Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Bihar eguerdian Preso eta iheslariak etxera lelopean bazkaria egingo dute Egi-luze sagardotegian. Bazkari horretan parte hartzeko aurretik txartelak erosi behar dira, ohiko tokietan. Herritar guztiak animatu dituzte bertaratzera.

Oiartzun Kirol Elkartean (OKE) nesken lehen taldea sortu zutela 30 urte betetzen dira aurten. Hori ospatu zuten pasa den larunbatean Karla Lekuona zelaian. Hasteko, omenaldia egin zioten Lekuona zenari. Ondoren, partidak izan ziren neska beteranoen eta...

Legegintzaldia hasi zenetik urtebete betetzear denean, EAJk Gobernu Taldearen lana baloratu du. “Urte luze honetan, ez dugu, esaterako, mugikortasun batzorderik eduki. Behin eta berriz esan zaigu laster egingo dela, baina hau ez da sekula ospatzen”, kexatu dira jeltzaleak. Nahikari Oterminen ustez, “urte oso batean mugikortasun batzorde bat bera ere ospatu ez izana, Bilduren paralisia ez ezik, honen utzikeria ere adierazten du”. Legealdi osoan hiru hirigintza batzorde baino ez direlako egin kexatu dira baita ere EAJkoak. “Ez al dago Pasaian hirigintza arazorik? Ez al dago nahikoa egiteke, eremu honetan lanean hasteko?” galdetzen du Oterminek. “Urtarrilean hirigintza batzorde bat ospatzeko eskakizuna egin genuen, lokalak etxebizitza bihurtzeko arau berrietan lanean hasteko. Geroztik egin den hirigintza batzorde bakarrean, gai hau ez da jorratu, ez zen gai zerrendan sartu ere egin”, salatu du jeltzaleen bozeramaileak.

Uda euskara ikasteko aukera ona izan daiteke, eta baita ikasturtean zehar biltzen joandako ezagutza hori erakusteko aukera ere. Oarsoaldeko AEK-k ez du atsedenik hartuko, eta udako eskaintzaren berri eman du gaur, Errenteria-Oreretako Xabier Olaskoaga ...

Lezoko Indarplaseko 33 langiletatik 28 greban daude. Ekain hasieratik daramate greban, hiru hilabete kobratu gabe daramatzatelako. ELAk adierazi duenez (sindikatu horretakoak dira Enpresa Batzordeko hiru ordezkariak), “paradoxikoa” da hiru ...

Ikasturtea bukatzen ari da, eta eskola orduetatik kanpo ere ikasleek lortutakoen errepasoa egin du Haurtzaro Ikastolak. Arraunean, Markel Galdos, Oihan Manzisidor, Aitor Torres eta Andrea Ozkoidi punta-puntan ibili dira, eta azkeneko biek Euskal Herrik...

Urtebete egin du Bilduk eta Ezker Batuak osatutako Udal Gobernu Taldeak agintean, eta sei hilabeterekin bezala, hamabi hilabeteen balantzea egin du. Denbora horretan, “gertutasunean oinarritutako eta norabide argi eta arduratsua duen gobernua” osatu dutela adierazi du Julen Mendoza alkateak. Herritarrekiko gertutasuna parte hartzean oinarritu dela iritzi dio. Ildo horretatik, “gainontzeko alderdiekin elkarrizketarako gaitasuna” izan duela esan du, eta baita herritarrekin ere. Era berean, herritarren erantzuna ere positibotzat jo du, “parte hartzea oso handia eta oso anitza” izan delako. Norabideari dagokionez, berriz, joan den abenduaren 3an Merkatuzarren esandakoa bete dutela adierazi du, hala nola, kultura eta ingurumen arloetan gehiago inbertituko zutela, eta gastu soziala mantendu egingo zutela. Hori aurrekontuetan islatu dela zehaztu du. Martxan jarritako proiektu batzuk ere gogorarazi ditu Mendozak. Kabia izan da nabarmendu duen bat, eta datozen hiru hilabetetan 50 inguru ekimen martxan jarriko dituztela jakinarazi du. Auzo elkarteekin izandako bilerak ere gogorarazi ditu. 1.500 lagunek parte hartu dute, eta horiek hiru hilabetean behin egiten dituzte. Ingurumena eta kultura Gobernu taldeak nabarmendu dituen bi sailei dagokionez, Jose Manuel Ferradas Ingurumen zinegotziaren arabera, aurten berak zuzentzen duen sailak 320.000 euroko aurrekontua izan du, “lehen ez zegoen tokian”. Egindako lanen artean gogorarazi ditu Ingurumen Aholku Kontseilua martxan jartzea, eta landa ingurua [...]

Bihar desestaliko dute Bidasoa Eskubaloi Taldearen izena izango duen plazatxoaren plaka, taldearen 50. urteurrena ospatzeko antolatu duten Bidasoa Egunaren barruan. Maiatzeko osoko bilkuran ahobatez hartu zuten erabakia. Plazatxoa San Juan-Etxeandia er...

Irungo Udal Euskaltegiak udako euskara ikastaroetarako izena emateko epea ireki du. Uztailaren 2tik 27ra emango dituzte ikastaroak, hamasei urtetik gorakoentzat. Beka sistema baliatuko dute eta euskalduntze maila guztietan aritzeko aukera izango da, et...

Gaur hasiko dira Belaskoenea auzoko jaiak, San Antonio Paduakoaren emenez antolatzen dituztenak. Astebururako ekintza pila bat antolatu ditu Auzo Elkarteak, auzoko elkarte, saltoki eta ostatuen laguntzarekin: OSTIRALA 18:00h: Festen hasiera. 18:15h: Kale animazioa Lesakako Trikipand trikitixa taldearekin. 18:15h: Entzierroa, gezurretako zezenekin. Auzo elkartetik ikastetxeraino. 18:30h: Auzoko haurrentzako merienda. 19:00h: Haurrentzako jaialdia: musika, dantzak, azeituna hezur jaurtiketa… 21:00h: Herri afaria. 22:30h: Gau mexikarra, karaoke eta mariatxi taldearekin. Helduentzat margarita dastatzeko aukera izango da, eta haurrentzat limoi edaria prestatuko dute. LARUNBATA 9:45h: Entzierroa, gezurretako zezenekin. Auzo elkartetik ikastetxera. 10:00h: Futbito partida Belaskoenean ikastetxeko haurren eta auzoko beste haurren artean. 11:00h: Marrazketa tailerra haurrentzat. 12:00h: Pirata garrapata antzezlana, haurrentzat. 12:00h: Igel lehiaketaren finala, jubilatuen elkarteak antolatuta. 13:30h: Bazkideentzako kuntxa, auzo elkartean. 14:30h: Herri bazkaria, Iñaki tabernak antolatuta. 17:00h: Emakumeen futbol partida, Gurrea eta Iñaki tabernako taldeen artean. 18:30h: Sardina jatea. 18:30h: Telegidatutako autoen erakustaldia. 21:00h: Haurrentzako disko festa. 23:00h: Karaokea, disko festa eta festa hawaiarra. Edari bereziak prestatuko dituzte festa hawaiarrerako janzten diren haur eta helduentzat. Atsedenaldian, txiste lehiaketa egingo dute. IGANDEA 08:00h: IV. Herri martxa. 09:00h: Diana Udal Txistulari Bandarekin. 09:45h: Entzierroa, gezurretako zezenekin, Auzo Elkartetik ikastetxera. 10:00h: Battlefield live, bataila laser pistolekin. 10:00h: XII. Toka eta Bote Txapelketa San Antonio Paduakoa [...]

Errenteria Musikal musika eta dantza eskolak ostegunean hasiko du ikasturtea, baina bihar bertan, ikasleek bakoitzak aukeratu duen musika tresnaren klasearen ordua finkatzera joan beharko dute 17:00etatik 20:00etara. Bestalde, dantzako, musika hizkuntz...

Hilabete amaieran zabalduko ditu ateak Lezoko eguneko zentroak

Real Union futbol taldeak 3-0 galdu zuen Alavesen aurka asteburuan, Mendizorrotzan. Lehen gola, 3. minutuan etorri zen Negredoren eskutik, Otermin atezainak baloiaren kontrola galdu ondoren. Bigarren gola Unioneko Txutxik sartu zuen arren, jokoz kanpo...

Santiagotarrak kirol elkarteko bost piraguista Esloveniako Errepublikan izandako Europako gazte eta 23 urte azpiko Slalom Txapelketan izan dira. Hala, gazte kategoriako Jokin Sanchezek finalerako txartela lortu zuen eta seigarren postuan bukatu zuen le...

Ertzaintzak ostiral goizean atxilotutako 41 urteko ustezko bortxatzailea aske utzi zuten handik ordu gutxira, epaiketaren zain. Erabaki judiziala eta gertakaria salatzeko asmoarekin, kontzentrazioa deitu du Txingudi Antisexista koodinadorak gaur arrats...

Udako oporren ondoren, Beti Bizkorren abesbatzak urriaren 2an (asteartean) hasiko du ikasturte berria, 16:00etatik 18:00etara. Erretiratuen elkarteak joan den ikasturtean parte hartu zutenez gain, ikasle berriei ere zuzendu die deialdia. Horretarako, B...

Hilaren 8ko arratsaldeko desfilean Kale Nagusian izandako liskarrak salatu dituzte Jaizkibel konpainia osatzen duten gizon eta emakumeek. Jaizkibeletik adierazi dutenez etengabeak izan ziren konpainiako kideek jasan zituzten irain eta bultzakadak eta, goizeko ibilbidean gertatu ez zen bezala, ertzainek Jaizkibeleko kideak kolpatu zituzten arratsaldean. Plastiko beltzen atzean gordeta zegoen norbaitek egindago bultzadagatik kexu, konpainia parekideko bat egindakoa arbuiatzera joan zenean, ondoan zuen ertzainak konpainiako kidea kolpatu zuen. Hori ikusita Jaizkibeleko hainbat kide laguntzera joan zitzaizkion, eta hauen aurka aritu ziren ertzainak ere; eskopeten kulatak, ukabilkadak eta negar eragiteko spraiak erabili zituzten poliziek konpainia parekidean desfilatzen ari zirenen kontra. Istilua, gainera, konpainiako azken lerroetan gertatu zen, kubero bezala aritzen diren haurren lekuan. Hori dela eta, ertzainek kolpatutako gehienak haur horien gurasoak dira, Kale Nagusiko ibilbidea arintzeko seme alaben ondoan ibilbidea egiten dutenak. Desfilea bukatu eta gero Jaizkibeleko kideen haserrea eta haien ordezkarien etsipena handia zen. Gaur arratsaldean gertatutakoaz hitzegiteko eta erantzun bat adosteko elkartuko dira, eta 18:30ean komunikabideak deitu dituzte, hartuko dituzten neurrien berri emateko. Neurri horietako bat Ertzaintzaren kontrako salaketa jartzea izan daiteke. “Babestu beharrean, kolpatu” Behin baino gehiagoetan eskatu dute Jaizkibelekoek ibilbidea ertzainen babesik gabe egin ahal izatea, baina Herrizaingo Sailaren arabera Jaizkibelgo kideak babesteko “ezinbestekoak” dira poliziak. Jaizkibeleko ordezkariek Emakundeko zuzendari Maria [...]

09:00 Uranzu dultzaineroen diana. 09:00 – 20:00 Irratizaleen erakustaldia, kirol kaian. Hondarribiko jaiak direla eta estazio berezia martxan jarriko dute. 11:00 San Pedro kalean, IV. moto lasterketa haur txikientzat (4 urte bitarte). Motoak (taka...

12. Elkarteen Foroa abian da eta egunaren bigarren txanpan oraindik bada zer gozatua Daniel Ugarte pilotalekuan. 16:15etatik 17:00ak bitarte rock koreografiak, fitness eta step saioak izango dira, baita Ekialdeko dantzak, pop dance, street jazz eta fu...

Gizon eta emakume soldaduz osaturiko Jaizkibel konpainiak Hondarribiko Alardearen goizeko ibilbidea egin du. Aurten, 300etik gora kidez osatuta egon da konpainia parekidea eta arazorik gabe egin dute bidea. Emakumearen parte hartzearen kontra daudenek “Betiko Alardea” zioten kartelak erakutsi dituzte Kale Nagusian, baina ezin izan dituzte espaloiak plastiko beltzez itxi eta, aurpegian maskara zuriak zituztelarik, Jaizkibelen jarraitzaileen atzean eutsi behar izan dituzte kartelak. Aurten desfilearen ibilbide osoa egin ahal izan dute Jaizkibel konpainiako gizon eta emakumeek, Gernikako Arbolako zatia barne. Iaz Herrizaingo Sailak galerazi zion bertatik igarotzea, segurtasun arrazoiak argudiatuta. Baina EAEko Auzitegi Gorenak Jaizkibelek jarritako helegiteari arrazoia eman zion udaberrian; besteak beste, Herrizaingo Sailak debekua jartzeko arrazoirik ez zuela eta Ibilbidearen zati hori sinbolikoa zela zion Gorenaren erabakiak. Hala, konpainia parekidearen jarraitzaileek Gernikako Arbolatik pasatzen ere ikusi ahal izan dute desfilea. Jende ugarik jarraitu du ibilbide osoan zehar konpainia parekidearen jarduna eta soilik Kale Nagusian batu dira kontrakoak. Olaia Arbelaiz kantinerak onartu du “lasai” egin duela ibilbidea. “Espero nuen bezala izan da. Kale Nagusian urtero bezala, baina jende pila batekin animatzen. Eta Gernikako Arbolan jendea errespeto handiarekin zegoen, eta pixka bat harritu nau horrek, hunkigarria izan da. Oso pozik nago”, esan du ibilbidea amaitzean. Desfilea Saindua ermitaren parera iritsi denean [...]