Albisteak

Inauterien barruko lehiaketak abian jarri dituzte

Hilabete inguru geratzen da Inauteriak iristeko, eta Hondarribiko Udaleko Kultura Sailak bi lehiaketa antolatu ditu horri begira. Lehenengoa, kartel lehiaketa, eta bigarrena, otsailaren 19an egingo duten desfilea: bertan talde onenei sariak emango dizkiete. Aurten, desfilearen ibilbidea aldatuko dute, Portua auzoko lanak direla eta. Desfileak ezingo du Matxin Artzu kaletik pasatu, eta Bernat Etxeparetik jarraituko du Zuloaga kalera, egungo trafiko norabidearen kontra. Antolatzaileek hala azalduta, Hondar jatetxe inguruan San Pedro kalera bidean, bira estua egin beharko dute karrozek. Ez dute gutxieneko neurririk ezarri, eta ibilgailuek garraiatuta edo ibilgailu batean egindakoak izan daitezke karrozak. Musika aparailua eraman dezakete, eta su itzalgailua derrigorrezkoa da. Izena emateko Desfilean parte hartu nahi dutenek, Hondarribiko Bezeroaren Arreta Zerbitzuan (BAZ) eman behar dute izena, otsailaren 10a baino lehen. Parte hartzeko lau talde daude: banakakoa; bat eta bost partaide artekoa; sei eta hamabost kide artekoa, eta hamabost partaidetik gorakoa. Azken talde honetan, gehienez hamabost konpartsa onartuko dituzte: herrikoek dute lehentasuna. Kartel lehiaketa Inauteriak datozela iragartzeko, kartel lehiaketa antolatu dute ere, eta hilaren 26tik 28ra aurkez daitezke lanak BAZen. Artistak nahi duen teknika erabil dezake kartela egiteko, eta originalak behar dute izan. Kartel irabazleak iragarriko ditu Inauteriak. Lanak ikusgai jarriko dituzte otsailaren 13tik 26ra, Zuloaga Etxeko erakusketa aretoan.

admin

The White Towels-en kontzertua, bihar, Uxoan

Men of Rock Musika elkarteak antolatuta, bihar, ostirala, The White Towels talde hondarribiarrak kontzertua emango du 22:30etik aurrera Butroi pasealekuko Uxoa tabernan. Kontzertua abenduaren 16rako antolatuta bazegoen ere, arazo batzuek medio, zuzenek...

admin

2.000 euro bildu ditu Illimani elkarteak

Illimani elkarteak azken kanpainan 2.000 euro jaso dituela eta dagoeneko La Pazeko (Bolivia) begiraleen eskuetan dagoela jakinarazi du. Diru hori jaso ahal izateko emandako laguntza eskertu die Alaia, Megas, Lagunak eta Laguntasuna elkarteei, eta CAN e...

admin

Bihar, Urdaburun izena emateko azken aukera

Bihar izango da azken aukera Urdaburuk antolatutako Urumeako birako azken etapan izena emateko. 20:30etik 22:00etara egongo da zabalik egoitza, eta tarte horretan, 943 52 78 79  telefono zenbakira deituta ere egin daiteke. Kausotik Donostiara joango d...

admin

Irun dastatzeko gonbidapenarekin Fitur martxan jarri dute

Irungo eskaintza gastronomikoa nazioartean jakitera emateko helburuarekin, Irun Dastatu ekimena Madrilgo nazioarteko turismoaren azokan (FITUR) parte hartzen ari da egunotan. Hala, irudian ikusi daitekeen Inaxio Muguruza Atalaia jatetxeko sukaldariaz g...

admin

2012ko ‘Haur bat, zuhaitz bat’ ekimena abiatu dute

Irungo Udalak aurtengo Haur bat, zuhaitz bat ekimena antolatu duela jakinarazi zuen atzo. Irunen 2011. urtean jaiotako haur guztien gurasoei zuzenduta dago ekimena. Aurten, berritasun batekin dator gainera, ez baita orain arte bezala San Martzialeko ze...

admin

Ahuntza talde bat aske dabil Aiako Harrian

Aiako Harria Parke Naturaleko zuzendaritzak atzo jakinarazi zuenez, ahuntza talde bat aske dago gune babestuaren barruan. Gipuzkoako Erabilgarritasun Publikoko Mendien araudian, zein Aiako Harrikoan ere, ahuntzak ibiltzea debekatua dago. Beraz, udalak ...

admin

Elkartasun keinua

Iazko azaroan egindako jaialdian bildutako dirau eman dio Haurtzaro Ikastoilak Seaska elkarteari Iazko azaroaren 26an kontzertuak izan ziren Elorsoro kiroldegian, Seaska Ipar Euskal Herriko ikastolak biltzen dituen elkartea laguntzeko. Esne Beltza, Betagarri eta Bad Sound System igo ziren taula gainera. Eta ekimena Haurtzaro Ikastolak eta Ttur-Ttur Euskaltzaleon Bilguneak antolatu zuten, Oiartzungo Udalaren laguntzarekin. Bertan bildutako dirua herenegun eman zion Haurtzaro Ikastolak Seaskari: 12.000 euro, guztira. Haurtzaro Ikastolako zuzendari Sorkunde Lekuonak izan zuen Seaskako presidente Paxkal Indori dirua emateko ardura. Horrez gain, eskerrak ere eman zituen: «Eskerrak eman behar dizkiogu jaialdia antolatzen lagundu ziguten guztiei, eta laguntzeko prest agertu zirenei ere bai. Baita parte hartu zuten guztiei ere». Lekuonak aitortu zuenez, jendearen erantzuna uste baino hobea izan zen: «Espero baino jende gehiago hurbildu zen, oso erantzun ona eman zuten. Gainera, euskal giroa izan zen nagusi. Jendea, benetako elkartasunez gerturatu zen kontzertuetara, ez bakarrik musikagatik». Indok ere eskerrak eman zituen: «Eskerrak eman behar dizkiogu Haurtzaro Ikastolari, eta jaialdi hau posible egin duten guztiei. Izan ere, guretzako oso garrantzitsua da ekimen hori aurrera atera izana eta diru guzti hori biltzea». Elkartasuna ere nabarmendu zuen: «Dirua garrantzitsua da, bai, baina giza elkartasuna nabarmentzekoa da». Lekuonak gogorarazi zuenez, oraindik asko dago egiteko: «Elkartasun keinuak egiten [...]

admin

Atzeratu egin dituzte ‘Jaizkibel’ dragari brankako dorretxoa jartzeko lanak

Gaur arratsaldean egin behar zituzten lanak, baina itsasoaren egoera kaxkarrak ez du maniobra mantendu. Hori dela eta, biharko arratsaldeko 18:00etan egitea aurreikusi dute, itsas gorarekin. Jaizkibel dragari brankako dorretxoa jartzeko maniobra ikusga...

admin

Lehen hirurak berdinduta, areto futbolean

Lehen Mailan Oiartzunek lehen postuan jarraitzen du, baina hurrengo biekin berdintuta. Bihar, 17:30ean, Egintzari irabazi beharko dio etxean, aldea irabazten joateko. Power Rangersek Idiazabalen jokatuko du gaur 22:30ean. Eta DPO Baobabek Hirukideren k...

admin

Mariasun Landa Sariak banatuko dituzte bihar

Emakume Eguneko ekitaldiak indartsu hasi zituzten atzo, Galtzarabordako kiroldegian. Jende andana bildu zen auzo elkarteetako emakumeek prestatutako dantza ikuskizuna ikusteko. Bihar, berriz, Mariasun Landa Sariekin jarraituko dute Emakumeen Egunaren ...

admin

Atez atekoaren gainean herritarrei kontsulta egitea eskatuko du EAJk

EAJk mozioa erregistratu du gaur udaletxean, atez atekoaren inguruan parte hartze foroak martxan jar daitezen eskatuz, eta herritarrei kontsulta egiteko proposatuz. Oso kritiko ageri da EAJ gobernu taldearekin, eta besteak beste, demokraziarik eza leporatzen die, atez atekoaren aferan jokatzen ari den paperarengatik. “Pasaiako EAJ-PNVren zinegotzi taldea, atez atekoa ezartzearen aurkakoa da” esan dute, diotenez, “sistema neurrigabea delako herritarrei eskatzen zaien sakrifizioaren aurrean, zalantzarik gabe askoz garestiagoa delako eta ez delako inolaz erakutsi eraginkorragoa denik”.  “Ez dugu zabor poltsarik nahi gure kale eta eskatzetan” gaineratu  dute. EAJren iritziz “herritarrak dira jarraitu beharreko bidea aukeratu behar dutenak, eguneroko bizitzan zein etorkizunari begira zuzenean eragiten dien gaia izanik”. Horregatik ezinbestekotzat jotzen dute gaiari buruzko  parte hartze prozesu bat abiarazteari, eta kontsulta bat ere proposatzen dute, galdera zehatza proposatuz. EAJren arabera hauxe litzateke herritarrei galdetu beharko litzaieken galdera: “Pasaian atez ateko bilketa sistema ezartzearen aldekoa zara? BAI ala EZ”.  

admin

Aiton Bordak Benidormera bidaia antolatu du

Aiton Borda Lezoko erretiratuen elkarteak Benidormera (Alacant, Herrialde Katalanak) bidaia antolatu du ekainaren 23tik 30era. Datorren asteartetik eman daiteke izena Aiton Bordan bertan. Ordutegia 11:00etatik 12:30era izango da, asteartetatik ostirale...

admin

Bigarren postutik hirugarrenera, neskak

Pasa den asteburuan Mondragonen kontra berdintzeak ondorioak ekarri dizkie oiartzuarrei. Hala, bigarren postutik hirugarrenera jaitsi dira, gainontzekoen emaitzek ere hala bultzatu dutelako. Asteburuan Pauldarrak taldea izango dute aurrean: etzi, 16:00...

admin

Kale ekintzan emakumeak omenduko dituzte haurrek

Emakumeen Nazioarteko Egunarekin lotuta egongo da kale ekintza ere aste honetan. Ttakek sei eta 12 urte artekoekin antolatzen duen aisialdi eskaintza ere emakumeen inguruan prestatu du, omenaldi txiki moduan. Horretarako, giza irudiak egingo dituzte et...

admin

Paletako finalerdian ariko da Batzokiko, Fanderian

Bihar, 16:30ean, gomazko paletako finalerdia jokatuko du Batzokikok Goierriren kontra, Fanderiako frontoian. Beste lehia batzuk ere izango dira: Landare-Altzatarra (gaur, 21:15ean) eta EPLE-LAPKE (bihar, 16:30ean).

admin

‘La mentalidad ganadora’ liburua aurkeztu du Unai Emery hondarribiarrak

Futboleko Lehen Mailako Valentziako entrenatzaile Unai Emery hondarribiarrak La mentalidad ganadora liburua aurkeztu zuen astelehenean Valentzian. Lana, Juan Carlos Cubeiro irakaslearen laguntzarekin egin du. Cubeiro Lidergo irakaslea da Deustoko Unib...

admin

Bihar eguerdian errepidea moztuko dute Jaizubia inguruan, 20 minutuz

Datorren larunbatean, martxoaren 10ean, Urdanibia auzoaren inguruan egingo den Suhiltzaileen lasterketa dela-eta trafikoa moztuko da Jaizubia hiribidearen eta Errotaundi kalearen artean, suhiltzaileen parkerantz abiatzen diren ibilgailuentzat zein kont...

admin
Gehiago