Albisteak

Musikirun maketa lehiaketa aurkeztu dute

Cristina Laborda Gazteriako ordezkariak Musikirun maketa-lehiaketa aurkeztu zuen ostiralean. Udaleko Gazteria arloaren ekimena da, eta Phantom Studios disketxearen laguntza izan du. Labordak azaldu du ekimen honen bidez “talde gazteek egiten duten lana ikusarazi eta musika-sorkuntza sustatu nahi dela, eta, bide batez, musika-talde gazteen arteko harremanak erraztu, laguntza-sare berri bat ezartzeko. Irunen musika-aukera oparoa daukagu, eta bultzada txiki bat behar behar du, musikaren mundu zailean urrats bat gehiago emateko”. Nahi duten talde edo solista guztiek parte hartu ahal izango dute, betiere taldeko kideen batez besteko adina 30 urte baino gehiagokoa ez denean. Talde edo bakarlari bakoitzak bi kanta aurkeztu beharko ditu, gutxienez, eta bost, gehienez, eta jatorrizkoak izan beharko dute, bai letrari baita musikari dagokionez. Parte-hartzaileek 2011ko ekainaren 20ra bitarte bidali ahal izango dute maketa. Hirui aukera dituzte horretarako: Postaz, CD formatu digitalean Gazteriako Arlora Posta elektronikoaren bidez: infojuvenil@irun.org helbidera USBn, zuzenean Gazte Informaziorako Bulegoan (GIB). Oraindik maketarik grabatzeko aukerarik izan ez dutenek ere har dezakete parte (antolatzaileekin harremanetan jarri, nola egin jakiteko). Lehendabizi, hautaketa-fasea egingo dute, hots, “jasotzen dituzten maketak ebaluatuko dituzte antolatzaileek, eta horietatik 20 maketa hautatuko dituzte gehienez. Gero, emanaldien unea izango da, eta hautatuak izan diren taldeek eta solistek Irunen joko dute udako hilabeteetan”. Gero, emanaldi bat [...]

admin

Bikingo eguna arrakastatsua izan da

Bikingo egunaren lehenengo edizioa ospatu zuten atzo larunbata Hondarribian. Jai eguna hasteko Guadalupen hasi eta Errandonean bukatu zuten patinete jaitsiera egin zuten. Ondoren, Kai Zaharrean irristatze kirol ezberdinak probatzeko aukera eman zuten e...

admin

Iosu Alvarez da Hondarribiko PSE-EEren buru

Iosu Alvarez da PSE-EEren alkatetzarako hautagaia. Harekin batera doaz zerrendan ondokoak, hurrenez hurren: - Ramón Laborda - Miren Edurne Prieto (independientea) - Alicia Pino - Avelino Vazquez

admin

Auto bat lapurtzen ari zen gaztea atxilotu du Ertzaintzak

27 urteko gazte bat atxilotu du Ertzaintzak bart Kaputxinoak auzoak. Bizilagunak deituta hurbildu da auzora polizia, eta hara iristean gaztea topatu du, auto batera leihatilatik sartzen ari zela. Ihes egin du gidatzen, baina handik gutxira harrapatu du...

admin

EBren hautagaiak Catelsako langileekin bildu dira

EBren hautagaiak, Arantza Gonzalez buru zela, Catelsako langileekin izan dira. Jakina denez borrokan ari dira Catelsako langileak, enpresak hamar urtez ebentual gisa aritutako hamasei langile kaleratu nahi dituztela eta. “Prekarietatearen kontra ari den jende konprometitu eta borrokalariari babesa agertzera etorri gara”, esan zuen Gonzalezek.

admin

Asteazkenean eztabaidatuko dute udalbatzarrean kaiko Herrerarako herritarrek landutako proposamena

Asteazkenean (hilak 18), 19:30ean, Trintxerpeko Alkateordetzan. Hortxe La Herrera Herrira Herri Batzordeak herritar guztiei luzatu nahi dien deialdia. Ezohiko udalbatzarra deitu dute egun horretarako, eta eztabaidagai puntu bakarra: herritarrek azken  bi urtetan kaiko Herrera ordenatzeko auzolanean landu duten hirigintza proposamena.  Gaur luzatu du deialdia La Herrera Herrirak, agerraldian. Parte-hartzera deitu dituzte herritarrak, eta eskerrak luzatu diete orain arte egin duten bidean  lagundu duten guztiei “orain dela bi urte utopia zena errealitate bihurtu dutelako”. Udaleko Hirigintza Saileko Aholkulari Kontseiluaren oniritzia Pozik dira La Herrera Herriran lanean dihardutenak, besteak beste, Udalaren aholkulari kontseiluak oniritzia eman diolako beren proposamenari. Orain udalbatzarrak eman beharko dio argi berdea etorkizunean gauzatuko bada. “Bada garaia alderdiek beren jarrera adieraz dezaten”, esan dute, “maiatzaren 22an botoa ematera joandakoan herritarrek zer bultzatzen ari diren jakin dezaten”. “Mugarritzat” jo dute lortutakoa eta alderdiei eskaera zuzena egin diete: proposamena onar dezatela. Bien bitartean, atxikimenduak  biltzen jarraitzen du herritarren batzordeak. Bihar eguerdian Donibanen izango dira sinadurak jasotzen, eta San Pedron eta Antxon datozen egunotan. Honez gero, 4000 atxikimendu inguru bildu dituzte.

admin

Gazteentzako zentro berria nahi du EAJk

Haurtzaro eta gazteria arloetako aurreikusita dituen proiektuak azaldu ditu EAJ alderdiak. “Gizartea aldatzen ari da, familiarteko eta gizarteko loturak aldatzen ari dira, ahultzen ari dira. Aukerak biderkatu egiten dira baina baita gizartetik at...

admin

Oiartzun Irratia: maiatzak 14

Gaurko programazioa FM107an: 11:00etan. Bertxoko (Hala Bedi Irratia).

admin

Kopan, Gasteiz Cup izango dute aurrean neskek

Euskadiko Federazio Kopako bigarren partida jokatuko dute asteburuan OKE Oiartzun Kirol Elkarteko neskek. Aurreko partida Athleticen kontra 0-1 galdu ondoren, Gasteiz Cup taldeari irabaztera aterako dira Mikel Salegiren neskak. Partida etzi jokatuko du...

admin

Asteburuan hasiko da Txost Herriarteko Pala Txapelketa jokatzen

Palako Herriarteko Txapelketa asteburuan hasiko da, eta bertan parte hartuko dute Txosteko pilotariek. Oiartzungo taldeak bihar jokatuko du lehenengo partida, Ordiziaren kontra, Ordizin. 19:00tan hasiko da larruzko paletako partida, eta ondoren pala mo...

admin

Xanistebanetako aurkezpenak, astelehenean

Xanisteban Jaietako aurkezpen publikoak, ohi bezala, jaien bezperan egingo dituzte. Beraz, astelehenean izango dira —abuztuaren 1ean—, 18:00etatik aurrera, udaletxeko areto nagusian. Xanistebanetako agerkari kulturalak aurkeztuko dituzte  (Mugarri...

admin

Touring bihar hasiko da entrenatzen

Preferente Mailako Touring taldea bihar hasiko da datorren denboraldirako entrenatzen. Horrenbestez, lehen taldeko jokalariak bihar arratsaldeko zortzietarako Fanderiako futbol zelaian deitu dituzte. 2011-2012 denboraldia Javier Peral presidente berria...

admin

Kanpaina abiatu dute eraikuntzako langabeek herrian

Gipuzkoako eraikuntzako langabeen plataformak kanpaina abiatu duela jakinarazi du. Pankarten bidez plataforma ezagutarazi nahi dute.Plataformak, eraikuntzako Gipuzkoako hitzarmena  betearazteko eskatzen du: “Egun ez da errespetatzen eta, langabe...

admin

Jose Antonio Larrain: “Eskerrik asko lagundu didazuen guztiei”

Jose Antonio Larrain. Errenteria-Orereta Touringen zuzendaritza berria lanean hasi dela eta, hamar urtez izan dudan kirol zuzendari kargua utziko dut. Guztiek jakingo duzuenez, halako denbora luzean, denetarik izan da, une atseginak eta hain atseginak ...

admin

Fanderiako pilotalekuan esku pilota, pala eta zesta izan dira madalenetan

Fanderiako pilotalekua ekintzez beteta egon da aurtengo madalenetan: palan eta esku pilotan final bana jokatu dituzte, profesionaletako bi lehia ikusi ahal izan dira esku pilotan, eta zesta puntako Kaiola txapelketako atariko partidak ere jokatu dituzte. Lehenengo lehiak ostiralean izan ziren: XVII. Jose Antonio Zuloaga Memorialeko finalak. Alkartasuna eta Ondarra elkarteek antolatutako txapelketan hiru mailetan jokatzen zuten: Gazte, Promesa eta Senior mailetan. Gazte Mailan Agirre eta Apeztegiak Labaka eta Elustondoren kontra neurtu zituzten indarrak, eta lehenengo bikotea nagusitu zen 22 eta 18. Promesetan, Arrieta eta Bolinaga nagusitu zitzaizkien 22 eta 11 Otamendi eta Murgiondori. Azkenik, Seniorretan, Elezkano I. eta Telletxeak 22 eta 3 irabazi zien Urretabizkaia eta Uzkuduni. Larunbatean, berriz, profesionalen partidekin herritar ugari joan ziren Fanderiara, eta pilotalekua leporaino bete zuten. Ikuskizun polita izan zuten, aurrean, eta markagailu estuarekin, gainera: Irujok eta Pascualek 22 eta 20 irabazi zieten Xala eta Zubietari. Aurreko lehian Aritz Lasa eta Arruti izan ziren nagusi 22 eta 21, Idoate eta Cecilioren kontra. Igandean, berriz, zesta puntako eta XVIII. Joakin Etxeberria Memorialeko partidak jokatu zituzten. Zesta puntako lehiak Kaiola Txapelketaren atarikoak ziren, hiru partida jokatu zituzten, jokalariak banaka puntuatuz. Hala, Narbartek lortu zituen puntu gehien sei, Alberrok bost, Enrique IIak hiru, Lazkanok bi eta Jerobik bat. [...]

admin

Graffititik surfera… Erakusketa berria Mendi Zolanen

Sebastian Allary Hendaian bizi den artista frantsesak L’Art du TAG erakusketa zabalduko du gaur Mendi Zolan kulturgunean, eta abuztuaren 12ra bitartean bisitatu ahalko da, doan. Pasio handiko artista da Allary, ohiko graffitia zein kolore biziko Free...

admin

Urruñako marmitako lehiaketa abuztuaren 28an izanen da

Urtero bezala Berttoli elkarteak marmitako txapelketa antolatu du abuztuaren 28rako, Urruñan. Parte hartzeko interesdunek abuztuaren 16a baino lehen eman behar dute izena. Partaide bakoitzak bere materiala ekarri beharko du, eta antolatzaileek patatak...

admin

Azken eguna euripean, baina giro onean

Gaur gaueko zezensuzkoaren suziriekin  eta Zentenarioa-rekin amaituko dira Madalen Jaiak. Bost egun luze iraun dituzte festek, eta goiz, arratsalde eta gauean jai giroa izan da nagusi. Hala ere, aurten laino grisa gainetik kendu ezinik pasatu dituzte madalenak oreretarrek, euria izan baita nagusi batik bat azken egunetan. Gaur, Santiago Egunean, indarrak lehen egunean bezala ez zeudela nabaritzen zen arren, herritarrak animatu dira goizean prestatuta zeuden ekintzetan parte hartzera. Goizean goiz, meza nagusia izan da parrokian, hango abesbatzak lagunduta. Handik ateratakoan, Maria Madalenaren irudia ermitara eraman dute prozesioan. Eguerdian, bertsolaritzari egin diote tartea Foru plazan. Maialen Lujanbio eta Miren Amuriza aritzekoak ziren, baina bertsolari bizkaitarra ez da agertu, eta bakarkako saioa egin du hernaniarrak. Aurretik Maider eta Ixiar trikitilariek girotu dute plaza. Arratsaldean, berriz, egun osoan zehar prestatzen ibili diren txahala probatzeko aukera izango da Zumardian. Iaz bezala, Euskaldarrak elkarteko kideek 2.500 pintxu inguru banatuko dituzte. Xanti eta Maialen ere ez dira gelditu jai guztietan, eta goizean euria dela eta udaletxetik atera gabe ibili badira ere, ea arratsaldean atertu eta kaleetan barrena ibiltzeko aukera daukaten. Hala ere, laster iritsiko zaie atseden hartzeko denbora, eta iluntzean agurra egingo diete herritarrek. Gauean, berriz, zezensuzkoaren suziriekin eta Zentenarioa-rekin amaituko dira jaiak. Hemendik urtebetera ere bi [...]

admin

Madrilera txangoa egingo dute Kasino Zaharreko kideek

Kasino Zaharra Adinekoen Etxeak txango bat antolatu du urriaren 1etik 8ra, Madrilen bisita bat egiteko. Izena emateko epea ireki dute Adinekoen Etxearen bulegoan eta pertsona bakoitzak bi izenemate egin ditzake gehienez. Ibilaldian zehar, Madril, Cuen...

admin
Gehiago