2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Ereintza eskubaloi taldeak BM Corralesen kontra jokatuko du etzi, 19:30ean, Galtzarabordako kiroldegian. Ereintza egun Espainiako Lehen Mailako liderra da, baina puntu bakarrera dauka BM Corrales.

Ohorezko Mailako liderraren kontra du etzi Pasaiak partida. Don Boscon jokatzen dute zuri-gorriek eta etxean jokatzeak ematen duen abantaila baliatu beharko dute sailkapenean behera jarraitu nahi ez badute. Trintxerpek, aldiz, Oiartzunen du partida, es...

Partida zaila dute Donibane Majestik taldekoek etzi. 18:00etan jokatuko dute, Zumarragako Ispilla kiroldegian, Urola Laztiren kontra. Zumarragakoak sailkapeneko lidergoan dira Amenabar taldeko zarauztarrekin batera.

Gipuzkoako Fiskaltzak 3.240 euroko isuna eskatu du 2006an emakume batek lapurreta berak egin, eta beste gizon bati leporatzeagatik, nahiz eta berak zerikusirik ez izan. Fiskaltzaren arabera, emakume hori bera zen lapurra. 2006ko abuztuaren 11n gertatu ...

Zapore gazi gozoa. Gozoa sarituen zorionarengatik, gazia zortea lagun izan ez zutenengatik. Eskubidea beharko lukeena zozketa bidez erabakitzearen kontraesanak. Urteetako itxaronaldiaren ondoren, azkenik, gaur zozkatu dituzten Antxoko Kultur Etxean Luzuriagako babes ofizialeko 143 etxebizitza, erosketa erregimenean. Horietatik 72 etxe soilik pasaitarrentzat gordeta. Guztira, 2.500 eskatzaile. 11:00ak pasatxo hasi da zozketa, zenbakiak eskuan itxaropentsu zain zeuden herritarren aurrean. Eskatzaileen kopurua kontuan hartuta ikusleak ez dira gehiegi izan, besteak beste, gonbidapena behar zelako zozketa ikusteko, nahiz eta sarreran inongo kontrol neurrik ezarri ez. Oholtzan ipini duten mahaian, Eusko Jaurlaritzako eta Udaleko ordezkariak. Hitza hartzen lehena Eusko Jaurlaritzako etxebizitza ordezkari Pablo Peñacoba. Berak azaldu ditu zozketaren gaineko datu orokorrak. Mahaian zeuden guztiak aurkeztu eta ondoren Amaia Agirregabiria alkateari eman dio hitza. Kritikoa alkatearen irakurketa: «Pasaiako Gobernu Taldea ez dator bat etxebizitza politika honekin», irakurri duen Agirregabiriak. «Eskubideak ez dira zozketagarriak». Pasaiak azpiegituretan duen «gabezia izugarria» salatu du alkateak, eta Antxon eraikitzen ari diren etxebizitzak antxotarrentzat nahi zituztela nabarmendu du. «Jakin ezazue momentu honetan barruti honetan dagoen lokalik handiena eliza dela», esan die Kultur Etxean bildutakoei. Eusko Jaurlaritzari eskaera bat luzatu dio alkateak: « Pasaiako herriak jasaten duen utzikeria gainditu eta Luzuriagako proiektuan aurreikusitako epeak bete ditzatela», proiektuan Antxoko biziberritzerako ezinbestekoak diren azpiegiturak aurreikusten [...]

100. urtebetetzea ospatuko du Jose Antonio Etxabe Saizarrek hilaren 28an. Etxabe Beti Bizkor elkarteko kide ere bada, eta hori dela eta, elkarteak omenaldi txiki bat egingo dio. Gogorarazi dute lehen bazkidea dela 100 urteetara iristen. Hilaren 28an be...

Oiartzungo eta Pasaiako Euskara zinegotziek, Irati Etxebestek eta Amaia Esnarriagak hurrenez hurren, atera zituzten kutxatatik Zeateakoizut? kanpainan saritutako txartelak pasa den astean. Urriaren 9 arte, Oarsoaldea eskualdeko barradun establezimenduetan euskaraz eskatzen zuten bezeroei txartel bat eman zieten zerbitzariek, bi otordu ederren zozketan parte hartzeko. Orain, euskararen zapore goxoa dastatzeko aukera izango dute. Izan ere, bi lagunentzako otordu eder bana irabazi dute Errenterian, Oiartzunen eta Pasaian sarituak izan diren pertsonek. Era berean, saritutako txartelak entregatu zireneko tabernen jabeek sari bera eskuratu dute: Oiartzungo Zuberoa eta Trintxerpeko Izkiña jatetxeetako otordu bikainak dastatuko dituzte. Animoak eta eskerrak Bestalde, Asier Mujika Etxanizek, Oarsoaldea Garapen Agentziako lehendakariak eta Errenteriako Merkataritza, Turismoa, Berrikuntza eta Garapen Ekonomikorako zinegotziak ,eskualdeko bezero guztiak tabernetan eta establezimendu guztietan euskaraz eskatzen jarrai dezaten animatu ditu. Era berean, Zuberoa eta Izkiña jatetxeei eskerrak eman dizkie kanpainarako eskainitako sariarengatik. Saridunak Errenteria-Orereta. Mikel Jimeno Elio eta Manuel taberna. Oiartzun. Juan Miguel Ibargoien Ormazabal eta Museo del Vino taberna. Pasaia. Unai Castillo eta Atari taberna.

Enrike Abril Errebote Txapelketako azkeneko finalerdia jokatu zuten igandean Zubietak eta Luzaz Gaztek. Azken horrek 4-13 irabazi zuen. Ondorioz, Luzaz Gazte (Donibane Lohizune) taldea izango da Kapito Harriren (Ustaritze) kontrarioa azaroaren 6ko Oiar...

TAO eta garabi zerbitzuetako tasak igo dituztelako kritiko agertu da Oarso Bidasoko ELA. Sindikatuaren ustez, “eskandaluzkoa eta neurriz kanpokoa” da TAO erabiltzeagatik irundarrek %20 gehiago ordaintzea, eta garabi zerbitzuaren prezioa %100 garestitzea. Horrela, igoera horiekin, bi zerbitzuak kudeatzen dituen Eyssa enpresari “mesede” egiten diotela uste du ELAk, “jakinda gainera langileei Eyssak dien errespetua zein den”. ELAk esan du duela hiru hilabete bi zerbitzuetako langileen soldatak igotzeari uko egin ziola udalak, “TAOren igoera suposatuko zuelako”. Gipuzkoako beste herrietako TAOko langileen baldintza berberak eskatu zituen orduan ELAk, eta aldarrikapen horrekin greba egin zuten. “Orain, ordea, langileen baldintzak hobetu gabe, zerbitzuaren prezioa igo dute”. Udalak TAO garestitzeko erabili zituen argudioetako bat izan zen lur azpiko parkinak bultzatu nahi zituela, kalekoen aurrean. “Uste dugu igoerak ez duela eraginik izango autoen jabeetan, lur azpiko eta lur azaleko aparkalekuak beharren arabera erabiltzen dituztelako gidariek”. Igoera “neurriz kanpokoa” dela esateko 2006tik eman den KPIren igoerari jaramon egin dio ELAk: «2006tik KPI %12,1 igo da, eta TAO, berriz, %20 garestitu dute”. 2005etik berrikusi gabe zeuden bi zerbitzu horietako prezioak.

Helena Taberna zuzendariaren Nagore dokumentala emango dute ostiralean, abenduaren 16an, Amaia Kultur Zentroko auditorioan. Nagore Laffage gazte irundarraren heriotza lantzen du filmak. Nagoreren amak, Asun Casasolak hartzen du parte, eta badira familiakoen, biktimaren lagunen testigantzak ere, eta, orobat, epaiketa-prozesuan inplikatutako alderdien (fiskala, bi aldeen abokatuak eta genero bortizkeriaren aurkako kolektiboen ordezkariak) ikuspuntuak, artxiboko materiala, krimenaren berreraikitze-irudiak akusatuarekin eta epaiketaren hainbat zatirekin.

Beste urte batez, Errenteriako Udalak merkataritzan euskararen erabilera sustatzera zuzendutako Errenterian, hartu-eman bizian kanpaina jarri du martxan. Irune Balentziaga Euskara zinegotziak jakinarazi duenez, datozen sei hilabeteetarako bi pertsona kontratatu dituzte herriko komertzio eta ostalaritza establezimenduak banan-banan bisitatzeko. Euskararen presentzia areagotzeko lana egingo dute. Balentziagaren arabera, bisita horiek bi helburu nagusi izango dituzte. Batetik, establezimenduak euskaraz dituen datuak eguneratzea, eta bestetik, udalak ematen dituen doako zerbitzu eta diru laguntzak ezagutaraztea. Zerbitzu eta diru laguntza horiek establezimenduetan euskararen erabilera sustatzera bideratu ditu udalak. Euskararen presentzia, hain zuzen, “establezimenduaren kalitatearen ezaugarri garrantzitsua” dela nabarmendu du Euskara zinegotziak. Errenteriako Udalarekin batera, Oarsoaldeko beste hiru udalek ere, Lezo, Pasaia eta Oiartzungoek, parte hartzen dute egitasmo horretan, eta Oarsoaldea Garapen Agentziarekin elkarlanean ari dira. Hain zuzen, proiektua Euskara Komertziora planaren barruan dago. Zerbitzuak eta diru laguntzak Egitasmorako kontratatu dituzten bi langileek establezimenduei informazioa xehe-xehe emango dieten arren, udalak horren gaineko informazioa aurreratu du. Zerbitzuei dagokionean, itzulpen eta hizkuntza aholkularitza zerbitzua eskainiko du, testuak zuzentzeko. Horrez gain, informazio oharrak ere banatuko ditu zabalik-itxita, merkealdia, lehen/orain, oraintxe nator, menua euskaraz eta antzeko oharrekin. Merkatari eta ostalariei ere euskara eskolak emango dizkiete hala nahi izanez gero. Diru laguntzak, berriz, establezimenduaren errotulua, poltsak, eta webgunea euskaraz jartzera eta euskara eskoletara [...]

Gipuzkoako Trinkete Txapelketa ongi baino hobeto hasi dute EPLE Errenteriako Pilotaren Lagunak Elkarteko bi taldeek. Eskuz banakako Nagusien Bigarren Mailan, lehen jardunaldian, EPLE 2ko Antton Aranburuk 40 eta 27 irabazi zion Mundarro 1i Gaskako trink...

Julen Mujika sanjuandarra atxilotu du Frantziako Poliziak gaur goizean Donibane Garazin. Ihintza Oxandabaratzekin atxilotu dute, elkarrekin bizi diren etxebizitzan, Nafarroa Behereko hiriburuko erdigunean, Espainia kalean. Goizeko zortzietan bertaratu dira poliziaren hamar bat ibilgailu. Garde-a-vue protokoloa aplikatu diete Mujikari eta Oxandabaratzi, eta Yolanda Molina abokatuarekin ordu erdiz egoteko aukera izan dute. Etxebizitza miatu dute poliziek, arratsaldeko hirurak arte, eta Baionako komisaldegira eraman dituzte pasaitarra eta baxenafarra. Bitartean, 40 bat lagunek babesa eman zieten kanpoan. ETAren zulo batekin lotura Parisko epaile Laurence Le Vertek aginduta atxilotu dituzte gaur goizean Mujika eta Oxandabaratz. Epailearen arabera, ETArena dela dioten zulo batekin dute harremana biek. Zulo hori 2009an atzeman zuten, Herault departamenduko Minerve herrian. Oxandabaratzek bost hilabete daramatza haurdun, eta lekukoek jakinarazi dutenez, eskuburdinak jarri dizkiote. Aurretik ere espetxean egon da. Gaur arratsaldean, 19:30ean, elkarretaratzea egingo dute Pasai Donibaneko Santiago plazan.

Beste jardunaldi batez, Ereintza eskubaloi taldeak ez du hutsik egin. 25-20 irabazi zion larunbatean Arian San Antonio Ardoiri. Lortutako bi puntuekin bigarren jarraitzen du Errenteriako taldeak, Amenabarren atzetik.

Agustinetan ere ez du hutsik egingo San Tomas Egunak. Egun ofiziala abenduaren 21a den arren, auzoan ere egingo dute azoka, baina hiru egun lehenago, igande honetan. Egun horretarako ohiko egitaraua prestatu du bertako auzo elkarteak, eta azoka izango ...

Imanol Ugaldek eta Ekain Etxeberriak finalerdietara iristea lortu dute Gipuzkoako Pilota Txapelketan, Haur Mailan, banaka. Ugaldek etzidamu jolastuko du Madalensoro, 20:30ean. Etxeberriak kanpoan jokatuko du finalerdia. Ez dute zehaztu noiz eta non.

Andra Mari Abesbatzak Euskadiko Orkesta Sinfonikoarekin batera ariko da etzi, Gasteizeko Principal antzokian. Philip Picketten zuzendaritzapean. Kontzertua La Caixaren Gizarte Ekintza Fundazioak antolatu du. Iaz, Iruñeako Baluarten egin bezala, aurten...

Gabonetako lehenengo erakusleiho lehiaketa antolatu du udaleko Turismo eta Merkataritza Sailak. Merkataritza herriko egunerokotasunaren parte izateko helburuz, ondoen apaindutako establezimenduei sariak emango dizkiete. Gabonak girotu nahian, erakusleiho apainduek hilaren 21etik urtarrilaren 8ra arte egon beharko dute ikusteko. Kalera ematen duten erakusleihoa duten establezimendu guztiek parte hartu ahal izango dute. Askatasun osoa izango dute teknika eta estiloari dagokionez, eta izena emateko epea hilaren 19an itxiko dute. Biztanleen Arreta Zerbitzuan eman behar da izena. Epaimahaiak diseinua, sormena, irudi komertziala eta produktuaren aurkezpena baloratuko ditu, eta erakusleiho onenentzako hiru sari izango dira, 450, 300 eta 200 eurokoak. Bertako merkataritza Aitor Kerejeta alkateak testuinguru orokor batean kokatu du lehiaketa: «Hondarribiko Udalak kontsumoa hobetu eta indartu nahi du, zenbait bidetatik: batetik, Matxin Artzu eta Bernat Etxepare kaleetako azpiegiturak hobetzen ari gara. Iaz, Almirante Alonso eta horren kale elkartzutak berritu genituen, 5,5 milioi euroko inbertsioa eginez». Gabonetako argiak jartzeko 28.000 euroko inbertsioa egin dutela zehaztu du Kerejetak: «Eta horrez gain, lehiaketa hau jarri dugu martxan». Udalak, merkatariek eta Bidasoa Bizirik-ek osatutako Merkataritza Mahaiari ere garrantzia eman dio alkatea: «Hiriko merkataritza sustatzeko ahal dugun guztia egiten ari gara, eta hala jarraituko dugu».