2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Datorren igandean, hilak 10, Iruñerriko itzuliko (Gr-220) bigarren ibilbidea egingo dute Jaizkibel Mendizale Taldeko kideek, Ardanatz eta Labiano artean. Hamabost kilometroko bidea egingo dute, eta guztira 700 metroko desnibela izango du. Ardanatzen hasiko dute ibilbidea, hiriburutik ekialdera dagoen herrian. Gorantz hasiko dira, zazpigarren kilometroan Irulegiko gaina (893 metro) zapaldu arte. Izen bereko gazteluaren aztarrenak daude bertan. Hortik Taxoare mendizerratik jarraituko dute, Lubiano herriraino. Informazio gehiago nahi duenak elkarteko telefono zenbakira dei dezake (943 51 47 00), asteazken eta ostiraletan, 19:30etik aurrera. Webgunean ere irteera bakoitzaren informazio jartzeko ohitura dute Jaizkibelekoak.

Datorren ostegunean, hilaren 9an, Erromatar Arkeologia Gipuzkoan liburua aurkeztuko dute Oiasso Erromatar Museoan, Minervaren Foroa programaren barruan. Ekitaldian Mertxe Urteaga eta Javier Arce egileek idazlana aurkezteaz gain, liburuaren ekarpenen berri emango dute. Garazi Lopez Etxezarreta, Gipuzkoako Foru Aldundiko Kultura Zuzendaria ere bertan izango da.

Oarsoinua jaialdia egin zuten larunbatean, Errenteria-Oreretan, eta eskualdeko musikariak euren musika ezagutarazteko aukera izan zuten. Klasikoetatik hasita rock-eraino askotariko doinuak entzun ahal izan ziren. Arratsaldean tabernetan ibili ziren, e...

Bixi-bixi kultur elkarteak Konkistak 500 urte, deuseztatu ezin duten oroimena goiburuko hitzaldia antolatu du ostiralerako, hilaren 9rako. Bixi-bixi elkartearen egoitzan izango da, 19:00etan. Hizlaria Sergio Iribarren izango da, Naffarroa Bizirik ekime...

Martxoaren 8ko asterako hainbat ekitaldi antolatu dituzte Pasaiako lau barrutietan, atzotik hasita. Atzo Lilatoia korritu zuten Donostian, eta lasterketaren ondoren Hau-Pa Saiako Lilak taldeko korrikalariei harrera beroa egin zieten Antxon. Luncha prestatu zuten, indarrak berreskuratzeko, eta ondoren hainbat ekitaldi egin zituzten: artea, margogintza, aldarrikapenak, poesia errezitaldia, action painting… Eta Venus lekukoaren aurkezpena egin zuten, emakumeen aldarrikapenak zabaltzeko aurten Pasaian hautatu duten irudia. Gaur Trintxerpen jasoko dute lekukoa, asteazkenean Donibanen eta ostegunean San Pedron. Harrera saio bakoitzean hainbat ekitaldi antolatu dituzte. Hona hemen aste honetarako Martxoak 8ko lan taldeak antolatutako egitaraua: Hilak 5, astelehena Venus lekukoari ongietorria eta antzerkia, Trintxerpeko Alkateordetzan. Erakusketa parte-hartzailea. Azkuene elkarteko emakumeen arloari omenaldia. Musika, dantza, aldarrikapenak, antzezlanak, marrazkigintza, poesia errezitaldia… Hilak 6, asteartea Venus lekukoari ongietorria eta antzerkia, San Pedron. Hilak 7, asteazkena Venus lekukoari ongietorria eta antzerkia, Donibanen. Hilak 8, osteguna Belaunaldien arteko kafe tertulia Antxoko Kultur Etxean, 16:30ean. Gonbidatu bereziak izango dira. 18:00etan dantza afrikarra Gure Zumardia plazaraino. Venus lekukoari harrera, Gure Zumardia plazan, 18:00etan: dantza, musika, aldarrikapenak… Hitzaldia Trintxerpeko Alkateordetzan, 19:00etan. Emakume pasaitarrak, eta euren ekarpena gure herriaren garapenean, Rosa Garcia Orellanen eskutik.

Almitza Sega Elkarteak antolatutako herri kirol jaialdia arratsean izango da, 20:00etatik aurrera, Madalensoron. Lehenengo dokumentala emango dute (ordu erdi ingurukoa): Segagintza Europan. Gero, bertso-pilota partida izango da. Mikel Goñi pilotariak ...

Ondarra elkarteak ohiko batzar nagusia deitu du datorren larunbaterako. 17:00etan izango da lehen deialdia, eta 17:30ean bigarrena. Honako gaiak jorratuko dituzte: aurreko akten onarpena, 2011ko kontuen balantzea, 2011ko jarduera, Zuzendaritza Batzordea berritzea, eta eskari-galderak.

Anai Arrebak taldearen bideoklip ofiziala da honakoa. Garberan eta Tolosako Bonberenean grabatutakoa. Victor Rius Errandok, Anuska Peñalba Ariztimuñok eta Aritz Bilbaok zuzendu dute.

Asteazkenean eman zuten lehen aldiz ETB1ean. Honela deskribatzen dute: “Proiektuak bidaia musikal harrigarria proposatzen du, Mugaritz jatetxearen plateren elaborazio, konposizio eta esentzian barrena murgilduz”. Ordu bat eta hamar minutu i...

Egunotako euritik libratu da Dantzari Txiki Eguna, eta eguzkipean aritu dira Ereintza elkarte antolatzaileak gonbidatu dituen 400 partaideak dantzan. 10:30ean bildu dira Koldo Mitxelena plazan, eta hamaiketakoarekin indarrak hartu ostean, Erdialdeko k...

Eider Perez euskal presoa ikustera zihoazen lagunek istripua izan zutela jakinarazi du Oreretako Herrira bilguneak. Briviesca (Burgos, Espainia) inguruan zirenean, autoko gurpila bat lehertu zenean izan zuten istripua. Perezen lagunek Cordobako espetxe...

Andoni Aduriz sukaldariaren Mugaritz jatetxea, munduko hirugarren onena aukeratu du Londresko Restaurant aldizkariak. Atzo jakinarazi zuen munduko 50 jatetxerik onenen zerrenda aldizkari horrek, San Pellegrino sariak banatzeko egindako ekitaldian. Mu...

Bentako TAOa dela-eta sortu den eztabaidaren harira, Bilduk gobernu taldearen jarrera salatu du. Hala, Ibai Labaien buru duen koalizioaren ustez, udal gobernu taldeak «mendeku politiko bezala» berriz ere Bentan isunak jartzeko agindua eman dio Udaltzaingoari. Izan ere, Bilduk martxoaren 21ean egindako ohar bidezko adierazpenetan esan zuen udalak ezin zuela TAO Bentan kobratu, Jaurlaritzaren eta udalaren arteko hitzarmena agortuta zegoelako martxoaren 15etik: «Bildu ez dago TAO sistemaren kontra, baizik eta Hondarribiko Udalaren TAO ereduaren kontra». Hala, Bilduk salatu du udaltzainek jarritako isunetan ez duela Bentan jarri direla jartzen, Matxin Artzu kalean baizik: «Oso-oso larria iruditzen zaigu hori. Onartezina eta legez kontrakoa da». Martxoaren 15ean Jaurlaritzaren eta udalaren arteko hitzarmena bukatu zenean, Udaltzaingoak Bentako TAO kudeatzeari utzi zion, baina makinak ez zituzten desaktibatu. «Hiritarren artean aldeak sortu ziren. TAO ordaindu behar ez zela ez zekitenek ordaindu egiten zuten, eta hori zekitenek ez zuten ordaintzen». Hori salatu zuen Bilduk, eta horren harira, udal gobernuaren «mendeku horren ordaintzaileak» hiritarrak izan direla nabarmendu du, «udal gobernuak egoera horren aurrean eduki behar duen jokabidea ez baitu publikoki agertu».

Liburuaren Nazioarteko Egunarekin bat egiteko ekitaldi berezia egin zuten iragan ostiralean Talaia Eskolan. 1616ko apirilaren 23an hil ziren William Shakespeare eta Garcilaso de la Vega, eta egun horretan bertan lurperatu zuten Miguel Cervantes. Horregatik ospatzen dute Liburuaren Nazioarteko Eguna. Abenturaz beteriko 29 ipuin ezberdin kontatu zituzten eta guztira, Biteri eta Bordari zentroetako 770 ikaslek bat egin zuten ekimenean.

Andoni Luis Aduriz Mugaritz jatetxeko arduraduna Londresen da egunotan, Errenteria-Oreretan duen jatetxea munduko ehun jatetxe onenen zerrendarako hautagaia delako. Zerrenda hori Restaurant aldizkariak argitaratzen du. Gaur, hain zuzen, Adurizek adierazi du El Bullik eraginda daudela munduko jatetxe onenak: “El Bullik egin duen ekarpen handiena egungo gastronomiaren pentsamoldea aldatzea izan da”. Gaineratu duenez, tresna berriak eman dizkie sukaldari garaikideei, “baina garrantzitsuena tresna horiekin zer egin jakitea da”.

Bertako erleei erasotzen dieten asiar liztorrak harrapatzeko udalak tranpak jarriko dituela jakinarazi du Luisma Diez Hiri Mantenuko zinegotziak. Tranpa horiek herriko zenbait parke eta lorategietan jarriko dituzte. Diezek gogorarazi duenez, Frantziatik etorri den liztor mota hori “oso erasokor eta arriskutsua da” bertako erleentzat. Tranpa horien bidez ahalik eta erle erregin gehien harrapatzea espero dute, “etorkizunean ahalik eta kabi gutxien egin ditzaten”. Horrez gain, harrapatzen dituzten liztorren kopuruaren berri emango die Gipuzkoako erlezain elkarteari zein bestelako erakundeei “ondorioak atera eta behar diren neurriak azter daitezen”. Herritarrengana ere zuzendu da udala, eta liztorren kabirik ikusiz gero jakinarazteko eskatu die.

Saskibaloia Gipuzkoako txapelketa. Senior gizonak. Bigarren maila. Donibane Mendaur-Oiarso 59-75 Eskubaloia Senior emakumeak. Udaberri Kopa. Ereintza (atsedenaldia) Futbola Erregional Preferentea Martutene-Touring 0-1 Beti Ona-Astigarragako Mundarr...

Albistea, OARSO BIDASOKO HITZAn.