Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Atzo, 18 urteko gazte bat atxilotu zuen Ertzaintzak. Herrizaingo Sailak jakinarazi duenez, 13:30ak aldera, merkatalgune bateko segurtasun langileek gaztea atzeman zuten autokarabana bat bortxatzen aparkalekuan. Gaztea ihes egiten saiatu zen bere autoan...

Internet eta e-administrazioa: hilaren 7tik 18ra, 16:00etatik 18:0etara. Sare sozialak: hilaren 21etik 29ra, 16:0etatik 18:00etara. Gmail: hilaren 2an, 16:00etatik 18:00etara. Audacity basikoa eta aurreratua: hilaren 2an eta 3an, 18:0etatik 20:00etara...

Eguerditik aurrera, euskal jokoak, irrintzilariak, bertsolariak, dultzaineroak, trikitilariak, dantzariak eta txistulariak ibiliko dira eguna girotzen herriko kaleetan barrena. Arratsaldeko jaiari, berriz, 18:00etan ekingo diote. Aurkezpena egin eta tx...

Kataxulo gaztetxeko kideek kontzertuak antolatu dituzte gaurko. 22:30etik aurrera, hiru talde ariko dira taula gainean: Arma tiro (sin) punk, The bobby´s eta Besteik pe.

Joan den larunbatekoaren ondoren, zerura begira egongo dira Sagardo Eguneko antolatzaileak. Bertan behera geratu zen euriaren eraginez, eta oraingoan itxaropenez daude ez dela horrelakorik gertatuko, eta dena ongi aterako dela. Horretarako, prestatuta ...

FUTBOLA Bigarren B Maila Real Union-Gimnastica Torrelavega (igandea, 18:00etan, Galen). Erregional Ohorezko Maila Roteta-Behobia (larunbata, 16:30ean). Real Union B-Mondragon (larunbata, 15:30ean, Galeko belar artifizialeko zelaian). Erregional ...

Kabia egitasmoa abian jartzeko lehen urratsa emanda, bertatik sortutako lantaldeetatako kideek bilera berriak deitu dituzte gaurko eta biharko. Horrela, gaur bertan elkartuko dira normalizazio politikoa, teknologia berriak eta hirigintzaren gainean ari...

1512ko konkista salatu, eta oiartzuarrak ere Nafarroako Erresumaren parte izan zirela aldarrikatuko dute Konkistaren Astea antolatu dute, Nafarroaren historia ezagutarazteko. Oiartzungo Nafarroa Bizirik 1512-2012 Elkarteak antolatu du, Nafarroako konkistaren 500. urteurrena dela eta. Gaztelak Nafarroako Erresuma konkistatu zuela 500 urte betetzen dira aurten. Historialarien arabera, 1512an Nafarroako Erresuma indarrez eta bortxaz konkistatu zuen Gaztelak. Pasarte hori askotan desitxuratua izan da. Antolatutako ekimenekin, konkista salatu nahi du elkarte horrek, eta oiartzuarrak ere Nafarroako Erresumaren parte izan zirela aldarrikatu. Beloagako gazteluan plaka Bestalde, herritar talde batek, Beloagako gaztelua berreskuratu du, eta hilaren 12an plaka bat jarriko dute bertan. Beloagako gaztelua izan zen Nafarroako Erresuma defendatzeko gaztelu-gotorlekuetako bat. Oiartzuar talde bat, duela urte batzuk, Beloagako gaztelua berreskuratzeko asmoarekin lanean hasi zen: «Nafarroako Erresumako parte izan ginela aldarrikatzeko». Orduan, Beloagan ikurrina jarri zuten. Udalak eta Nabarraldek ere Euskal Herriko historiaren zati hori berreskuratzeko interesa bazutela jakin zutenean, haiekin bildu ziren eta ordutik, ingurua garbitu eta dokumentazio lan garrantzitsua egin dute. Udalaren eta Ttur-ttur Euskaltzaleon Bilgunearen laguntza jaso du Oiartzungo Nafarroa Bizirik-ek Konkistaren Asteko ekintzak antolatzeko. Udalak oiartzuarrei dei egin die antolatu dituzten ekitaldietan parte hartzeko. EGITARAUA Gaur ostirala. 19:00etan. Gartxot filma, udaletxeko areto nagusian. Osteguna, hilak 10. 19:30ean. Beñi Agirreren hitzaldia: 1200-1512. Gaizkileen mugak. [...]

Elkartasun jaialdia izango da hilaren 19an Errenteria-Oreretan. Pirritx, Porrotx eta Marimototsek Zazpikoloroa ikuskizuna aurkeztuko dute, eta ekimenean bildutako dirua Ademgi Gipuzkoako Esklerosi Anizkoitzaren Elkarteari emango diote. Diru hori, hain zuzen, 346 bazkide gaixoei birgaitze edo errehabilitazio zerbitzua emateko erabiliko dute. Jon Barriola Ademgiko gizarte langileak azaldu duenez, egiaztatuta dago gaixoen bizi kalitatea eta autonomia hobetu egiten dela errehabilitazioari esker. Gogorarazi du krisiak eta horrek ekarri dituen murrizketak direla eta, ez direla garai egokiak, baina finantzazioa beharrezkoa dutela horrelako proiektuek. Joxe Mari Agirretxe Porrotxek azaldu duenez, Ademgi bezalako “elkarte txiki baino balore asko transmititzen dituztenentzat bozgorailu” izan nahi dute, eta era berean, lankidetza sustatu. Gaineratu duenez, saio alai bat egingo dute, eta “zazpi euroak, arratsalde ona pasatzeko, eta elkarteari laguntzeko” izango dira. Hain zuzen, horixe izango da sarreren prezioa, zazpi euro, eta dagoeneko eros daitezke Xenpelar Kultur Dendan. Barriolak azaldu duenez, 1.200 sarrera jarriko dituzte salgai. ‘Zazpikoloroa’ Ikuskizun horretan Zazpikoloroaren istorioa kontatuko dute. Jaiotzear da mundua koloreztatuko duen loroa, baina norbaitek hori oztopatu nahi izango du: Belekoik. Arrautza bahituko du, eta Pirritx, Porrotx eta Marimototsek aurkitu beharko dute. Esklerosi anizkoitza: gazteei eragiten dien gaixotasun neurologiko ezezaguna Esklerosi anizkoitza 18-35 urte arteko pertsonei eragiten dien gaixotasun neurologikoa da, eta batik bat emakumeek [...]

Zazpigarren urtez Hondarribiko liburutegiak literatura tailerrak antolatu ditu. Horrela, hiru tailer antolatu dituzte, literaturzaleek esperientziak trukatzeko. Bihar, osteguna, Liburuarekin hitzordua izenburuko tailerra egingo dute, 15:30etik aurrera,...

Urtebete darama alkate karguan Ainhoa Zabalok (Lezo, 1974). Epe horretan guztian «guztien gustukoak ez diren erabakiak» hartu dituztela onartu du, baina “arduraz” jokatu dutela esan du. Datozen erronkei ere gogoz helduko die Zabalok zein gobernu taldeak. Zein balantze egiten duzu legealdiaren lehenengo urtebetea pasatu ondoren? Balorazio oso positiboa egiten dugu. Egia da erabaki gogorrak hartu ditugula, baina azkenean arduraz jokatu dugu, egin beharrekoak egin dutugu. Sartu eta berehala lau administrarien lan eskaintza publikoa egin genuen, eta orain probatan ari dira. Udalaren funtzionamenduari dagokionez, hilero sailetako buru diren teknikariekin bilerak egiten ditugu. Oso garrantzitsua da, bestela badirudi sail bakoitzak bere aldetik funtzionatzen duela. Herritarrei zerbitzu ona emateko, eta ez mareatzeko, koordinatuta egoteko egiten dugu. Horrez gain, beste hainbat ordenantza ere aurrera eraman ditugu: terrazak, gazte lokalak, hilerria, merkatu txikia eta ura. Orain arte egin ditugun ordenantzak arau zaharkituak eguneratzeko izan dira. Arautzea izan da, gehienbat. Agintaldi hasieran azaldu zenuten udalaren egoera ekonomikoa txarra zela, eta herritarrei jakinarazi zenieten hori. Neurri batzuk hartu zenituzten horren harira, udaltzainen gaueko zerbitzua kentzearena kasu. Azaroan esan genuen zer zen guk pentsatzen genuena —uztailean jada udaltzainekin bildu ginen, egoera azaltzeko—. Orduan ez zen ezer ere ez entzun, ezta abenduan… Arazoa urtarrilean etorri zen, jendea [...]

Asteazkenero zine saioa egiten dute Olaberria auzoko Bitamine Espazioan. Zinema komertzialetan programatzen ez dituzten filmak ikusteko aukera izaten da asteazkeneroko Bitazine programan. Gaur Doris Dorrie zuzendari alemaniarraren Cerezos en flor (2008...

Gaur, 20:30etik aurrera entseatzera bilduko dira larunbatean San Joan suaren inguruan dantzatu nahi duten guztiek. Alkartasuna dantza taldean antolatu du entsegua, nahi duen herritar orori irekia. Urdiain eta Alpargata erakutsiko dituzte.

Etzi, 20:00etan, Kukai Dantza Konpainiak errenteriarrak eta Tanttakak Hnuy Illa ikuskizuna emango dute Itsas Etxeko auditorio berrian. Sarrerak zortzi eurotan salduko dituzte gaur eta bihar artean Arma plaza eta kirol kaiko turismo bulegoetan. Ikuskizu...

Errenteria Musikalek CD berria aurkeztu du: Kantu kantari. Hirrugarren lana du herriko musika eskolak, eta oraingoa, kantu tradizionalekin osatu du. Hamalau abesti ditu, eta 11, pot-pourriak dira, “betiko” 43 kanturekin eginak. Bi abesti be...

Ttur-tturrek, udalak eta bertso eskolak antolatu dute, Euskaltzaleon Bilgunearen 10. urteurrenaren harira Etzi, Gazta zati bat dokumentala ikusteko aukera izango da, 19:00etan, udaletxeko areto nagusian, doan. Ttur-ttur Euskaltzaleon Bilguneak, Oiartzungo Bertso Eskolak eta Oiartzungo Udalak antolatu dute emanaldia, Ttur-tturren 10. urteurreneko egitarauaren barruan. Ttur-tturrek zehaztu duenez, «autodeterminazio eskubidea, burujabetza politikoa ardatz du dokumentalak, eta Idiazabalgo herria, eta Idiazabalgo gazta protagonista dira, besteak beste, dokumentalean». Euskaraz egindako dokumentala izateaz gain, «burujabetza politikoaren aldeko urratsak egitea hizkuntza burujabetza lortzeko aurrerapausoa» direla iritzi dio Ttur-tturrek. Dokumentala amaitzean solasaldia izango da Jon Maia zuzendariarekin. 10. urteurrena eta elkarlana Ttur-ttur Euskaltzaleon Bilgunea hainbat ekintza antolatzen ari da, 10. urteurrena ospatzeko: urteurrenerako irudia, Facebookeko kontua, barne gogoeta, Sagardo Eguneko txotxa, Gartxot filmaren emanaldia… Bestalde, Ttur-tturrek hainbat egitasmo lantzen ditu Oiartzunen, horien artean Euskara Elkartera egitasmoa, «elkarteetan euskararen erabilera indartzea helburu duena». Egitasmoko elkarteei gonbita egin die Ttur-tturrek urteurreneko ospakizunetan, «ekarpenak egiteko, eta elkarlanean ekintzak antolatzeko». Gonbidapen horren lehen emaitza da etziko film emanaldia Oiartzungo Bertso Eskolarekin batera antolatu izana: «Izan ere, elkarte hori egitasmoko kide da eta elkarte eredugarria da, euren jarduna euskaraz egiten dutelako». Parrandako abestien CDa osatu nahi du Ttur-tturrek Udari begira, parrandarako abestien CDa osatzeko asmoa du Ttur-tturrek, eta horretarako lehiaketa jarri du [...]

Estadea literatura aldizkariaren aurkezpenarekin hasiko da gaur Galiziako kultura, folklorea eta gastronomia astearen hogeita hirugarren ekitaldia. Hitzaldiak izango dira protagonista datozen hiru egunetan. Asteburuari begira, berriz, folkloreak eta ga...

Udal Gobernu Taldeak agintean egin duen urtearen irakurketa egin ondoren, Errenteriako PSE-EEk ere bere balorazioa egin du. Hala, udalak denbora horretan aurkeztutako “hobekuntzen %90″ sozialistek martxan jarritako “edo ongi bideratutako proiektu eta obrei” dagozkiela adierazi du. Adibide bezala aipatu ditu Kaputxinoetako igerilekuak, Gaztañoko babes ofizialeko 30 etxebizitzak, eta Lurraldebus txartela. Udalak nabarmendutako parte hartzearen gainean, “auzo elkarteekin biltzeaz harro daude, aurretik ere egingo ez balitz bezala”, adierazi du. PSE-EEk ez du jakin ahal izan bizilagunen eskaerak beti dituzten ala ez, “nahiz eta talde politiko guztiek galdetu duten”, eta gaineratu du: “Hori da udalaren gardentasun politika famatua”. Alor ekonomikoan ere kritikatu du gobernu taldea, eta egindako kudeaketak Oarsoaldea “baliabiderik gabe” utzi duela iritzi dio, “udalak krisiari eta langabeziari aurre egiteko duen tresna eraginkorrena”. Zentzu horretan, egungo gobernua aurrekoaren atzetik dabilela aipatu du. Hala ere, enpleguaren arloan elkarlanean lan egiteko prest azaldu da PSE-EE. Herri Biziaren gainean ere jardun da, eta “publizitatean, plan estrategikoetan eta hondakinen gaineko ikerketetan 300.000 eurotik gora” gastatu duela esan du. “Errenteriako biztanleek benetan behar ez dituzten lehentasun” gisa jo ditu horiek Errenteriako PSE-EEk. Azkenik, hiri mantenua eta garbiketaren arloa erdipurdikoak direla iritzi dio: “Errenteriako kaleak ezker abertzalearen kartelez eta pintaketez josita edukitzea baimentzen dute, nahiz eta hori [...]