'Zuena da HITZA' podkasteko hirugarren atalean Irati Erauskin 'La Panto' hondarribiarra izan da protagonista. Sakon hitz egin du hedabidearekin.


Gaurko programazioa FM107an: 10:00etan, Arguyuan: 10:30ean: Oiartzungo Udalaren tartea. Gaia: baserriko esnea ikastetxeetan. Gonbidatuak: Behemendiko Urkiri eta Idurre. 11:30ean: Oier Narbaizaren eskutik, Metaziyan bila atala. 12:10ean: AEK-ko Saioa Ba...

Irungo Udal Musika Kontserbatorioak hiru entzunaldi antolatu ditu datozen egunetarako. Bihar bertan, ostegunarekin, zeharkako txirula ikasleak arituko dira, 19:00etan hasita.

Karrikako Artaso elkarteak urtero antolatzen duen barrikotea larunbatean da, 21:00etan, Elorsoron. Txartelak ohiko tokietan eskura daitezke, hemezortzi eurotan.

Herritarrek Herrerako kairako landu duten proposamena sozializatzeko lanak ez du etenik. Astebururako helburu horri begira hamaika ekitaldi antolatu ditu beste behin La Herrera Herrira Herri Batzordeak eta atzo horien berri ematera irten ziren prentsa aurrera. Atxikimenduen kanpaina abiatuz geroztik 2000tik gora atxikimendu jaso dituzte. Baina gorago jo nahi dute batzordeko lagunek, eta horretarako, besteak beste, erronka zehaztea erabaki dute. 8.000 baietz!. Horixe atxikimenduen kanpaina sustatzeko kaleratu berri duten leloa. Esan zutenez, gero eta gehiago dira La Herrera Herrira ni naiz leloa bere egin duten herritarrak, eta atxikimenduetan jarritako erronka udal hauteskundeen aurretik lortzeko itxaropena agertu zuten. Jaiaren balorazio «ikaragarri positiboa» Lehengo martxoaren 19an egun osoko aldarrikapen jaia antolatu zuen La Herrera Herrirak eta atzoko agerraldian esan zutenez balantzea «ikaragarri positiboa» da. Bide batez, jaian izan, parte hartu eta lagundu zuten guztiei esker ona luzatu zioten, «zorionak handi» baten bidez. Asteburuan «lehen harria jartzera» Herritarrek Herrerako kaiarako landu duten proposamena gauzatzea da herri batzordearen helburua, eta helburu horri bultzada emateko antolatu dituzte astebururako ekimenak, «herritarrok proposatzen dugun proiektuaren lehen harriak jartzeko». Karpa bat jarriko dute Gernika plazan, eta bertan lehengo martxoaren 19ko jaiaren argazkiak ez ezik, aurreko ekimenetakoak ere ikus ahalko dira. Horrez gain, Herrerako kaiarako izan diren hamaika egitasmoren berri [...]

Maiatzaren 22ko udal eta Batzar Nagusietako hauteskundeetarako hautesle zerrendak udaletxean egongo dira hilaren 11ra arte. Horietan agertzen ez direnek, edo behar bezala agertzen ez direnek erreklamazioa aurkeztu ahal izango dute udaletxeko bulegoetan...

Euskararen erabilera bultzatzeko asmoz Herriko Etxeko Euskara zerbitzuak bigarrenez antolatutako Euskararen Hilabetearen itxieratik astebetera, Jean-Michel Berra Euskara auzapezordeak ekimenaren balorazio oso positiboa egin du.

Mendi Zolan kultur guneak Quelqu’un qui vous ressemble antzerkia aurkeztuko du ostiralean, hilaren 8an, 20:30etik aurrera (frantsesez). Cie Humaine konpainiak ekoitzitako lana da, eta Rémy Boiron aktore protagonista izanen delarik. Emanaldia Kultur ...

Azalera eskubidea duten Muliateko etxebizitzak zozketatuta, gizarte alokairukoen txanda iritsi da eta Udalak eta Eusko Jaurlaritzako Etxebizitza, Herri Lan eta Garraio sailak Muliateko gizarte alokairuko 25 etxebizitzak sustatzeko hitzarmena sinatu dute. Alokairuko etxebizitzak azalera eskubidea duten 170 etxebizitzekin batera eraikitzen ari dira eta zozketatuko diren 25 etxebizitzek Muliateko 6. blokea osatuko dute, eta gainontzekoak bezala 2012rako bukatuko dituzte. Aitor Kerejetak, Hondarribiko alkateak azaldu duenez, «beharrezkoa da gizarte alokairuko 25 etxebizitza hauek eraikitzea, Hondarribian eraikitzen diren lehengoak dira, eta urtarrila bukaeran babes ofizialeko etxebizitzak zozketatu eta gero, orain gizarte alokairukoen txanda da». Etxebizitzek garajea eta trastegia dute, eta hilero ordaindu beharko den errenta jakiteko, ezinbestekoa izango da etxebizitza bakoitzaren tipologia eta esleidunaren sarrera ekonomikoak kontuan hartzea. Eusko Jaurlaritzako Lurzoru eta Hirigintza Saileko zuzendaria den Rafael Fariasek gehitu duenez, «Jaurlaritzarentzat Babes Ofizialeko Etxebizitzak eraikitzea helburu nagusi eta estrategikoa da, batez ere gizarte alokairuko etxebizitzak. Jaurlaritzak alokairuzko etxebizitza sozialetarako laguntza garrantzitsuak ematen ditu, etxebizitzak eskuratzen ditu eta gero zozketa bidez esleitzen ditu». Zozketa Hondarribian Datozen asteetan izena emateko epea irekiko dute Etxebiden, Hiritarren Zerbitzuko bulegoan edo Hondarribiko BAZen. Etxebizitzetara aurkezteko ezinbesteko baldintzei dagokienez, Hondarribian erroldatua izan behar da bi urtez eta Etxebiden izena emana egon beharko du eskatzaileak 2011ko azaroak 30 aurretik. Zozketa [...]

«Foru Aldundiarentzat legegintzaldiko urratsik positiboena dena», bestela da Aralar eta EBrentzat. Pasaiako Portu Agintaritzak, Foru Aldundiak eta Madrilgo Sustapen Ministerioak badia biziberritzeko gaur sinatuko duten protokoloak erreakzioak erren...

Ez da sorpresarik izan Lezoko udaletxean gaur eguerdia. Ainhoa Zabalo Bilduko zerrendaburuak alkatetza eskuratu du, koalizioko zinegotzien aldeko bederatzi botoekin. EAJk Kepa Garbizu alkategaiari eman dizkio hiru botoak. PSE-EEko ordezkari Mikel Antxon Arrizabalagak, aldiz, ezin izan du Udalbatza eratzeko saioan egon. Kepa Garbizuk eta Lucia Aranburuk (Bildu) osatu dute adineko mahaia, zinegotzi zaharrenari eta gazteenari dagozkien postuetan. Zinegotzi soberanistek “legeak inposatuta” zin egin dute, “Espainiako Konstituzioak Euskal Herriaren borondatea errespetatzen ez duelako”. Jeltzaleek, berriz, Konstituzioa errespetatuko dutela esan dute. Botoak kontatu ondoren, alkate berriak hartu du hitza. “Inoiz baino babes handia jaso dugu ezkertiarrok eta abertzaleok”, esan du Zabalok, eta “guztientzat” lan egingo dutela adierazi du, “inolako bazterkeriarik gabe”.Euskal Herrian ireki berri den aro berria ere aipatu du, eta “bortxakeria, mehatxuak, presioak, atxiloketak eta torturak” gaitzetsi ditu. Presoak eta deportatuak etxera itzultzeko nahia ere adierazi du. Haritz Salaberria orain arteko alkateak “Euskal Herriaren burujabetzaren ikur” den arrano beltzaren bandera ere eman dio Zabalori, baita aginte-uztaila ere. “Ziur guk baino hobeto egingo duzuela” gaineratu du Salaberriak, “eta espero dut, guri gertatu zaigun bezala, inorri ez debekatzea zerrendetan aurkeztea”. Imanol Esnaolak ere hartu du hitza. 1999tik 2003ra zinegotzi izandakoak espetxean dagoen Xabier Alegria zinegotzi ohia gogoratu du, baita Udalbiltzaren lana ere. Nazio [...]

Aiora Perez de San Romanek, Bilduren alkategaiak, hartu du alkate kargua. 12:00etan egin dute udaletxean Alkatetza hartzeko kargua, eta Udalbatza osatuta gelditu da. Aiora Perez de San Romanek 10 boto jaso ditu; EAJko Aitor Santxez Urkiak bat (bera ez da udalbatzarrean egon, bestela bi jasoko lituzke) eta Hamaikabateko Xanet Arozenak beste bat. Perez de San Romanek hitza hartu du ondoren. Eskerrak eman dizkie bertaratutako guztiei, eta osatu duten taldea astelehenetik aurrera lanean hasiko dela iragarri du. Era berean herritarren parte hartzea bultzatuko dutela jakinarazi du, eta parte hartzeko deia egin die herritarrei. OARSO BIDASOKO HITZA-k zuzenean eman du Alkatetzea hartzeko ekitaldia:

Gobernua eratu dute goizeko 9:00etan Hondarribian, eta espero bezala, EAJko Aitor Kerejetak eskuratu du alkatetza, zinegotzien zortzi botorekin. Adin mahaia Gregorio Berrotaranek, EAJko zinegotzi helduenak, eta Amaia Gezalak, EAJko zinegotzi gazteenak eratu dute eta zinegotzien egiaztagiriak frogatuta, legegintzaldi berrian Hondarribiko ordezkariak izango diren hamazazpi kideen zinegotzi karguen jabetza hartzea egin dute. Hauek dira Hondarribiko Udaleko hamazazpi zinegotzi berriak: Aitor Kerejeta (EAJ), Juan Maria Altuna (EAJ), Txomin Sagarzazu (EAJ), Lupe Olaskoaga (EAJ), Amaia Gezala (EAJ), Gregorio Berrotaran (EAJ), Maite Pelaez (EAJ), Katrin Martinez (EAJ), Ibai Labaien (Bildu), Mikel Garmendia (Bildu), Juan Ortiz (Bildu), Kattalin Noblia (Bildu), Marilena Castillo (Bildu), Josu Alvarez (PSE-EE), Ramon Laborda (PSE-EE), Ion Elizalde (Hamaikabat) eta Jose Miguel Ochoteco (PP). Horrela, zinegotzi bakoitzak, Hondarribiko Udalean ohitura den bezala, kargua egiaztatzen duen domina jaso du. Alkate hautaketan espero zena bete da, Aitor Kerejetak (EAJ) zortzi boto eskuratu ditu, Ibai Labaienek (Bildu) bost, Josu Alvarezek (PSE-EE) bi, Ion Elizaldek (Hamaikabat) ez du botorik jaso eta Jose Miguel Ochotecok (PP) bat. Boto zuri bat izan da. Horrela, Aitor Kerejetak alkate karguaren jabetza hartu du datozen lau urtetarako. Hondarribiko EAJk Udal Gobernua bakarrik eratu du, baina ez du baztertu hainbat gairen gaineko akordio zehatzak hartzea gainontzeko alderdiekin. Alderdien arteko harremanari garrantzia eman [...]

10:00etan puntual hasi da udalbatzarra osatzeko ekitaldia Pasaian, eta ordurako herritarrez lepo zegoen Donibaneko pleno aretoa. Ikusleen arteko askok Euskal presoak Euskal Herrira aldarri duten pegatinak soinean zituzten. Herritarren artean ziren, bes...

Fraîch Attitude barazki eta fruitu freskoen astearen barruan, bihar, Marc Veyraten L’herbier gourmand (Botanikari gozozalea) filma proiektatuko dute Mediatekan, larunbatean, 14:00etan eta 16:00etan.

Roman Pokorny txekiar gitarristak kontzertua emango du astelehenean, hilaren 13an, Pausuko Xaia ostatuan. Bakalau elkarteak antolatzen du eta 19:00etan hasiko da.

Ekainaren 15etik irailaren 15era, iaz egin zen bezala, Errepublika Plaza oinezkoentzat izanen da (aparkatzea eta autoz zirkulatzea debekatua izanen da) arratsero (19:00etatik biharamuneko 06:00etara). Aurten, gainera, neurri hori igandean egun osoan in...

Aurten 4. aldiz, Hendaiako Herriko Etxeak Interfel barazki eta fruitu freskoen profesionalen batasunak abiatu duen Fraich’attitude barazki eta fruitu freskoen aste nazionalean parte hartuko du, 2011ko ekainaren 3tik 12ra. Gure elikadurak eragin ...

Hondarribiko Bilduk jakinarazi du bere zerrendaburua aurkeztuko duela bihar alkate izateko, eta hari emango diola botoa. «Hiriko udal talde ezkertiar eta abertzale» bakar bezala definitu du bere burua Hondarribiko Bilduk, eta hiritarrei aurkeztutako udal programa aurrera eramateko “indarberriturik” daudela adierazi dute. “Elkarlanerako prestutasuna” izango dutela nabarmendu dute, “landu beharreko erantzukizunetan beste alderdiekin bat gatozenean. Gure proposamenen alde aritzeko konpromiso sendoa ere izango dugu, hauteskunde kanpainan hiritarrei emandako hitzari eusteko baldin bada”. Udal eredu parte hartzailea bilatuko du Bilduk legegintzaldian, eta parte hartze hori bermatzeko jarriko dituzten baliabideen berri “lehenbailehen” emango dutela jakinarazi dute: “Elkar langintza horretan partaide nahiko genituzke herriko elkarte eta eragile guztiak”. Azkenik, Hondarribiko Bilduk eskerrak eman dizkie maiatzaren 22an botoa eman zieten 2.066 hondarribiarrei, eta emaitza hori “aurrerapauso handia” dela aitortu dute, “Hondarribiko udalgintzaren eta herrigintzaren sinbiosi parte hartzaileari eragiteko”.