Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


San Pedro eta San Martzial jaiak ahalik eta gehien luzatu nahian, milaka irundar hurbildu da gaur goizean Urdanibia plaza eta inguruetara, Baserritar Eguna ospatzeko. Tarteka euria bota badu ere, denbora gehienean zerua lagun izan du festak. Lehen orduan tabernariak kexu ziren garai batean baino askoz ere jende gutxiago zegoelako, baina pixkanaka-pixkanaka hasi da jendea Moskura gerturatzen. Hori bai, duela hamar urte inguruko giroarekin zerikusirik ez: jende heldua eta gurasoak haurrekin; oso zaila izan da gazte bat ikustea, eta duela urte gutxira arte jaietako egunek gogokoenetakoa zen gaurkoa, baita gazteentzat ere. “Ez San Pedro, ezta uztailaren 1a. Alarde Egunerako erreserbatzen dira eta gainontzeko egunetan desagertzen dira”, zioen Peña kaleko ostatu bateko tabernariak. Ez da jendea aldatu den gauza bakarra. Baserriko giroa bazegoen gaur goizean, baina askok faltan bota dute lehengo barazki eta fruta azoka, baita animali gehiago ikusteko aukera ere, esne behietara mugatu baita gaurko erakustaldia: behiak ikusteko eta behiak aukeratzeko. Abere lehiaketa baino dezente animatuagoa izan da plazaren beste aldeko egitaraua. Trikitilariak aurrena, bertsolariak ondoren —bi saioetan—, eta herri kirolak tartean. Giro bikaina egon da beti heziaren inguruan. Herri kirol probetan ez da emoziorik falta, eta, sona handiko kirolariren parte hartzerik gabe, programa bariatua aukeratu dute antolatzaileek: aizkora lana —lurrean [...]

Ikus bi alardeetako argazkiak oarsobidasokojaiak.hitza.info webgunean

Gaurko 09:30ean abiatu dira Pasaiako Portutik Ameriketatik eta Arditurri ontziak Gernikara bidean. Irlandar eta euskaldunak doaz arraunean aipatu bi ontzietan, datorren asteartean Gernikatik abiatuko den Arraunean konponbidean egitasmoan parte hartzeko prest. Eguraldiak baimentzen badie Bermeoraino joango dira gaur arraunean, eta bestela Mutrikun egingo dute eskala. Bihar, berriz, Bermeon egingo dute egun pasa, eta astelehenean 09:00etan irtengo dira Bermeotik, Oka ibaiaren barra Mundaka aldean pasatu eta ibaian gora egin asmoz. Gernikara astelehenean 16:00etan iristea aurreikusi dute. Tripulazioa ofizialki asteartean abiatuko da, Gernikatik, eta ostegunean iritsiko da Donostiara. Irlandar eta pasaitarrekin batera, Amets Arzallus eta Andoni Egaña bertsolariak ariko dira arraunean. Aieteko Bakearen Etxean emango diote ekimenari bukaera. Hona egitaraua: Uztailak 3, asteartea: Gernika 11:45: Eskifaiak erramuak sorbaldan jarrita Malostetik Udaletxeraino Kalejira. 12:00: -Alkatearen harrera. 12:30: -Foruen Plazan, Bakearen aldeko bertso saioa, Andoni Egaña eta Amets Arzallus bertsolarien eskutik. 17:00: Itsasgora aprobetxatuz, txalupak Gernikatik Mundakarantz abiatuko dira. Amets eta Andoni (Egaña) ontziratuko dira baita ere. 19:30 : Mundakara iritsi eta gaua pasa. Uztailak 4, asteazkena: Mundaka-Getaria. Itsas zeharkaldia Getariaraino. Bertan gaua pasa. Uztailak 5, osteguna: Getaria-Donostia 17:30: Ontziak Aquarium-aren parean amarratuko dira eta tripulazioa lehorreratuko da. 17:40: Eskifaiei harrera egingo zaio. 17:45 – Tripulazioak kalejiran, Bixi-Bixi elkarteko joaldunekin, Aietealdera abiatuko dira. 19:00 [...]

Gazte Eguna ari dira ospatzen gaur Oreretan. Goizean, koadrilen arteko jolasak egin dituzte, eta eguerdian, ekitaldia. Bazkaria plazan bertan egin dute, eta 17:00etatik aurrera “jolas poteo musikalean” arituko dira. 23:00etan, berriz, kontz...

Udako sasoia hasi da, eta hori ospatzeko paella erraldoia prestatu dute gaur Lezoko Altamira auzoan. Altzate Bizilagun elkartearen egoitzeko terrazan ildura daude oraintxe Altamirako bizilagunak.

San Fermin Egunean ospatuko dute Ardi Gorri gune okupatuan Kampsaren 20. urteurren festa. Skate txapelketa batekin hasiko dituzte ospakizunak, 12:00eatik aurrera, benetako lehia 16:00etan hasiko den arren. Gauerako, berriz kontzertua antolatu dute. 21:...

Aurten ere Enjoy English programa jarri dute martxan Haurtzaro Ikastolan, uztailaren 24ra arte, ikasleek udan ere ingelesa praktika dezaten (irudian, aurten izena ematen dutenak). Programa horren abantaila nagusia nabarmendu dute ikastolako arduradunek...

Errenteria-Oreretako Iztieta auzoko Ondartxo inguruan, Oiartzun ibaian, hainbat arrain hilda agertu direla jakinarazi diote OARSO BIDASOKO HITZA-ri hainbat herritarrek. Irudian ikus daitekeen bezala, korrokoiak dira hilda agertu diren arrainak.

Pasaia Musikalen zabalik da izena emateko epea. Aste honetan egin dituzte matrikulazioak barruti guztietan eta gaur antxotarrek dute txanda. Ikasle ohiek 09:30etik 12:30era eman dezakete izena, eta ikasle berriek 18:30etik 20:00etara, Azokan. Edonola e...

Pala txapelketako finalak jokatuko dituzte bihar, eta etzi Lore Txortaren krosa egingo dute Sanferminen aurreko asteburua kirolez beteta dator. Batetik, bihar, Axular kafetegiaren pala txapelketako finalak eta bazkaria egingo dituzte. Bestetik, etzi, Lore Txortaren herri krosa izango da. Bihar, 11:00etan jokatuko dute pala txapelketako final txikia Xabier-Virgilio eta Goya-Juan Carlos bikoteek. Hirugarren nor gelditu den jakin bezain pronto, final handia hasiko da: Alberto-Imanol eta Vicente-Oiarbide bikoteek jokatuko dute txapela erabakiko duen lehia. Ohorezko postuak zeintzuk izango diren jakinda, bazkarian bilduko dira pala txapelketan parte hartu dutenak, eta herritarrak. Otordua 14:30ean hasiko da, Axular plazan. Haurrentzako puzgarriak izango dira. Herri krosa, etzi Etzi, berriz, korrikalarien txanda izango da. Lore Txorta elkarteak XXII. San Fermin Kros Herrikoia antolatu du iganderako. Hainbat kategoriatan aterako dira korrikalariak. Benjamin Mailakoen irteera 10:00etan izango da (500 metroko bidea egin behar dute); Haur Mailakoena 10:15ean (1.000 metro); kadeteena 10:30ean (2.000 metro) eta helduena 10:45ean (8.000 metro). Helduek Antxo eta Molinao artean prestatu duten zirkuituari hiru itzuli emango dizkiete. Probak bukatuta, sarien banaketaren txanda izango da. Lasterkari onenei garaikurrak 12:00etatik aurrera emango dizkiete, Gure Zumardian. Antxoko San Fermin Jaiak datorren asteazkenean hasiko dira, hilaren 4an. 19:00etan jaien aurkezpen ekitaldia egingo dute, eta 20:00etan, txupinazoarekin batera, hilaren 8ra arte [...]

Irungo Udalak bultzatutako parte hartze prozesuen harira, Cristina Laborda Mugikortasun zinegotzia eta Pedro Alegre Hiritarren Informazio eta Parte hartzerako zinegotzia Belaskoeneako bizilagunekin bildu dira aste honetan. Tokiko gobernuko zenbait teknikarik eta azpikontratatutako enpresa dinamizatzaile batek ere parte hartu zuten hitzorduan. Ehun bat auzokide hurbildu ziren Belaskoenea ikastetxearen eraikineraino eta lehenik eta behin, prozesu hauetan jarraituko den prozedura azaldu zieten udaleko ordezkariek. Dinamizazioa bultzatzeaz arduratutako enpresak talde txikitan banatu zituen parte hartzaileak eta teknika ezberdinak erabili zituen auzokideen iritziak eta proposamenak biltzeko. Hala, lau gai nagusien inguruan lan egiten zuten parte hartzaileek: hirigintza, garapen ekonomikoa, mugikortasuna eta zerbitzuak. Horiek horrela, bildutako ideiak aztertu behar dituztela adierazi zuen bilkuraren ondoren Pedro Alegre zinegotziak. Hurrengo hitzordua Artigako bizilagun elkartean izango dela oroitarazi dute tokiko gobernutik, hilaren 6an, arratsaldeko 19:30etik aurrera. Kritikatutako prozesua EAJren eta Bilduren udal taldeek prozesu hauen kontra jo dute aste honetan, agerraldi ezberdinetan. Batetik, EAJko Xabier Iridoyk azpikontratatutako enpresak 21.000 euroko kostua duela salatu du. Bilduren udal taldeak bestalde, “prozesu parte hartzaileak informazio prozesuak” direla kritikatu du.

Ertzaintzak argitara eman duenez, atzo iluntzean piztutako sutea adintxikiko bost gaztek eragin zuten, petardoekin jolasten ari zirenean. Ezbeharra 19:45 aldera gertatu zen. Beira eta papera birziklatzeko edukiontziek su hartu zuten lehenbizi eta ondoan aparkatuta zegoen auto bat ere erabat kiskalita gelditu zen. Suhiltzaileak sutea gertatu zen lekura hurbildu behar izan zuten hori itzaltzeko. Txingudiko Zerbitzuak-ek gaur goizean aldatu ditu kiskalitako edukiontziak. Beiraren edukiontzia beste hiruen atzean kokatuta dago, farolaren ondoan hain justu. Farolan eta ondoko etxebizitzaren horman ikus daitezke soilik sutearen arrastoak.

Irungo Udaleko Gizarte Ongizate arloak, La Caixa fundazioarekin eta Izarbide elkartearekin elkarlanean adineko pertsonei zuzendutako tailerrak antolatu dituzte. Jendea 3.0 programaren baitan kokatzen dira tailerrak eta bertan parte hartu nahi duten lagunek, izena eman dezakete dagoeneko. Tailerrak Luis Marianoko zentroan eta Leka Eneako zainpeko etxebizitzetan garatuko dira. Osasunarekin lotutako tailerrak izango dira Luis Marianon garatuko direnak. Irribarre batekin esnatzea tailerra atsedenarekin lotuta egongo da. Hau da, lo egiterako garaian arazoak dituzten pertsonei zuzenduta dago, eta atseden hartzen ikasteko zenbait estrategia landuko dira bertan. Tailerra abenduaren 3, 4 eta 5ean izango da, 17:00ak eta 19:00ak bitartean. Luis Marianoko zentroak hartuko duen beste ikastaroa Zahartze aktiboaren garrantzia izango da. Bertan, gorputza eta garuna nola funtzionatzen duten aztertzeaz gain, nola zahartzen diren ere ikertuko dute parte hartzaileek. Zahartzearen ondorioak -gaixotasunak barne- ikustea eta bizimodu aktiboaren garrantziaz jabetzea dira xede nagusiak. Abenduaren 10, 11, 12 eta 13an garatuko da tailerra, 17:00etatik 19:00ak bitartean. Leka Eneako etxebizitzak Irakurle handiak tailerra antolatu du Gizarte Ongizate arloak Leka Eneako babespeko etxebizitzetan. Adineko pertsonen topagune izatea, eta komunikazioa eta gizarte harremanak lantzea dira tailer horren helburu nagusiak. Tailerra astelehenetan egingo da: azaroaren 5, 12, 19 eta 26an eta abenduaren 3 eta 10ean, goizeko 10:00etatik 12:00etara bitartean. Horiek horrela, [...]

Hamar talde lehiatzen ari dira Lakaxita gaztetxeak antolatutako III. Futbol Txapelketa Kulturanitzean. Denera, 70 bat lagun parte hartzen ari dira. Hala, adin txikiko zentro bateko eta adin nagusiko talde marokiar bana, kolonbiar talde bat, Italiar jatorriko gizon bat eta bertako hainbat eta hainbat gazte lehiatzen ari dira Pinudiko txapelketan. Halaber, goizean izandako ezbehar baten berri eman dute gaztetxeko kideak. Izan ere, argazkiak ateratzen ari zen lagun batek pilotakada jaso du aurpegian eta hortz bat hautsi du. Hala ere, goiza ezbehar gehiagorik gabe igarotzen ari da eta partiden ondotik, gaztetxera joango dira parte hartzaileak bazkaltzera. Hasiera batean, norberak bere ekarpena egin behar zuen arren, gaztetxean bertan bazkaltzeko zerbait prestatzea aurreikusi dute gazteek.

Errenteria-Oreretan 1943 eta 1944. urteetan jaio zirenek, jai eguna izango dute hilaren 17a. 12:30ean meza izango dute Madalena ermitan, eta 14:00etan bazkaltzera bilduko dira Lintzirin hotelean. Ondoren, dantzaldia izango dute. Jaian parte hartzeko in...

Estreinakoz Donibanen kantu jira egingo dute gaur. Meipitik irtengo dira, 12:00etan, eta Donibane kalera abiatuko dira. Kaleko toki esanguratsuenetan geratuko dira, eta Santiago plazan bukatuko dute, azken abestiarekin.

Parrilla erabiltzea erraza dirudi. Sua ondo-ondo piztu, berotzen utzi, eta bertara jakia bota, egin dadin. Gatza bota, buelta eta buelta. Samurra dirudi, baina edozeinek ezin du edozein erara haragi on bat edo arrain on bat parrillan egin. Hortaz, sukaldaritza mota horretan onena nor den jakiteko Euskal Herriko Parrilla Txapelketa egingo dute Donostian, gaur hasi eta igandera arte. Bertan parte hartuko du Hondarribiko Kaialde erretegiko sukaldari Oscar Gonzalezek. Ja(ki)tea elkarteak antolatu du lehia, eta Trinitate plazan izango dira saioak, 20:00etatik aurrera. Gonzalezek badaki lan zaila izango duela, beste hogei sukaldarirekin lehiatuko delako, eta horrez gain, Euskal Herrian parrillaren tradizioa handia delako: «Oso zorrotz jokatu beharko dugu. Lan zaila dugu aurrean. Arraina eta haragia sukaldatu behar ditugu, legatza eta arkumea hurrenez hurren, hogei pertsonentzat, epaimahaiko kideak barne». Gonzalezek badu eskarmentua, ordea, parrilla lehiaketetan. Ona gainera. Izan ere, iazko Gastronomika kongresuaren barruko parrilla lehian onena izan zen hondarribiarra. Hura esperientzia «ona eta aberasgarria» izan zela jakinarazi du Kaialdeko sukaldariak. Errepikatuko al du?

Irun Iruten euskara elkartearen eta Irungo Udaleko Euskara ordezkari Fernando San Martinen arteko polemika sortu da azken asteetan. Tokiko gobernuaren eta elkartearen arteko hitzarmenen haustura izan da polemika horren ardatza. Irun Iruteneko presidente Joxetxo Arrietak (Irun, 1954) azaldu du elkartearen ikuspuntua, eta San Martinen adierazpenen ondorioz komunikabideetara jotzera “behartuak” sentitu direla adierazi du. Nola sortu da elkartearen eta udalaren arteko polemika? Guk lehen prentsaurrekoa egin genuen helburu bakar batekin: Irun Irutenek, nahiz eta lantalde profesionala desegin, era aktiboan segituko duela esateko. Egoera honetara iritsi gara, alde batetik, udalak ez duelako hitzarmena gurekin sinatuko. Eta bestetik, Irun Irutenek kudeatzen zituen egitasmoak, zerbitzu merkeena eskaintzen zuen enpresari esleituko zizkiotela esan zigutelako. Hori dela eta, guk ezin dugu berdin jarraitu, baina elkarte bezala bai jarraituko dugula. Handik gutxira, San Martin euskara zinegotziak adierazpen batzuk egin zituen. Batetik, eskerrak ematen zizkigun egindakoarengatik eta, bestetik, gure kontra jotzen zuen. Guk hori ez dugu ulertzen. Hitzarmena dela eta, beste elkarteak ere kontuan behar dituela esan zigun, eta egia da. Baina, bestetik, Irun Irutenek bere betebeharrak ez zituela bete ere esan zuen. Hala, erantzuteko beharra ikusi genuen. Onartzen dugu e-plaza programa ez genuela bete, baina ez zegoelako gure eskuetan. Beste guztia bete dugu. Beste gauza bat da, [...]

Bidasoak Barakaldoren kontra jokatuko du bihar arratsaldean. Partida 19:30ean hasiko da, Lasesarren. Irundarrek autobusa prestatuko dute. Bixera zenetik irtengo da, 17:00etan, partida bukatu ondoren itzultzeko. Izena emateko bulegotik pasatu behar da e...

Hondarribia-Irunek denboraldiko lehenengo garaipena lortu nahi du bihar Salamancan, 13:00etatik aurrera. Talde berdeak ez du erronka erraza izango, Perfumerias Avenida talde indartsuaren kontra jokatuko baitu. Iazko ligako txapeldunorde izan ziren Leon...