Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Ihote Berreskuratzaile Taldeak Ihote Mintegia antolatu du gaurko, egungo ihoteak ezagutu eta datozenek nola izan behar duten herritarrekin hausnartzeko. Goizean hasi dute, ihoteen nondik norakoak ezagutzeko hitzaldiekin. Bazkaldu ondoren, datozeen urteetarako ideia berriak bilduko dituzte.

Ikasle Abertzaleek deituta, Oarsoaldeko Ikasle Eguna (Ikasle egun Txikia) ospatzen ari dira Oiartzunen. Goizetik hasita, aldarrikapena eta festa uztartu dituzte ikasleek. Ekitaldia egin dute eguerdian, eta egutegi propioaren alde eta murrizketen kontra borrokan jarraituko dutela iragarri dute. Bazkaltzen ari dira orain, Landetxen. Gero poteoa egingo dute, eta gauean kontzertuak izango dira.

Anunciata ikastetxeko gurasoek antolatuta, Pasaialdeko Futbol 8ko II. Torneoa jokatzen hasi dira 09:30ean, Don Boscoko zelaian. Lehian, eskualdeko ikastetxeetako 100 ikaslek baino gehiagok parte hartuko dute. 14:00ak, gainera, bazkaria egingo dute. Txa...

Eguzki talde ekologistaren ustez, zentral termikoa ixtea albiste ona da bizilagunentzat, ekologistentzat, baina baita herritar guztientzat orokorrean: “Izan ere, Euskal Herri osoan CO2 gehien sortzen duen enpresa baita”. Gainera, Eguzkik go...

Hasiberria da Erdi Aroko Azoka. Artisauen eta jakien 80 postu jarri dituzte, eta tailerrak eta erakustaldiak ere izango dira. Hona gaurko egitaraua: Azoka. Artisauak, erakustaldiak, tailerrak, animazioa, jarduerak, lehiaketak eta erakusketak, 10:00eta...

Datorren astean egingo dituzte Errenteria-Oreretan Eztena teatro egunak, eta oraingoan, festa giroan hasiko da: bihar, 22:00etatik aurrera, aurkezpen jaialdia antolatu baitute Kabia espazio kreaktiboan. Hala nola, antzerki sortzaileen erakusleiho horre...

Hilaren 15etik aurrera, beste ibilbide batzuekin hasiko da Urdaburu mendizale elkartea: Kantauriko eta Mediterraneoko isurialdeen banalerroa. Euskal Herria ekialdetik mendebaldera zeharkatuko du, eta 22 etapa izango ditu (bi urte). Hilero egingo dute i...

“Sektorearen baldintzak hobetu, euren lanaren berri eman, eta Gipuzkoako ekonomian toki on bat izateko bidean”, Artiola artisautzaren gunea jarri dute martxan. Gune horrek egoitza Errenteria-Oreretan edukiko du; Merkatuzarren, hain zuzen. Proiektuaren atzean hiru elkarte daude: Ereintza kultur elkartea eta Gabiltza zein Lur artisau elkarteak. Eta hori aurrera eramateko, bi erakunderen laguntza izan dute: Gipuzkoako Foru Aldundia eta Errenteriako Udala. Duela hiru urte eman zituen lehen urratsak Artiolak. Jone Idiazabal Ereintzako kideak azaldu duenez, elkarteak Errenteria-Orereta artisautzaren erreferentzia bilatzea nahi zuen, eta horrez gain, Euskal Herriko Eskulangintza Azokatik harago “bide berriak garatu eta artisautzari bultzada” ematea. Hala, 2007-08an hausnarketa prozesu bat egin zuten Ikertalderekin, eta haren emaitza udalari aurkeztu zioten, eta berak aldundiari. Proiektu hori martxan jarri behar zelakoan, Gabiltza eta Lur taldeekin hasi ziren garatzen. Artisautzaren sektorea txikia da Gipuzkoan—103 artisau daude—, eta “zailtasunak” dituzte Oscar Usetxi aldundiko Berrikuntzaren eta Jakintzaren Sustapeneko zuzendari nagusiaren esanetan. Egoera horrek bultzatuta, artisau elkarte zein norbanakoak “lanen aurkezpen, erakusketa eta bestelako ekimenei beste ikuspuntu bat emateko lanean” ibili dira, Juan Carlos Alvarez artisau elkarteetako ordezkariaren arabera. Eta lan horretatik sortu da Artiola. Gune horrekin, horrenbestez, prestakuntza eta ikerketa, kalitatezko erakusketa eta salmenta eta artisautzako ekimenak sustatu nahi dituztela azaldu du. Era berean, “gune irekia” [...]

Herri Arteko Txapelketan, palan, Oiartzunek eta Andoainek itzulikoa jokatu zuten joan den asteburuan. Larruzko paletan zein pala motzean, bi partidak, Oiartzunek irabazi zituen (35-34 eta 40-35), baina joanekoan Andoain izan zen nagusi. Hala, tanto guz...

EMKE Errenteriako Musika Kultur Elkarteko Musika Bandak antolatuta, Errenteriako XVII. Musika Banden Alardea egingo dute etzi. Guztira, bi musika banda eta ehun musikarik hartuko dute parte. Arratsaldeko zazpietan hasiko da alardea kalejirarekin. Alfontso XI.a kalean hasita, Hondarribia Hiria Musika Banda eta Errenteriako Musika Kultur Elkarteko Musika Bandako musikariek erdialdeko kaleak zeharkatuko dituzte, eta Foru plazan bukatuko dute bidea. Bertan kontzertua emango dute bi bandek, 20:00etatik aurrera. Aitor Mitxelena musika bandako zuzendariak zehaztu duenez, Hondarribikoak izango dira kontzertua ematen lehenak. Marcelino Amenabarren Arraunlariak pasodoblea, J. Martin Domingoren Lagartijilla pasodoblea, Federico Chuecaren El bateo, eta W. Hautvasten Grease filmeko hainbat zati joko dituzte Alazne Alberdiren zuzendaritzapean. Bi pieza, Errenteriakoek Ondoren, Errenteriakoen txanda izango da, eta azken horiek, Andrew Lloyd Webber konpositorearen Operako mamua musikala, eta Bert Appermonten Jericho, lau zatiko pieza joko dute, Aitor Mitxelenaren zuzendaritzapean. Kontzertua bukatzeko, bi musika bandek Marcha Uruñuela eta Agur Jaunak joko dituzte elkarrekin. Lehenengo alardean lau musika bandek parte hartu zutela gogorarazi du Josu Mitxelena EMKEko presidenteak: “Hurrengoetan hirura jaitsi genuen, eta uste dugu neurri egokia hori dela”. Krisiaren eraginez, ordea, beraiek ere “murrizketak” egin behar izan dituztela gaineratu du, eta azken urte hauetan bi banda izaten dira alardean. Horren harira, eskerrak eman dizkio udalari “ekimena [...]

Ostegun arratsaldean, hiru autoren arteko talka izan zen Lintzirin parean. Ondorioz, zazpi pertsona zauritu ziren: bost gizon eta bi emakume. Bidasoaldeko Ospitalera eraman zituzten guztiak, baina ez zuten zauri larririk jasan. Istripuaren ondorioz ila...

Emakumeei zuzendutako autoestimu tailerrean parte hartzeko epea ireki du dagoeneko Irungo Udaleko Gizarte Ongizate arloak. Irailaren 26ra bitartean eman ahal izango da izena, 010 telefono zenbakira deituz, eta egun horretan bertan abiatuko da ikastaroa. Tailerra doan da eta 44 lagunentzako lekua dago.. Ekimena 2004 urtean abiatu zuen udalak emakumeen elkarteek antzemandako beharren ondorioz. Azken 5 urteotan 18-75 urte arteko 178 emakumek parte hartu dute.

Xenpelar Arte Plastikoetako Tailerrean hilaren 17an irekiko da matrikulatzeko epea eta 27ra arte egin ahal izango da. Aurten zeramika tailerra, arte plastikoan, egurraren zaharberritzea, taila tradizionala, marrazkia, argazkilaritza digitala, koadernak...

Joan den astean eman zuen Beti Bizkorrek Maialen koruaren gaineko informazioaren berri, baina horrez gain, 2012-2013ko ikasturtean eskainiko dituen ikastaroak ere zeintzuk izango diren jakinarazi du: antzerkia, kantua, areto dantzak, frantsesa, ingeles...

Helburu argiarekin atera ziren Hondarribia zein San Juan Donostiako Kontxako badiara. Berdeak hirugarren postua lortzeko asmoarekin itsasoratu ziren, eta arrosak, berriz, euren txanda, kontsolaziokoa, irabaztearekin. Sanjuandarrek bete zuten hasierako helburua. Ez, ordea, hondarribiarrek. Ohorezko txandan bi faboritoen arteko borroka espero zen, baina Kaikuk bere nagusitasua erakutsi zuen. Izan ere, estropada osoan aurretik joan ziren sestaotarrak, eta Urdaibaik ezin izan zien aurre egin. Azkenean, bi traineruko aldea atera zieten Ezkerraldekoek Bermeokoei. Txanda horretako benetako lehia atzealdean egon zen. Nahiko parekatuak joan ziren Hondarribia zein Tiran, baina azkeneko txanpan hartutako olatu bati esker, galiziarrak izan ziren hirugarren, bai herenegungo estropadan baita sailkapen nagusian ere. Azken horretan, segundo bat eta 40 ehuneneko aldea izan zen bi traineruen artean. San Juan, nagusitasun osoz Ohorezko txandan bezala, kontsolaziokoan estropadaren jaun eta jabe izan zen traineru bat: San Juan. Ia hamazazpi segundoko aldea atera zion txanda horretako bigarrenari, Astillerori, eta modu horretan, bosgarren postuari eutsi zion. Atzerago sorpresa erlatiboa eman zuen Donostiarrak. Izan ere, hiriburuko traineru batek historian bigarren aldiz lortu zuen hogei minututatik jaistea. Igandean, azkeneko postuan gelditu zen Chapela, baina sailkapen nagusian zazpigarren. Emakumeen estropadari dagokionez, San Juan laugarren postuan geratu zen, lehenengo igandean bezala. Jokatu diren aurreko Kontxako Bandera guztietan bezala, galiziarrak izan [...]

Hilaren 8ko arratsaldeko desfilean Kale Nagusian izandako liskarrak gogor salatu dituzte Jaizkibel konpainia osatzen duten gizon eta emakumeek. Atzo arratsaldean prentsaurrekoa egin zuten Kale Nagusirako sarbidea den Santa Maria atearen aurrean euren haserrea plazaratzeko. Komunikabideen aurrean konpainiako kide batzuk beltzez jantzita agertu ziren, eta, Jaizkibelen desfilatzen duten haurrak eta haien gurasoak, zuriz. Herrizaingo Sailari eta Aitor Kerejeta alkateari ardurak eskatu zizkieten. Jaizkibelek salatu zuen haiek babesteko eginbeharra zuten ertzainak “bortizki oldartu” zitzaizkiela, eta liskarrak haurrak zeuden lekuan gertatzea “bereziki larria” izan zela nabarmendu zuen: “Gure haurrak desfilera eraman genituen Herrizaingo Sailak ziurtatu zigulako ez zitzaiela ezer ere gertatuko”. Hala, hiru puntutan laburbildu zituzten euren salaketak konpainia parekidekoek. Batetik, Kale Nagusian arratsaldean gertatutakoa “Alarde Fundazioak antolatutako indarkeriazko kontramanifestazioa” izan zela esan zuten; bestetik, Aitor Kerejeta alkatea kritikatu zuten, «berak ematen diolako Alarde Fundazioari baimena hori egiteko»; eta azkenik, Herrizaingo Sailaren eta horren buru Idoia Mendiaren kontra jo zuen Jaizkibelek: “Jaizkibel konpainiari Emakunderen saria eman zion pertsona berberak” zuzentzen duelako egun Herrizaingo Saila. Alta, konpainia parekideko kideek atzo esan zuten jaiak era baketsuan egiteko ardura “denena” dela, eta eurek horren alde lan egingo dutela. Gainera, nabarmendu zuten alardearen egunean herritarren gehiengoak harrera ona egin ziela. Arratsaldeko istiluak Goizeko desfilean ez zen istilu [...]

Ostiral goizean emakuem bat bortxatzen saiatu zen gizona Martuteneko espetxean dago, hirugarren sexu delitu bat leporatuta. Eusko Jaurlaritzako Barne sailaren arabera, sexu mailako irainak eta ukituak egin zizkion beste emakume bati ostegun gauean. Ustezko bortxatzailea Irungo 40 urteko gizon bat da. Ertzaintzak ostiralean atxilotu zuen eta aurrekariak zituen arren, larunbatean aske utzi zuen epileak. Halere, azken salaketarekin zerikusia zuelakoan berriz atxilotu zuten igandean. Kontzentrazioa Txingudi Antisexista (TAS) koordinadorak 50 bat lagun inguru bildu zituen atzo arratsaldean indarkeria sexistaren aurka deitutako kontzentrazioan. Bertan, iragan ostiral goizean gertatutako bortxaketa saiakera salatu zuten hainbat herritarrek. Koordinadorako kideek adierazi zutenez, “sexismoak bitan banatzen du mundua: bata nagusia, eta bestea menpekoa” eta dagoeneko, “ezinbestekoa da bortizkeria errotik kentzea”. Kontzentrazioa Juan de la Cruz plazan -HAZ bulegoaren ondoan- izan zen, bertan gauzatu baitzen erasoa, iragan ostiral goizean.

Oiasso Museoak urteroko arkeologia ikastaroa antolatu du Kutxa Aretoak Udazkena 2012 zikloaren baitan. Arkeologiaren azterketa eta antzinako zientzia izango dira ikastaroaren ardatza eta arkeologiaren alderdi guztiak jorratuko dituzte bertan, hala nola, garai hartako zeramikaren teknologia, metalak, beira eta matematika zein marrazkiak. Parte hartu nahi duten interesatuek 902540040 telefonoan edota www.kutxasocial.net weborrian egin dezakete. Ikastaroa, urriaren 2tik abenduaren 4ra bitartean izango da, asteartetan.