Albisteak

Andra Mari Abesbatzaren batzar nagusia, etzi

Andra Mari Abesbatzak pasa den urteko jarduera aztertu eta aurtengo urterako egitaraua eta egitasmoak eztabaidatuko ditu etzi egingo duen batzar nagusian. Horrez gain, aurrekontuak onartu eta erakundearen zuzendaritzako kargu berritzeak erabakiko dituz...

admin

Ander Izagirre: «Groenlandiako izotza eta gizartea kraskatzen ari dira»

Groenlandiaren karraska goiburuko hitzaldia emango du Ander Izagirre (Donostia, 1976) abenturazaleak gaur osteguna, 19:30ean Amaia KZn. Lurralde izoztuan ateratako argazkiak proiektatuko ditu, eta haien inguruan mintzatuko da. Iaz bidai kontaketen Essery saria jaso zuen bidai hartan izandakoei buruz idatzitako lanarengatik. Zer erakutsiko duzu gaur Amaian? Batetik, Groenlandiako paisaia eder eta ikaragarria: itsaso izoztua, izebergak, glaziarrak, uharte elurtuak… Maiatzeko eguzkiarekin itsasoa urtzen eta pitzatzen hasten da. Bestetik, gizartea ere kraskatzen ari da nolabait: historiaurretik globalizaziora hiru belaunalditan egin dute salto ekialdeko inuitek, eta horrek arazo sozial oso larriak ekarri dizkie (bizimodu aldaketa erabatekoa, langabezia, alkoholismoa, tratu txarrak, abusu sexualak, suizidio tasa beldurgarria…). Estatu independente bat osatuko dute laster eta erronka handia dute: nola fundatu XXI. mendeko gizarte bat izotzezko mundu batean. Zure lanetan paisaia ederrez gain, bisitatzen dituzun lekuetako biztanleen bizitza azaltzen da. Gizakiak interesatzen zaizkizu… Paisaiak gozatzen ditut, noski, baina benetan interesatzen zaidana da guretzat herrialde horietan jendea nola bizi den. Beti harritu izan naiz gizakion aniztasunarekin, zein desberdinak diren Groenlandiako inuit baten, Boliviako meatzari batean edo Afrikako nomada baten bizitzak. Horren berri ematen saiatzen naiz. Munduko leku askotan ibili zara. Groenlandian zerk harritu zintuen? Historiaurrea eta globalizazioa teilatu beraren azpian bizi direla. Aitona izotzetan jaio zen urteroko emigrazioan, bere [...]

admin

Olharanek bihar debutatuko du, Jostaldin

Jean Olharan zesta puntista gazteak profesional gisa debutatuko du bihar arratsaldean Jai Alive enpresarekin, Jostaldi pilotalekuan. Hondarribia-Biarritz Pro-Am Txapelketaren semifinaleko protagonista izango da bihar, arratsaldeko 18:00etatik aurrera G...

admin

Euskararen erabilera sustatzeko aisialdia “giltzarri” dela ikusi dute

Euskararen erabilera sustatzeko plan estrategikoa osatzen ari da Pasaiako Udala herritarren eta Elhuyar Aholkularitzako teknikarien laguntzarekin, eta lehen fasea bukatu dute dagoeneko. Fase horretan aisialdia “giltzarri” dela ikusi dute; izan ere, “aisialdia euskalduntzen ez den bitartean, oso zaila izango da haurren euskara gaitasuna bermatzea”, azaldu du Juanjo Perez Elhuyarreko ordezkariak. Horrez gain, haur eta guraso askok euskara eskolarekin lotzen dutela ikusi dute, “euskara ikastea eta erabiltzea eskolaren erantzukizuna soilik izango balitza bezala ikusten dute”. Era berean, gurasoak kezkatuta daudela eta, modu antolatuan zerbait egiteko beharra sumatzen dutela ikusi dute. “Udalaren jarduerari dagokionez, herritarrek orokorrean ondo baloratzen dute, nahiz eta 13 urtetik gorako gazteen eskaintza zabaldu eta hobetu behar dela nabarmendu”, adierazi du Elhuyarreko ordezkariak. Gurasoen inplikazioa “behar-beharrezkotzat” jo dute: “Guraso euskaldunek eredu izan behar dute seme-alabentzat, helduek ere euren artetan euskara erabiltzen dutela ikusi behar dute haur eta gazteek”. Bigarren fasea hasita Maider Ziganda alkatea eta Ander Poza Udaleko Euskara batzordeburua gustura daude lehen fasean lortutakoarekin. “50 bat lagunek parte hartu dute, gehienak euskaldunak, baina euskara ez dakitenak ere animatu dira. Bigarren bueltan jende gehiagok parte hartzea espero dugu”, nabarmendu du Pozak. Bigarren fasearen lehen bilera herenegun egin zuten Donibaneko udaletxean, eta hilaren 14a bitarte barruti guztietan egingo dituzte bilerak. [...]

admin

Richard Oribek hitzaldia emango du bihar

Richard Oribe txapeldun paralinpikoaren eskutik baloreei buruzko hitzaldia izango da, bihar, 18:00etan, CANen bulegoan (Nafarroa etorbidea 69). Berak inork baino hobeto daki sakrifizioa eta konstantzia zer diren. Oriberekin batera parte hartuko dute hi...

admin

H3a berriz jartzeko bilera egin du Udalak Foru Aldundiarekin

Udala Gipuzkoako Foru Aldundiarekin bildu da Oiartzun eta Donostia A-8 autobidetik zuzenean lotzen zituen H3 autobus linea berriz jartzeko eskatzeko. Kaltetutako erabiltzaileen kexak helarazi dizkiete Aldundiko ordezkariei udal ordezkariek, erabiltzail...

admin

“Zerbait jarri behar dugu bertsolaritza bultzatzeko”

Julian Albistur. Bertsozalea Ignacio Eizmendi Basarriri eta Manuel Olaizola Uztapideri entzunez zaletu zen Julian Albistur (Hernani, 1950), eta orduz geroztik bertsoaren mundura lotuta egon da. Bertso sortak bidaltzen ditu bertso paper lehiaketetara, eta duela hamabi urtetik Errenteriako Xenpelar Bertso Eskolako kide da. Bertsolaritzaren kultura ikasleei eramateaz gain, semea ere sartu du mundu horretan. Bertsolaritzaz inguratuta bizi zara, nondik datorkizu zaletasuna? Ereñotzu esatea bertsolaritzarekin lotzea da. Esan besterik ez dago Txirrita bera han jaio zela, eta Saiburu ere bai… Oso alderdi bertsozalea da. Umea nintzenean zaletu nintzen, hain zuzen, Uztapide eta Basarri entzunda Ereñotzuko festetan. Etxean ere bagenuen liburu zahar bat, eta [Francisco Petrirena] Xenpelarren eta Pello Errotaren bertsoak irakurtzen nituen. Aita ere bertsozalea zen, eta buruz bertso asko zekizkien, Txirritarenak batez ere. Festez gain, beste nonbait entzuten zenituzten bertsoak? Irratitik ere beti entzuten genuen. Txapelketa guztiak irratitik ematen zituzten Basarriren eta Uztapideren garaian… Basarrik, gainera, bazeukan programa bat, Nere bordatxotik, eta hori sakratua izaten zen etxean. Programa hasi, eta ‘ixo, ixo’. Familian elkartzen zineten bertsoak entzuteko? Nire anai-arrebak ere zaleak dira, baina ez ni bezainbeste. Kultura gisa jaso izan dugu etxetik, eta betidanik gustatu izan zaigu. Xarma oso berezia dauka. Horrek harrapatzen bazaitu… Zerbait ukitu dizu, ezta? Bertsozale sentitzen naiz, [...]

admin

Zubitxo Eguna egingo dute bihar eta etzi

Zubitxo Eguna egingo dute bihar eta etzi Lezon. Institutuko eta Anunciatako ikasleak ariko dira errekastoa jasotzen. Lezoko Udalak, bi ikastetxe horiekin batera, antolatu du eguna, “herritarrak kontzientziatzeko asmoz”. Horrez gain, bai Udala bai ikastetxeak zertan ari diren jakinaraztea da ekimen horren beste helburua. Bihar arratsaldean, 14:30etik aurrera, ikasleak ariko dira Zubitxo erreka jasotzen. Horretarako, bi garbiketa puntu jarri dituzte. Alde batetik, Anunciatako ikasleak San Pedro auzoan bilduko dira. Bertan Olatzar ubidea garbituko dute, merenderoan. Bestalde, Lezo Institutuko ikasleak Zubitxo kaleko ikuztegi zaharrean. Ikasleek jasotzen dutena edukiontzietan sartuko dute eta ostiral arratsaldean Euskal Herria plazan erakutsiko diete herritarrei. Jasotzen duten zaborrarekin batera, informazio panelak jarriko dituzte leku berean, Zubitxo erreka: zer botatzen dugu bertara?. Ekimenean parte hartuko duten bi ikastetxeek zein Udalak jarriko ditu panel horiek. Anunciatakoek Zubitxo: ¿utopía o realidad? (Zubitxo: utopia ala errealitatea?) erakusketa jarriko dute. Hainbat sari jaso dituzte ikerketa horrengatik. Institutukoek, berriz, Ibaialde proiektuaren nondik norakoak azalduko dituzte. Udalaren panelek Zubitxo errekan zertan ari diren azalduko du: konpondu dituzten isuriak eta konpontzeke daudenak azalduko dituzte. Erakusketa hori zein edukiontziak asteburu osoan mantenduko dituzte Euskal Herria plazan. Bertara joateko gonbidapena luzatu dute Udaletik. Hori sustatzeko, eskuorriak banatuko dituzte ikastetxeetako gurasoen artean. Udalaren helburua Zubitxo Eguna bi urtean behin [...]

admin

‘Hildakoak hilobietatik ateraz, duintasunak berreskuratuz’ Aranzadiren erakusketa Irunen

Nicolas Gerendiain Irungo elkarte errepublikarrak Hildakoak hilobietatik ateraz, duintasunak berreskuratuz izeneko erakusketa antolatu du Euskadiko Kutxan, Aranzadi Zientzia Elkarteak 2000. urtetik aurrera 36ko Gerrako hobien ikerketa jasotzen duena.Ar...

admin

Agenda: Filatelia erakusketa Euskadiko Kutxan

Euskadiko Kutxako Erakusketa Aretoan, FILATELIA ERAKUSKETA, Bidasoko Filatelia Elkartearen eskutik. Ordutegia: astelehenetik larunbatera, 18:00etatik 21:00etara, eta igande eta jaiegunetan, 11:30etik 13:30era.

admin

‘Egurrezko domina’ Ander Elosegirentzat Europako Slalom Txapelketan

Maila bikaina erakutsi arren esku hutsik itzuli zen Ander Elosegi piraguista irundarra Seu Urgellen (Lleida, Herrialde Katalanak) ospatu den ur bizietako Europako Slalom Txapelketatik. Santiagotarrak taldeak hiru kirolari eraman zituen Seura: Ander Elosegi C1-ean aritzeko, eta Joan Crespo eta Jone Otaño K1-ean. Elosegik munduko kanoista onenen parean dagoela erakutsi zuen, Crespok behar ez zuenean huts egin zuen, eta Otaño urduri irten zen, eta ezin izan zuen lehen kanporaketa gainditu. Elosegik Europakoan azaldu duen maila mantenduz gero ez du inolako arazorik edukiko 2012 olinpiar jokoetan parte hartzeko. Irailean erabakiko da nortzuk doazen Londresera, Bratislavan (Txekiar Errepublika) 7tik 11ra egingo den Munduko Txapelketan. Osteguneko sailkatzean hoberena izan zen. Lehen itzulian ate bat gaizki hartu eta 52 segundoko zigorra ezarri zioten. Baina bigarren jeitsiera paregabea egin zuen irundarrak, akatsik gabe eta marka bikaina ezarriz (96,17). Finalerdietan ibilbide garbia egin zuen, oso erosoa. Arriskurik ez zuen hartu, baina halere hirugarren denborarik onena egin zuen (101,49). Eta finalean ere ez zen okerrago aritu Elosegi, baina edozein kirolarik lortu nahi ez duen postuan amaitu zuen, laugarrenean, brontzezko dominatik 99 ehunekora. Taldekako kanoako proban finalerako bosgarren sailkatu zen Elosegiren taldea, lau segunduko zigorrarekin (112,67). Finalean hobeto aritu zen hirukoa, akatsik gabe, baina ez zuten denbora ona egin [...]

admin

Euskara nonahi

Eskolatik Kalera jaiak hartu zuen Zumardia hamargarrenez joan den larunbatean. Euskara Zerbitzuak eta Lau Haizetara elkarteak antolatuta, goizez herriko ikastetxe guztietako 130 haur aritu ziren kate jolasean eta halaber, egurrezko jokuekin gozatzeko a...

admin

Errenteria Garatuzen kudeaketan gardentasuna eskatu dute

Errenteria Garatuz elkartean egun konpondu gabe jarraitzen duen egoera berezia eman zela salatu dute Jose Manuel Ferradas Ezker Batuko zinegotziak eta Karlos Murua ezker abertzaleko zinegotzi ohiak. Izan ere, “elkarteko kontseilariek sinatutako 2...

admin

Emakume bat atxilotu dute estortsioa egitea leporatuta

Emakume bat atxilotu dute estortsioa egitea leporatuta. Prostituzioan aritzen zen ustez atxilotutakoa, eta bezeroei haurdun gelditu zela esaten zion. Hori dela eta 30.000 euro eskatzen zizkien abortutatzeko aitzakipean. Dirua ez ematekotan, bezeroen fa...

admin

Muxiko Egun jendetsua

Igandean lagun ugari bildu zen Herriko Enparantzara Beti Prest taldeak antolatutako III. Muxiko Egunean parte hartzeko. Arrabots taldekoek aritu ziren musikarekin, eta ondoren Errenteriako dultzaineroek hartu zuten lekukoa, Larrain dantzarekin amaitzek...

admin

Euskal Jaia Donibanen

Atzo Euskal Jaia ospatu zuten Donibanen Bixi-Bixi elkarteak antolatuta. Musika eta giro ona ez ziren falta izan barrutiko txokoetan. Ekitaldien artean, Maribeltz ontziaren uretaratzea izan zen (argazkian).  Dantzarien eta Albaolako kideen artean Santiago plazaraino eraman zuten ontzia eta hortik urera bota zuten. Andoni Etxarri hendaiarrak berriztatu du ontzia.

admin

Erdi Aroko giroa Hondarribian

Erdi Aroko giro ezin hobea izan da asteburuan Hondarribian. Gune historikoa apainduta esnatu zen larunbat goizean, garaiko musika entzuten hasi zen… eta eguraldi onak, jende asko eta asko bertaratzera animatu zuen. Arma plaza eta Gipuzkoa plaza a...

admin

Oiartzun Irratia: ekainak 12

Gaurko programazioa FM107an: 10:00etan. Hiru kortxea.

admin

Ezuztekorik ez zen egon larunbatean eta Santanok aginduko du berriz

Jose Antonio Santanok gidatuko du datozen lau urteetan Irungo hiria, larunbatean ospatutako kargu hartze ekitaldian bera izan baitzen bozka gehien lortu zituena. Alderdi bakoitzak hautagaia aurkeztu eta bakoitzak bereari eman zion bozka. Hortaz, Santano hautatu zuten, gehiengoz, sozialisten botoekin. Kargua hartu eta gero alkate izatea beti beretzako “pasioa” izan dela onartu zuen Santanok. Bilkura aretoa leporaino beteta zegoela egin zen bilera, oso giro onean. Ez lehenago, ezta beranduago ere, udaletxeko erlojuak eguerdia zela markatzen zuenean hasi zen larunbateko ekitaldia. Aurrena adin mahaia osatu zen. Juana Herrador idazkariak mahaira deitu zituen Manuel Millan (Ezker Batua) zinegotzi zaharrena eta Santi Reyes gazteena (PP). Haien ardura izan zen udalbatza berria osatzen duten 25 zinegotzien izen abizenak banaka gogoratzea. Hautetsi gehienek euskara aukeratu zuten kargu onartzeko, dozena erdi inguruk bi hizkuntzetan egin zuen, eta gutxi batzuk gaztelania hutsez. Hizkuntzak baino gehiago izan ziren hautatutako formulak: batzuek “zin egin” zuten, beste hainbatek “hitza eman”, eta nahastu zirenek “hitz egin” zuten. Bost hautagaitza Ondoren alderdiek beren hautagaitzak aurkeztu zituzten, maiatzaren 22an ordezkaritza lortu zuten alderdi bakoitzak berea: hurrenez hurren, Xabier Iridoy (EAJ), Juana Bengoetxea (PP), Oinatz Mitxelena (Bildu), Jose Antonio Santano (PSE-EE) eta Manuel Millan. Iridoy jeltzaleak hartu zuen lehenengo hitza, eta eskerrak emateko baliatu zuen [...]

admin
Gehiago