'Zuena da HITZA' podkasteko hirugarren atalean Irati Erauskin 'La Panto' hondarribiarra izan da protagonista. Sakon hitz egin du hedabidearekin.


Igandean, berriz, KAE 2 Ligako estropada izango da Pasaian; Hibaikak antolatutako V. Ikurrina jokatuko da. Zorionekoak eskualdeko arraunaren zaleak. Asteburuan etxetik gertu dituzte hiru estropada, hiruak ikuskizunaz gozatzeko modukoak. San Miguel Ligaren barruan, Pasaiako Portu Berriaren I. Bandera jokatuko da larunbatean San Pedron, 18:00. Ordu erdi lehenago, nesken estropada izango da, Gipuzkoako Ligaren barruko hirugarren jardunaldia. Igandean, berriz, Hibaikako V. Ikurrina jokatuko da Pasaiako bokalean, 12:30ean. Gaur hiru estropadetatik bi aurkeztu dituzte. San Miguel Ligako estropadaren aurkezpena, Portu Agintaritzan izan da, bera baita estropadaren babeslea. Aurkezpenean, Portu Agintaritzako buru Lucio Hernando eta San Pedroko presidente Josetxo Aranburu izan dira. Azaldu dutenez, aurtengo estropadak badu berrikuntza garrantzitsua. Estropada eremua badia barruan antolatuko dute, eta ez ohi bezala, bokaletik kanpoaldera eta erlojupean. Sei luze eta bost ziaboga osatu beharko dituzte traineruek. ETBk zuzenean emango du estropada, eta zaleek Donibanetik nahiz San Pedrotik ikusi ahalko dute. Hibaikako V. Ikurrina Madalenekin bat eginez, Hibaikak V. Ikurrina antolatu du iganderako. KAE 2 ligako estropadaren berri, udaleko Jose Manuel Ferradasek eta Hibaikako Alex Orena eta Elixabete Pescador arraunlariek eman zuten. Igandeko estropada erlojupekoa izango da. Sei traineruko bina talde osatuko dituzte, sailkapenaren arabera, eta minutura irtengo dira traineruak. Lau luze, hiru ziaboga, eta orotara hiru itsas [...]

Bilbon antolatu zuten lehenbizikoz eta Pasaian antolatuko dute hirugarrenez, irailean. Lehengo asteburuan Hondarribian izan da Mater ontzia, hango Itsasaldia Jaialdian. Eguraldiak lagundu ez arren, harrera oso ona izan dute antolatutako jarduerek. Bilb...

Aurten lehen mailara igo den Real Betis Balompié futbol taldea gaurtik Hondarribian kontzentratuta egongo da uztailaren 25a arte. Talde andaluziarrak txapelketa bat jokatuko du Baionan eta beste bat Irunen, eta Hondarribia hautatu du kontzentrazioa e...

Musik & Arts izeneko festibala egingo dute lehen aldiz larunbatean hasi eta aste betez Hondarribian. Musika eta artea fusionatuko dituen ekimen berritzailea Udaleko areto nagusian aurkeztu zuten atzo goizean, eta Aitor Kerejeta alkatea, Iñaki Etxepare jaialdiaren zuzendaria eta Esther Barandiaran, Musika eskolako irakaslea bertan izan ziren. «Hondarribiarentzat ohore bat da kalitatezko jaialdi honen egoitza izatea», esan du Aitor Kerejtak, Hondarribiko alkateak. «Lehen urtea da, eta ziur datozen egunetan asko entzungo dugula honen inguruan, eta herrian sendo errotuko den zerbait dela, kalitate eta ingurune bikainak ditu eta horretarako, Paradorea, Arma Plaza eta Goiko Errota kasu. Gainera, Hondarribia kultur aldetik Gipuzkoan eta Euskal Herrian erreferente izateko bidean beste urrats bat da, Blues Jaialdiaren ondoren». Musika eta artea Hondarribia Musik & Arts jaialdiaren filosofia hainbat arte elkartzea da, hitzaldi, liburu, aurkezpen, kontzertu eta abarren bidez. Adin guztiei zuzendua da, izan ere ideia eta zaletasun anitz biltzen ditu: dantza, historia, eskultura, musika ekoizpena… Barrokoa, opera nahiz biolin elektrikoa izango dira entzungai eta jaialdiaren hasiera Gipuzkoa Plazan izango da larunbatean. Bertan, Bach y el Mar, Cello Suites in Hondarribia, aurkeztuko dute, eta musika, dantza eta ikus-entzunezkoak uztartuko dituzte.

Txosna batzordeak jai herrikoein aldeko aldarria egin du

Kultur Sustapen Elkarteak antolatuta eta udalak, kirol patronatuak, Batzoki jatetxeak eta Studiodogmak lagunduta, joan den igandean egin zuten Gerardo Elkano oroitaldiaren zortzigarren aldia. Guztira, Gipuzkoa, Bizkaia eta Nafarroako hamahiru talde ari...

Lezo aldizkariaren zenbaki berria kaleratu du udalak. Herriko etxebizitza guztietan banatuko dute, ohi bezala, 24 orrialdeko aldizkaria. Udal gaiak jorratu dituzte, osoki, zenbaki berrian. Bertan, aurreko Udal Gobernu Taldeak egindako lanaren balantzea...

Gipuzkoako Txapelketako partidak izan dira asteburuan, eta gomazko paletan, nagusien lehen mailan, ezin izan zuen Imanol Otegi eta Jon Ormaetxeak osatutako Batzokiko taldeak Usurbil garaitu, eta 25-20 galdu zuen. Javier Martinez eta Ignacio Martinezek ...

Garaipena eskuratu zuen larunbat arratsaldean Hondarribiak Hondartza futbol zelaian. Hiru eta bi menderatu zuten Oiartzungo taldea eta hiru puntuak poltsikoratzea lortu zuten. Horrela, sailkapenean gora egin eta hamalaugarren dira berdeak, zortzi puntu...

Mugen Gainetik Gobernuz Kanpoko Erakundearen argazki erakusketa ireki dute Zuloaga Etxean. Erakusketa 10:00etatik 13:00etara eta 16:00etatik 20:00etara irekitzen dute.

Magia saioa egin zuen atzo eguerdian Tor magoak Hondarribiko Arma plazan. Hator Magiara izeneko ekitaldia, nahiz eta lau eta hamar urte bitarteko haurrei zuzenduta izan, familia guztiarentzat izan zen, eta haurrak, gurasoak eta aiton-amonak gerturatu ziren ikuskizunaz gozatzera. Eguraldi eguzkitsuaren laguntzarekin, umeak eta gurasoak, ikusle soilak izan beharrean, emanaldiaren partaide izan ziren. Euskarazko saio umoretsu eta gertukoa izan zen.

Hondarribiko Athletic Lagun Taldeak San Mamesera bidaia antolatu du Granadaren kontrako partida ikusteko. Hilaren 25ean edo 26an jokatuko dute partida, baina ordutegia ez dute zehaztu oraindik. Horrela, larunbatetik aurrera bidairako izena eman daiteke...

Argoiak kultur elkarteak Gure aurrezkiak. Iragana, oraina eta etorkizuna goiburuko hitzaldia antolatu du aste honetako asteazkenerako. Hizlaria Luis Jesus Perez izango da, Asesores Financieros erakundekoa.

Pasa den ostiralean inauguratu zuten erakusketa berria Luberri Ikasgune Geologikoan, Oiartzunen: Trilobiteen aztarna jarraituz. Hilabete batzuk mantenduko dutela jakinarazi dute Luberriko kideek, baina dagoeneko harrera ona izan duela argi dute. Museoan hainbat pieza ikusiko ditu bertara hurbiltzen denak. Erakusketan dauden fosilak, museoko kideek mundu osoko ikerketetan aurkitutakoak dira: Espainian, Frantzian, Txinan, Ameriketako Estatu Batuetan, Errusian, Portugalen edota Marokon. Euskal Herriko hainbat fosil ere ikusi ahal izango ditu bisitariak. Batzuek 550 milioi urte dituzte. Egun Euskal Herrian atzemandako fosil horiek aztertzen jarraitzen dute, eta museoko adituen arabera, «espezie berriak ezagutzeko bidea irekiko diote zientziari eta Euskal Herriko palentologiari». Interesa duenak Luberrira hurbiltzea besterik ez du. Ergoiengo Pagoaldea industrialdean dago. Asteazkenetik larunbatera irekitzen dute, 09:30etik 14:00etara eta 16:00etatik 18:00etara. Trilobiteak gaur egungo krustazeoen arbasoak izan ziren Trilobiteak artropodo itsastar bitxiak izan ziren, egungo krustazeoen arbasoak. Trilobiteen gorputza hiru ataletan banatuta zegoen —zefaloia, toraxa eta pigidioa—, eta segmentu artikulatu batzuek osaturiko kitinazko oskol batek babesten zituen. Trilobiteek luzakin artikulatu horiek (endopodioak eta exopodioak) zeuzkaten sabelaldean, eta horiek baliatuz, igeri egiten zuten edota itsas hondoan ibili. Ezaugarri berezi horri esker, artikulazioak kiribildu zitzaketen eta pilota itxura hartzen zuten, harraparien erasoei aurre egiteko. Egun, kukurutxek egiten dute hori. Gaur egungo krustazeoek, artropodoek edota intsektuek bezala, [...]

HOBE programaren bi zutabe nagusiak dira elikadura eta jarduera fisikoa. Horrela, Gorka Txapartegi sukaldariak eta Ander Ugarte dietistak Itsas Lur elkartean sukaldaritza osasuntsurako tailerrak egiten ari dira, eta tailer horietan izena emateko aukera dago oraindik. Tailerrak hilaren 3an (etzi), 9an eta 16an izango dira, arratsaldeko seietan, eta izena eman nahi dutenek, 943 11 12 84 telefono zenbakira dei dezakete, edo kirolak@hondarribia.org helbidera idatzi. Udalak eta Osasun Kirolek haurren gizentasuna ekiditeko HOBE programaren bosgarren ekitaldia duela hilabete martxan jarri zuten, eta `Ikasi osasuntsu jaten eta mugitu!´ leloarekin, haurrengan bizimodu osasuntsua bultzatzea dute helburu.

Joni D. musikari ohi bartzelonarrak Que pagui Pujol (Pujolek ordain dezala) liburua aurkeztuko du bihar, hilak 30, Kabigorri Ateneoan, 18:30ean. Joan den mendeko 80. hamarkadako Bartzelona hiriko punk mugimenduari atzera begirada da, mugimendu horren p...

Hondarribian jokatuko dute gaur Gpuntua: 2011ko Gipuzkoako Bertsolari Txapelketako final-laurdenetako hirugarren saioa. Jostaldi pilotalekuan izango da, 17:30etik aurrera, eta Oarsoaldeako bi bertsolari izango dira taula gainean: Alaia Martin, oiartzuarra eta Haritz Casabal, antxotarra. Bi horiez gain, ondorengo lau bertsolariak ariko dira nor baino nor: Aitor Sarriegi, Amaia Agirre, Iñigo Izagirre eta Nahikari Gabilondo. Gai-jartzaile lanetan, berriz, Itziar Etxezarreta ariko da. Saioa antolatzeko lanetan Hondarribiko Udalaren eta Txingudiko Bertso Eskolaren laguntza izango du Gipuzkoako Bertsozale Elkarteak. Sarrerak saioa aurretik leihatilan eskuratu ahal izango dira. Final-laurdenetako sarrera arruntak hamar euro balio du, 16 urtetik beherakoentzat bost euro, eta Bertsozale elkarteko bazkideentzat zazpi. Jon Martin, Idiazabalen Bihar, bestalde, Jon Martin oiartzuarra final-laurdenetako laugarren saioan ariko da Idiazabalen. Zuzenean final-laurdenetako lehian sartu da Martin, aurreko txapelketan egindako lanari esker. Ainhoa Agirreazaldegi, Felix Zubia, Nerea Elustondo, Oier Aizpurua eta Uxue Alberdi izango ditu kontrario oiartzuarrak. Igarondoko pilotalekuan izango da saioa 17:30etik aurrera, eta Inaxio Usarralde izango da aurkezlea.