo ostiralean jo daiteke Jaizkibel Mendi Taldeak Antxoko Oraso kalean duen egoitzara, 20:00etatik 22:00etara. Informazio gehiago www.jaizkibelmt.tk helbidean topa daiteke.

Etzi, Astigarragaren kontra jokatuko du Saskilagunak taldeak, 12:00etan, Elorsoro kiroldegian.

Aurtengo Nafarroa Oinez Tafallan egingo dute Garces de Fayos Ikastolak antolatuta, eta sei hilabete pasatxo falta diren arren, dagoeneko badaukate kanta. Kanta ikastolako Amaia Dominguez eta Edurne Samaniegok asmatu badute ere, hainbat pertsonen artean...