2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Marisa Prego trintxerpetarrak irabazi du Pasaiako Hiria margo lehiaketako bigarren saria. Contrastes… nosotros mismos izena du saritutako lanak. Akrilikoan sortutako margoak, pintzeladak eta txertatutako elementuak uztartzen ditu. Progaren lana e...

Mikel Antxon Arrizabalaga Lezoko PSE-EEko zinegotziaren arabera, «egunetik egunera Bilduk San Markoko zabortegia berriro irekitzeko aukera handiagoa da». Izan ere, bere esanetan, errauste plantaren atzeratzeak Gipuzkoa “zabortegiz beteko du”. Horrela, zaborra atez ate jasotzeko sistemari egotzi dio errua. “Sistema hori ezarri nahi dute, eta birzikla ezin daitezkeen materialak zabortegietara eraman”. Arrizabalagak gogorarazi duenez, San Markoko zabortegia 40 urtez egon da zabalik: “Zabortegia ixtearen kontrako jarrerak gainditzea asko kostatu zitzaigun, alderdi politiko guztiak bateratu genituen eta, horregatik, ez dugu amore emango”. Bosgarren edukiontzia Horregatik, Lezoko Udaleko zinegotziak bere alderdiaren jarrerarekin bat egin du. Horrela, bosgarren edukiontzia aldarrikatu du, atez atekoari kontrajarriz. “Atez ateko sistema zikina da, deserosoagoa eta garestiagoa da”, esan du. “Horregatik, kalean dauden edukiontzi itxi eta ordenatuen alde egiten dugu, hondakin birziklagarri eta konpostagarriak jasotzeko modu onena dela iruditzen zaigulako”. Gainera, birziklatzearen alde daudela adierazi du, “baina mehatxu neurririk gabe”. Horrez gain, atez ateko sistema “Europan gero eta gutxiago erabiltzen» ari direla esan du. Gainera, sistema hori dagoen herrietako (Oiartzungo, Antzuolako, Hernaniko eta Usurbilgo) bizilagunen “«kopuru handi” batek zaborra “beste herrietan” botatzen duela esan du. Horregatik, uste du “ezinezkoa” dela birziklapen portzentajea handitu izana. Kritikak Garbitaniari Garbitaniari kritikak egin dizkio zinegotziak: “Elkarte opakua [...]

Odol Emaileen Elkarteak odola ematera joateko deia egin du. Gaur, Reina aretoan dago aukera elkartasun keinua egiteko, 18:30etik 20:30era. Bihar, berriz, Beraungo anbulatorioan eman daiteke odola, ordutegi berberean. Gipuzkoako Odol Emaileen Errenteria...

Ekainaren 11n hartu zuten Errenteriako Udala Bilduk eta Errenteriako Ezkerrak (EE), eta lehen sei hilabeteen ondoren, balantzea egin dute. Epe horretan, gutxiengoan agindu arren, gainontzeko alderdiekin udalak eduki duen “akordio eta elkarrizketarako gaitasuna” nabarmendu du Errenteriako Udaleko Gobernu Taldeak. Horrez gain, beste bi adierazle ere kontuan hartu ditu: erabaki estrategikoak hartzeko gai izan dela eta politika egiteko beste modu bat erakutsi duela, herritarrek egindako eskaerari jarraituz. Julen Mendoza alkateak beste elementu batzuk ere aipatu ditu. Horien artean, duela hiru aste aurkeztutako Herria Plana. 2025erako Errenteria-Orereta diseinatzea du helburu plan horrek, eta lau lan ildo nagusi ditu, izenburu eta guzti: Etorkizunera Bidean, Biziberritze Ekonomikoaren Bidean, Herri Bizitzaren Bidean eta Bidearen Bidean. Hala, etorkizunera begira, plan estrategikoa garrantzia hartzen joango dela esan du Mendozak, eta espero dutela “prozesu parte hartzaile zabal baten ondorio” izatea. Parte hartzearekin lotuta, auzo batzar irekiak egin dituztela gogorarazi du alkateak. Herriko hamabost auzo elkarteekin bildu dira, eta ia 1.500 pertsona pasatu dira bilkura horietatik. Esperientzia oso positibotzat jo du Mendozak, eta horri esker, “herriaren erradiografia eta diagnostikoa” egin dituztela esan du. Handik, etorkizunera begirako lan ildoak ateratzen ari direla azaldu du, eta aurrera begira ere asmoa dutela batzar horiekin jarraitzeko: elkarteekin “kate iraunkor eta irekia” izan nahi [...]

Arantxa Carrillo hondarribiarrak jaso du Hondarribiko Higer merkatarien elkarteak Gabonetako kanpainan oparitu duen 3.000 euroko erosketa txekea. Fernando de la Fuente, Higer merkatarien elkarteko presidentea eta Mati Moreno, Matxin Artzu kaleko Moda A-Dos dendako jabea, izan ziren iragan ostegunean moda dendan bertan egin zuten sari banaketan. Hala, Arantxa Carrillo irabazleak, ostirala baino lehen, hiriko dendetan 3.000 euroko txekea gastatu beharko du. Zozketarako txartelak Ekimenean, Higer merkatarien elkarteko saltokiek, bezeroek egindako erosketen arabera, zozketarako txartelak doan banatu zituzten, iragan abenduaren 22ra arte, Gabonetako loteria zozketa egin zen egunera arte hain zuzen ere. Zozketa horren arabera erabaki zuten txekearen irabazlea nor izango zen. Kanpaina, kontsumitzaileei proposamen erakargarriak luzatuz, Hondarribiko merkataritza bultzatzeko egin dute. Hala, Bidasoa Bizirik-ek, Jaurlaritzako Merkataritza Sailak eta Hondarribiko Udalak laguntzen duten programa estrategikoaren barruan dago. %5eko deskontua Gainera, Higer merkatarien elkarteak, Hondarribia Txartelaren bidez, abantaila eta deskontuak eskainiko ditu herriko denda eta jatetxetan. Horiek baliatzeko, elkarteko edozein establezimendutan txartela aurkeztu behar da. Txartelik ez duenak, bertako dendetan eta Rural Kutxan egin dezake eskaera.

Klink elkarteak Gabonetako bazkari eta afariak prestatzeko ikastaroak eman ditu abenduan Harresilanda kalean duen egoitzan. Hala, hainbat menu egiten irakatsi dute, eta iaz eta aurten egin dituzten menu guztiak Interneten jarri dituzte ikusteko. www.kl...

Ostegun arratsaldean egingo dute Errege Magoen Kabalkada Irunen. Letxunborro etorbidetik abiatuko da, 18:30ean, eta honako ibilbidea egingo du: Hondarribia kalea, Kolon Pasealekua, Leon Iruretagoiena, Prudencia Arbide, eta San Juan plazan amaituko d...

Pasa den abenduaren 17an Illimani Errenteria-Oreretako gobernuz kanpoko erakundeak Gabonetako jaialdia egin zuen Errenteria Hiria Kulturgunean. Azken asteotan hainbat ekintza egiten aritu da, eta 1.500 euro inguru bildu ditu Illimanik, eta horiek ̶...

Gipuzkoa Zero Zabor-i buruzko hitzaldia emango dute gaur arratsaldean Gezala Auditoriumean, 19:00etatik aurrera. Lurraldean ahalik eta zabor gutxien sortzeko taldeko kideek emango dute hitzaldia. Bertan, mugimendu horrek aurrera daraman lana azalduko dute. Horrela, Zero Zabor eredua zaborrentzako “irtenbidea” dela aldarrikatzen dute, hondakinen prebentzio eta birziklapenean neurri eraginkor eta errealak ezartzen baititu. Horri buruzko argibideak eman eta zalantzak argitu nahi dituztela jakinarazi dute. Zaborra “arazo” Gipuzkoa Zero Zabor taldearentzat «arazoa» da gaur egun hondakinena: “Urtean 400.000 tona hondakin sortzen ditugu eta etxeko hondakinen %75 nahasita, zabor bihurtuta, jasotzen ditugu. Zabortegi kutsakorrak gainezka egiten ari zaizkigu eta batzuek arazoari proposatzen dioten sasi-irtenbideak, errausketak, ez digu itxaropenerako tarterik uzten”. Taldearen arabera, zaborra naturatik irtendako materialek osatzen dute, eta behin erabilitakoan, berriz ere den horretara itzultzea proposatzen dute, ekonomian txertatzeko.

Jose Antonio Santano Irungo alkateak San Juan goza ezazu ekimena aurkeztu du aste honetan. Horren arabera, San Juan-Etxeandia berria inauguratzeko xedearekin, asteburu osoko jaialdia antolatuko du udalak herriko eragileekin elkarlanean, maiatzean.

Pontikako ibarreko lurzoruko kutsadura maila aztertzeko lanak hasiko ditu Errenteriako Udalak, Jose Manuel Ferradas Ingurumen eta Mendi zinegotziak jakinarazi duenez. Horren harira, egun degradatuta eta lurperatuta dagoen Mastiko ubidearen leheneratzea aurreikusi dutela gaineratu du ingurumen zinegotziak. Ikerketa gauzatzeko, Ondoan enpresarekin 34.000 euroko kontratua sinatu zuen udalak hilabete hasieran. Eusko Jaurlaritzaren diru laguntza jasoko du ekimen hori burutzeko, eta enpresak, berriz, lau hilabeteko epea izango du lan horiek egiteko. Zundaketa eta laginketak Pontikako ibarraren azterketa historikoa, ingurune fisikoaren ikerketa, plangintza analitikoa duen laginketa estrategia, jasotako emaitzen balorazioa eta arriskuen analisia egingo ditu Ondoan enpresak. Halaber, bost metroko sakonerako zundaketa mekanikoak, piezometroak, eta lurzoruaren, hondakinen eta uraren laginketak egingo dituzte Pontikan, bere garaian bertan zegoen industriak kutsadura eragin ote zuen zehazte aldera. “Baliteke konposatu kutsatzaileak azaltzea azterketa horietan: metal astunak, kloratutako disolbatzaileak, olio mineralak, zianuroak edota PCBak”, zehaztu du Ferradasek. Izan ere, ingurune horretan 1858. urteaz geroztik ehun-gaien akabera eta larrua lantzen zuten Lucas Gamon eta Arizmendi Hermanos enpresak aritu ziren lanean, hurrenez hurren. 1889. urtean, berriz, Fabril Lanera SA enpresa hasi zen ehun-gaien akabera lanetan, 1975. urtean itxi zuten arte. Aintzinean padura izandakoan, berriz, metalaren sektoreko Gecotor enpresa aritu zen lanean. Azterketa lanak bukatuta, Pontikako lurzoruan legezko mugak gainditzen dituzten kutsadura [...]

Lakaxita gaztetxeak Bertso-Sex afaria antolatu du martxoaren 2an, ostiralarekin. “Erotismoz betetako saio honetan, betiko itxura serioa alde batera uzteko eskatuko diegu bertsolariei”, esan dute antolatzaileek. Afarirako txartelak hamar eur...

Hondarribiko merkataritzaren alde lan egiten du Higerrek, Hondarribiko Merkataritza Elkarteak. Krisi garaiak eta Portua auzoko lanek laguntzen ez badute ere, proiektu berritzaileetan lanean dabiltza Hondarribian. Fernando de la Fuente zuzendariak garbi du krisiari aurre egin behar diotela. Zergatik sortu zenuten Higer? Lehenagotik beste merkataritza elkartea bazegoen. Higer 1990eko hamarkadan sortu genuen, indarrak batuz, bertako merkataritzari laguntzeko. Nortzuk osatzen duzue elkartea? Hondarribiko sektore ezberdinetako hogeitazazpi establezimenduk osatzen dugu elkartea. Gainera, Hondarribia Txartelarekin, merkatari gehiago animatu dira elkartera sartzera. Zer da Hondarribia Txartela? Egun daukagun erreminta garrantzitsuena da, eta merkataritza bakarra egitea da helburua. Bertako dendetan abantailak baliatzeko aukera ematen du, baina batez ere, bezeroak fidelizatzean datza egitasmoaren muinak. Txartela doan da, eta ez da bankuz aldatu behar. Rural Kutxaren laguntzarekin egin dugu. Gaur arte, %5eko deskontua daukate bezeroek egiten duten erosketa bakoitzean, eta bihartik aurrera, eskaintza berriak izango dira: puntuak, deskontu gehiago, opariak, afariak… 300 txartela baino gehiago egin ditugu orain arte, eta horiek erabiltzen ari dira. Txartela gero eta gehiago erabilita, gero eta eskaintza gehiago egin ditzakegu. Herritarrak animatu nahi ditugu txartela egitera, abantailak besterik ez baititu eskaintzen, eta inolako gasturik gabe. Txartelak TAO ordaintzeko ere balio dezan aztertzen ari gara. Etorkizuneko lanabes garrantzitsua izango da. Zein da hiriko merkataritzaren [...]

Wilt, panpina puzgarriaren hilketa euskarazko antzezlana eskainiko du Ados Teatroa konpainiak larunbatean, Amaia KZn (20:00). Antzezlanak Henry Wilt Arte eta Lanbide Eskolako Literatura irakaslearen istorioa kontatzen du. Wiltek ez du bere emazte Eva j...

Gaur, Oiartzun Irratiko Kirolez blai! saioan, atletismoaz ariko dira. Hiru atleta gonbidatu ditu Joxe Migel Lopez esatariak: Mikel Odriozola, Javier Eskudero eta Edurne Viñas. Londresko Olinpiar Jokoetarako prestatzen ari da Odriozola, 50 kilometroko ...

Martxoaren 5era arte eman daiteke izena; txapelketa martxoaren 9an, 16an eta 23an jokatuko dute tabernan I. Dardo Txapelketa antolatu dute Makutxo tabernan. Astelehena da izena emateko azkeneko eguna, eta martxoan zehar jokatuko dituzte partidak izena ...

Soroeta auzoko lanak hasi dituzte; hamabost hilabete iraungo dute. Ur saneamendua berritzeaz gain, oinezkoei lehentasuna emango dietela esan dute udaletik. Obrak irauten duten bitartean, Soroetako futbol zelaian aparkatzeko aukera egongo da, egoiliarrentzat bakarrik. Girizi kalean hasi dituzte lanak, eta bertan, besteak beste, 35 aparkaleku egingo dituzte, behin betikoak horiek. Aldaketak auzoan Obraren lehenengo zatian bi aldaketa izango dira auzoan. Donostia kaleko lehenbiziko zatia, gorantz joateko izango da bakarrik, eta Soroetatik ateratzeko bi bide izango dira: Haizeleku kaletik bat, eta Eguzkilore eta Ama Guadalupekoa bitartean dagoen kaletik bestea.